وينك يا درب المحبه ؟. / البارت 21 مهم ..

البارت 18

عنوان البارت ( الخطه التي بدأت بدون تفكير .. )
.
.
.
ابو عبدالعزيز : يا فهد
ابو فهد ابتسم : راح فهد ماهو بموجود
ضحك : الله يستر عليه كرفناه الحين دور وليد بس ماني شايف احد من العيال من الصبح وينهم ؟
ابو نايف : تلقاهم بمكانهم اللي دايم (" ملتقى الاحبه " )
ابو عبدالعزيز : والله انهم يروحون هناك اكثر من بيوتهم
ابو خالد : هذا هم من كانوا صغار ما تغيروا
ابو فهد تنهد : الله يرد قائدتهم بالسلامه
ابو نايف بأستغراب : قائدتهم مين هي ؟
ابو خالد : الجوهره هي اللي كانت تخطط وتنصب عليهم ويسوون اللي تبيه
ابو عبدالعزيز ضحك : خصوصا خالد لو تقول له اطلع للغيوم طلع علشانها محد قدر عليه غير الجوهره
ابو خالد : اي والله
..في تورنتو ..
خالد بغضب : ليه خليتوه يروح الحيوان
راكان بهمس : اسكت انت حمار حنا قريبين منهم وقاعد تصرخ ؟
ظاهر : الحين بيتعاونون معنا شرطه تورنتو ؟
راكان : بإذن الله
خالد : لازم نكتشف القصر
ظاهر : يارب زدني صبر على هالخبل
راكان : شوف هو صح خبل ومجنون بس والله صادق شلون بنقتحمه وحنا ما نعرف الطريق ولا كم دور ولا اي شيء ؟
ظاهر : شوف مره كبير لدرجه احس انه فندق ولا بيتين مع بعضهم
راكان تنهد : انت اسكت لا تتكلم
ظاهر ابتسم : ابشر
راكان التفت لخالد : هاه وش خطتك ؟
خالد : بقى كم ساعه وتظلم الدنيا ومحد بيقدر يشوفنا نلف على القصر ونشوفه
ظاهر : يا خوي حاطين حراس شلون بنلف على القصر لو يمسكونا وش نسوي ؟
راكان : شوف انا وظاهر نقدر عليها بس انت ؟
خالد بنظره حاده : لو ماني قدها وشوله جاي معكم ؟
راكان ابتسم وربت عل كتفه : انا داري انك رجال وكفو بس اقصد لو يمسكونك شلون بتنحاش منهم ؟
خالد ضحك : يا حبيبي يا راكان شكلك ما دريت ان عمي عسكري متقاعد
راكان : طيب عمك بيجي وينقذك مثلا ؟
ظاهر تنهد : عسكري متقاعد من كلمته اعرف انها قدها لانه اخذ تدريب اكثر من العسكر بنفسهم
راكان  : اها يعني وش ؟
خالد : انت غبي عمي عسكري متقاعد يعني رجال فاضي ما عنده شيء كان يمسكنا ويدربنا حتى مره واحد من الديره يعيش لحاله وطبوا عليه حراميه وسرقوه وانتشر الخبر بالديره وخلانا عمي عنده علشان نحميه واذا رجع حرامي نمسكه
راكان : عمك منهو ذا ؟
خالد تنهد : عمي ابو فهد
راكان ضحك : وانا اقول شكله كان عسكري لان من وقفته واضح هالشيء بس يوم شفت جدك و وقفته قلت شيء وراثي
خالد ابتسم : جدي كان عسكري
ظاهر ضحك : اول مره اشوف احد يطلع غباء راكان
راكان ضرب كتفه : اي خلص وقت المزح الحين وش الخطه ؟
خالد : الشمس بدت تغرب اذا صار ظلمه نطلع ونلف على القصر
ظاهر : طيب واذا امسكونا وش نسوي ؟
خالد : ما راح نروح ويدينا فاضيه
راكان صفق : حلو وندخل السجن شكرا لك يا خالد الذكي
خالد : طيب وش نسوي ؟
راكان : ولا واحد بيروح ومعه شيء اذا مسكوا واحد فينا يصفر وحنا نجيه وننحاش
ظاهر : واذا عرفوا وجيهنا ؟
خالد : يا غبي ما راح نطلع  وجيهنا
راكان : تم اجل اذا جاء الليل سرينا نلف القصر ونكتشفه
.. في القصر ..
أيما : ما هي قصتك ؟
الجوهره : قصه ؟ هههههه يا حبيبتي قصدك حكااايات واجده
أيما : لا اعلم سبب احضارك هنا لكن لقد جعلوني اكون معك طوال الوقت كي لا تهربي وايضا يوجد حارسين امام الباب وحراس تحيط بالقصر هل انتي شخصيه مهمه ؟
الجوهره : لا مو شخصيه مهمه
أيما : اذا ماذا ؟
الجوهره : انا مخطوفه
أيما بذهول : لماذا خطفوك ؟؟
الجوهره : شفتي عامود الكهرب وابو شنب اخضر ذول خطفوني
أيما : من هم لم افهمك ؟
الجوهره : مفلح عامود الكهرب و صديقه ما اعرف اسمه وش اسمه ؟
أيما : اها مفلح وصديقه مالك
الجوهره : هو كيف صار صديقه وش قصته ؟
أيما : مفلح ام مالك ؟
الجوهره : مالك
أيما : ان لي سنين طويله وانا هنا ولكن التي قبلي قبل ان تتقاعد اخبرتني ان مالك ابوه ميت ولكن لم يمت موته طبيعيه وامه هي عربيه الاصل لكنها دائما عابسه وتغضب بسرعه ويجب ان انتبه ومالك هو الابن الوحيد لها لقد عاش طوال حياته بين المربيات العربيات والانجليزيات وامه احضرت له مدرسين كثيرون ليتعلم اللغات والحساب وغيره من هذه الاشياء
الجوهره : بس واضح عليه انه غبي
أيما بهمس : اتفق معك
الجوهره ضحكت : حبيتك شرايك تصيرين صديقتي ؟
أيما ابتسمت : حسنا ولكن لتخبريني لماذا خطفوك ؟
الجوهره : ما ادري اي واحد بالضبط جابني هنا بس واضح انه مفلح ومالك متعاونين
أيما : ما السبب الذي جعلهم يفعلون ذالك ؟
الجوهره : مفلح لانه يحبني حبه برص ان شاء الله ومالك مدري ليه
أيما : اذا كان يحبك لابد ان يتزوجك
الجوهره : بس ما احبه احب واحد ثاني
أيما : من هو ؟
الجوهره ابتسمت : اسمه خالد هو طويل وله شعر كثيف اسود مثل سواد الليل مثل عمي قوي واحس احيان اذا مسك الفنجان انه بينكسر من قوته وجميل
أيما ابتسمت : يا له من محظوظ
الجوهره ضحكت : ليه
أيما : لقد احبته فتاة جميله جدا
الجوهره : خلص زودانها الحين بتنامين عندي بعد ؟
أيما : الم اخبرك انني سأكون معك طوال الوقت
الجوهره : اي خلص وحلو بديتي تفهمين اللهجه العاميه
أيما : هل سوف تنامين ؟
الجوهره : بوقف قدام الشباك شوي وانام
أيما : اتمنى ان لا تهربي لان احتمال ان علم سيدي سنذهب لخبر كان
الجوهره : متعوده قبل انام اوقف قدام الشباك وبعدين مقفلينه بمليون قفل كيف انحاش ؟
أيما قامت وطفت اللمبه و الجوهره وقفت عند الشباك تتأمل المكان اللي رغم جماله الا انها كانت تكرهه كره ما يعلمه الا الله
.. عند طيور الحب زينه وفهد ..
فهد : اعتذر
زينه مسكت وجهه : خلص فهد هذا الاعتذار المليون اللي قلته لي انا راضيه بك واحبك
فهد ابتسم لكن سرعان ما تلاشت ابتسامته وتنهد
زينه : فهودي شفيك ؟
فهد : احس بضيقه كل ما تذكرت الجوهره
زينه تواسيه : ما عليك بإذن الله بترجع وهي قويه وبعد مو الشرطه تدور عليها خلص وكل امرك لربك
فهد : ونعم بالله ، تصدقين نسيت اقول لك
زينه : وش ؟
فهد : تدرين مين اللي عطاني رقمك ؟
زينه : اي مين من زمان ودي اعرف
فهد : الجوهره رحت وقلت لها اني بعترف لك وكذا وهي ما ردتني و وعدتها ابلكك بعدها بس سبحان الله تزوجتك
زينه : طيب بصارحك بشيء عادي ؟
فهد عدل جلسته : وش ؟
زينه : تدري اني حبيتك وانا صغيره حب كبيره مره حتى يوم كنت احب اسمي من مناداتك لي ويوم تغطيت ولا عاد بلعب معك ولا اكلمك تعبت مره لدرجه قعدت ليله كامله افكر كيف انساك كتبت بدفتر اني بنساك واحطك على عتبه الماضي وخلص والشيء اللي ساعدني اننا طولنا ما جيناكم حتى بملكه رهف ما تحركت من مكاني علشان ما اصادفك
فهد عبس : افا كل ذا صار لك وانا مدري طيب تدرين اني كنت اروح للحريم وارجع لعلني اصادفك واعترف لك ؟
زينه ضحكت : ياربي انا بنحاش وانت تلحقني
فهد ابتسم : ولحقتك لين ما صرتي معي
.. في الديره ..
وليد  تنهد : يا جهير وينك يا جهير
نايف بيلطف الجو ضحك : لو تسمعك وانت تقول جهير بتجي وتصفقك
طلال : عاد اخبرها من هي صغيره تزعل اذا احد قال لها جهير
وليد : صرنا ثلاث
طلال ضحك : محد ناوي يروح ؟
وليد غمز له : شكلك ناوي تروح هاه
طلال تنحنح : وش قصدك
نايف ضحك : علينا يا طلالوه علينا
طلال ضرب كتفه : شككتوني بنفسي وش تقصدون
وليد ضحد : نمزح معك نبي نشوف انت تحب ولا هاه
طلال : اضن اني اخر من بيتزوج ويحب
نايف : ما شاءالله على اساس بتزوج قبلك تراني للحين بأول ثانوي الله يصلحك انا اخر من بيتزوج
طلال : المهم اني ماني اللي بعد فهد شكله وليد
وليد شرق بالشاهي : الله يقلع عدوك شرقت لا انت اللي بتتزوج بعد فهد
طلال : لا والله انت اللي بتتزوج قبلي
نايف وقف بينهم : يا ليل انت وياه لازم تتهاوشون خلص انا بتزوج قبلكم ارتحتو ؟
طلال : لا انت صغير
وليد : وهو صادق
نايف : يا هو ما عرفنا لكم مره اصحاب ومره اعداء
ابو فهد : مين اصحاب مين
العيال بنفس الوقت : سكنهم مساكنهم
ابو فهد ضحك : شايفين جني
وليد : يبه روعتنا
طلال : عمي للحين عندك الحس العسكري وتجرب علينا ؟
ابو فهد : اي ذكرتني قم انت وياه لفو حول البيت كأني سامع ذيب يعوي قريب منا
نايف : يعني تبيه ياكلنا
ابو فهد : افا انا حاط ذيابه عند ذيب
وليد : يبه تبيني اعوي عنده مثلا وش اسوي به ؟
ابو فهد : اقول قم انت وياه ولفو حول البيت ولا تنسون تطفون النار
طلال : ابشر
.. في تورنتو ..
خالد : هاه يا شباب بدينا ؟
راكان : بدينا بس لا تنسون
ظاهر : ما عليك نصفر مره وحده يعني عرفت المدخل والمخرج ونصفر مرتين يعني لقطونا الرجال
خالد : الحين باسل ما بيجي معنا ؟
راكان : كلمته وبيطول عند الشرطه لين ما يتعاونون
ظاهر : وش فيك لاف الشماغ على رقبتك ؟
خالد : مالك شغل
راكان : خلص انت وياه مشينا ؟
خالد : توكلنا على الله ...
بينما الجوهره تتمنى لو تكسر تلك النافذه وتهرب من هذا العالم ترى اشخاص يتحركون خلف تلك الاشجار تقدمت اكثر لترى الحراس لم ينتبهوا تمنت ان يكون احداهم بطلها ..
خالد وقف انتبه له راكان وهمس : ايش فيك ؟
خالد ما رد مسكه ظاهر وحركه : يا ولد هيه
خالد بذهول اشر على الشباك : الجوهره ، التفتوا
راكان : متأكد ؟
خالد : متأكد اغلط بين الناس كلها الا الجوهره
ظاهر : حلو بس الحراس مجتمعين تحته
راكان : اسمع خالد تقدر تجيبها ؟
خالد : اقدر
التفت لظاهر : انت خلك قريب من خالد وانا بروح هناك الفت انتباههم وعلى طول خذ اي حجره واكسر الشباك وخل الجوهره تنط واذا خلصتوا صفر مره وحده وانا بلحقكم اذا  صفرت مرتين اروني وراكم ..
بدأ تنفيذ الخطه و راح راكان يسوي اصوات لين ما انتبهوا الحراس وركضوا بسرعه اخذ خالد اكبر حجر واشر للجوهره تبعد بس ما انتبه له وما قدر الا انه يرميها انكسر الشباك وصحت أيما ، الجوهره انذهلت لجرأة ذاك الشخص لكن دققت فيه وعرفت انه خالد مسكتها أيما : ابتعدي
الجوهره رغم الجروح اللي اصابتها الا انها دفتها وقربت من الشباك
صرخ خالد : جوهرتي انزلي بسرعه
نطت من الشباك بدون لا تفكر مسكها خالد وغطاها بالشماغ وشالها صفر مره وحده وانتبه له ظاهر وراحو يركضون ..
طلعت أيما من الغرفه وتلقى الحراس مو موجودين وبدأت تصرخ : الجوهره هربت وأمتلئ القصر بالضجه والرعب طلع مفلح من غرفته والشر يملئ عيونه ..
.
.
.
انتهى بارت اليوم ..
.
كالعاده توقعاتكم على حسابي انستا rhae_3838
(* تنبيه *: الروايه خياليه والاماكن التي تم ذكرها فقط لتكون مماثله للواقع لا غير )