جحر الظلام

& الفصل الخامس&

وبعد ٥ ساعات  خرج الدكتور من غرفت العمليات وجري عليه سيف بسرعة : طمني يادكتور
الدكتور: والله مخبيش عليك الحالة صعبه جدا وأحنا عملنا الازم واتنقلت دلوقتي للعناية المركز وإنشاء الله لو عدت ٢٤ساعة الجايين دول علي خير تبقي تجاوزت مرحلة الخطر بس هي أكيد هتحتاج عملية تجميل لأن وشها أتشوه من الحروق وفي بعض أجزاء من جسمه متضرره ذي مثلا الرجلين متشوهين جدا والظهر برضه
سيف  مصدوم من اللي بيسمعه بس الدكتور طمنه وقال إنشاء الله هتكون كويسة أنا واثق من كده
،،،،،،،،،
وبعد شويه دخل والد ووالدة جهاد منهارين جدا وفضل سيف يواسي فيهم بس مش قلهم علي حوار العملية
والدة جهاد وهي منهارة من العياط : أنا عايزة أشوف بنتي
سيف : مش هينفع الزيارة ممنوعه
والدة جهاد : والله هبص عليها بس اطمن عليها
سيف : حاضر هروح أسأل الدكتور لو ينفع
وراح سيف للدكتور المسؤل عن حاله جهاد في مكتبه
الدكتور : أتفضل اقعد 
سيف بعد ما قعد : شكر
الدكتور : حضرتك محتاج حاجه
سيف : أيوه لو ممكن مامت جهاد تدخلها تشوفها دقايق بس
الدكتور : مش هينفع والله يا سيف باشا ما أنا لسه قايل لحضرتك وشها متشوه وجسمها والمنظر مرعب مش هينفع حد يدخل عليها خالص
سيف : للدرجة دي
الدكتور : طبعا يا فندم ومش هينفع حد يشوفها غير لما تعمل العملية وترجع ذي الأول
سيف : تمام أنا متشكر لحضرتك
الدكتور : العفو
سيف راح بلغ والدة جهاد إن ممنوع الزيارة وبعدين نادي علي والد جهاد يفهمه الوضع
وبعد محكاله قعد والد جهاد في الطرقة وفضل يعيط
وسيف فضل يواسي فيه
سيف : أنا أسف علي اللي قلته لحضرتك بس قلت أنت يمكن تتفهم الوضع وتخلي مامت جهاد متحاولش تزورها الفترة الجايه دي
والد جهاد : مش عارف أقولها أي بس دي ممكن يجرلها حاجه
سيف : متقلقش إنشاء الله جهاد هتكون كويس بإذن الله
والد جهاد : يارب يا بني تكون بخير
وسنده سيف لحد كرسي وقعده عليه وراح يجبله عصير وادهوله
والد جهاد : ليه كده يابني تعبت نفسك
سيف : ولا تعب ولا حاجه المهمة حضرتك تكون بخير
وراح يشوف يطمن علي زياد ولقي عمر جاي يجري عليه
عمر : اي اللي حصل جهاد وزياد أخبارهم اي طمني
سيف : جهاد حالتها صعبه جدا أما زياد فأنا رايح أتطمن عليه دلوقتي تعال معايا
وراحوا يطمنوا علي زياد
عمر : أخباره أي يا دكتور طمني
الدكتور : أنا كتبتله علي أدويه للحروق وأديته حقنه وإنشاء الله هيكون كويس
والحروق اللي في جسمه مش من الدرجه الخطير بس لازم يرتاح
عمر وسيف : متشكرين لحضرتك يا دكتور
الدكتور : العفو علي اي ده واجبي
وخرج
سيف : حمد الله علي السلامة يا زياد
زياد : الله يسلمك أخبار جهاد أي
سيف : كويسه الحمد لله بس ادعيلها
زياد : طب هي عامله اي دلوقتي طمني
سيف : نقلوها العناية والدكتور قال لو عدت ٢٤ ساعة الجايين دول علي خير هتبقي كويسه
في اللحظة دي أنهار زياد من العياط  وقال أنا السبب
في كل اللي حصل
سيف : أزاي وأزاي حصل الأنفجار ده أصلا
زياد : الغاز اللي في المستودع أنفجر بمجر ما ضربت النار علي مسعد لأنه كان بيحاول يهرب
سيف : يبقي أكيد هو اللي شغل الغاز علشان يقتل جهاد؟؟؟  .. الحيوان بس أنت أزاي مخدتش بالك من ريحة الغاز اللي في المكان