وصلت جهاد البيت وركنت العربية وطلعت علي البيت اللي عبارة عن فيلا صغيرة وقدامها جنينية مليانة بجميع أنواع الورود لأن جهاد بتحب الورد جدا وهي اللي بتزرعة والفيلا عبارة عن ثلاث طوابق الأول في أوضة أستقبال وصالة ومطبخ ومكتبة كبيرة وجنبها مكتب والد جهاد والطابق التاني عبارة عن أوض النوم ومطبخ كبير وأوضة سفرة وصالة أما الطابق التالت فهو ذي الدور التاني بس فيه صالة ألعاب رياضية بتاعتك جهاد والدور ده مش مستخدم كتير لأن هو مبني مخصوص علشان أخو جهاد الصغير يتجوز فيه بس اللي بتستخدمه جهاد لأنها بتحب الهدوء وبتحب تقعد فيه لوحدها وتتدرب
تعريف بعائلة جهاد:--
عصام الشامي : والد جهاد عنده ٥٤سنة وبيشتغل مأمور ضرايب
أمل الشبراوي : والدة جهاد عندها ٤٩سنة وبتشتغل ناظرة مدرسة
لين : أخت جهاد وعندها ٢٥سنة بتدرس في كلية الطب
حازم : أخو جهاد الصغير وعنده ٢٠ سنة بيدرس في كلية فنون جميلة قسم عمارة
،،،،،،
رنت جهاد الجرس بطريقة مزعجة
أمل : حاضر حاضر جايه دي أكيد جهاد
جهاد : سلام الله عليكم يا جماعة
أمل : يابنتي أرحميني أنتي مش هتبطلي شغل العيال ده بقا
جهاد : مظنش هههه
والد جهاد : ياسيتي سيبها بكره تعقل ولو إني أشك ههههه
جهاد : شكراً علي ثقتك الجامدة دي يا حاج ربنا يخليك ليا
والدة جهاد : طيب سيبكوا من الرغي وتعالوا نتغدي دا أنا عامله كل الأكل اللي بتحبيه
جهاد : ربنا ما يحرمني منك ياست الكل
أمال فين لين وحازم
والدة جهاد : لين لسه راجعة من الكلية وهتلقيها نايمة وحازم بيلعب بلاستيشن كالعادة
جهاد : هما مش هيتغدوا ولا أقلك أنا هتطلع أصحيهم
وطلعت جهاد وخبطت علي أوضة لين ومحدش رد فدخلت تتسحب ولقت لين نايمة فراحت مقربة منها وصرخت في ودنها جامد ''ليييييييييين أصحيييي''
فطت لين من الخضة : حرام عليكي ياجهاد والله اللي بتعملية ده أنا لسه جاية من المحاضرات وتعبانة وعايزة أنام
جهاد : معلش بقا خيرها في غيرها ويلا قومي علشان تتغدي لأني وعدت ماما أني مش هنزل إلا وأنتي معاي
لين : حاضر جايه بس روحي أنتي
جهاد : والله لا يمكن رجلي علي رجلك
لين : يابنتي أرحميني هو أنتي فكراني مجرم وههرب ولا اي
جهاد : حاجه ذي كده ويلا خلصيني علشان أشوف حازم كمان يلا علي تحت
لين : حاضر
وراحت جهاد علي أوضة حازم
وخبطت ودخلت
ولقت حازم بيلعب بلاستيشن وقامت شايله الفيشة
حازم : والله كده ماينفع أنا كنت خلاص قربت أكسب حسبي الله ونعم الوكيل
جهاد : أنت مش ناوي تكبر بقا كفاية لعب ويلا علشان تتغدي
حازم : لما أنتي تكبري ألاول أنا هكبر
جهاد : ما أنا كبيرة أهو ولا تحب أثبتلك
حازم: وعلي أي الطيب أحسن أنا نازل
وقعدوا كلهم أتغدوا وبان علي جهاد أنها مش مركزة معاهم وهما بيتكلموا
والد جهاد: جهاد أنتي يابنتي روحتي فين مش بتردي ليه
جهاد : معلش يابابا أصلي مشغولة شوية في المهمة الجديدة دي وقلقانة منها
والد جهاد : ربنا يوفقك ديما ياحبيبتي
والدة جهاد : والنبي متخوفيني عليكي أكتر ما أنا خايفة
والد جهاد : إنشاء الله خير وهي يعني دي أول مهمة متقلقيش ربنا هيعديها علي خير بإذن الله أنا متأكد من كده
جهاد : إنشاء الله يابابا أنا هقوم بقا علشان أرتاح شوية بعد أذنكوا وقامت جهاد وطلعت قعدت في الشقة اللي فوق وعملت قهوة وقعدة علي الكرسي الهزاز اللي في البلكونة وفضلت تفكر شويه في خطة كويس وبعدين حست أنها عايزه تنام
،،،،،،
تاني يوم قامت جهاد من بدري صلت الفجر وفصلت تتدرب وبعدين أخدت شاور ولبست وراحت الجهاز
وخبطت علي مكتب اللوا حسام ودخلت
جهاد : صباح الخير يا فندم
اللوا حسام : صباح النور أتفضلي أقعدي
ها وصلتي لأي
جهاد : اللي عرفتوا من الملف أنو ليه رجاله كتير في كل مكان وده اللي بيخليه يعرف يطلع كل مره ذي الشعرة من العجين لأنه بيلبس التهم لأي حد من الرجالة اللي عندوا وبيخرج نفسه برا اي مصيبه
وكمان واضح أنو مش لوحدة ذي محضرتك قولت وأكيد في حد كبير وراه أو يمكن كذا شخص مش واحد بس
اللوا حسام : تمام وهتعملي أي دلوقتي أنا عايز خطة مفيهاش غلطة المرة دي وهبعتلك المقدم سيف والرائد زياد علشان تشوفوا هتعملوا أي
جهاد : أوامرك يافندم بعد إذنك
وراحت جهاد علي مكتبها وبعد شوية خبط الباب
جهاد : اتفضل
المقدم سيف والرائد زياد : السلام عليكم
جهاد : قامت أدت التحية وردت السلام
المقدم سيف : بدايةً أنا عارف إن المهمة صعبة بس مش مستحيلة وإنشاء الله تتم علي خير وعايزين نشد حيلنا كويس علشان نمسك المجرم ده لأنو خد حجم أكبر من حجمه
جهاد : تمام يا فندم بس أنا فكرت في كذا خطة ولقيتهم مش مناسبين لأن بعدد رجالته ده يقدر يعرف كل حاجه بدري ويطلع نفسه برا اي مصيبه
الرائد زياد : أحنا أكيد لازم نعمل خطة محكمة علشان مش يقدر يهرب المرة دي بس أنا مش جاي في بالي أي فكره لأن من ساعت ما شوفت الملف وأنا دماغي وقفت
المقدم سيف : كل مشكلة وليها حل أكيد وهو أكيد عنده ثغرات ممكن ندخل ليه منها
جهاد : بس أزاي يافندم
المقدم سيف : أنا مش كنت متوقع منك كده أبدا أنتي معروفة أنك من أشطر الظباط هنا ليه حاسس إن دماغك وقفت ركزي شويه وأنتي هتفهمي كل حاجه وعلي فكره لولا إن اللوا حسام خايف عليكي مش كان خلانا أنا وزياد نسيب المهمات اللي أحنا معانا ونيجي نساعدك أفتكر اللوا حسام أختارك ليه وأنتي هتعرفي كل حاجه
جهاد : أكيد أختارني علشان ذي ما حضرتك قولت أني من أشطر الظباط في الجهاز
المقدم سيف : طيب ما في غيرك كتير ممكن يقوم بالمهمة دي أكيد مش هو ده السبب.
أنت تقرأ
جحر الظلام
Mistério / Suspenseتقوم جهاد بالتخطيط للهروب من حفل زفافها فتقوم بربط عدة ملائات في بعضها البعض وتلقي بهم من نافذة غرفتها ثم تنزل عليهم ببطئ وتنظر حولها جيدا لتتأكد أنه لايوجد أحد يراها فكلهم منشغلون بالداخل فتتسلق سور الفيلا بمهارة شديدة وأثناء صعودها تحدث نفسها قائل...
