اللوا حسام : خلاص ياسيف براحتك بس أرجو إن حُزنك ده ميأثرش علي شغلك
سيف : حاضر يافندم بعد أذنك
اللوا حسام بيفضل قاعد يفكر كتير وفي الآخر بياخد قرار وبيروح علشان ينفذه
في بيت جهاد وقبل ما ترجع من الشغل بيكون
اللوا حسام قاعد عندهم في البيت
اللوا حسام : آسف طبعا أني طبيت فجأة كده من غير ميعاد
عصام : البيت بيتك يا حسام بيه دا أنت تشرفنا في أي وقت
اللوا حسام : ربنا يحفظك يا أستاذ عصام وده العشم برضه بصراحة أنا كنت جاي أتكلم معاك في موضوع مهم قبل ما جهاد تيجي
عصام :أتفضل يا حسام بيه
اللوا حسام : أنا جاي أطلب أيد بنتك جهاد للعقيد سيف حسان وأرجو أنك توافق
عصام : مين العقيد سيف ده ولما هو العريس مجاش معاك ليه
اللوا حسام : ده زميل جهاد وكان موجود في حفلة الترقية ومجاش علشان هو نفسه ميعرفش إني جاي أخطبله أصلاً
عصام : أزاي يافندم الكلام ده ...دا كلام ميخشش الدماغ خالص
اللوا حسام : أنا هفهمك يا سيدي بما إن جهاد رافضه الجواز وبترفض أي عريس يتقدملها وبما إن سيف لسه مطلق من شهرين وبرضه متعقد من الجواز ورافض الموضوع تمام والموضوع مأثر علي شغله فأنا قررت ده بعد أذنك يعني أننا نجوزهم لبعض
عصام : أنا عمري مأغصب علي بنتي في موضوع الجواز أبدا
اللوا حسام : ماهو أحنا لو فضلنا سايبنهم علي راحتهم عمرهم ما هيتجوزا ودي مشكله يعني أنت مش نفسك تشيل عيال جهاد وتفرح بيهم
عصام : أكيد طبعاً بس
اللوا حسام : مفيش بس هو ده الحل وأنت عارف أنا بحب جهاد قد أيه وبعتبرها ذي بنتي وعمري ما أفكر آذيها
عصام : أنا عارف ده كله وجهاد ديما مفيش حد يقدر يقنعها غيرك لأنها بتعزك جدا
اللوا حسام : وعلشان كده أنا عمري ما هلاقي لجهاد عريس أحسن من سيف لأنه إنسان ملتزم وخلوق جدا وعمري ما شفت منه أي سلوك مش كويس
دايما بشوفه جد جدا وعمري ما هلاقي إنسانه كويسة تكون عروسة لسيف أحسن من جهاد
صدقني لو أتجوزوا عقدتهم هتتحل و....
عصام مقاطعاً : بس أزاي هتقدر تقنعهم
اللوا حسام : متقلقش من الناحية دي سيبها علي الله ثم عليا يلا أستأذن أنا بقا قبل ما جهاد ترجع من الشغل بس أنت متقلهاش حاجه دلوقتي ماشي
عصام : ماشي اللي تأمر بيه خلينا نشوف هيحصل اي ههههههه
اللوا حسام : متقلقش خالص أنا مخطط لكل حاجه هههههههه يلا بعد أذنك
عصام : أتفضل .....وبيمشي اللوا حسام .....وجهاد بترجع من الشغل وبتعمل روتينها اليومي كلعادة
.......
تاني يوم في مكتب اللوا حسام
اللوا حسام : أنت يابني أستدعيلي العقيد سيف والمقدم جهاد والرائد سامح والمقدم زياد فوراً
العسكري : تمام يافندم ......وبيوصلوا وبيلاقوا التحية
اللوا حسام :أكيد أنتوا عايزين تعرفوا أنا جمعتكم ليه
الكل : طبعا يافندم
اللوا حسام : أنت يا سيف هتسيب المهمة اللي معاك للمقدم زياد مفهوم
سيف : بس ليه يافندم هو أنا قصرت في حاجه مع فريقي
اللوا حسام : لاء مقصرتش بس في مهمة أهم من دي أنا هكلفك بيها
سيف : تمام يافندم
اللوا حسام : وأنتي يا جهاد هتسيبي المهمة اللي معاكي للرائد سامح لأن برضه هكلفك بمهمة أهم من دي
كده تمام يلا يا زياد أنت وسامح أتفضل أكيد عرفتوا هتعملوا أي
زياد وسامح : تمام يافندم ....وبينصرفوا
سيف : اي يافندم المهمة اللي أهم من اللي أنا شغال عليها مع فريقي دي قضية مهمة جدا لأنها لعصابة مافيا بتورد سلاح وقنابل لمصر وليها رجاله هنا
اللوا حسام : لا لا لاء سيبك من المهمة دي أنا عندي ليك مهمة أحسن أنت وجهاد
سيف : أنا وجهاد أزاي
اللوا حسام : بإختصار شديد أنا عايزكم تسيبوكوا من كل المهمات اللي فاتت دي وتركزوا في المهمة دي كويس أوي مفهوم
سيف وجهاد : مفهوم
اللوا حسام : أنا عايزكم تتجوزوا
سيف وجهاد في نفس واحد : نعم أزاي
سيف : أكيد دي مهمة جديد محتاجه أننا نعمل نفسنا متجوزين صح
اللوا حسام : لاء ياسيدي مش صح ده بجد
سيف وجهاد : بس يافندم أحنا
اللوا حسام قام وعمل نفسه متعصب وخبط بأيده علي المكتب جامد : أنتوا عايزين تعصوا أوامري
سيف : منقصدش يافندم بس أحنا مش موافقين علي الكلام ده
جهاد :وأنا كمان يافندم
اللوا حسام : اللي أنا بقولة أمر واجب التنفيذ يا سيادة العقيد مفهوم وأنتي يا سيادة المقدم معاكم أسبوع تفكروا وتردوا عليا وأرجو يكون الجوابة بالموافقة وإلا هيكونلي تصرف تاني معاكم سامعين إنصارف وبيخرجوا من عنده وهم متعصبين ...
وتاني يوم سيف بيروح يقعد مع اللوا ويحاول يقنعه يرجع عن قراره ده
اللوا حسام : أنت عايز تصغرني قدام والد جهاد
سيف : أصغرك أزاي يا حسام بيه وهو حد كان جابله سيرة عن الموضوع ده
اللوا حسام : أنا رحت طلبت أيد جهاد منه بنفسي لحضرتك يا سيادة العقيد وأنت عايز تصغرني قدامة
سيف بيكلم نفسه ..يا دي النيلة السودة عليا وعلي سنيني أعمل أي دلوقتي
اللوا حسام : بتقول حاجه ياسيف
سيف : ها لاء مقلتش بس أنا مطلبتش من حضرتك تخطبها.
اللوا حسام : أنا شوفت إن ده قرار كويس فنفذته ولا لازم أجي أسألك
سيف : أه ...أاا قصدي لاء براحتك أعمل اللي انت عايزة فصل وأنا ألبس سعتك
و.....
أنت تقرأ
جحر الظلام
Mystère / Thrillerتقوم جهاد بالتخطيط للهروب من حفل زفافها فتقوم بربط عدة ملائات في بعضها البعض وتلقي بهم من نافذة غرفتها ثم تنزل عليهم ببطئ وتنظر حولها جيدا لتتأكد أنه لايوجد أحد يراها فكلهم منشغلون بالداخل فتتسلق سور الفيلا بمهارة شديدة وأثناء صعودها تحدث نفسها قائل...
