وينك يا درب المحبه ؟. / البارت 21 مهم ..

البارت 1

عنوان البارت : (والعيون الناعسه تحت الجفن
نورها براق في وسط الظلام)

.
.
(عائله ابو فهد وابو نايف وابو خالد من عادتهم يجتمعو في الديره في بيت ابوهم فهد كل خميس وجمعه )
ابو فهد : يالله حيهم اقلطو للمجلس
ابو نايف : الله يحييك
ابو فهد :قم يا فهد صب القهوه لعمك
ابو نايف : وينه اخوي محمد ما تأخر بنروح لا ابوي
ابو فهد : دق علي قبل شوي يقول بالطريق
ابو نايف : يوصلون بالسلامه
عند الحريم بعد الترحيب والسلام
ام فهد : شلونك يا ام نايف
ام نايف : بخير دامك بخير
الجوهره : يمه شفتي وليدوه ارسلته للبقاله ولا جا
ام فهد وهي مبتسمه : اذا ما جا اكيد انه بمكانه تلقينه
ضحكت الجوهره : بروح له
" وليد ورا جبل قريب من بيتهم "
الجوهره من وراه صرخت
وليد : بسم الله وش فيك ؟
الجوهره بضحك : شكلك وانت مخروش يضحك
وليد يجلس : تدرين اذا قلبي وقف من الخوف بيوقف قلبك
الجوهره : وانت تدري اذا جعت انت تجوع
وليد يضحك : لا ماني جيعان بس نسيت اجيب لك الاغراض
الجوهره اخذت الاغراض : تدري من عندنا ؟
وليد يفكر : لا من ؟
الجوهره : طيب تدري اليوم وش
وليد يتذكر : ايي تذكرت اكيد خالد جا / قام بيروح
مسكته الجوهره: ما جا عمي ابو خالد للحين
وليد بأستغراب : ليه ؟؟
الجوهره : هم بالطريق للحين ماوصلو
سمعو صوت ترحيب من البيت قامو
وليد يركض : اكيد جو
الجوهره تضحك على ركضته
وليد وصل لهم : يا هلا بعمي يا هلا
ابو خالد يضحك : ياهلا بعمك ولا ولد عمك
وليد يضحك : كلكم
" وليد وخالد من هم صغار اخويا ولا يفرقهم شيء "
جلسو يسولفون / عند الحريم
سلمو على بعض
ام فهد : رهف شوفي اختك وينها للحين ما جات ؟
رهف قامت شافت الجوهره : ها شكلك شفتي بطلك المغوار وما تبين تجين
الجوهره وهي تصرف : لا كنت عند وليد والسالفه وقتها كنت صغيره راحت بسرعه لانها تعرف رهف ما تسكت
" الجوهره وهي صغيره كانت تلعب مع خالد و وليد ورا الجبل وليد راح يجيب مويا وقتها وجلسو ينتضرون وجاهم كلب قعد ينبح عليهم من بعيد ويقرب الجوهره قعدت تصيح وخالد ماسك الصيحه بس عشانها يبيها تسكت لا ينتبه لهم
خالد : خلص يالجوهره والله ما يجيك انا معك
الجوهره : كيف ما يجينا انت مو بطل
خالد : الا انا بطل وشوفي شالها
الجوهره : نزلني
خالد ما سمعها وهو يعدي بها للبيت
شافهم وليد : وش فيكم
خالد يالله يتكلم : كلب كلب
وليد خاف وانحاش معهم
وصلو للبيت خالد نزل الجوهره و وليد راح لأمه يقول لها
خالد مبتسم :اجل قلتي ماني بطل
الجوهره وهي تضحك : الا انت بطلي
رهف سمعتهم وجت: مين بطلك ؟؟
الجوهره تضحك : خالد بطلي وهي تضمه
خالد : خلص وخري ابوي ينادني انا و وليد الجوهره للان ما فكته التفت لرهف نادي وليد الجوهره ما بتفكني
راحت رهف قالت لوليد
وليد تنهد : الجوهره فكي خالد واجيب لك حلاو
الجوهره : لا
خالد : انا بوديك للبقاله وتختارين اللي تبين
فكته الجوهره
ابو خالد : وينكم سنه وانا اناديكم ساعدو عيال عمكم
راحو ساعدوهم"
فهد عند باب المطبخ : الجوهره وش فيك قاعد اناديك لي سنه
الجوهره : هاه .. اي وش بغيت
فهد : نادي امي
الجوهره : يمه فهد يبيك
راحت للبنات يسولفون
عند الرجال
وليد التفت لخالد: شرايك ننحاش من عندهم
خالد ضحك : معك معك وين بس تبي
وليد : شدعوه غبت ترا اسبوع نسيت مكاننا
خالد ابتسم تذكر الجوهره : لا بس اتغلى ولا من ينسى مكان فيه اللي يحب
وليد ضحك: شكل عندك جفاف عاطفي صرت تحبني
خالد ضحك وقامو
فهد : وين وين رايحين؟
وليد : ابد مشوار وجاين
فهد لا تطولون لان العصر بنروح لجدي
خالد ووليد : ابشر
جا العصر
خالد : مين بقى بالبيت ؟
أمل : بس الجوهره ولولؤه بيجبون الاغراض
خالد ابتسم
الجوهره : يلا يا لولؤه تأخرنا
لولؤه : طيب طيب
الجوهره : طولتي بروح اركب السياره ترا
" بيوتهم قريبه بس هم بيجبون اغراض معهم فرش وغيرها .."
الجوهره طلعت ما انتبهت لخالد تحسبه وليد : وينك تعال خذ ذي من يدي تعبت
خالد من ورا السياره مبتسم : ابشري بس مافي سلام عليكم
الجوهره لفت انحرجت : ما دريت حسبتك وليد
خالد للآن مبتسم : ما عليك اخذ اللي بيدها : شلونك جهير
الجوهره ناضرت له : ماني بخير وانت تقول جهير
خالد ضحك : هههههههه للحين تزعلين من اسم جهير
الجوهره بصوت خافت : ازعل من الدنيا ولا ازعل منك
خالد سمع تمتمه : وش تقولين ؟
الجوهره : هاه لا بس ادعي عليك لانك تقول جهير
خالد ضحك بصوت عالي شوي
لولؤه : اذا الجوهره متنرفزه فأكيد خالد قال لها جهير
الجوهره عطتها نضره اللي خلص امشي
خالد سكت وركبو الجوهره : أمل انتي نايمه ؟؟
أمل بهمس بأذنها : لا بس اسمع صوت الحب
كانت امل ورا خالد بالضبط وسمعها ناظر الجوهره من المرايه
الجوهره حست بأحد يناضرها شافته وقرصت أمل وقعدت تضحك أمل وصلو وبعدها بدأت الوناسه بالنسبه لنايف لان جده يحب القصيد وهو كل اسبوع يجيب قصيده
ابو عبد العزيز : هاه يا نايف وش جديدك؟
نايف بضحك : جديدي الاسبوع ذا ينفع تقوله لجدتي
ابو نايف : يا ولد اعقل
ابو عبدالعزيز مبتسم: خله بنشوف وش عنده
نايف : ‏ لي حبيب في سوليفه شجن
الله يامحلا شجونه والكلام
والعيون الناعسه تحت الجفن
نورها براق في وسط الظلام .
صفقو له وكملو مدح فيه الا واحد سرحان ومبتسم ولا هو يمهم فهد يضحك : خالد وين رحت لا يكون تحب
خالد : هاه لا والله بس كأني سامعها من قبل بحاول اتذكر
فهد : نايف مو شاعر كلنا ندري انه يجيبها من تويتر بس ما نبي نحطمه
خالد ضحك : ادري بس جدي ما يدري
عند الحريم
مجتمعين كلمهم بالحوش الخلفي
ام خالد : يا ام فهد وش فيها الجوهره تعبانه ما شفتها مع البنات؟
ام فهد : شكلها نامت هي صاحيه من الصبح
الجوهره بغرفتها تناضر الشباك لعل تلمح محبوبها تلمح بطلها ما لمحته
دخلت سلمى ابتسمت لما شافت الجوهره عند الشباك وغنت :
ودي تكون لي .. يا حياتي كل شي
ودي تكون لي .. حب نادر ما يخون
انتبهت الجوهره وتنهدت سلمى تربتت على كتفها : ما عليك انتم من كنتو صغار لبعض لفت لشباك وشافت واحد متهاوشين معه عيال عمها الجوهره شوفي و ........