Unicode Version
ငေးကြည့်နေတုန်းမှာပဲ ခပ်လှုပ်လှုပ်ဖြစ်လာတဲ့ မျက်ခွံမို့မို့လေး....
တဖြည်းဖြည်းပွင့်လာတဲ့ မျက်ဝန်းလေးတွေက တိုက်ရိုက်ကျရောက်နေတဲ့ နေရောင်ကြောင့် မျက်လုံးလေးကို ပုတ်ခတ်ပုတ်ခတ်လုပ်ပြီးမှ ပြည့်ပြည့်ဝဝပွင့်လာနိုင်လေရဲ့...မျက်မှောင်ကိုတော့ အနည်းငယ်ကြုံ့ထားဆဲ။
KIRAလည်း မြူရှင်းအနားကို လျှောက်လာပြီး ခေါင်းလုံးလုံးလေးကို လက်တစ်ဖက်နဲ့ဖွလိုက်ကာ
"မုန်ညင်းထုပ်လေးလို့မခေါ်ပဲ မြောင်မြူရှင်းလို့ ခေါ်ရတော့မယ်ထင်တယ်နော်"
"ဘာကြီး!!
မြောင်?ကြောင်လား"
"အင်း...ကြောင်လေးတွေလည်း နေပူဆာလှုံရတာကိုကြိုက်တယ်လေ"
"ဖြစ်နိုင်ပါတယ်။ဒါပေမယ့် သေချာတာတစ်ခုကတော့ ငါသာကြောင်ဆိုရင် ကြောင်မျိုးစိတ်ထဲမှာ အချောဆုံးပဲ"
KIRA - ............. (ဆွံ့အ)
ရုတ်တရက်ကြီးပြန်မပြောနိုင်ပဲ တိတ်ဆိတ်သွားတဲ့ Kiraကိုကြည့်ပြီး မြူရှင်းလက်ညှိုးထိုးကာဖြင့် မျက်လုံးလေးတွေမှိတ်ကျတဲ့အထိ ရယ်မောပါတော့၏။
KIRAကိုနောက်ပြောင်လိုက်နိုင်တာကြောင့် တခစ်ခစ်ရယ်မောမိနေတုန်း မျက်ခွံလေးတွေပေါ်ကို လာဖိတဲ့ လက်ချောင်းတွေရဲ့အထိအတွေ့ကြောင့် မြူရှင်းမျက်လုံးဖွင့်ကြည့်မိသည်။
ဖွင့်ဖွင့်ချင်းမြင်လိုက်ရတာက Kiraရဲ့ပြုံးနေတဲ့ နှုတ်ခမ်းတစ်စုံ။ရှည်လျားတဲ့လက်ချောင်းသွယ်သွယ်က မိမိရဲ့ မျက်လုံးကိုလာထိခဲ့ပုံရသည်။သူ့ရဲ့အကြည့်တွေက မြူရှင်းဆီမှာပဲရှိနေပြီး အကြည့်လွှဲဖို့ရာ စိတ်ကူးမရှိပုံရသည်။
*KIRAက ဘာလို့အဲ့လိုမျိုးငေးကြည့်နေရတာလဲ
"သဘောကျတယ်"
"ဟမ်!"
"ရယ်လိုက်ရင် မျက်လုံးလေးတွေမှိတ်သွားတာကိုသဘောကျတယ်။ဒါပေမယ့် ပိတ်သွားတဲ့ အညိုရောင်မျက်လုံးလေးကို ပိုပြီးသဘောကျတယ်ထင်တယ်။"
ဒီတစ်ကြိမ်ဆွံ့အသွားရတာက မြူရှင်း...
မျက်လုံးတွေပါ ဝိုင်းစက်ပြီး နှုတ်ခမ်းလေးတွေပါ ပွင့်ဟလာရတဲ့အထိကို အံ့အားသင့်သွားပုံလေးကိုလည်း သဘောကျရာတစ်ခုအဖြစ် Kiraသတ်မှတ်တော့မယ်ထင်ရဲ့။
YOU ARE READING
CLOVER
Non-FictionLove between 3 boys (Not 3 some)...... အချစ်လို့မသိသေးတဲ့အချိန်တစ်ခုက အချစ်ရယ်.... အချစ်ဆိုတာသိနားလည်တဲ့အရွယ်မှာ ပေါ်လာခဲ့တဲ့ အချစ်တစ်ခုရယ်... ချစ်ခြင်းနှစ်ခုကို ဖြစ်ပေါ်စေခဲ့တဲ့ ကိုယ်ရယ်... ဘာကိုရွေးချယ်ပြီး ဘာကိုစွန့်လွှတ်ဖို့သင့်မလဲဆိုတဲ့ မရေရာသေ...
