جحر الظلام

&الفصل الثالث والعشرين&

سيف : لاء أنا تقريباً عمري ما كشفت عند دكتور غير لما تكون مني معاي لأني أصلاً مكنتش مهتم بموضوع الخلفة وكنت ديما مشغول ...بس كنت بروح معاها علشان أريحها مش أكتر
اللوا حسام : اللي هقولهولك يتنفذ بالحرف الواحد ومن غير نقاش
سيف : حاضر اتفضل
اللوا حسام : أنت هتروح تعمل تحاليل تاني بس مش عند اي دكتور كنت روحتله قبل كده
سيف : بس ..
اللوا حسام : أنا قلت من غير مناقشة ثانياً هتعمل التحاليل مش عند دكتور ولا أتنين لاء أنت تعملها عند خمس دكاترة وأنت اللي تختارهم والنتيجة تكون عندي في خلال يومين بالكتير
سيف : حاضر أنا أعرف دكتور صاحبي جدا شغال في مستشفي كبيرة في القاهرة ممكن أخليه يعملي التحاليل و...
اللوا حسام : أنت لسه هتتكلم قوم روح نفذ اللي قلت عليه ومتجيش عندي غير ومعاك النتيجة
وسيف بيروح يعمل التحاليل عند كذا تكتور مختلفين وبتأكد إن مفيش حد بيراقبه علشان ممكن حد يزور الورق
وعلشان هو شخصية مهمة بيخلصه التحاليل بتاعته بسرعة وتاني يوم بيروح ياخدها وبفتحها كلها بس بتبقي كلها نفس النتيجة وبيقعد وهو مصدوم علي اقرب كرسي وبيعيط
ووالدته بتجري عليه
نوال : في اي يا حبيبي مالك
سيف : أنا طلعت بخلف أنا مش مصدق طب أزاي
نوال : أنا مش قلتلك جهاد مستحيل تعمل كده وانت مصدقتنيش
سيف : الحمد لله يارب أنا مبسوط أوي
نوال : الحمد لله يابني
سيف : بس الغريب إني سألت الدكاترة اللي عملت عندهم التحاليل وقلتلهم إني كنت ماشي علي علاج معين ويمكن هو اللي جاب فايدة وبقيت كويس بس هم قالوا إني عمري ما كنت بعاني من مشاكل في الإنجاب وإني ذي الفل طيب ومني والدكاترة اللي كنت بروحلهم وجهاد أعمل اي أنا مبقتش فاهم حاجه
نوال : هدي أعصابك يا حبيبي وقوم صلي ركعتين لله وهو هيوفقك للي فيه الخير
...وبيقوم سيف يصلي وبيفضل يعيط كتير وبتخطلت دموع الفرحه بالحزن...فرحته أنه مش عقيم وحزنه علي جهاد وإنها مستحيل ترجعله
وبيروح تاني يوم للوا حسام
اللوا حسام : أهلا أتفضل ...عملت اي
سيف وهو حزين : ذي ما حضرتك قولت أنا سليم ومعنديش اي مشاكل بس أزاي
اللوا حسام : أنا مش قلتلك أنا عارف أخلاق جهاد كويس وإنها مستحيل تعمل كده ....أنت عارف لولا إني بعزك ياسيف ومقدر الظروف اللي مريت بيها ..أقسم بالله أنت متعرفش أنا كنت ممكن أعمل فيك اي علي اللي عملته في جهاد
سيف : والله العظيم غصب عني حطت نفسك مكاني
بس كل اللي عايز افهم ازاي ده حصل
اللوا حسام : أنا هخليك تعرف كل حاجه بس أتصل الأول علي مني وكلمها وأفتح الأسبيكر وواجها باللي عرفته
سيف : فعلاً دا أنا هنتقم منها علي اللي عملته فيا
وبتصل عليها : ألوا أيوه يامني
مني : ياه لسه فاكر عليك تتصل عليا بعد ما سافرت
سيف : سافرتي فين
مني : سافرت تركيا وبشتغل هناك في شركة عمي
سيف : أه طيب أنا رحت علشان أكمل علاج مع الدكاترة اللي كنا بنروحلهم ..أكيد يعني مش هعيش وحيد في الدنيا من غير ما أخلف حد يشيل اسمي بس الغريب إن الدكاترة قالوا إني معنديش مشكلة خالص ومكنش عندي أي مشاكل قبل كده
مني أتوتر : أاا هم أكيد بيكدبوا عليكي لأن مستحيل الكلام ده
سيف : ومستحيل ليه ما يمكن كنتي بتديهم فلوس علشان ينصبوا عليا وبعد ما سافرتي ذي ما بتقولي مدفعتيش ليهم حاجه فقرروا يعترفوا
مني : لاء أنا عمري ما عملت كده أنا......
سيف مقاطعاً : مني أنا مش بشتغل سباك أنا بشتغل ظابط في المخابرات ولا نسيتي فمتحاوليش تكدبي عليا لإني عارف كل حاجه
مني : أنا آسفة أنا فعلاً كدبت عليك وأنت بتخلف بس العيب مني أنا
سيف : قوليلي أزاي قدرتي تعملي فيا كده بعد كل الحب اللي حبتهولك فهميني
مني : مكنتش عايزة أخسرك ويجي يوم تفكر تتجوز عليا وترميني علشان تخلف فكنت عايزة نتبني طفل ونربية ونعيش في سعادة أنا وأنت بس أنت رفضت.
سيف : نعيش في سعادة صح......سعادة مبنيه علي الكدب والخداع ....بس ليه كل ده وأنا أصلا عمري مسألتك علي الخلفة وكنا عايشين في سعادة  بس انتي اللي كنتي ديما بتتخانقي علي الموضوع ده
مني : أنا آسفة بس طول ما أنت مفكر إن العيب منك عمرك ما كنت هتجوز عليا أبدا.....أما لو عرفت إنك سليم كنت سبتني من زمان علي فكرة
سيف : حرام عليكي الظلم اللي ظلمتهولي وسنين عمري اللي ضاعت وأنا مكسور وحزين بسببك وبسبب المشاكل اللي كنتي ديما بتعمليها .....وقدرتي تعملي فيا كل ده وهان عليكي كسرتي قدامك عملتي كل ده وأنتي بتحبيني آمال لو كنتي بتكرهيني كنتي عملتي أي
مني : آرجوك سامحني أنا كنت مجبورة
سيف : مظنش إني في يوم ممكن أسامحك لأني بسببك ظلمت أكتر إنسانة طيبة ومحترمة شفتها في حياتي وبيقفل في وشها السكه وبتنزل دموعه غصب عنه
و..........