جحر الظلام

&الفصل العشرين&

وبيفطروا وجهاد بتخليه يغسل المواعين لوحده وبتكمل تمرين وبعد ما سيف بيخلص المواعين
سيف : أنا خلصت أي أوامر تانية أنا رايح أكمل نوم
جهاد : تنام ..تنام أزاي سعتك وأنت اللي عليك تجهز الغدا النهاردة
سيف : نهار أسوح أجهز غدا دا أزاي بقا إنشاء الله مش كفاية غسلت المواعين لوحدي
جهاد : ماهو علشان أنت اللي عليك الطبيخ النهاردة وأنا هطبخ بكره
سيف : وربنا حرام اللي بيحصل فيه دا أنا هقدم شكوة لجمعية حقوق الإنسان وجمعية حقوق الطفل بالمرة علشان اللي بيحصل ده ظلم علي فكرة
جهاد : ظلم ليه حضرتك أحنا مش أتفقنا أننا......
سيف مقاطعاً : إننا نعيش زملاء سكن وربنا حفظتها خلاص
جهاد : خلصت يا سيادة العقيد
سيف : أه خلصت
جهاد : أنت اللي عليك تحضر الغدا النهاردة مليش فيه
سيف : وليه لازمتها سيادة العقيد بقا طالما فيها غدا متقولي الشيف سيف أحسن
بصي هقولك علي حاجه أي رأيك نجيب دلفيري مش أحسن
جهاد : لاء مش أحسن لأن الأكل اللي بيجي من بره مش مضمون وأكل البيت أنضف مليون مره علي الأقل الواحد عارف هو معمول أزاي
سيف  : وجه نظر برضه ...أنتي صح بس أنا مبعرفش أطبخ ولا عمري عملت لنفسي ساندوتش حتي  ماما دايما هي اللي كانت بتطبخ هي أو مني .....بس هي اللي غلطانه برضه كانت المفروض تعلمني الطبيخ علشان لما أتجوز مفضحاش لأني فاشل في المطبخ صح
جهاد : بص النت دلوقتي مخلاش حاجه وكل الناس بتجيب من عليه وتتعلم وتتطبخ يلا شوف هتعملنا أي النهاردة علي الغدا
سيف : حاضر أمري لله بس أفتكري إني قلتلك بلاش يعني لو روحنا كلنا علي المستشفي بعد الأكله دي مترجعيش تلوميني ماشي
جهاد : ماشي بس روح شوف شغلك الله يكرمك أصلي مش فاضيه ليك
سيف : حاضر ....وبيكلم نفسه ...يلا منك لله أنتي وحسام بيه في ساعة واحدة علي اللي بتعموله فيه
جهاد : بتقول حاجه
سيف : لاء دا أنا رايح أحضر الغدا أهو
.....وبيفتح النت وبيدور فيه علي طريقة عمل الرز والفراخ المشوية
وبيشوف بتعملوا أزاي وبعملهم وبيولع علي الرز وبيحط الفراخ في الفرن تستوي وبيمسك تليفونة وبيروح يقعد في الأوضه وبعد ٣ ساعات بيفتكر أنه حط الأكل يستوي فبيطلع يجري وأول ما بيفتح الباب بيلاقي الدخانة ملت البيت وبيخبط في جهاد اللي بتكون بتستحمه وطلعت علي الريحة
وسيف بيروح يخرج الفراخ من الفرن بيلاقيها أتفحمت وبقت سودة خالص والرز شاط
وبيخرج الفراخ ويروح يوريها لجهاد
سيف : هي كده أستوت صح
جهاد : أه فعلاً أستوت إلا صحيح أنت كنت جايب طريقة عمايل اي أصلك أبهرتني وعايزة أتعلمها
سيف بفخر : أنا جايب طريقة عمل الفراخ المشوية
جهاد : متأكد إن دي طريقة عمل الفراخ المشوية ولا الفراخ المحمصة دي أتحرقت يا أستاذ ...قولي عملت اي تاني
سيف : رز
جهاد : وأكيد أتفحم ذي الفراخ دا أحنا لو أكلنا الأكل ده مش هيلحقونا علي العناية المركزة حتي
سيف : ما أنا قلت من الأول نجيب دلفري بس أنتي قلتي أكل البيت أحسن أعملك اي يعني
جهاد :لاء خلاص رجعت في كلامي أحنا نطلب دلفري أحسن دا حتي أحلي من أكل البيت
سيف بيكلم الدلفري وبيطلب أكل وبعد ما بيخلص المكالمة ...
جهاد : بص أنا هقولك علي حاجه حلوة بدال ما أنت تطبخ ونولع في البيت ...أنا اللي هطبخ وأنت تكنس الشقة ماشي
سيف : ماشي ودي موجود ليها طريقة علي النت
جهاد بتبقي هتخلع شعرها وبتتعصب وبتمشي
....وبيوصل الدلفري وبيتغدوا وبيعدي اليوم
والصبح.....
جهاد بتروح تصحي سيف لأنه بيكون طول في النوم
ومش راضي يصحي فبطلع مسدسها وبتضرب طلقة في السقف وبتزعق
جهاد وهي ماسكه المسدس : ألحق المجرم هيهرب بسرعة يا سيادة العقيد
سيف بينط من علي السرير بسرعة من الخضه وبيكون مش شايف من النوم وبيتكعبل في السجادة وبيقع
سيف وهو واقع علي الأرض وحاطت ايده علي ضهره :أه يا ظهري يانا ياما يا حوستي السودة ياني
فين المجرم اللي هيهرب ده يا جهاد هانم ...وبيقوم
وهو ماسك ضهره
جهاد بتحط إيدها علي شعرها من ورا : والله أنا قلت أصحيك علشان أنت مش عاوز تقوم وغير كده وراك كنيس الشقة النهاردة فأي
سيف : فأي تبوظي سقف الشقة اللي دافع في تشطيبها دم قلبي صح بس اعمل اي دلوقتي في السقف اللي باظ ده
جهاد بتبص فبتلاقي السقف شقق والرصاصة معلمه فيه..
سيف: عقاب للي حصل منك ده أنتي اللي عليكي شغل البيت كله وأنا عليا أجيب واحد يظبط السقف اللي باظ ده وتاني مره متلعبيش بالمسدس ده تاني ده مش مسدس خرز حضرتك مفهوم وإلا المرة الجاية هبلغ فيكي بنفسي ماشي
جهاد : تمام يافندم أنا آسفة والله مش هتتكرر تاني والمصحف ..بس أبوس أيدك متبلغ عني
سيف : حاضر بس مقابل كده أنتي اللي تعمل الشغل كله من هنا ورايح ماشي
جهاد : أنت مش لسه قايل أعمله النهاردة بس وبعد كده نساعد بعض
سيف : لاء أنا رجعت في كلامي ...أنتي اللي هتعملي شغل البيت كله لوحدك من هنا ورايح وإلا...
جهاد مقاطعة : وإلا اي خلاص أنا هعمل اللي تأمر بيه سعتك
سيف : يلا إنصارف يا سيادة المقدم علي شغلك
وبعد ما بتمشي جهاد بيقعد سيف علي السرير ومبيكونش قادر يمسك نفسه من الضحك علي جهاد وبيكون مبسوط إنها هتعمل الشغل كله بداله