جحر الظلام

&الفصل الثامن&

وبتقدر سالي تثبت لمعتز كفاءتها في الشغل وبيكون مبسوط بيها جدا وبسبب كده بيعمل أحتفال كبير للشركة ...ومعتز بيكون بدأ يعجب بيها بس بيخاف يعترفلها ترفضه وبتلاحظ سالي أعجاب معتز بس بتعمل مش واخده بالها
وفي الشركة
سالي بتخبط علي مكتب معتز وبتدخل
سالي : سلاموا عليكم يافندم
معتز : وعليكم السلام  ها عملتي أي في الاوراق اللي كلفتك بيها
سالي : خلصتهم كلهم وراجعتهم كمان
معتز : برافوا عليكي أنا مبسوط منك جدا ياسالي وفخور بيكي وأنك أسبتي مهارتك وفقتي تواقعاتي كمان
سالي : متشكرة جدا يافندم
معتز : علي اي دا أنا بشكرك علي المجهود الجبار اللي عملتيه في الفترة اللي فاتت وبسبب شطارتك قدرنا نتعاقد مع شركات أجنبية كتير وزادت إنتاجية الشركة بشكل كبير وعلشان كده أنا عايزك تروحي بدري النهاردة تجهزي نفسك علشان الحفلة بليل
سالي : حفلة اي
معتز : حفلة عاملها للشركة بسبب النجاحات الكتيرة اللي حققناها الفترة اللي فاتت
سالي : تمام بعد إذنك
معتز : أستني ياسالي كنت عايز أسألك علي حاجه
سالي : أتفضل يافندم
معتز : هو القناع لسه مضايقك
سالي : لا أبدا أنا خلاص أتعودت
معتز : تمام كنت فاكره مضايقك ....وسكت شويه وبعدين أحنا هنفضل نرغي يلا علشان تروحي
سالي : حاضر ....وراحت علي القصر
بسمة الخدامة : أستاذة سالي أتفضلي ده
سالي : اي ده يا بسمة
بسمة : ده فستان معتز بيه بعتهولك علشان الحفلة وبيقول لازم تلبسيه
سالي : متشكرة جدا يابسمة
بسمة: العفو ياست هانم ومشيت

راحت سالي علي الأوضة بتاعتها وقعدت علي السرير تتفرج علي الفستان وعجبها جدا وده بيكون شكل الفستان



وبعد فترة بتكون جهزت وخلصت لبس وبيجي معتز علشان ياخدها علي الحفلة
معتز : بسمة ...يابسمة
بسمة : نعم يابيه
معتز : أطلعي شوفي سالي خلصت لبس ولا لسه علشان مش نتأخر
وبتطلع بسمة وبتقولها سالي أنها خلصت وبتنزل من علي السلم ومعتز بيكون قاعد مستنيها وأول ما بيشوفها بيقوم يروحلها وبيكون معجب جدا بيها
معتز : أي القمر ده أنا عارف إن الفستان حلوة بس مكنتش أعرف أن هيكون عليكي بالجمال ده
سالي : ده من ذوقك بس
معتز : طيب يلا علشان نمشي
سالي : حاضر  ... بس ثانية دا أنا نسيت القناع هطلع أجيبة بسرعة
معتز : ماشي أنا هستناكي في العربية
وبتنزل سالي وتركب معاه العربية وبيروحوا الحفلة وأول ما بتدخل هي ومعتز من باب القاعة كل الأنظار بتبقي علي سالي منها اللي مستغرب شكلها ومنها اللي معجب بيه
وبتقرب منهم واحدة وبتسلم علي معتز
سارة : أهلا أذيك يامعتز محدش عاد بيشوفك ليه بس والله ليك وحشة
معتز : لا أبدا كنت مشغول شوية في الشركة
سارة : إلا صحيح مين دي ومقلتلناش ليه أنك عامل الحفلة تنكرية علي الأقل كنت أعمل حسابي وبتفضل تضحك
معتز : دي سالي السكرتيرة بتاعتي وهي لابسة القناع ده علشان كانت عملت حدثة وبعدين ده في الأول والأخر ميخصكيش صح ولا اي
سارة بتضايق بس مش بتبين : علي العموم متزعلش قوي أنا بس بهزر    ....وقربت منه....أشوفك في البار بقا سلام
معتز : ماشي
وبيكملوا الحفلة وبيبعت معتز السواق علشان يوصل سالي وبيروح يكمل سهر في البار وبتروحله ساره وبتقعد جنبه
سارة : هاي بيبي أخبارك أي وحشتني موت
معتز : أهلا سارة أخبارك اي
سارة: أنا كويسة بس زعلانة منك علشان أتعصبت علي بسبب البنت اللي كانت معاك دي
معتز : تقصدي سالي صح بس معلش علي اللي عملتوا سالي بالذات خط أحمر
سارة وهي بتقرب منه : طيب وأنا يازيزو روحت فين
معتز : أنتي حاجه وسالي حاجه تانية خالص
سارة : علي اي دي حتي مشوهة وأنا أحلي منها بمراحل أنت بتقارني بيها أزاي أصلا
معتز : سارة أنا مسمحلكيش تقولي عليها كده مفهوم
سارة : خلاص يابيبي متزعلش نفسك وخلينا نروق كده
وبعد ما بيخلص السهرة بيرجع القصر
،،،،،،،،؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛،،،،،،،،،،،،،
وفي الصباح سالي وهي قاعدة علي الفطار معتز بيفضل يتكلم معاه بس هي مش بترد عليه
معتز : سالي أنا مش بكلمك دلوقتي ولا اي
سالي مش بترد برضه
معتز بيتعصب : ساااااالي مبترديش ليه
سالي : أنا مش برد عليك علشان اللي حصل إمبارح
معتز : وأي اللي حصل إمبارح
سالي : الست هانم اللي كانت بتتكلم معاك دي واللي أكيد روحت كملت سهرتك لوش الصبح معاها
معتز وهو فرحان جدا من جواه أنها بتغير عليه: دا أحنا بنغير بقا
سالي : لاء وأنا هغير ليه
معتز بيقوم يقعد جنبها : لا قوليلي بجد بتغير صح
سالي وهي مكسوفة : أيوه بغير وأي وحده هتقرب منك أنا ممكن أقتلها علي فكره
معتز بفرحة : وده من أمتي بقا عايز أعرف
سالي : هاه لامش هقول
معتز : علشان خاطري قولي بجد
سالي : من أول مرة شوفتك فيها
معتز : ها وبعدين كملي
سالي : لا وحاجه وبتطلع تجري علي أوضتها
بيفضل معتز يضحك عليها وبيبقي سعيد أنها بتحبه ذي ما بيحبها
وبقرر يعملها مفاجأة وبيروح يشتري  ورد وبلالين وعلبة هدايا كبيرة مليان شيكولاتة وبيفضل يحدف طوب في باب بلكونتها لحد ما بتطلع
سالي : خلاص خلاص كده هتخلع عنيا بالطوب ده
بيضحك معتز : تيجي تخلعيلي عين وأخلعلك عين ونعيش عور أحنا الأتنين هههههههه
سالي : لا ياعم الله الغني لا أخلعلك عين ولا تخلعلي عين خلينا كده احسن
معتز بيكون معلق علبة الشيكولاتة في البلالين وبيطيرها لحد ما بتوصلها في البلكونة
سالي : الله شيكولاتة أنا بحبها جدا أنت عرفت أزاي
معتز : يابنتي دا أنا خبرة ماهو مفيش بنت ما بتحبش الشيكولاتة
سالي : اه دا أنت خبير بقا طيب امشي بقا علشان هرش مايه و هقفل البلكونة
معتز : لاخلاص استني مش تزعلي وحياة امك ياشيخة دا أنا بهزر يلا أنزلي بقا
سالي : خلاص علشان خاطر علبة الشيكولاتة ده هسامحك بس غير كده لاء
معتز : هههههههه علي كده أجبلك شيكولاتة كل يوم بقا .....ونزلت سالي ومعتز إداها بوكيه الورد وفضلوا سهرانين مع بعض
معتز :سالي أنا بصراحة بحبك.. وبحبك من زمان علي فكرة يمكن من أول ما شوفتك
سالي : وأنا كمان
معتز بيحاول يمسك إيديها بس سالي بتبعد
سالي : أنا بحبك اه بس أحنا لسه منعرفش بعض كفاية ومش ينفع تمسك أيدي حتي ...أنت ناسي إن أنا من عيلة صعيدية ولو هتعاملني ذي الستات اللي بتشوفها في الكبارية يبقي الأحسن أمشي من هنا حتي لو هتقتل 
معتز : لاء. منستش بس يعني
سالي : ما بسش أنا عمري ما أكون ذي الستات اللي أنت تعرفها فلو سمحت متعاملنيش ذيهم
معتز : أنا أسف بجد متزعليش مني وعارف إن أنتي غير أي ست كنت أعرفها قبل كده سالي أنا حبيتك بجد وأنا عمري ماحبيت حد ذيك رغم كل الستات اللي أعرفها  وعلشان كده هعملك اللي أنتي عايزاه
سالي : أنا عايزة ندي بعض فرصة نتعرف أكتر علي بعض ولما نكون جاهزين نبقي نرتبط

معتز : أنا موافق بس أهم حاجه متسبيش القصر أنا مصدقت لقيتك ياسالي

و..........