وينك يا درب المحبه ؟. / البارت 21 مهم ..

البارت 2

عنوان البارت : (‏طريتِ في بالي وفجأه تبسمت
وغمضت من لذة خيالك عيوني)
.
.
دخل مفلح للمجلس
(تعريف بسيط * مفلح من يوم انه صغير وهو راعي مشاكل ودايم يتهاوش مع عيال عم الجوهره وخصوصا خالد )
مفلح بصوت خشن واضح يدور مشكله : السلام عليكم
كل اللي بالمجلس التفتو وبصوت واحد قالو : وعليكم السلام
ابو عبد العزيز : اقلط يا مفلح
جلس مفلح يدور بعينه خالد
خالد انتبه له وكان بيطلع ما يبي مشاكل
وليد مسكه وبهمس : اجلس لا تصير جبان ما عليك منه
خالد جلس غصب لان الكل طالع فيه
خالد بهمس : ماتشوفه يطالع فيني هو راعي مشاكل فكني منه
ابو عبدالعزيز قطع الهمس والسكوت : شلونك يا مفلح ووشلون ابوك
مفلح : بخير انت شلونك ياعم
ابو عبدالعزيز : بخير دام اهلي بخير
فهم مفلح قصد ابو عبدالعزيز ان ما يبي مشاكل وابعد عنها
مفلح : ان شاء الله دوم
عرف ابو عبد العزيز ان مفلح وراه بلا بس جاي ليه ما محد يدري
مفلح ترك الفنجان : كرمكم الله بروح
ابو عبدالعزيز : اجلس ما طولت تعشا معنا
مفلح وللحين ما نزل عينه عن خالد : لا يعطيكم العافيه بس بسلم واشوف الاخبار والايام الجايه شايفني كثير ان شاء الله
ابو عبدالعزيز : سلامتك ونشوفك على خير
طلع والكل مستغرب روح بسرعه ولا قال شيء اكيد في شيء بيسويه ولا ما قال والايام الجايه شايفني كثير
خالد بيقوم بس ماسكه وليد
ابو خالد : اول مره يجي وما يجيب مصيبه ولا مشكله
ابو فهد : الله يكفينا شره
كملو طبيعي بس للحين فيه اللي مستغرب
عند الجوهره وسلمى
الجوهره : مين وينه؟؟
سلمى : مفلح اللي دايم يتهاوش مع خالد
الجوهره مسكت قلبها اوجعها
سلمى : شفيك ؟؟
الجوهره بصوت تعباان : سلمى ودي اشوف خالد
سلمى بصدمه : كيف تشوفينه وانتو تتغطو عن بعض !!
الجوهره وهي شوي وتبكي : سلمى تكفين وانتي تكوني معنا ومن بعيد بس بقول شيء
سلمى تنهدت لانها تحس بها : طيب بكون معك بس كيف؟
الجوهره : اكيد بيطلع هو وليد اذا طلع قولي لرهف تقول له اي شيء يروح للبقاله ونرسل واحد من البزران لخالد يعطيه ورقه نقابله عند الجبل القريب تكفين يا سلمى
سلمى : طيب طيب بروح لرهف
راحت سلمى والجوهره ماسكه قلبها ودموعها تطيح من عينها غصب حاسه بألم بس ما تدري وش هو
عند الرجال
طلع وليد لرهف لانها دقت عليه وفهد جلس شوي وطلع وهو يقابل واحد من البزران عطاه ورقها مكتوب ( عند مكاننا "الجوهره )
خالد ابتسم بس حس بضييق راح للجبل
خالد : سلام عليكم
الجوهره بصوت مبحوح : وعيلكم السلام انا معي سلمى بقول لك شي
خالد حس بشيء بصوت الجوهره : بسم الله وش فيك؟؟
الجوهره وهي متمسكه ب سلمى لانه شوي تطيح وتبكي : احس بضيق وقلبي يوجعني من دخل مفلح عليكم بيسوي شيء يا خالد انتبه لنفسك
خالد والدمعه بعينه لانه بعد حاس بضيق بس مايبي يخوفها قال : ما عليك انتي بنتبه لنفسي وهو ما يقدر يسوي شيء
سلمى وهي شوي بتبكي معهم بهمس : يلا مشينا
الجوهره بضييق : استودعتك الله يا خالد
خالد يمسح دمعته : فمان الله يا الجوهره
رجعو كلهم للبيت كملو اليوم طبيعي الا اثنين الجوهره وخالد سلمى منتبه للجوهره مرره اكثر من نفسها
آخر الليل
مفلح : وينك انت؟؟
: ورا الجبل ذا
مفلح : جايك
: اسمع تعطيني الفلوس الحين وانفذ الخطه
مفلح : لا والله علشان تنحاش بعطيك نص الفلوس والباقي بعد الخطه اذا سويتها
: طيب اخلص علي
عطاه الفلوس وراحو
ابو خالد : يالله صباح خير للحين انتم رقود
وليد : يا عمي بس ٥ دقايق
ابو خالد : وش خمس دقايق يلا اخلصو بنروح للعزبه
فهد قام : الله من زمان عن ناقتي مزيونه
خالد يضحك : انت بتصير بالثلاثين ولا تزوجت شكلك بتتزوج مزيونه
وليد بسخريه : شكل امي متوحمه على ناقه
فهد رماه بالعلبه : انت اسكت ما لك شغل
طلعو وهم يطقطون هلى فهد
عند الحريم
ام فهد : وش فيك يالجوهره وجهك اصفر تعبانه؟
الجوهره : لا يمه بس شكلي لاني ما افطرت
راحت تفطر وسلمى موجوده بالمطبخ
سلمى بخوف : من نمتي وانا بالي مشغول ارتحتي الحين
الجوهره تنهدت : ارتحت الحين بس قلبي مو مرتاح
سلمى تعطيها الفطور : ان شاء الله خير سمي بالله وافطري
دخلت رهف وهي سمعت جزء : وش فيه قلبك يالجوهره؟
الجوهره وسلمى ورهف ما يخبون شيء عن بعض
الجوهره تنهدت : بالغرفه اقول لك اخاف لولؤه تسمع وهي ما يقعد الكلام بحلقها
ضحكت سلمى تبي تبعد الخوف عنها : اي والله لازم تقول لبنات عمي
عند الرجال
ابو عبدالعزيز : خالد خذ الماء والفرش للعزبه و وليد حمل الاغراض بالسياره الثانيه وفهد انت ود الحريم ونايف و طلال انتم روحو للنياق وعلفهم اكيد العامل ما يهتم بهن
طلال : اجل جدي غير العامل ما يستاهل الراتب اذا ما اهتم
نايف : هو صح ما يهتم بهن بس قصته تحزن
ابو عبدالعزيز : اتركو الهرج عنكم واشتغلو ولا تنسون تقولون لجارنا ابو مفلح
كلهم التفتو منصدمين
ابو عبدالعزيز : لو ولده يسوي مشاكل بالاخير ابو مفلح خويي
سكتو وكملو
فهد راح لحاله لان العيال باقي يتجهزون
: اسمع انت ترا لقيته لحاله
مفلح : انتبه لا يكون معه احد
: متأكد ما معه احد
مفلح : اسمع ترا خالد قوي وبيتحملك استغفله واطعنه اطعنه خصوصا في قلبه فاهم
: خلص انت مدري وش مسوي لك خالد بس اهم شيء فلوسي
طلال ونايف بالطريق لخالد
خالد قاعد ينزل الاغراض حس بأحد وراه التفت مالقى احد : شكلي اتخيل كمل شغله شاف ظل احد يمشي وراه كمل ولما قرب التفت وهو يمسكه كان اللي بيطعنه هو قوي بعد قعدو يتضاربون سمعو صوت سياره مسرعه طلال ونايف لما شافوهم اسرعو بيلحقون طعنه بكتفه وركض خالد حاول يلحقه بس ما قدر من ألم كتفه واغمى عليه طلال نزل يشوف خالد ونايف حاول يلحقه ما قدر
طلال بصراخ : الو يبه الحقو اخوي بيروووح
ابو خالد قام بخوف : وش تقول انت
طلال : الكلب مفلح والله لا صار لأخوي شيء بذبحه
ابو خالد يركض : جاينكم بعلم عمامك انتم وده المستشفى
اخذوة المستشفى طلال يحاول يصحي خالد ما قدر قعد يبكي نايف يسوق وهو ما يشوف حوله من الخوف
عند الحريم
الجوهره امسكت يد سلمى بخوف وتعب
سلمى : وش فيك؟؟!
الجوهره بصوت مبحوح وتعباان : وديني الغرفه حاسه اني بختنق
سلمى ودتها والجوهره وهي شوي وتبكي : سلمى اكيد في شيء صار لخالد وديني له
سلمى بخوف : تعوذي من الشيطان ما بيصير شيء
الجوهره ما تحملت وبكت دخلت رهف بخوف : وش فيك
سلمى قالت لها يحاولون يهدونها بس سمعو صوت ام خالد : ياويلي يا وليدي بيذبحونه الجوهره وقفت حست بثقل الجبال على قلبها واغمى عليها سلمى بتصحيها لاحد يدخل الغرفه ورهف راحت لهم تتأكد
بالمستشفى
نايف يهدي طلال : تعوذ من الشيطان مو صاير شيء ان شاء الله
وهذا هم جو
ابو خالد بصوت مبحوح : وش صار على ولدي ؟
نايف : دخل وبيطلع الدكتور قريب
ابو عبدالعزيز : لا إله الا الله اصبر ياوليدي بأذن الله ما بصير شيء
شوي وطلع الدكتور
طلال : وش صار ؟؟
ابو خالد : ولدي طيب؟
الدكتور مبتسم: الحمدالله هو بخير والله ستر وما صار نزيف بس لازم نحطه تحت المراقبه وخالد لحظت عليه ينادي بأسم ا ...
طلال بسرعه: يعطيك العافيه يا دكتور والحمدالله نقدر نشوفه ؟
الدكتور فهم : اذا صحى تقدرو بس ٥ دقايق علشان يرتاح
ابو خالد : ابشر اهم شي هو بخير متى يطلع
الدكتور : لازم اذا طلع ما يشيل ثقيل وياكل ادويته بأنتظام لانه فقد دم كثير واحتمال اذا جا نزيف يدخل غيبوبه
ابو خالد : لا حول ولا قوة الا بالله بأذن الله ما يصير شيء
ابو فهد : اجل نايف وفهد و وليد ارجعو خلينا الحريم لحالهم وعلمهم
فهد : ابشر
ابو خالد : وانت يا طلال روح لامك واختك
طلال : ابشر بس برجع واقعد معه
راحو
عند الحريم
هدو شوي وكلهم قاعدين بالصاله الا الجوهره وسلمى
سلمى تبكي : الحمدالله صحيتي خوفتيني
الجوهره بصوت مبحوح : وش صار على خالد
سلمى استغربت التعب الباين بوجهها والهدوء : لا للحين ما جو
سمعو صوت ام خالد تزغرط نزلو وهم يركضون
سلمى التفت للجوهره وهي الدمعه بعينها
الجوهره طلعت سلمى مسكتها : وين ؟
الجوهره بفرح : مكاننا
سلمى ابتسمت : لا تطولين
الجوهره :طيب
ورا الجبل
الجوهره : وش تسوي هنا ؟
وليد بحزن : افكر لو راح خالد من بقعد معه و اتهاوش معه وافرح معه انا وياه اتفقنا نتزوج مع بعض من كنا صغار بس الكلب ما رضا يعلمني اسم زوجته تذكر لما كانو صغار وضحك
الجوهره بلعت ريقها وضحكت : مو صاير غير كل خير بس الحين مين سوا كذا
وليد بغضب : مين غير مفلح الزفت مرسل واحد يذبح خالد ودي اعرف ليه يسوي كذا من كنا صغار يكره خالد اكثر واحد فينا
الجوهره تنهدت لانها حست انها عرفت السبب : الحين وش بتسوون
وليد : ما عندنا دليل غير نايف وطلال وذا مو مسوي شيء
الجوهره : اذا ما اخذ حسابه بالدنيا بياخذه بالآخره
وليد قام : يلا امشي نروح راحو للبيت وليد راح للعيال
وليد : وش تسون
فهد : بنغير جو ونسهر برا
وليد تنهد : ان شاء الله خالد يطلع ونسهر معه السهره ما تحلى الا به
كلهم : ان شاء الله
طلعو يسهرون وشبو النار لان بالليل برد و يفكرون ويتناقشون كيف ياخذون حق ولد عمهم خالد
البنات راحو نامو بعد تعب الا الجوهره قعدت عند الشباك تناظر القمر اللي بالسماء وتفكر بخالد
وخالد صحى وشاف ابوه وعمامه وجده ورجعو للبيت وبقى خالد لحاله بس الجوهره موجوده بقلبه الغرفه طافي النور فيها ولا فيه غير نور القمر خالد يضغط على الزر
الممرضه : نعم تفضل بغيت شيء
خالد : لو سمحتي ابي اكون عند الشباك
ودته عند الشباك : في شيء ثاني
خالد : لا شكرا قعد يفكر بالجوهره واحساسهم لبعض و جا على باله ابيات :
‏طريتِ في بالي وفجأه تبسمت
وغمضت من لذة خيالك عيوني

أشتقت لك ي اللي على البال مريتِ
وجلست أفكر فيك من غير مدري
قالها بقلبه وطالع القمر وهو يفكر فيها ونام وهو مبتسم لعل يشوف الجوهره بحلمه .......