جحر الظلام

&الرابع والعشرين&

سيف : طيب أعمل اي دلوقتي وهي بعد اللي عملته فيها هتقدر تسامحني
اللوا حسام : مش أنت اللي ظلمتها يبقي عليك تحارب بكل الطرق علشان ترجعها

سيف : أكيد طبعاً بس هي ممكن متوافقش وعلشان كده ممكن تكلمها حضرتك  يمكن تسمع منك أنت عارفة هي بتحبك قد أي
اللوا حسام : مظنش ينفع علي الأقل دلوقتي إني أكلمها لأن أنا اللي خلتها تتجوزك بالغصب .....وأكيد مش هتسمع مني ....أنت بس حاول معاها الأول ولو منفعش أنا هكلمها
سيف : أنا مش عارفة أشكرك أزاي ومش عارف من غيرك كنت هعمل اي ربنا ما يحرمنا من سعتك
اللوا حسام : العفو دا واجبي بس المرة دي آخر مره هساعدك ترجع لجهاد إنما لو كررت غلطك تاني أقسم بالله ما حد هيرحمك من اللي هعمله فيك مفهوم يا سيادة العقيد
سيف : مفهوم والله بس ترجعلي وأنا عمري ما هزعلها تاني
اللوا حسام : يلا شوف هتصالحها أزاي
سيف : حاضر ...بس ممكن تقولي أصلحها أزاي لأن المواضيع الرومانسية دي مليش فيها قوي
اللوا حسام : نعمممم وأنت شايفني خبير في الرومانسية أنا لواء في المخابرات يا أستاذ برررررره

بيخرج سيف بسرعة قبل ما اللوا حسام يتعصب عليه
وبيروح لبيت جهاد
والكل مبيكونش طايقة ولا طايق يبص في وشه
حازم : أنت لسه ليك عين تيجي بعد اللي عملته أطلع بره
عصام : ميصحش يا حازم هو في بيتنا
حازم : يعني يصح اللي عمله في بنتك وميصحش نترضه
عصام : هدي نفسك لما نشوف هو جاي ليه
سيف : في البداية أنا بقدم أعتذاري علي اللي حصل مني أنا كان غصب عني والله و....
عصام مقاطعاً :أعتذارك مش مقبول
سيف : أنا آسف جدا والله غصب عني
عصام : ما قلتلك أعتذارك مش مقبول ودلوقتي جاي ليه
سيف : أنا جاي علشان أرجع جهاد لبيتها
عصام : لاء ده هو اللي بيتها وبعد اللي عملته فيها عمري ما هخليها ترجعلك تاني أبدا
سيف : بس أن......
عصام : ودلوقتي الكلام خلص يلا أتفضل من غير مطرود
سيف : بس أنا عايز أتكلم مع جهاد الأول ومش همشي من غير ما أتكلم معاها وأفهمها
حازم بيكون متغاظ منه وبيقرب منه ويزقه علشان يطلعه بره
حازم : هو مش قلك من غير مطرود يلا بعد أذن حضرتك أطلع بره بقا
سيف بيزقه : لو سمحت نزل أيدك بدال ما أزعلك أنا مش عيل صغير علشان تعمل فيه كده
حازم : وأحنا مش خدمين عند حضرتك علشان تضرب أختي وتهينها بالشكل ده وتتهمها في شرفها  وكمان لما حضرتك تيجي ترجعها نسمع كلامك ونوافق ودلوقتي لو سمحت أطلع بره بدال ما  اقتلك يلا
وبيخرج سيف وهو زعلان جدا
وبيروح بيته
نوال : عملت اي يابني
سيف : طردوني ياماما ومحدش رضي يسمعني
نوال : يعني مكلمتش جهاد
سيف : ولاحتي لمحتها كان نفسي أشوفها وأحكيلها وأفهمها إن كان غصب عني
نوال : ليهم حق يابني بعد اللي عملته في بنتهم ومستنيهم يرحبوا بيك
سيف : يا ماما مكنتش عايزهم يرحبوا بيه بس علي الأقل يسمعوني
نوال : كان من الأول مش لما عدي شهرين تروحلهم
سيف : وهو أنا كنت أعرف.
نوال : ما أنا ياما حاولت افهمك إن جهاد عمرها ما تعمل كده وأنت مرضتش تسمعني
سيف : أنا فعلاً ظلمتها أوي بس ده مش ذنبي لوحدي أنتي أكتر واحده عارفة أنا مريت بأيه وأتعذبت قد اي علشان موضوع الخلفة ده
نوال : خلاص يا حبيبي اللي فات مات وخلينا في دلوقتي أنت لازم تحاول ترجعها لأنك عمرك ماهتلاقي ذيها تاني وعلشان أبنك اللي جاي
سيف : معاكي حق ....وأبني اللي بحلم بيه طول عمري أنا مش مصدق إني هبقي أب
نوال : ربك كريم وعمره مابينسي عبده يابني وأخيراً هشوف عيالك وأفرح بيهم قبل ما أموت
سيف بيقوم يبوس إيدها : ربنا يخليكي ياست الكل وتفرحي بيهم وتجوزيهم كمان لأني ناوي إنشاء الله أخلف دستة عيال وعلشان كدم هعمل المستحيل علشان أرجع جهاد ليه تاني بس هحتاج مساعدك
نوال : ازاي
سيف :هما بيحبوكي وبيحترموكي وعلشان كده ممكن يسمعوا منك
نوال : ماشي هروحلهم وأحاول أتفاهم معاهم
سيف : تسلميلي يارب ياست الكل
وبتروح نوال لبيت جهاد تاني يوم
نوال : السلام عليكم
أمل : وعليكم السلام أتفضلي
بتدخل نوال : أنا جاي أتكلم معاكم شوية وأتمني أنكم تسمعوني وده من عشمي فيكم
أمل : أنتي علي عينا وعلي راسنا وحتي لو مهنبقاش أهل فهنبقي أصحاب لأنك عارفة غلاوتك عندنا قد أي
نوال : وليه الكلام اللي يزعل ده أحنا هنفضل طول عمرنا أهل يا أمل
أمل : الحق عمره يا يزعل يا نوال معدش ينفع يرجعوا تاني وإذا كان علي الطفل اللي جهاد حامل فيه فسبق وإبنك إتهم جهاد أنه مش أبنه وإنها خانته يعني معدش ليه اي حق فيه وأحنا هنعرف نربيه كويس
نوال : غصب عنه يا أمل والله سيف مظلوم
و......