وعاد من جديد

الفصل ٢٠

               - بسم الله الرحمن الرحيم -
            - صلوا على الحبيب المصطفى -
         🌸🌸🌸🌸🌸🌸🌸🌸🌸🌸🌸🌸

كان وليد والبقية واقفين بالخارج ويترقبون خروج ريم فى أى لحظة ولكن دون جدوى إلى أن سمع وليد صوت نور فوضع يده على السماعة اللاسلكية

نور : وليد .. وليد سامعني ؟

وليد: ايوه يا نور سمعك

فصمتت هى بعض الوقت لتجميع كلماتها

وليد : ايه الأخبار عندك ؟

نور بهدوء وهى تحاول شرح الموقف : الاتصال اتقطع مع ريم

وليد بقلق : يعنى ايه الاتصال اتقطع ؟

فنظر حازم لوليد وقد ظهرت على وجهه علامات القلق ، أما خالد فكان يستمع للحوار الدائر وهو يركز على الطريق

نور بثبات : هو حصل فجأة بس

وليد بمقاطعة وهو ينظر للجانب الآخر من الطريق : حاولى ترجعيه بسرعة

نور : تمام يا قائد

وبعد أن انهت مكالمتها مع وليد أخرجت السماعة من أذنها وظلت تنظر للشاشة أمامها وهى تحاول إعادة الاتصال وكان أدهم جالساً معها وينظر إلى ما تفعله

أدهم : كنتى استنى شوية قبل ما تبلغيه لعل الاتصال كان رجع

فتوقفت نور بعض الوقت عمّا تفعله ونظرت له وتحدثت : الموضوع إن المشكلة مش من عندنا احنا إنما من عند ريم

أدهم بسرعة : يعنى هى اتمسكت ؟

نور بهدوء وقد عادت لتنظر للشاشة أمامها : احتمال وارد

أدهم بقلق : لو الموضوع كدا فدا معناه

ولم يكمل كلامه ونظر لها بدهشة

أدهم بإستغراب : غريبة

نور : هو ايه الغريب ؟

أدهم : الغريب هو إنتى .. كنت فاكرك هتكونى خايفة أو قلقانة على الأقل بس شكلك بيقول غير كدا

فتركت نور ما تفعله ونظرت له بابتسامة وتحدثت : تعرف إن أول عملية ليا أنا وريم كنت زيك كدا وأكتر كمان بس هى أول ما شافتني ضحكت عليا مع إنها كانت مصابة وقالتى إنها قوية جداً

أدهم بحدة : ولو برضه

وأخذ يتحدث معها وهى غير منتبهة لكلامه فكل ما يشغل بالها الآن هو ريم فعلى الرغم من أنها تعلم بأنها قادرة على أداء المهمة ولكنها خائفة وقلقة عليها غير كل المرات السابقة

نور فى نفسها : يا رب

______________________

وأما عن وليد فبعدما أنهى المكالمة أخذ ينظر للطريق بعض الوقت حتى ينسى ولو لمدة قصيرة شعوره بالتوتر والقلق على ريم ولكنه لم يحتمل الوضع وخرج من السيارة وأغلق بابها بقوة