جحر الظلام

&الفصل العاشر&

وفي الصباح عند سالي بتصحي وبتلم هدومها وبتنزل علي السلم ومعتز بيكون مستنيها علشان يروحوا الشغل وأول ما بيشوفها نازلة بالشنطة
معتز : سالي أنتي رايحة فين بالشنطة دي
سالي : أنا همشي كده خلاص كفاية عليا لحد كده
معتز : يعني أي هتسيبيني طيب أنتي مش خايفة تتقتلي من أهلك لو عرفوا
سالي : ما أنا هلبس القناعة وهأجر شقة في بيت في الشرقية في الريف بعيد عن عيلتي خالص
معتز : طب وأنا مش فكرتي حتي فيا سالي أنا بحبك
سالي : لما أنت تفكر فيه أنا هفكر فيك وبعدين بتقولي بحبك دلوقتي وفين كلامك بتاع إمبارح ..السر ده لو طلع مش هعمل إعتبار أنك حبيبتي ولا أي كلام أهبل من ده وهيبقي فيها موتك
معتز : أنا بس خايف تقولي لحد او.....
سالي مقاطعة : خايف تحكيلي حتي بعد كل الوعود اللي إدتهالك دي وقلتلك إني بحبك وعمري ما أخونك
وبرضه مش أمنتلي وبتقولي فيها موتي ..طيب طالما كده ميتة وكده ميتة أنا أمشي بكرامتي أحسن يا أبن الناس ومش عايزة نعرف بعض تاني وفضلت تعيط ..وسحبت الشنطة ومشيت
ومعتز طلع يجري وراها وأخد منها الشنطة بسرعة
ومسكها من إيديها
معتز : سالي أنتي مش هتمشي من هنا مهما يحصل لأن ده هيكون بيتك علي طول وأنا والله بحبك وآسف علي كلام إمبارح طلع غصب عني من خوفي بس ....فأرجوكي ياسالي متسبنيش أنا بدأت أهجر الوحدة بسببك وعملتي للبيت صوت بعد ما كان فاضي وعامل ذي الخرابة وإنشاء الله نتجوز ونملي البيت عيال
سالي : بس أنا..
معتز مقاطع: ما بسش ياسالي أرجوكي أديني فرصة بس وأنا هحكيلك علي كل حاجه وبعدين طول ما أنتي معاي فأنتي في أمان إنما لو عشتي بره القصر ده الناس هتفضل تسألك عن القناع ده وممكن كمان حد يشوفك من غير فتبقي في عداد الموتي فأرجوكي ياسالي وافقي وأقعدي معاي علي طول ونكمل حياتنا مع بعض
سالي : بس بشرط
معتز : عارفة إني أحكيلك علي كل حاجه تخص حياتي
سالي : لاء مش ده قصدي
معتز : أمال قصدك علي اي
سالي: قصدي علي الست سارة دي
معتز : مالها
سالي : تشيلها من دماغك خالص ومتقابلهاش تاني ماشي
معتز : ماشي والله هنفذلك اللي أنتي عايزاها بس أطلعي ودي الشنطة دي مكانها وغيري هدومك وتعالي علشان نخرج نتفسح بره
سالي : طيب والشركة
معتز : ناخد النهاردة إجازة فيها حاجه دي
سالي : لاء مفيهاش هطلع أغير بس عندي طلب كمان
معتز : قولي ياستي
سالي : عايزاك تثق فيا أكتر منك كده ومتخفش عمري ما هقول لحد حاجه ايً كانت ...وبعدين حد يقدر يأذي نفسه دا أنا وأنت بقينا روح وحدة
معتز بيمسك إيديها وبيبوسها : حاضر يا حبيبتي هنفذ كل اللي تأمري بيه
سالي بتشد إيديها بسرعة : وبعدين يا معتز بيه أحنا مش أتكلمنا في الموضوع ده قبل كده
معتز : خلاص أنا آسف يا ستي بس خلصينا أحنا هنقضيها رغي شكلنا كده.... ومش هنروح حته ههه
سالي : خلاص طالعة أهو وبتطلع تغير وبتنزل ومعتز بيخدها يفسحها وبيرجعوا علي القصر تاني
.............................""""""""""".........................
عند سيف في جهاز المخابرات
سيف : أنت ياعسكري ....فيدخل العسكري اللي علي الباب
العسكري: أيوه يافندم
سيف : ابعتلي زياد وعمر علي مكتبي
العسكري : تمام يافندم وبيروح يناديهم
عمر : يا تري سيف  عايز مننا أي
زياد : أكيد هيسألنا علي المهمة الأخير اللي أنا وأنت مسكينها
عمر : اه ...يارب نخلصها بقا علي خير أنا عايز ألحق أتجوز بقا بدال منا خللت كده
زياد: هههههه اه صحيح مش هتقدر تاخد إجازة غير لما نخلص المهمة
عمر : يارب تخلص بسرعة يارب .....ويلا كفاية رغي علشان نروح لسيف بدل ما ينفخنا
وبيروح لسيف المكتب
سيف : أي اللي أخركوا يا أفندي أنت وهو ...هو أنا مش باعت ليكم العسكري من ساعة
عمر : معلش كنا بنتاقش في موضوع مصيري هام جدا
سيف : موضوع اي ده اللي أهم من الشغل يا بيه
زياد : أحم ..موضوع الإجازة علشان فرحه
عمر : أسكت أنت الله يخربيتك هتوديني في داهية
سيف : هو حضرتك لسه شغال معنا جديد ومش عارف النظام ولا اي ..أنت عارف إن مفيش إجازة غير لما المهمة تخلص
عمر : تمام يافندم
سيف : طيب عملتوا أي في المهمة الأخيرة
زياد : أحنا قدرنا نجمع معلومات عن واحد من العصابة وقبضنا عليه وفي واحد تاني أحنا مرقبينه وتقريبا هو الكبير بتاعهم
سيف : صلاة النبي أنت بتقولي تقريبا أنت بتهزر حضرتك أنتوا لازم تركزوا في شغلكم أكتر من كده مفهوم
زياد وعمر : مفهموم يا فندم
سيف : يلا كل واحد يشوف شغله
وبيروح سيف علشان يتابع أي اللي تم في أجهزة التسجيل اللي متوصلة عند معتز ويشوف الأجهزة اللي عندهم في الجهاز نقلت أي
سيف بيدخل مكتب المراقبة علشان يشوف الوضع
سيف : أي اللي تم
سامح : قدرنا نعرف عن طريق جهاز التسجيل أنه بيتعامل فعلا مع عصابة أجنبية وبيوزعلهم المخدرات والأدوية الممنوعة هنا في مصر
و...............