وينك يا درب المحبه ؟. / البارت 21 مهم ..

البارت 8

عنوان البارت (  لبسوني قيود ورماح دخلت قلبي وعذبته . )
.
راحت الايام وجت وفهد والجوهره ما يدورن عن مفلح اللي غاب فتره ورهف ومطلق حبهم لبعض يكبر كل يوم وسلمى ومحمد اللي ما يدرون كيف يعترفون لبعض ولا امل ولولوه وسيطات الحب يجمعون الاحباب لكن هل القدر بيجمعهم ؟؟.
.
.
الجوهره : رهف خلص اكلتي نص الاكل حق سهرتنا
رهف : اسكتي احس اني متوتره
لولوه : ليه؟
رهف بتوتر : امس كلمني مطلق يقول لو نقدم العرس  بالاجازه
سلمى : والله شوفي اذا بتقدمين العرس فهي نفسها بتنتظرون شهور لين الاجازه ما تجي بس يبي لكم تصبرون ولا تفكرين بالحمل وانتي تدرسين صعب مرره
امل : صح كلام سلمى لا تفكرين بالحمل بنت خالتي تخيلي حامل وتدرس جامعه ذي اخر سنه لها كل ما اشوفها احزن عليها والله رغم انها تقاوم وما تبين تعبها بس واضح على ملامح وجها
لولوه : هي اللي كان عرسها كان شهر ٥ اللي فات ؟
امل : ايوا
رهف ابتسمت : كلامكم صح بس يبلي افكر واحلل الفكره
الجوهره : بنات انا بناام
لولوه بخوف : فيك شيء تعبانه تو الساعه ١٠ احد ينام ذا الوقت
الجوهره : احس بي نوم بروح انام
لاحظت الجوهره رساله من جوالها من رقم غريب بس ما تدري مين راحت للغرفه شهقت يوم شافت صوره لها معدله فوتشوب وجنبها مفلح ارسلت للرقم : انت مين كيف جبت صورتي ؟؟
: لي طرقي الخاصه بس ان تكلمتي وقلتي لحد ما تفتحين الجوال الا وصورتك منتشره وتراني مراقبك طول الوقت
الجوهره رمت  نفسها على السرير وبكت مين هذا وليش حاط مفلح وهي مع بعضهم وكيف جاب صورتها ما تدري وش تسوي بس سمعت فهد يقول شعر ومتعمد يجي تحت الشباك  ، الجوهره راحت للشباك وهي دموعها تنزل ما تدري وش تسوي تقول لهم ؟؟ قعدت تسمع صوت فهد :
انا معك وساكن في قلبك واروحنا روح وحده
لو بغيت روحي عطيتك يا بعد روحي
لا تنسين ايامنا عند ذاك الجبل وحكينا
تذكري ان لك واحد يحبك ويغليك
ولو يقدر كان اخذك وحطك بعيونه
الجوهره تنهدت ما تدري وش تسوي بس كتبت بورقه ورمتها على خالد مكتوب
( ذاك الجبل ذكرياته ما تنسى
لكن روحي تعبانه وخايفه
  تعبانه وخايفه خوف ما يعلمه الا الله
تكفى يا خالد ابعد همي وعذابي )
خالد بخوف همس للجوهره : علامك يا قلبي وش همك وعذابك اخذه
الجوهره من ورا الشباك بصوت مرتجف بخوف : خالد بيفرقونا يا خالد بيفرقون قلبين حبو بعض  يا خالد قلبي يوجعني تكفى طلبتك ما تكون ضدي وتصدقني
خالد زاد خوفه : احد مسوي لك شيء تكلمي تكفيين يالجوهره
كانت بتقول له بس جت رساله على جوالها : ان تكلمتي بضغطت زر نشرتها ارسلت له :مين انت ووش تبي بي ؟؟
خالد خاف يوم اختفى صوتها رفع صوته شوي : يالجوهره وينك ؟
الجوهره بكت ودها تحضن خالد وتقول له ودها تشكي له بس ما تقدر ما تدري كيف يراقبها ما قدرت الا انها تقول :
يا حبيب (ن) سكن وسط قلبي وتربعه
تدري ان قلبي ماهو الا لك ولحد يقدر يسكنه
لا صحت صيحه الاستنجاد لا تخليني تراني مظلومه
لبسوني قيود ورماح دخلت قلبي وعذبته
تكفى يا ساكنه طلعني من سجني وعذابي
انا مدري منهو اللي يعاونه لكن معروف السجان للكل
لا تصدق صور واقوال هذي اقوال سجاني ومعاونه
عدلوها وحطوها وقالو للناس هذي انا
تكفى يا خالد مثل ما خليت الكلاب ما تقرب لي
ابعد عني ذول الكلاب اخبرك من كنت صغيره ما تخاف .
خالد ما يدري وش يسوي يحاول يفهم وش قصد الجوهره بس سجان ومعاون في احد مسوي للجوهره شيء ولا تقدر تتكلم قال :
احفظيها واكتبيها في قلبك
انا خالد ولد محمد ان ما اخذت همك ما يكون اسمي خالد
اعطيك عهد اني ذابح السجان ومعاونه
لعنبو حياة تعذب جوهرتي والله اقلب الدنيا
ولا تخافين ولا تزعلين ولا تنزل دمعه من عيونك .
الجوهره مسحت دموعها وبخوف قالت : خالد ان كأنك تغليني لا تبعد عني ربي بيجازيهم بس انت لا تسوي بهم شيء
خالد تنهد : يالجوهره بحاول امسك نفسي بس ذول الكلاب من ؟
الجوهره : قلت لك مقيده ومثل ما اشوفك من شباك غرفتي وانت ما تدري هم كذا
خالد بغصه : طيب كيف احد يراقبك و وش مسوين لك تكفين قولي لي وش قصدك بالصور والكلام  ؟
قطع كلامهم صوت طلال طالع للحوش
طلال : انت وش تسوي هنا والله اني حاس ما شفتك بفراشك
خالد ناظر الشباك وشافه وهو يتقفل تنهد : امش بعدين اقول لك
طلال بشك : وجهك ما يبشر بالخير الحين تقول لي
_____
مرت ليله صعبه على خالد اللي ما نام وهو خايف على الجوهره وهي ما قدرت تنام من التفكير مفلح موجود بالصوره اكيد هو بس مين اللي يساعده ؟
سلمى دخلت المطبخ : بسم الله الجوهره وش فيك تعبانه وش ذي الهالات انتي ما نمتي  ؟؟
الجوهره : لا بس امس سهرت على مسلسل وما نمت يمكن علشان كذا
سلمى : الله يصلحك شوفي عيونك حمره روحي نامي وارتاحي
الجوهره ابتسمت : ما عليك اذا جاني نوم نمت وطلعت
سلمى : تقول اذا جاني نوم تستهبل ؟؟!
عند العيال
ابو عبدالعزيز : عاد لا اوصيكم الحين كلكم روحو مع بعض للعزبه وجهزو الخيمه ونظفوها وشوفو النياق
وليد ابتسم : ابشر ناظر فهد عاد مزيونه اهم وحده
فهد : ايه صح انا بهتم بها خلص امش بس
نايف ضحك : وش فيك كأن وليد ماسك عليك شيء ؟
فهد : انت مالك دخل  رح مع وليد وخالد وطلال عالعاده مع بعضهم وانا بقعد استنى الحريم نروح
عند العزبه
وليد : يا عيال وش فيكم وجهيكم كذا ؟؟؟
نايف : خصوصا خالد وجه مرره انت تعبان ؟
خالد ابتسم : لا بس توني صحيت وامس ما نمت بدري سهرت مع طلال
وليد : افا سهره بدوني ؟؟
طلال ضحك يلطف الجو : المره الجايه
نايف و وليد راحو يرتبون الخيمه وطلال وخالد راحو للنياق
طلال تنهد : خالد الحين بتقول لأخونها ؟
خالد : انت تعرف وليد وفهد على طول يطيرون بالعجه واخاف يسون شيء
طلال : اذا قصدك للجوهره ما هم مسوين لها شيء بس مفلح واللي معه ما اضمن لك كان ما ذبحوهم
خالد جلس : هذا اللي خايف منه انا اعطيت الجوهره وعد اني ما بسوي لهم شيء ولا بخلي قلبها يتعذب على اخوانها
طلال : وش تسوي كيف نعرفهم ؟؟؟
خالد : هي فالت السجان معروف اكيد مفلح
طلال : نحتاج احد معنا يعرف بذي الامو
خالد تذكر وقام : راكان كيف ما جت ببالي اقول له
طلال : اخاف يقول لفهد
خالد يدور رقم راكان : اذا قلت له ما بيعلم فهد هو يعرفه ما يتحمل شيء وخصوصا وليد رغم انه هادي بس الا اهله
دق على راكان : الو
خالد : هلا عندي موضوع مهم لازم اقوله
راكان : وش عرفت شيء عن مفلح وشلته ؟؟
خالد : شوف مدري اذا بيساعدنا هذا بعد بس بقول لك ..........
راكان :  شوف من اللي قالته الجوهره في احد يبتزها بصورها ولا بشيء ما عليك بس انت لازم تعطيني جوال الجوهره علشان اكيد انهم مخترقين الجوال وماخذين صورها ويتجسسون عليها
خالد تنهد : الله يبعد عنك كل هم وشر مثل ما ريحت قلبي
نايف صرخ : يا عيااااال وليد الحقوو
ركضو طلال : وش فيه ؟؟
نايف يبكي : حيه قرصته امشو نوديه المستشفى
خالد رفع وليد : المستشفى بعيد ما يمدي بنوديه لجدتي امشو
وصلو ونزل خالد وليد صرخ بنص الحوش ودموعه تنزل : يا جده الحقي وليد قرصته حيه دخل مجلس الحريم وهو يحط وليد عند جدته
ام عبدالعزيز : كيف قرصته و وين مكانها ؟
خالد ندا نايف : قرصته برجله وكانت كبيره لونها اسود
ام عبدالعزيز التفت شافت الجرهره اللي متغطيه بشرشف الصلاة وتبكي : قومي روحي جيبي شنطتي قبل لا يصير السم بجسمه كامل
قامت الجوهره وهي دموعها تنزل وخالد ونايف طلعو عند الباب خالد تنهد : وش ذي الايام اللي كل شيء مو حلو يجي ورا بعض
ام خالد طلعت البنات من مجلس الحريم و تحاول تهدي ام فهد
ام عبدالعزيز : الجوهره امسكي رجل اخوك بلفها ... حاولي تصحيه لا يغمى عليه
مسكت يد وليد وهي تحاول تصحيه : وليد لا تستسلم وتروح وتخليني وحيده حنا جينا على الدنيا مع بعض تكفى لا تخليني لحالي
وليد قاعد يتنفس بسرعه وهو يناظر الجوهره وشاد على يدها بقوة
ام عبدالعزيز : ارفعي راسه عطيه خليه يشرب
وليد استفرغ  الجوهره بخوف : جده وش فيه وليد؟
ام عبدالعزيز  ابتسمت : علشان يطلع السم اللي باقي في جسمه روحي خلي خالد يجي ياخذه لفراشه يرتاح و ودي له ماء يشرب بس شوي
دخل خالد واخذ وليد هو فهد عم الصمت في بيت ابو عبدالعزيز ما قدرو يروحون للعزبه للمره الثانيه وكان ذاك المكان بعد ما كان سعادة لهم يوم يجون صار مكان حزن لهم ويذكرهم بألم الفقد ويتذكرون شعورهم وهم خايفين من انهم يفقدون خالد و وليد
نرجع شوي بالزمن قبل ثلاث ايام :
مفلح : اسمع هددها انك تنشر الصوره فاهم ؟؟
: فاهم بس وش بتسوي بعدها؟؟
مفلح ابتسم بسخريه : بخذها من خالد بسهوله اذا لعبت بعقلها وخطبتها بتوافق اكيد لان محد يرضى انه ينهان او تخرب سمعته خصوصا وهو مظلوم
: يعني انت تدري انك تظلمها ومكمل ؟
مفلح ضرب الطاوله : مالك شغل فاااهم
تنهد : طيب خلص بعد ثلاث ايام بنفس الموعد تجي ونبدأ نرسل لها قام وطلع مفلح
____
فهد : الجوهره انتي تعبانه فيك شيء ؟
الجوهره : لا وش فيكم علي اليوم  قامت وطلعت
فهد التفت لسلمى : وش فيها اختك؟
سلمى : تعبانه شوي
فهد ابتسم : اها طيب وين امي ؟
سلمى : عند جدتي تبيني اناديها ؟؟
فهد : اي ابيها بموضوع
دخلت ام فهد : هاه يا وليدي وش بغيت؟
فهد : يمه اقعدي بقول لك شيء
قعدت ام فهد : وش فيك صاير لاخوك شيء
فهد ابتسم : لا بس قررت اتزوج
ام فهد حضنت ولدها وابتسمت : انا انتظر بس انك تقول جاهز ومستعد للزواج وبدور لك احسن بنت
فهد : يمه لا تتعبين نفسك انا ابي بنت خالتي
ام فهد ابتسمت : ابشر ومافي غيرها زينه بس هي للحين تدرس جامعه خلني ادق على امها واشوف
فهد ابتسم : يمه لا تستعجلين انا جاي اقول لك بس وخليه بيننا انا بخلص اموري وبعدين قولي لهم
ام فهد : ابشر واخيرا بشوف عيالك
فهد ضحك : يمه للحين ما صار شيء وش عياله
ام فهد قامت : انت خلص امورك واستقر وقل لي تمام ؟
فهد ابتسم وباس يد امه : ابشري يا قلبي انتي
ام فهد ضحكت : الحين زينه قلبك موب انا
عند العيال
طلال : دق عليك راكان ولا لا؟
خالد  تنهد وطالع الجوال : لا انا متأكد ان مفلح له يد
طلال : لا تظن سوء وتاخذ ذنوب تأكد
خالد شاف مفلح دخل للمجلس قبض على يده وهمس : والله لو ادري ان لك يد يا مفلح اني لاذبحك
طلال مسكه وطلعه : خالد لا تضيع نفسك وتضيع الجوهره معك انتبه  ان ذبحته بتروح لسجن وحتى وهو ميت بيفرقكم تكفى طالبك لا تطلع لحالك قل لي واروح معك خلص؟؟
خالد تنهد : وش اسوي يا طلال ذا يبغى ياخذ روحي تفهم وش تعني لي الجوهره هي كل شيء في حياتي
طلال : اقعد واهدأ وحل المشكله بطريقه ما تبعدك عن الجوهره
دق جوال خالد : الو
راكان : مثل ما توقعت يحاولون يبتزون الجوهره بصورها
خالد قام بغضب : كيف اخذو صورها ؟؟؟؟
راكان : اهدأ اخترقو جوالها واخذو صورها الحين نحاول نحدد مكانهم وانا بالطريق لكم قل لي مكان تنلتقي فيه
خالد : برسل لك الموقع قفل المكالمه....
راكان : طلال انت متأكد اخوك صاحي ليع جايبنا بمكان مهجور
خالد : تبيني اوديك مجلس جدي مثلا بيشكون الحين قل لي وش نسوي
راكان : اول شيء مفلح مو متأكدين ان له يد بالامر بس ..
خالد قاطعه : مين غيره يسوي كذا
راكان : خلص اسمعني مفلح بنراقبه لان الموضوع كبير يا خالد وخطير لازم ننتبه
طلال : راكان لا تخوفنا كيف خطير ؟
راكان : هم طلعو عصابه مافيا ما تنتهي من كثر اللي فيها وخطيرين مفلح لازم ندور دليل يثبت انه يشتغل معهم علشان نتأكد منه وعصابه المافيا ذول صعب نمسكهم لان اكثر من مره حاولنا نمسكهم يطلعون من الموضوع بسهوله
خالد : وش يبون الله ياخذهم ؟
راكان : عصابه مافيا وش تتوقع
طلال : دقيقه عصابه المافيا ذول مو موجدين بس بالافلام
راكان ضحك : لا يا طلال موجودين بالحقيقه بعد
خالد : كيف عندنا بالسعوديه كذا ؟؟
راكان : مو عندنا مقرهم برا السعوديه بس لهم معاونين هنا ونحاول نمسكهم
طلال : يعني راح نراقب مفلح ؟
راكان : لا  انا حاط اشخاص لذا الموضوع اهم شيء انت وخالد سوو انكم ما تعرفون شيء التفت لخالد وانت لا تبين لمفلح ان الجوهره لمحت لك فاهم ؟؟؟
خالد تنهد : طيب خلص
في البيت
ابو فهد : واخيرا رجعت لك المزرعه يا محمد
ابو خالد : اي والله حسبي الله عليه تعبت السنين كلها واخرتها بياخذ مزرعتي
ابو نايف : لعلها خيره الحين بنطلع ونتمشى بها
ابو عبدالعزيز : الا كم لنا سنه ما رحنا المزرعه
ابو خالد تنهد : ٧ سنين ونص
طلال : الحمدالله مثل ما قال عمي ابو نايف لعلها خيره بروح ابشر العيال
وليد : وش عندك ؟
طلال ضحك : الحين بتفرحون اكيد
خالد تنهد : وش قل ؟
طلال : ابشركم ابوي رجع المزرعه بأسمه بعد سنين
وقفو العيال من الصدمه فهد : لا صدق؟؟
طلال ابتسم : وش فيكم صدق
(قصه مزرعه ابو خالد قبل ما كان في اثبات انه اشترى ارض ولا مزرعه غير شهود واحيان لا وقبل ٧ سنين جا الرجال اللي اشترى منه ابو خالد المزرعه يقول انه ما اشتراها ويبي ياخذها وقعد ٧ سنين رايحين جاين بالمحاكم يثبتون ان المزرعه لابو خالد ولقو واحد من الشهود بعد تعب وقال ان المزرعه لابو خالد اشتراها من الرجال وشهدو ٤ رجال وانا منهم وتمت الامور والحين صارت لابو خالد  )
فهد : الحمدالله متى بنطلع لها والله مشتاق
نايف : يا عيال اكيد انها ماتت وصارت صحراء
خالد : لا ابوي اتفق مع الرجال ان العامل يقعد يهتم بالمزرعه علشان ما يروح تعب ابوي لين ما يثبتون
وليد : اتذكر كان عند عمي خيل وش صار عليها؟
طلال : لا اخذناها و وديناها لرجال يهتم بها
خالد : ابوي بغى يبيعها بس انا رفضت
فهد : وش كان اسمها والله ناسي حتى شكلها
طلع خالد جواله : انا قبل كم شهر رحت للرجال وصورتها اسمها نور
تجمعو كلهم عند جوال خالد : نايف ترا كسرت كتفي قم
نايف جلس : الله يا زينها بيضاء مررره ما الومك مسميها نور
طلال ضحك : اسكت لا تذكره ويزعل
فهد يحاول يتذكر ضحك : اخخ خالد للحين زعلان علشان عمي جاب لك خيل بيضاء
خالد حك راسه : وش اسوي ياخي في واحد اعرفه يبي خيل مثل اللي عند ليدي وقتها كنت صغير ابي اجيب له كل شيء لانه غالي على قلبي
وليد ضحك : اذكر يوم كنت صغير ما كنت حنون وش جاك وقتها ؟
نايف : متى بنروح للمزرعه؟
طلال : مدري بس اتوقع الاسبوع الجاي
___
لولوه ركضت : بنااات عندي لكم اخبار حلللوووه
امل : وش فيك ؟
لولوه : مزرعه عمي محمد رجعت له
امل وسلمى : من جدك ؟؟؟
لولوه : اي تو ارسل لي نايف
امل : وانا ليه ما قالو لي اوريهم
رهف : وش فيه صوتكم عالي ؟
سلمى : مزرعه عمي محمد رجعت له واخييرا
رهف حضنت امل : الحمدالله واخيرا
لولوه : الحمدالله يعني بترجع الايام ذيك مليت من العزبه والبر
ام خالد قاطعتهم  : تعالو ساعدونا نجهز العشاء
عند عائله ابو مطلق
ابو مطلق طلع يستقبل بنته : يالله تحيهم
سلطان( زوج سجى): الله يحيك سلم على ابو مطلق
سجى حضنت ابوها : مشتاقه لكم
مطلق ضحك : وين كلامك يوم تقولين ماراح اشتاق لكم ؟
سجى : اسحب كلامي
ابو مطلق : اقلط يا سلطان
سجى دخلت تسلم على امها بس استقبلها محمد وهو يركض
محمد حضنها : سجى جيتي
سجى ابتسمت : اي وين امي ورائد
محمد : رائد راح للبقاله يجيب لي حلاو وماما جوا
سلمت سجى على امها وقعدو
ام مطلق : وش اخباركم كيف اجواء الرياض؟
سجى ابتسمت : الحمدالله واجواء الرياض حرر التفت لمحمد ، وش رايك تبي يجيك اخو تلعب معه ؟
محمد : اي ابي اخو صغير
ام مطلق استوعبت بصدمه : انتي حامل ؟؟
سجى حضنت امها : ايه
ام مطلق ابتسمت : كم صار لك ؟
سجى : توني بالبدايه صار لي شهر واسبوع
رائد دخل : يا هلا بأم رائد
سجى ضحكت : للحين تبيني اسمي ولدي رائد ؟
رائد ابتسم : اكيد لازم علشان يطلع مثل خاله
ام مطلق ابتسمت : وهذا رائد جاي بالطريق
رائد التفت لسجى : من جدك ؟؟؟
سجى : ايه سميك جاي
حضن سجى : ماني مصدق بصير خال وعم بنفس ااوقت
ام مطلق ضحكت : بتصير خال اي اما عم تو للحين ما صار شيء
سجى : بروح ارتاح تعبت من طريق السفر
ام مطلق : كويس وانت يا محمد يلا وقت للنوم
محمد : متى اصير كبير وانام على كيفي
ام مطلق : شرايك تسكت وتروح تنام
مر اليوم كغيمه فرح مرت على عايله ابو عبدالعزيز بعد ايام صعبه لكن الجوهره وخالد ما يعرفون وش بيكون مصيرهم ..
.
انتهى البارت .