جحر الظلام

&الفصل السابع عشر &

وفي البيت
أمل : والله البت دي هتوحشني أوي مش عارفة هستحمل ماشوفها في البيت أزاي بس
عصام : والله وأنا ....بس دي سنة الحياة وبكره نتعود وبعدين يا ستي نبقي نتصل عليها ونكلمها علي طول نطمن عليها
جهاد : طيب ما أنا معاكم أهو مش مكفياكم يعني ولا بتحبوا ست لين أكتر مني
أمل : يا حبيبتي ربنا يسعدك أنتي كمان ويرزقك بأبن الحلال
جهاد : لوسمحتي يا ماما الموضوع ده أتقفل من زمان ومظنش يجي يوم وأغير رأي
أمل : يا بنتي مش علشان مريتي بتجربة فاشلة يبقي كل التجارب هتبقي كده
جهاد : لاء يا ماما أنا مش عايزة أجوز تاني أنا أكتفيت وغلطة ومش هكررها تاني إلا لو مش عايزني في البيت ده موضوع تاني
عصام : مش عايزنك دا اي يابنتي أحنا عمرنا
ما نستغني عنك بس دي سنة الحياة يا حبيبتي أنتي كبرتي وداخله علي ٢٩ سنه وديما بترفضي اي عريس يتقدملك وأحنا مش هنعيشلك طول العمر ونفسنا نشوف عيالك قبل ما نقابل وجه كريم
جهاد : ربنا يديكم طولة العمر بس قراري مش هرجع فيه
أمل : منه لله سمير اللي سد نفسك عن الجواز يا حبيبتي ربنا يخلص منه
جهاد : خلاص يا ماما أرجوكي أقفلي علي الموضوع ده ....وبتطلع وتسيبهم
عصام : كان لازم يعني يا أمل تفتحي سيرة الموضوع ده معاها تاني
أمل : أعمل اي يعني نفسي أشيل عيالها وأفرح بيهم وهي ديما قافله علي نفسها وبترفض اي عريس يجي
عصام : ربنا يهديها ..صلي وأدعيلها ....وراح علشان ينام

......
عند جهاد
بتفتكر اللي حصل من ٤ سنين
فلاش باك######

أنا الدكتور سمير وكنت جاي طالب أيد الآنسة جهاد بنت حضرتك يا أستاذ عصام
عصام : أحنا يشرفنا يا ابني وأنا هلاقي أحسن منك عريس لبنتي بس نسأل العروسة الأول ونشوف رأيها

وبتعدي فترة وجهاد بتوافق علي الجواز من سمير وبيكون بيشتغل دكتور صيدلي وفاتح أربع صيدليات في أماكن مختلفة منهم أتنين بأسمه وأتنين شاريهم من دكتور زميلة بس بيكون بتاجر في المخدرات والحقن الممنوعة والبدرة بس جهاد متكونش عارفة حاجه عن الموضوع ده
بس بعد فترة من الجواز بيبتدي يرجع مسطول ومش طبيعي وبيضربها علي طول وهي بتعرف أنه أكيد بيتعاطي مخدرات وفي يوم بيكون رايح الشغل وبتروح تراقبة وبتبعت حد تبعها يسأل علي حقن وحجات ممنوعة بس سمير بيقله أنه يعدي عليه بالليل وهو يديه اللي عايزة
جهاد : ينهارك أسود ومنيل يا سمير يعني كمان بتاجر فيهم مش كفاية أنت بتتعاطي الله يخربيتك
ولما بيرجع البيت بتقوله
جهاد : أنا عايزة اطلق
سمير : نعم يا روح أمك مين ضحك عليكي وقالك إني بطلق ....وشدها من شعرها
جهاد وهي ماسكه شعرها اللي في أيده : وقسمن بالله لولا أنك جوزي أنا كنت علمتك الأدب
سمير أتعصب وفضل يضرب فيها بس هي راحت خبطاه علي رقبته من ورا فأغمي  عليه
جهاد وهي بتعدل هدومها : وربنا لا أعلمك الأدب وألا  مبقاش جهاد
وتاني يوم بتبعت المخبر بالليل علشان يشتري منه مخدرات
وبتكون بلغت عنه  وبيتمسك متلبس وبيتحكم عليه ب٢٥ سنه سجن وهي بتتطلق منه بأمر المحكمة بس بتدخل في حالة إكتئاب وبتكره الجواز تماماً وبترفض اي حد يتقدملها ايً كان 
باك ###
جهاد بتعيط وبتنام من كتر التعب

و تاني يوم عصام وأمل بيتصلوا علي لين يطمنوا عليها
عصام : أخبارك أي ياحبيبة بابا
لين : الحمد لله بخير أخباركم اي وحشتوني
ممدوح : وحشوكي أي دا أنتي لسه سايبهم إمبارح
هههههه
أمل : أخباركم اي يا ولاد
ممدوح ولين : الحمد لله
ممدوح : إلا صحيح يا ماما أمل أنتي كنتي بتقولي إن لين بتتكسف تاكل مش كده
أمل : أيوه يابني اوعي تكون مأكلتش
ممدوح : هي فعلا مأكلتش غير شوية الأكل اللي في التلاجه والمطبخ وتقريبا خلصت كل الأكل اللي كنتي بعتاه
أمل : ههههه لا بجد
ممدوح : اه والله بجد
لين : ما أنا يا ماما كنت جعانه وانتي عامله كل الأكل اللي بحبه أعمل اي يعني فأكلت بس محستش بنفسي غير لما لقيت الأستاذ ده واقف علي بابا المطبخ وعمال يتفرج عليا
أمل وعصام : ههههههههه لا حول الله يارب
....................'''' '''''''''' ''''''''...............................
في الجهاز
اللوا حسام بيستدعي سيف في مكتبه علشان يتكلم معاه بخصوص الشغل بس بيلاقي شكله متغير وباين عليه الحزن
اللوا حسام : مالك ياسيف شكلك متغير ليه كده حرام اللي بتعمله في نفسك ده
سيف  : غصب عني والله يا فندم حاسس أني تايه وتعبان وقرفان من كل حاجه
اللوا حسام : أنت تلميذي يا سيف وديما كنت فارق عن زمايلك وكنت ديما مبسوط وباين عليك الفرحة وماشي رافع راسك لفوق أول مره أشوفك بالشكل ده في اي مالك
سيف : رغم إن الموضوع شخصي بس هحكي لحضرتك يمكن أرتاح
....وبيحكيله كل حاجه حصلت بينه وبين منه
اللوا حسام : طالما أنت بتحبها رجعها تاني علشان ترتاح أنت عاجبك شكلك كده
سيف : معدش ينفع مني خلاص ماضي وأنتهي هي  كسرتني اوي
و...........