وينك يا درب المحبه ؟. / البارت 21 مهم ..

البارت 13

عنوان البارت ( الحق بيضهر لو بعد حين ) ..
.
.
في مجلس ابو عبدالعزيز ..
ابو فهد : يبه في شيء ما ندري عنه شايفك ضايق هالفتره ؟
ابو عبدالعزيز : ضاقت بي الارض مفلح الكلب ينقل كلام بين البيوت عن فهد و زينه
ابو فهد بغضب : افا متى وتوه قبل يومين جاي يقول يبي الخير
ابو خالد : اقعد يا عبدالعزيز لا تشب النار وهي خامده
ابو فهد : والله اني بشب النار في مفلحوه ال....
ابو نايف : هدي شوي ابوي موجود
ابو فهد التفت : معليش يبه ما تمالكت اعصابي
ابو عبدالعزيز : اقعد بس ونادو لي فهد و وليد و خالد ونايف وطلال خلوهم يحضرون عندي الحين
..
دق جوال نايف : ايوا .. ايش؟ .. طيب هو معصب ؟ ... طيب ابشر هالحين نجي
خالد : وش فيه ؟
نايف بتوتر : شكلي جدي ناويها علينا يا عيال
وليد : والله اني مسكين ما سويت شيء
فهد : امشو بسرعه  ...
..
لولوه : يا صباح الورد والياسمين
ضحكت : اشهد يا تاريخ لولوه تصحى مروقه وتصبح بعد
لولوه : ما عرفنا لكم اصبح عليكم تستغربون انفس عليكم تستغربون وش اسوي لكم
سلمى : اقعدي بس بالعه راديو ؟
لولوه بسخريه : ايوا وتعالي تالي الليل دوري احد يسهر معك
الجوهره : رهف تعالي ابيك
قامت : وش فيك؟؟
الجوهره : اسمعي بقول لك شيء بس هاه مو تعصبين
رهف تنهدت : يا رب لطفك وش العلم اخلصي ؟
الجوهره : فهد ......
رهف : اسالك بالله عطيتيه الرقم ؟؟
الجوهره : اي والله
تنهدت : ليه ما قلتي لي اكيد المسكينه انخرشت
الجوهره : حزنت عليه
رهف : الحين ليه قرر فجاءه يعترف لها ؟
بلعت ريقها : بسبب .. م. مفلح
بصدمه  : وش دخله ؟
الجوهره : ما ينفع اقول  لك الحين تأخرنا عليهم امشي
رهف : ياربي كل ذا صاير ومحد داري
الجوهره : اسكتي ابوي وعمامي وجدي ما يبون احد يدري
..
دخلو : السلام عليكم
ابو عبدالعزيز : وعليكم السلام اقعدو
فهد : ا.. بغيت شيء يا جدي ؟
ابو عبدالعزيز : عارفين الموضوع ولا ؟
فهد شك : وش هو ؟
ابو عبدالعزيز  : مفلح ينقل كلام وهذا جاني جارنا ابو محمد علمني سودتو وجهي قدام الخلق وش بينكم وبين مفلح علموني هالحين واللي ما يعلم عن مشكلته لا انفجرت بكرا انا مالي شغل يتحمل هو المسوؤليه طلعو العلم اللي ببطونكم
خالد بلع ريقه : يا جدي مفلح من كنا صغار ما يطيقنا ..
قاطعه ابو عبدالعزيز بصوت عالي : وش بسببه لييه ما يطيقكم وش مسوين له ؟؟؟
فهد : جدي  اقسم بالله  اننا ما ندري
التفت : علامكم ساكتين اهرجو
نايف : اا .. انا مدري والله ثم والله اني ما عمري احتكيت معه ولا قاشرته بشيء
وليد : يا جدي عندي اقتراح اذا سمحت
ابو عبدالعزيز : ايوا وش اقتراحك يا ابو الاقتراحات ؟
وليد : جيبو مفلح وحققو معه
ابو عبدالعزيز بتفكير :  طيب واذا ما تكلم ؟
وليد : كذا يثبت انه حسود وحقود وراعي مشاكل وجيبو بعد ابوه يكون شاهد وعمامي و ابو محمد يكون شاهد بعد
ابو عبدالعزيز ابتسم : والله طلعت داهيه
وليد بتفاخر : تسلم يا جدي
خالد همس لطلال : البلشه والله
طلال : اسكت راكان قال نسوي نفسنا ما ندري يا غبي
ابو عبدالعزيز : وش توسوسون به انتم ؟
خالد : متى بتجبون مفلح ؟
ابوعبدالعزيز : نايف
نايف : لبيه
ابو عبدالعزيز : اقمز وناد مفلح وابوه وابو محمد قلهم جدي يبغاكم ضروري والمغرب
قام : ابشر
التفت : وانتم قومو جهزو القهوة وانت يا خالد انثبر ابيك
خالد : ابشر
...
زينه : بنات احد عنده حساسيه من القطاوة ؟
لولوه : لا بس قطاوة اسمها بسه
زينه  : بسه قطوة قطه نفس الشيء
سلمى : امشو بدأ الشوط الثاني من عزايم امي وخالاتي
الجوهره : تكفيين لا تكون جت ...
رجوى : سلام حبيباتي
رهف : وعليكم السلام ، كان قعدتي اجيك
رجوى : لا عادي اساعدكم
الجوهره : خلصنا بنطلع الحين
لولوه : جوج استني
سلمى : اجل امشو وبعدين ذول يلحقونا .. طلعو
زينه  : مين هذي ؟
لولوه :ذي الغثيثه رجوى
زينه : شوفي غثيثه من  ناحيه الكلام مرره مياعه بس ليه تكرهونا بزياده
الجوهره : امم يمكن لانها غثيثه
لولوه : تعرفين خالد ؟
زينه : ذاك الطويل ؟
الجوهره : والله طوله حلو
لولوه : اسكتي انتي المهم هي الطرف الثالث
زينه : ما يحتاج اخمن من الطرف الثاني
الجوهره : مين ؟
لولوه : يا هبله انتي
زينه ضحكت : عاد كنت اتمنى انكم صدق تحبون بعض وتحققت امنيتي
الجوهره ابتسمت : يارب عقبال بعد تتحقق امنيتي ويصيرون اللي ببالي لبعض
لولوه : مين ؟
الجوهره : تأخرنا امشو نطلع
لولوه : بتعلميني ما بنسى ترا
....
طلال : وش قال جدي ؟؟
تنهد : يسألني اذا تهاوشت معه
طلال : لازم ندق على راكان ونقول له
فهد بخيبه أمل : كيف بيمسكهم مليون مره نلقى دليل ويطلعون منها بسهووله كييف ؟
مسك كتفه : قم اوقف كيف يخيب املك والجوهره وثقت بك انت مو مستوعب انها تركت وليد وفهد وعمامي والعالم و وثقت بك انت بس افهم يا خالد لازم تكون سندها وتوقف معها ولا وش هالحب اللي بس كلام ما خبرتك انك كذا يا خالد
وقف قبض على يده : وانا ولد محمد ما اتركه لازم اصحصح كيف اترك جوهرتي هو يستنى ذي اللحظه اللي افقد الامل والله ثم والله ان الجوهره ما تاخذ الا انا ومحد بياخذها وهذاني حلفت
طلال ابتسم : هذا خالد اللي اعرفه دق على راكان وقل له
...
ام عبدالله : كيف دراستك يا جهير ؟
الجوهره : الحمدالله كويسه
ام عبدالله : كم باقي لك و تتخرجين ؟
الجوهره : توني بقى لي ٦ سنين
بصدمه : للحين متوسط؟
ضحكت : لا الجامعه بدرس
ابتسمت : وش لك بالجامعه والخرابيط البنت مالها غير بيت زوجها واهلها
رهف :هذي رغبه الجوهره والزواج ماهو لعب توها صغيره
التفت : الا يا ام نايف شرايك بالكلام ؟
ام نايف : وهي صادقه رهف بكرا لا تطلقت وش بينفعها غير شهادتها تكد على نفسها وما تحتاج احد يصرف عليها
دخلت أمل : جوج تعالي ..
طلعت : وش فيه ؟
امل بهمس : خويلد يبيك بموضوع يقول ضروري
بلعت ريقها :وينه هو ؟
امل : هذاك المكان اللي كنا نلعب به (اللي سميناه ملتقى الاحبه بالبارت ٤ )
الجوهره : بجيب عباتي واطلع
...
همست : خالد
خالد : عيون خالد
الجوهره : وش تبي ؟
خالد : الله تغلينّ علي
ابتسمت : مو وقت كلامك  اخلص وش الموضوع  الضروري؟
ابتسم : ولا شيء بس اشتقت اسمع صوتك
الجوهره : يعني جايبني من البيت بس علشان كذا وبعدين ما يحق لك تقول لي كذا رفعت يدها شايف شيء يدل على هذا ؟
خالد تنهد : اقعدي بتكلم الحين ويدك وش دخلها ؟
الجوهره : اخلص وش فيه ؟
خالد : مفلح ..
قاطعته : بيسوي شيء ؟؟
خالد : استني بتكلم الحين بدق على راكان ويفهمك
رد : ايوا صار شيء ؟
خالد : راكان قول للجوهره السالفه
راكان : قبلها بسالكم الحين كيف تلتقون بدون احد يدري ؟
خالد : عندنا وسيطات بس طبعا ما نشوف بعض غير صدف والحين نلتقي علشان ذا الموضوع
راكان : ودي اعرف قصتكم بس بعدين الحين بقول لكم وش تسون اختي الجوهره معي ؟
الجوهره : ايوا
راكان : كويس ، الحين جوالك مهما حولنا فيه بيتجسسون اهم شيء ماهو معك الحين
الجوهره : لا مو معي
راكان : انتبهي انك ما تثيرين الشكوك اللي يخليهم يحسون انك علمتي احد لان وقتها تعرفين وش يسون
بلعت ريقها : ايوا
خالد بغضب : وش بيسون ؟!!
راكان : يا ابن الحلال هدي ترا ما بيتغير شيء اذا عصبت امسك اعصابك لا تنكبنا وينشرون الصور
خالد : طيب
راكان : خالد مفلح اذا دخل حاول تصور فيديو وهو يتكلم يمكن يزل لسانه ونمسكه دليل ونحقق  معه والجوهره سوي نفسك ما تدرين عن مشلكه فهد ولا تسبين مفلح او اي شيء لان بتثيرين غضبه و يسوي شيء انسي شيء بالحياة اسمه مفلح وخالد
خالد : ليه تنساني ؟
راكان : لا تبين حبها لك علشان بعد ما ترفع ضغطه ويسوي شيء
تنهد : بقى شيء ؟
راكان : لا بس انتبهوو من حركاتكم خصوصا انت وطلال انتبهو
خالد : ابشر وقفل
التفتت : الحين مفلح عنده احد يساعده مستحيل يسوي كل ذا لحاله ؟
خالد : هاه .. اي في احد يساعده
الجوهره : خالد مخبي علي شيء ؟
خالد : لا ... اصدق ايوا ما بغيت اخوفك
الجوهره : وش ؟؟
خالد : مفلح بختصار هو واحد من حقين العصابات اللي بالغرب وذول
الجوهره : كيف ؟؟
عدل جلسته : تتذكرين يوم سافر لأمريكا يدرس طب نفسي
الجوهره : ايوا قبل ثلاث سنين اضن صح ؟
خالد : هو وقتها للآن ما في دليل بس الاكيد انه قابل يعني مافيا وصار معهم
بصدمه : اييش توك تقول عصابه ؟؟؟؟؟
خالد : لا مو كذا هو مو من المافيا لا جزء من عصابات المافيا يعني مدري كيف اشرح
الجوهره : كيف عرفتو ؟
خالد : راكان مسك ذاك اللي طعني ما تكلم بس يوم بيعرفون هويته اتضح انه منهم
الجوهره : يارب لطفك يارب ابعد عنا كل شر
خالد : آمين .. دق جواله .الو .. ايوا .. الحين جاي
التفت : امشي اوصلك باب بيتكم مفلح بيجي
قامت : لا انت الحق روح صوره وانا بروح امش بسرعه
خالد : بس .. طيب
....
ابو عبدالعزيز : يا مرحبا اقلطو يا الله حيهم
ابو مفلح : الله يبقيك
ابو عبد العزيز : القهوة يا ولد
...
وقف السياره ونزل 
زينه : انتبه ما تشوف
فهد :  مين قطوته ذي ؟
التفت : اا .. قطوتي
ابتسم : لا تتركينها بالشارع تصدمها سياره
زينه : اكيد بس انحاشت يوم كنت العبها
مد يده راحت القطوة له مسكها ابتسم انتبه للميداله المعلقه عليها : زوزو ؟
زينه : ذا اسمها
ضحك : واضح مين صحبتها
زينه : عطيني باخذها واروح
راحت وتنهد
...
ابو عبدالعزيز : وينه فهد ؟
دخل : السلام عليكم
سلم على الرجال لين وصل لمفلح قرب وهمس مفلح : لا تحاول تصلح الامور وهي عوقه
ربت على كتفه : بخير دامك بخير ابعد وتركه
التفت : خالد علامك ليه جوالك كذا ؟
خالد : هاه لا بس مدري وين احطه حطيته هنا
ابو محمد : جعله خير يا ابو عبدالعزيز وش فيه ؟
ابو عبدالعزيز : خير ان شاء الله التفت يا ابو مفلح ما يصير ذا اللي يسويه ولدك
ابو مفلح بغضب : وش سوا ؟
ابو عبدالعزيز : مفلح يا وليدي بسألك وجاوب قل الصحيح ترا في شهود على كلامك
مفلح : ان شاءالله
ابو عبدالعزيز : ما دخلت قبل يومين تتهم فهد ان في شيء مسويه غلط وانك شفته بعيونك
مفلح التفت لابوه : ايوا
طلال بهمس : يقلع بليسه حتى ما تردد
وليد : اسكت خلنا نسمع
ابو عبدالعزيز : طيب انا صدقتك وهذا فهد قدامك يحلف انه ما شافها ولا كلمها حتى
مفلح : اكذب عيوني يعني ؟!!
فهد : ا ....
مسكه خالد : اسكت ربي ما بيضيع حقك
ابو عبدالعزيز : لا ما بقول كذا دقيقه وين وليد
وليد : سمّ
ابو عبدالعزيز مسك راسه : تعال كمل بدالي
بصدمه : ايش ؟
ابو عبدالعزيز : وليد ارتفع ضغطي تعال
وليد : ابشر وش اقول ؟
ابو عبدالعزيز : اسأل مفلح وهو يجاوب
مفلح : ليه الدعوه تحقيق يعني ؟!!
ابو مفلح : كانك صادق جاوب
قعد وليد : طيب ، متى شفته ؟
ابتسم بسخريه : وش ذا السؤال
وليد بجديه : ما استهبل انا متى شفته بأي يوم والوقت والساعه والتاريخ بعد
مفلح بتوتر : قبل اقول لكم بيوم
وليد : التاريخ ؟
مفلح : ما اذكر بس يوم السبت
وليد : يوم الجمعه قبل تقول اصلا فهد كان عند اخوياه بالاستراحه ما جاء غير الساعه ١٢ وبعدها نام طبعا نمنا كلنا بالمجلس وبعدها قومنا عمي ابو خالد يعني ما قابلها
مفلح بسخريه: كل هذا كلام وش الدليل
وليد بثقه : وانت كل اللي قلته كلام وش الدليل
طلال همس : اسألك بالله ذا وليد ؟
خالد : ما تسكت انت ؟
وليد : اشوفك سكتت ؟
مفلح : عندي دليل وشاهده انت وش دليلك
وليد : كاميرا بيتنا و اخويا فهد التفت نايف خلهم يجون وكاميرا بيتنا جيب منها نسخه الحين يا مفلح وين دليلك ؟
مفلح : الشاهده اختي لاني كيف بعرف اصلا بنت خالته كانت هي معي والدليل صور
خالد انصدم وتذكر سالفه الجوهره : كيف صور واذا كنت مفربكها ؟
مفلح : ما يمدي افربكها اصلا دلخ انت !
طلال همس : اسكت لا يشك
وليد : انا بجيب الشهود والدليل وانت جيبهم
مفلح : ما يمدي اجيبهم الحين
وليد : اجل كذاب !
مفلح : الصور بجوال اختي وهي مو موجوده مسافره
وليد التفت : صحيح الكلام يا ابو مفلح
ابو مفلح : ايوا رايحه الرياض تتقضى الحين بخليها تحجز على اقرب طيارة وتجي
وليد : اجل ننتظر ...
.
.
.
آنتهى البارت ...
(ارسلو توقعاتكم بالانستا حسابي rhae_3838 ) ..