Unicode version
"Demoရေ!!
Demo Demo Demo!!"
တဒုန်းဒုန်းအသံပေးရင်း မိမိအခန်းထဲကိုရောက်ဖို့အတွက် လှေကားထစ်တွေကို ပြေးတက်လာပုံရတဲ့ မြူရှင်းကိုကို။
ရေချိုးပြီးကာစ စိုနေတဲ့ဆံပင်ပုစိလေးတွေကို တဘက်နဲ့ဖိသုတ်ရင်း တံခါးဖွင့်ပေးလိုက်တော့ အမောတကောနဲ့ပဲ အခန်းထဲဝင်လာတဲ့ မြူရှင်းကိုကိုကြောင့် Demoမျက်မှောင်ကြုံ့မိလိုက်သည်။
"လှေကားတွေက ချော်တတ်တယ် ပြေးမတက်ရဘူးလို့ပြောတာကို နားမထောင်ပြန်ဘူးလား။အရင်တစ်ခါမှာတုန်းက ပွန်းပဲ့ကုန်လို့ အော်အော်ငိုတာကလည်း မင်းပဲ။မြူရှင်းကိုကို မင်းဟာလေ ဘယ်တော့မှအမှတ်ရှိမှာလဲ။"
ထိုအခါ မွေ့ယာပေါ်ခြေချထိုင်နေတဲ့ မြူရှင်းလည်း လက်နှစ်ဖက်ကိုပိုက်ကာ သူ့ရဲ့နှုတ်ခမ်းပိစိလေးကို ဆူထော်လိုက်ပြီး
"ဟွန့်...ငါ့ကိုဆို ဆူဖို့ပဲချောင်းနေတယ်"
"ဒါဆူတာမဟု-တ်...."
"တော် တော်...အဲ့ဒီဆူတာမဟုတ်ဘူးဆိုတဲ့နောက်ကနေ စာအရှည်ကြီးပါလာဦးမှာ။မင်းပေါက်ပေါက်ဖောက်နေတာနဲ့ ငါဘာလာလုပ်တာလဲဆိုတာမေ့သွားပြီ။ဟူတ်သား....ငါဘာလာလုပ်တာပါလိမ့်??"
Demo-".............😩............."
လက်ပိုက်နေလျက်သားနဲ့မှ ခေါင်းလေးကိုစောင်းကာ အကြည့်တွေကို ကြမ်းပြင်ပေါ်မှာလွှဲထားပြီး သူဘာလာလုပ်တာလဲဆိုတဲ့ အဖြေအား စာမေးပွဲမေးခွန်းထဲက အမှတ်အများဆုံးရမယ့်မေးခွန်းကို ရင်းနှီးနေပေမယ့် တွက်နည်းမေ့နေတဲ့ ကျောင်းသားတစ်ယောက်လို face expressionမျိုးနဲ့ စဥ်းစားခန်းထုတ်နေလေရဲ့။
ခေါက်ဆွဲတစ်ထုပ်ပြုတ်ပြီးခန့်အကြာ....
(3 mins later)
"အာ အာ အာ...သတိရသွားပြီ"
"အင်း"
"မင်းရဲ့မေမေ စောနက ငါတို့အတွက် ကျောက်ကျောလာပို့ပေးတယ်လေ။အဲ့တာ တီတီကိုယ်တိုင်လုပ်တာတဲ့ဟုတ်လား။စားလို့သိပ်ကောင်းတာပဲ"
"ပြောချင်တာက အဲ့တာလား။ထပ်စားချင်ရင် ရေခဲသေတ္တာထဲမှာကျန်သေးတယ်။ပြန်ရင်ထည့်ပေးလိုက်မယ်"
YOU ARE READING
CLOVER
Non-FictionLove between 3 boys (Not 3 some)...... အချစ်လို့မသိသေးတဲ့အချိန်တစ်ခုက အချစ်ရယ်.... အချစ်ဆိုတာသိနားလည်တဲ့အရွယ်မှာ ပေါ်လာခဲ့တဲ့ အချစ်တစ်ခုရယ်... ချစ်ခြင်းနှစ်ခုကို ဖြစ်ပေါ်စေခဲ့တဲ့ ကိုယ်ရယ်... ဘာကိုရွေးချယ်ပြီး ဘာကိုစွန့်လွှတ်ဖို့သင့်မလဲဆိုတဲ့ မရေရာသေ...
