باااك###
خبط معتز علي الباب ودخل علشان ينادي علي سالي
معتز : مش هتيجي علشان تتغدي ولا اي
سالي : حاضر نزله أهو
معتز: وبعدين أنا سألت الخدم قالوا أنك مخرجتيش من أوضتك خالص ليه كده كنت أنزلي أقعدي شويه في الجنينة حتي بدال الحبسة دي ومتخفيش أنا موصيهم عليكي ومحدش يقدر يضايقك
سالي : محبتش أنزل وأنا معرفش حد هنا وغير كده أنا لسه مخدتش علي المكان كويس
معتز : ماشي يا ستي ولا يهمك يلا علشان نتغدي
ونزلوا اتغدوا وخرج معتز تاني علشان يشوف شغله
وقعدت سالي لوحدها في الجنينة لحد ما الدنيا ابتدت تضلم ولقت معتز جاي عليها
معتز : أنتي لسه قاعده هنا دا أنا فكرتك طلعتي الأوضة بتاعتك
سالي : أصلي حبيت القعدة في الجنينة وبعدين مش لقيه حد أتكلم معاه غيرك ففضلت مستنياك لحد ما تيجي
معتز تعالي نقعد: عاوزه تتكلمي معاي في اي ياستي
سالي : كنت عايزة أسألك لو عرفت حاجه عن أهلي أو هما بيدوروا عليا ولا لاء
معتز : متقلقيش خالص محدش يقدر يقربلك أنتي هنا في حمايتي والأخبار كلها هتوصلني بالليل
سالي : ماشي أنا هطلع أنام بقا لأني حاسه أني مصدعة شويه
معتز : تصبحي علي خير
وطلعت سالي أوضتها
ورن معتز علي الشخص اللي كان مكلمه يدور علي معلومات عن سالي اللي هي جهاد
معتز : ألو وصلت لأي
الشخص :أمان يا كبير متقلقش
معتز : طيب أحكيلي وصلت لأي بالتفصيل
الشخص : دي بنت من عيلة صعيدية وكانت جايه القاهرة علشان تعمل فرحها لأن ابن عمها وهو العريس شغال في القاهرة في المعمار وكانت هتعيش معاه وبعدين هربت من الفرح بتاعها ووصلت لحضرتك وعيلتها قالبه الدنيا عليها وناوين يقتلوها
علشان هروبها من الفرح
معتز : تمام وهي ليها أخوات غيرها
الشخص : لا ياباشا ملهاش أخوات خالص بس عندها ولاد عم وهما اللي بيدوروا عليها
معتز : أنت متأكد من كل المعلومات دي ولا اي
الشخص : أكيد ياباشا هو أنا عمري أجبلك معلومات مش مضمونة
معتز : تمام أصلي كنت خايف ليكون حد زققها عليا علشان توقعني أنت عارفني مش بأمن لحد وأخر مره كنت هتكشف وأروح في داهية فعلشان كده لازم أتأكد
الشخص : ماشي ياباشا ولو عاوز أكشف عليها اكتر ممكن تبعتلي صورة ليها
معتز : برافوا عليك دي كانت رايحة عن دماغي حلوة أوي الفكرة دي أنا هحاول أصورها وأبعتلك الصورة
الشخص : تمام ياريس
وطلع معتز لسالي الأوضة وخبط عليها وقلها علي أهلها اللي بيدوروا عليها وأنهم ناويين يقتلوها وأثناء حديثه معاها عرف يصورها من غير ما تاخد بالها
معتز : ده كل المعلومات اللي وصلتي
سالي : أنا مش عارفة أعمل أي دلوقتي ولا أروح فين وفضلت تعيط
معتز : متخفيش محدش يقدر يمس شعر منك طول ما أنتي معاي أرتاحي أنتي دلوقتي وأنا هزود الحراسة اللي علي القصر
وخرج معتز من عندها وبعت الصورة للشخص اللي بيكلمه وطمنه أنها أمان ومش تبع حد
معتز : تمام خلاص سلام أنت بقا
وبيطلع يتصل علي واحد من اللي شغالين عنده يبعدت البضاعة الجديدة اللي وصلت علي المخزن بتاعه اللي جنب المصنع وأنه يسلمه لواحد هيجيله تاني يوم علشان ياخد البضاعة ويوزعها
وبيطلع علشان ينام وفي تاني يوم بتصحي سالي بدري وبتقعد في البلكونة وبتبقي بتفكر هتعمل أي في المهمة دي وبتفتكر وهي قاعدة مع المقدم سيف وبتفقوا علي الخطة اللي هيوقعوا بيها معتز السباعي
فلاش باك########
سيف : زي ما فهمتك لازم الخطة دي تتنفذ بالحرف وممنوع الغلط فيها لأن الغلطة بفوراه
جهاد : تمام يفندم بس دي عايزة شغل كتير جدا والناس اللي هيمثلوا أنهم أهلي دول هنجبهم منين وليه نعمل كل ده بدل ما ممكن أروح لمعتز ده وأمثل أني خدامة مثلا ومحتاجه شغل وبالطريقة دي أقدر أكشفة
سيف :أولا حوار الناس اللي هيمثلوا انهم أهلك دول أن هتصرف متقلقيش ثانيا مينفعش تعملي خدامة والكلام ده لأن ذي ما عرفتي هو مش شغال لوحدة ومش بيأمن لحد أنو يدخل يدخل بيته بالسهولة دي غير لما يكشف عنه كويس فأنتي هتعملي أنك هربانه من فرحك علشان مغصوبه علي العريس ومبتحبهوش وأحنا بنراقبه من فترة وعرفنا هو بيرجع أمته من شركته وبيمشي من انهي طريق فهترمي نفسك قدام عربيته وتستنجدي بيه ينقذك والباقي أنتي عرفاه
جهاد : تمام كل ده فهمته بس ليه نعمل فرح بجد بقا
سيف : يا دي النيلة أمال أنا بقول اي من الصبح هو هيفتش وراكي كويس ولازم كل حاجه تبقي ماشيه طبيعي كأن الموضوع حقيقي ثم إن حوار هروبك من الفرح وخصوصا أنك المفروض من عيلة صعيدية فمعني كده أنك هتبقي تحت أيديه ومش هتحاولي تهربي لأنك لو هربتي عيلتك هتقتلك فده في حد ذاته يخليه يطمن أنك بين سنانة ذي ما بيقولوا يعني أي حركت غدر منك هيعرف أهلك إنك عنده وبالتالي هيجوا يخلصوا عليكي
جهاد : خلاص تمام فهمت والله يافندم
سيف : الحمد لله يلا روحي جهزي نفسك للمهمة وهيتزرعلك جهاز تتبع تحت الجلد علشان محدش يقدر يكشفه ده أولا ثانيا لما تروحي هناك لازم تعطلي الكميرات اللي أكيد هتكون ماليه بيته لحد ما تحطي مسجلات الصوت اللي معاكي في معظم الأماكن المهمة اللي في القصر علشان نعرف هو بيتعامل مع مين وبيوزع البضاعة فين ومواعيد التسليم أمته والاجهزة دي هتبقي متوصلة بأجهزه عندنا هنا هتنقل لنا كل كلمه بيقول مباشر
جهاد: وبعدين نقبض عليه صح
سيف : لا مش صح مهمة معتز ده مش ذي اي مهمة أنتي قمتي بيها قبل كده لأن أحنا بعد ما نعرف كل ده برضه مش هنقبض عليه لأن فيه وراه ناس كتير وناس كبار كمان وأحتمال يكون شغال مع ناس بره البلد فلازم كل دول يتجابوا
جهاد : تمام وبعدين هعمل اي بعد ازرع أجهزة التسجيل في الأماكن اللي حضرتك قلت عليها
سيف : هتحاولي تقنعيه أنك خايفة أهلك يدوروا عليكي ويقتلوكي فلازم تعيشي مع حد يحميك ذيه وأنك ملكيش حد غيره وبعدين تقنعيه أنك مش بتشكلي خطر عليه وأنه يشغلك معاه وتبقي دراعه اليمين
جهاد : تمام وصلت الفكرة يافندم بس كده هبقي دخلت (جحر الظلام )برجليه
سيف : متخافيش أنا واثق أنك قدها وأنك مش هتخيبي ظني فيكي ..ربنا معاكي إنشاء الله
جهاد : إنشاء الله يافندم ربنا يستر
سيف : هيستر بإذن الله يلا شوفي شغلك ياحضرت الرائد
جهاد : أوامرك يافندم استأذن أنا بقا سلامو عليكوا
............
أنت تقرأ
جحر الظلام
Misterio / Suspensoتقوم جهاد بالتخطيط للهروب من حفل زفافها فتقوم بربط عدة ملائات في بعضها البعض وتلقي بهم من نافذة غرفتها ثم تنزل عليهم ببطئ وتنظر حولها جيدا لتتأكد أنه لايوجد أحد يراها فكلهم منشغلون بالداخل فتتسلق سور الفيلا بمهارة شديدة وأثناء صعودها تحدث نفسها قائل...
