جحر الظلام

&الفصل الحادي عشر&

وبيخلص سيف شغله وبيروح البيت وكلعادة بتبتدي الخناقة بينه وبين مني مراته
مني : الغدا جاهز أحطلك
سيف : ماشي بس يا تري تغديتي ولا لسه
مني : لاء المرة دي أستنيتك
سيف : طيب حطي الغدا في البلكونة
وقعدوا يتغدوا وبعد ما خلصوا
مني : ممكن أعرف أنت مش عايز تتبني طفل ليه
سيف : مني أحنا قفلنا الموضوع ده
مني : لاء متقفلش يا سيف بيه أنا من حقي يبقي عندي إبن ذي كل الستات وأنت عندك مشاكل وكمان مش عايز تتبني طفل
سيف : يا صبر أيوب ...أولا موضوع الخلفة ده من عند ربنا يعني مليش فيه حاجه ثانيا ذي ما سبق وقلت ليكي أنا مستحيل أربي عيل مش إبني
مني : بس إن.....
سيف مقاطعاً : مفيش بس.. ممكن تصبري شوية إحتمال العلاج اللي باخدوا ده يجيب نتيجه ونخلف ياحبيبتي
مني : ماشي ولو إني أشك
سيف : أرحميني يا مني بقا أنا زهقت من الحوار ده أصلا من يوم ما أتجوزنا وأنتي مش بتبطلي زن ولا مشاكل علي الموضوع ده ..مني أحنا مش لسه متجوزين إمبارح علشان تفضلي تعملي كده لازم يبقي عندك صبر شويه وأمل في ربنا
مني : حلو أوي أهو أنت قلت أحنا مش لسه متجوزين إمبارح ...أحنا متجوزين بقالنا ٧ سنين ولسه مخلفناش لحد دلوقتي
سيف : مني أنا برجع من الشغل تعبان ومش في حيل أناهد فيكي فسبيني دلوقتي من فضلك
وبينزل يقعد مع مامته في الدور اللي تحت
نوال مامت سيف : أزيك يا حبيبي عامل أي واحشني والله
سيف : وأنتي أكتر يا ست الحبايب ...وبيوطي يبوس علي إيدها
نوال : تعال أقعد يا أبني ..وبعد ما قعدوا
نوال : مالك ياسيف حاسة إن فيك حاجه قولي مالك ياحبيبي

سيف بتنزل دموعه غصب عنه : أنا خلاص مبقتش قادر أستحمل وهي علي طول بتزلني بالموضوع ده ومش حاسة باللي جواي ولا حاسة إنها بتجرحني بكلامها وبتحسسني إني عاجز
نوال بتمسح دموعه : ياحبيبي هدي نفسك وإنشاء الله ربنا يرزقك الزرية الصالحة وهي أعذرها يابني غصب عنها
سيف : طب ما غصب عني أنا كمان هو بأيدي أني مش أخلف ..طب ما تعذرني هي وبلاش كل شوية خناق ومشاكل علي نفس الموضوع
نوال : خلاص يا أبني متزعلش نفسك والله ربك كبير وهيعوضك الأحسن إنشاء الله وبعدين أنا هكلمها واعقلها متقلقش
سيف : لاء ياماما لوسمحتي متقوليش ليها حاجه
نوال : علي راحت يا حبيبي خلاص مش هقول حاجه
سيف :ممكن تنيميني علي رجلك ذي زمان أصلي تعبان قوي ونفسي أنام وأنا مرتاح
نوال : تعال يا سيفو
سيف : هههههه أنا بقلك نيميني علي رجلك ذي زمان مش بقلك أنا رجعت في الحضانة تاني هههههه
نوال : ههههه ايوة كده أضحك يا حبيبي ومتشلش هم الدنيا
سيف : ربنا يخليكي ليا ياست الكل
نوال : طب يلا ياسيفو ولا خلاص يا حضرت المقدم حلو كده ويلا نام وبلاش غلبه هههههه
سيف : حاضر ....
وعند مني بتتصل تكلم صحبتها وبتحكيلها علي اللي حصل
مني : ألوا أذيك ياسهي أخبارك أي
سهي : الحمد لله أخبارك انتي
مني : ذي كل مره إتخنقنا تاني أنا وسيف
سهي : تاني هههههههه قصدك للمرة المليون يابنتي أسمعي كلامي كده هيزهق منك دا إن مكنش زهق أساساً وبعدين أمال لو مكنش العيب منك أنتي كنتي عملتي أي واحد ذي سيف ده لو مش متجوزك عن حب كان زهق منك وطلقك من زمان
مني : لاء سيف مستحيل يزهق مني دا بيحبني
سهي : بس هيجيله يوم ويزهق منك فبلاش كتر الزن في الموضوع ده
مني : بس أنا لو مش عملت إن العيب منه هو كان هيسبني ويتجوز إنما كده أنا مخليها مش بقدر يبص في وشي حتي وعمره ما يقدر يسيبني علشان ممكن محدش يرضي بيه لأنه مش بيخلف
سهي : بس لو كشفك هيوريكي الويل وسواد الليل يامني وأفتكري إني حذرتك
مني : لا متخفيش أنا مظبطه كل حاجه ومستحيل أتكشف دا أنا مني ههههههه
سهي : خلاص أنا قلتلك وأنتي حرة بس بلاش تضيعي راجل ذي سيف ده من إيدك
مني : أمال أنا بعمل كل ده ليه ما هو علشان مش يضيع مني
سهي : بس بزنك ده ممكن يطلقك
مني : أنا بس نفسي يقتنع بفكرت التبني دي لأن لو أقتنع مشاكلنا كلها هتتحل
سهي : أعملي اللي أنتي عايزاه يا مني ويلا سلام علشان محمد زمانه جاي من الشغل وعايزة أحضرله الغدا
مني : ماشي سلام
...................^^^^^^^^^^.......................

عند سالي بترجع هي ومعتز علي القصر بعد ما أتفسحوا وبيكونوا مبسوطين جدا
معتز : أسيبك بقا ياحبيبتي علشان أروح أشوف الشركة
سالي بضيق : هو أنت مش قلت النهاردة إجازة
معتز : معلش يا حبيبتي وراي شغل كتير وأوعدك مش هتأخر وهرجع بسرعة
سالي : أمري لله بس أعمل حسابك تجبلي شيكولاتة وأنت جاي متنساش
معتز : حاضر هو أنا أقدر أنسي هههه
يلا سلام
سالي : سلام وأنا هطلع أنام بقا وأما تيجي ابقي صحيني ماشي
معتز :ماشي ......وبيمشي معتز وبعد ما بيخرج من القصر بتروح وراه و..........