Unicode version
"ဝေယံ...မြူရှင်းကိုတွေ့မိသေးလား"
"အမ် မြူရှင်းလား။မင်းနဲ့အတူ မုန့်ဝယ်ထွက်သွားတာမဟုတ်ဘူးလား"
"မဟုတ်ဘူး။သူဒီနေ့ ငါ့ကိုပဲမှာလိုက်တာ။ကျစ် ဘယ်သွားနေတယ်မသိဘူးကွာ။ထားလိုက်တော့ ငါအခြားသူကိုမေးကြည့်ဦးမယ်"
"အေး အေး"
၃၀မိနစ်ခန့်ရှိသော မုန့်စားကျောင်းဆင်းချိန်သာ ကုန်ရော့မည်။မြူရှင်းကိုမူ ရှာမတွေ့သေး။
"အတန်းခေါင်းဆောင်!"
Demoရဲ့အလောတကြီးခေါ်သံကြောင့် ကိုယ့်စားပွဲမှာကိုယ် စာလုပ်နေတဲ့ နေမျိုးလည်း ခေါင်းမော့ကြည့်ပြီး
"လန့်တာ!!။ဘာလဲ Demoရ"
"ဟိုကွာ...မြူရှင်းကိုမတွေ့လို့လေ...တစ်နေရာရာသွားမယ်ဆိုပြီး မင်းကိုများပြောသွားသေးလား"
"အခုကဘယ်အချိန်မို့လဲ...၁၀နာရီ ၂၄ဆိုတော့ ဟေ့ရောင် !!မုန့်စားကျောင်းတောင် မတက်သေးဘူးလေ။မုန့်စားကျောင်းဆင်းချိန်မှာ အပြင်ထွက်တာကို ဘယ်သူက ငါ့လာပြောနေမလဲကွ။မင်းကလည်း"
"အာ ဟုတ်သား ငါမေ့သွားတယ်"
"အရင်ကဆို မြူရှင်းက မင်းနဲ့တပူးပူးပါဟ။ရန်ဖြစ်ထားကြတာလား"
"မဖြစ်ပါဘူး မုန့်စားကျောင်းဆင်းခါစကတောင် ငါ့ကိုပဲမုန့်မှာပြီး သူအတန်းထဲမှာ ချန်နေခဲ့တာ။ပြန်လာတော့မတွေ့တော့ဘူး။ငါအခြားအခန်းတွေလည်း လိုက်ရှာပါသေးတယ် လုံးဝမတွေ့ဘူး"
"မင်းတို့ဘေးခုံက ဟန်သာတို့ မေးကြည့်ပြီးပြီလား"
"အေးဟ သူတို့ကိုလည်းမတွေ့ဘူး"
"သူတို့နဲ့များ အတူရှိနေမလားပဲ။ဒီချိန်ဆိုရင်တော့ အဲ့ကောင်တွေ သန့်စင်ခန်းထဲမှာပဲ ရှိလောက်တယ်။သိတဲ့အတိုင်း..."
သိတဲ့အတိုင်း ဆေးလိပ်ခိုးသောက်နေကြတယ်ဆိုတာကိုတော့ ဆက်မပြောလိုက်တော့။မိမိကအတန်းခေါင်းဆောင်ပင်ဖြစ်လင့်ကစား အတန်းသားတွေကို နေရာတိုင်းတော့ လိုက်ချုပ်ချယ်မနေတတ်။ပြောလည်းနားမထောင်ကြမယ့်အတူတူ ကိုယ်ကလူမုန်းများတာပဲ အဖတ်တင်လိမ့်မယ် မဟုတ်လား။
KAMU SEDANG MEMBACA
CLOVER
NonfiksiLove between 3 boys (Not 3 some)...... အချစ်လို့မသိသေးတဲ့အချိန်တစ်ခုက အချစ်ရယ်.... အချစ်ဆိုတာသိနားလည်တဲ့အရွယ်မှာ ပေါ်လာခဲ့တဲ့ အချစ်တစ်ခုရယ်... ချစ်ခြင်းနှစ်ခုကို ဖြစ်ပေါ်စေခဲ့တဲ့ ကိုယ်ရယ်... ဘာကိုရွေးချယ်ပြီး ဘာကိုစွန့်လွှတ်ဖို့သင့်မလဲဆိုတဲ့ မရေရာသေ...
