اللوا حسام : الكلام أنتهي يا سيادة العقيد فرحك بعد شهر من دلوقتي وحجزت القاعة وكل حاجه جاهزة يلا أتفضل أنت واخد إجازة أنت وجهاد ٣ شهور وكان سيف لسه هيتكلم فقاطعة اللوا حسام :الكلام إنتهي إنصارف يا سيادة العقيد..
وبعد فترة ما بين العناد والإقناع بيوافق سيف وجهاد علي الجواز مضطرين وبيتم عمل فرح كبير ليهم والجهاز كله بيحضر والكل بيبارك لهم
بس سيف وجهاد بيكونوا قعدين مبوزين كأنهم في عذاء وحتي المصور بيفضل يطلب منهم يضحكوا علشان يصورهم وهم بيضحكوا بالغصب علشان الصورة
وبيودعوهم وبتروح علي شقة سيف اللي بيكون غير كل حاجه فيها وخلاها تحفة
سيف : أتفضلي يا عروسة
جهاد : حاضر يافندم
سيف بيدخل ويقفل الباب وراه : فندم اي بس الله يسامح يا حسام بيه علي اللي عملتوا فيه بلاش أقول حاجه تانيه
جهاد : أمال أقول أي حضرتك
سيف : أنا دلوقتي جوزك يعني قوليلي ياسيف بس
جهاد : أنا متعودتش علي كده حضرتك وبعدين أنا جعانه وعايزة أنام بعد أذنك وقامت تجيب الأكل
سيف : اه والله وأنا كمان جعان أنا أتعديت ولا اي يا سيادة المقدم قصدي يا جهاد ممكن تعملي حسابي معاكي في الأكل لو سمحتي
جهاد وهي في بقها الأكل : حاضر
وبيقعدوا يأكلوا
ولما بيخلصوا أكل
جهاد : يلا علشان نغسل المواعين.
سيف : نعم ياما نغسل أي
جهاد : نغسل المواعين هو سعتك مش كلت معاي يعني أنا مأكلتش لوحدي يبقي اي المفروض نغسل المواعين مع بعض أوعي تفكر علشان أتجوزنا مش هعرف هعرف آخد حقي لاء الجواز حاجه والإلتزام بالقوانين حاجه تاني سعتك
سيف : خلاص خلاص وعلي اي كل الدوشة دي أنا هقوم أغسل معاكي المواعين .....
سيف ماشي بيكلم نفسه: منك لله ياحسام بيه ربنا ينتقم منك بقا أنا أنا العقيد سيف حسان علي آخر الزمن أغسل مواعين أهو ده اللي ناقص ..صبرني يارب
جهاد : ما كفايه ولوله وتعال أغسل معاي المواعين
سيف : بزمتك ياشيخة عمرك شفتي عريس في يوم فرحه يغسل المواعين
جهاد : لاء بصراحة
سيف : أهو شفتي أنتي قلتيها بنفسك
جهاد : مش ده لو حضرتك معتبر نفسك عريس أصلا
ما أنت عارف أحنا أتجوزنا أزاي ...أنت مش موافق علي الجوازة ولا أنا يبقي أيه نعيش كأننا زملاء في السكن ونكون متفاهمين لحد الفترة دي ما تعدي ونقلهم إننا مرتحناش مع بعض وبعدين نطلق وكل واحد يرجع لحياته عادي خالص
سيف : تصدقي فكره برافو عليكي ياسيادة المقدم أنا فعلا أقتنعت بالفكرة
جهاد : تمام يلا بقا أنا هغسل وأنت تشطف وراي
وفضلوا يغسلوا المواعين وخلصوا وراحوا علشان يناموا
جهاد بتجيب مخدات وبتحطهم في النص
سيف : دول ليه بقا
جهاد : أحنا هنقسم السرير بالنص ولو سمحت متشلهمش علشان كده تبقي بتخالف القوانين اللي بينا
سيف : يا بنتي أنا حافظ الدستور كامل مفيهوش الكلام ده خالص ده حكم قرقوش ده ولا اي
جهاد : لاء دي قوانين حطيتها علشان نعرف نتعامل مع بعض تمام ولو سمحت كفاية مناقشة لإني مصدعة من المزيكا بتاعت الفرح وحاسة إن دماغي هتنفجر وعايزة أنام تصبح علي خير يا سيادة العقيد
سيف : وأنت من أهله يا سيادة المقدم وبيفضل يضحك مع نفسه بس بيحاول يكتم الضحكة علشان ما تسمعش وبيناموا
وتاني يوم بيجي أهلهم يباركلهم
نوال : ألف مبروك يا حبيبي وبتحضنه وبتبارك لجهاد وبتحضنها
وأمل وعصام بيباركلهم
أمل : أخبار الأكل أي ياسيف يارب يكون عجبك
سيف : تسلم إيدك ياحماتي الأكل تحفه وخصوصا البنيه بس المشكلة في غسيل المواعين
أمل : غسيل مواعين اي ده
جهاد بتروح خبطاه: هههه لاء غسيل مواعين اي بس ياماما قصده يعني أني فضلت أغسل في المواعين كتير إنتي عارفاني مبحبش أسيب مواعين وسخه أبدا
أمل : أه عارفاكي طبعاً ههههه
وبعد ما بيمشوا بيجي اللوا حسام يبارك لهم وسيف بيكون نفسه يخنقه بسبب الجوازة اللي دبسه فيها...
اللوا حسام : ألف مبروك ياولاد
سيف وجهاد : الله يبارك فيك
اللوا حسام : أخباركم اي
سيف : الحمد لله بس أنا بقول يافندم ممكن أنزل الشغل بكره أصلا ملهاش لازمة إجازة يعني وأحنا مقضينها غسيل مواعين أبوس إيدك وبيقوم سيف علشان يبوس إيده فعلاً : أبوس إيدك بلاش غسيل مواعين وخليني أنزل الشغل
اللوا حسام : غسيل مواعين اي ده وبعدين مش هرجع في كلامي الإجازة ذي ما هي يلا تصبحوا علي خير بقا سلامو عليكوا وبيمشي ويسيب سيف هيولع
في نفسه
والصبح بيقوم سيف يلاقي جهاد بتتمرن في الصالة
وبيكلمها وهو بيتاوب : صباح الخير يا سيادة المقدم
جهاد : صباح النور يافندم
سيف : أمال فين الفطار أنا جعان أوي
جهاد بتوقف تمرين : فطار أي
سيف : هو أنتي ما حضرتيش فطار
جهاد : وأحضره بمناسبة اي إنشاء الله كنت الخدامة ولا كنت الخدامة يعني
سيف : لاء مش الخدامة ياستي بس أنتي المفروض مراتي ...أقلك بلاش مراتي..المفروض أنتي الست هنا يعني تحضري الفطار
جهاد : لاء أحنا أتفقنا نعيش كأننا زملاء سكن يعني أنت تساعدني في كل حاجه وإلا مفيش أكل
سيف : وأنا أي كان خلاني أوافق علي الورطة السودة اللي ورط بيها نفسي دي ما كنت قاعد مع أمي وعايش ملك
جهاد : بتقول حاجه
سيف : لاء بقول سيبي التمرين دلوقتي وتعالي نحضر فطار ....أنا أقسم بالله هيبتي راحت علي آخر الزمن ...ده لو حد شافني كده هيبقي منظري هباب
............
أنت تقرأ
جحر الظلام
Mistério / Suspenseتقوم جهاد بالتخطيط للهروب من حفل زفافها فتقوم بربط عدة ملائات في بعضها البعض وتلقي بهم من نافذة غرفتها ثم تنزل عليهم ببطئ وتنظر حولها جيدا لتتأكد أنه لايوجد أحد يراها فكلهم منشغلون بالداخل فتتسلق سور الفيلا بمهارة شديدة وأثناء صعودها تحدث نفسها قائل...
