معتز : أنا عايزكم تخلوا بالكم منها كويس مش عايزها تغيب عن عنكم لحظه مفهوم .
الخدم : مفهوم ياباشا
،،
يقوم معتز بلاتصال علي شخص ما
،،
معتز : ألو ؟؟
الشخص : نعم ياباشا
معتز : في بنت كده كنت عايزك تعرفلي أصلها وفصلها ؛
الشخص : أوامرك ياباشا أبعتلي أسمها وسيب الباقي عليا
معتز : تمام هبقي ابعتهولك في مسج
الشخص : تمام ياباشا أي اوامر تانية
معتز : لا سلام .
،،
بعد شوية وقت طلع معتز لجهاد
خبط علي الباب
(*جهاد اللي هي سالي دلوقتي*) :: أتفضل
معتز : أخبارك اي دلوقتي ؟
سالي : أنا كويسه الحمد لله .
معتز : أنا قلت أطمن عليكي قبل ما أنام .
سالي : متشكرة جدا لحضرتك.
معتز : العفو ، أنا كنت عايز أعرف أسمك اي بالكامل علشان أقدر أحميك كويس من عيلتك أو أي حد ممكن يدور عليكي لان عيلتك طالما صعايدة أكيد مش هيسكتوا وهيقلبوا الدنيا عليكي .
سالي بتتكلم وهي بتعيط: أنا عارفة إن هما مش هيسكتوا اكيد وهيحاول يدوروا عليا علشان يقتلوني وأنا مش عارفة اعمل اي .
معتز : ما أنا بقولك عرفيني اسمك علشان أدور علي علتيك وأعرف تحركاتهم وأحميكي .
سالي : أنا متشكرة جدا لحضرتك علي وقوفك جنبي ده ،، أنا اسمي سالي منصور علوان.
معتز : تمام نامي أنتي وارتاحي وأنا هعرف كل تحركاتهم وهتكوني في امان متقلقيش
سالي : متشكرة
معتز : يلا تصبحي علي خير بقا
سالي : وأنت من أهله،،،،،،،،،، وخرج معتز وغلق الباب ومشي.
معتز : بعت الاسم في مسج للشخص اللي كن بيكلمه وبعدين رن عليه.
الشخص : تمام المسج وصلني ياريس.
معتز : أنا عايز كل المعلومات عنها في أسرع وقت
الشخص: تمام ياباشا علي بكره بليل تكون كل المعلومات عندك ياباشا
معتز : تمام مش عايز اي تأخير
الشخص : تمام سعتك
معتز : قفل الموبايل وقعد يفكر شويه وبعدين طلع علي أوضته علشان ينام .
سالي : قاعدة في الاوضة قلقانة وخايفة وبتفكر هتعمل أي ومن كتر التعب نامت
،،،،
تاني يوم ......
صحي معتز من النوم وأخد شاور ونزل علشان يفطر وراح علشان يتابع الشغل في الشركات وبعدين رجع علي القصر وسأل علي سالي.
واحدة من الخدم اسمها بسمة : لسه مصحيتش ياباشا أنا طلعت خبط عليها مردتش عليا
معتز: ماشي روحي أنتي وأنا هطلع أصحيها
بسمة : حاضر
معتز : جهزي الفطار في الجنينة
وطلع معتز علشان يصحي سالي وخبط علي الباب.
سالي : مين
معتز : أنا معتز
سالي :أتفضل
معتز : مش تنزلي علشان تفطري كفايه نوم بقا ولا اي
سالي : مليش نفس
معتز : لا لازم تاكلي علشان أنتي أكيد مش كلتي حاجه من إمبارح وكده ممكن تتعبي
سالي : حاضر
معتز : يلا بينا ومشيت سالي معاه ونزلت الجنينة
وبعد ما خلصوا أكل
معتز : أنا هروح مشوار كده وراجع
سالي : ماشي وطلعت تاني الاوضة بتاعتها
وأفتكرت اللي حصل قبل ما تقابل معتز
فلاش باك****
جهاد قاعدة في مكتبها في جهاز المخابرات
وبتشرب في القهوة بتاعتها فخبط الباب
جهاد : أدخل
العسكري : اللوا حسام عايز حضرتك في مكتبه يافندم
جهاد : تمام روح أنت
العسكري : تمام يافندم وطلع
جهاد : راحت للوا حسام وخبطت ودخلت المكتب
اللوا حسام : تعالي يا جهاد
جهاد : نعم يا فندم
اللوا حسام : في مهمة كلفتك أنتي بيها لأني عارفك أنك كفؤ وهتقومي بيها علي أكمل وجه وكمان أنتي عارفة أنا أخترتك ليه مع إن في ظباط كتير غيرك ممكن يقوم بالمهمة دي غيرك
جهاد :عارفة يافندم أنا تحت أمرك بس اي المهمة دي
اللوا حسام : أتفضلي الملف ده في كل حاجه عن المهمة وأنا هوضحلك شويه حاجات
أولا المهمة دي تخص واحد اسمة معتز السباعي
جهاد: اسفة علي المقاطعة بس مش ده رجل الأعمال المشهور بشركاته الكتير ويعتبر من أغني أغنياء البلد
اللوا حسام : بالضبط وعلشان كده مش عارفين نمسك وراه حاجه لأن المعلومات اللي وصلت لينا بتقول أنو شغال في تجارت الأدوية الممنوعة وبيتاجر كمان في المخدرات وتجارت الاعضاء وليه يد في معظم عمليات الخطف اللي حصلت مؤخرا وخطف الأطفال وواضح أنو مش لوحدة وفي وراه حد أكبر منو كمان وده اللي عايزك تعرفيه.
جهاد : وطبعا بيستخدم شركاته واسمه علشان يداري علي المصايب دي
اللوا حسام : أكيد
جهاد : تمام يافندم أي أوامر تانية
اللوا حسام : اه عايزك تقري الملف كويس وتفهمية وهتعدي عليا بكره علشان تعرفيني وصلتي لأي
جهاد أنا عايزك تركزي في المهمة دي أكتر من اي مهمة عدت لأن المهمة دي صعبة وخطيرة و اللي اسمو معتز ده مش سهل وحاولنا كتير نقبض عليه بس بيعرف يفلت كل مره
جهاد : تحت أمرك يا فندم
ومشيت جهاد وراحت علي مكتبها وقعدت تقرأ في الملف .
وبعد شوية وقت خلصت جهاد الملف ومشيت علشان تروح علي البيت
وهي مروحة قابلت المقدم سيف
المقدم سيف : هتروحي
جهاد : اه أصلي تعبانه جدا ودماغي هتنفجر من التفكير ومحتاجه أرتاح شويه
المقدم سيف : أكيد أستلمتي أوراق المهمة الجديدة
جهاد : اه وربنا يستر أصلي أول مرة أقلق من مهمة كده
المقدم سيف : إنشاء الله خير وأكيد هتعدي ذي غيرها أنتي قدها وقدود
جهاد : شكر علي الثقة دي يافندم
المقدم سيف : طب يلا علشان مش تتأخري ومامتك تتصل علي الجهاز كله علشان تسأل عليكي ههههه
جهاد : ههههه عندك حق بعد أذن حضرتك
المقدم سيف : أتفضلي.
ونزلت جهاد وركبت عربيتها وروحت .
أنت تقرأ
جحر الظلام
Mystère / Thrillerتقوم جهاد بالتخطيط للهروب من حفل زفافها فتقوم بربط عدة ملائات في بعضها البعض وتلقي بهم من نافذة غرفتها ثم تنزل عليهم ببطئ وتنظر حولها جيدا لتتأكد أنه لايوجد أحد يراها فكلهم منشغلون بالداخل فتتسلق سور الفيلا بمهارة شديدة وأثناء صعودها تحدث نفسها قائل...
