وينك يا درب المحبه ؟. / البارت 21 مهم ..

البارت 12

عنوان البارت (تنتظر كلمه احبك .. شايفك مشغول فيها
                       كل شيء بوقته حلو .. ليه مستعجل عليها ؟ )
.
.
.
دخلت : بسم الله ما نمتي ؟!
زينه ما ردت مسكت كتفها لانا : شفيك زينه قاعده اكلمك
التفت لها : وش فيه
لانا : تعبانه فيك شيء ؟؟
دمعت عينها ماقدرت تمسك نفسها حضنتها : مدري وش اقوول؟
لانا شوي وتبكي : زوزو شفيك مو متعوده اواسيك انتي القويه اللي تواسيني ؟
مسحت دموعها : لانا لو واحد جا وقال احبك وش تقولين ؟
لانا : .....
زينه ابتسمت : شفيك ؟
لانا ضحكت : ههه بس انصدمت ما علي منه اذا يبيني هذا ابوي موجود يدق الباب ويدخل زي المحترم ويخطبني وانا افكر اوافق او لا
زينه عبست : واذا كان شخص تركتيه على عتبة الماضي ونسيتيه ؟
لانا : مدري ما اعرف لان ما عندي شخص زي كذا
زينه ابتسمت بضيق : طيب واذا قلت لك ان ذا الشخص جا وقال لي احبك وابيك
لانا بصدمه : مين ذا ؟؟؟؟؟
زينه : فهد ....
.. نروح لفهد اللي ما تحرك من مكانه ..
وليد : هييه من انت ؟؟
فهد : اخوك ما تعرفني
وليد ابتسم : اعرفه انه يكون نايم ذا الوقت
فهد ابتسم بضيق : عيوني ما عاد تقدر تنام وبالي وقلبي عندها
جلس جنبه : قلت لها ؟
تنهد وعطاه الجوال : اي
وليد التفت : حركات والله طلعت رومنسي
اخذ الجوال : اقول قم بس عطيتك وجه المفروض العكس انا الكبير انا اللي اواسيك
وليد ضحك : والله محد قال لك حب اول
فهد : على اساس اني املك قلبي
وليد قام : بتركك تعيش جوك لان هذا وجهي كان بكرا ما طبّ جدي مجلس ابو دحوم  وخطبها لك
تنهد : والله لو عرسنا بعد دقيقه وهي ما تبيني مستحيل اخليه يمر على خير
مسك كتفه : هييه انت اسمع خلها ترد ولا تسوي شيء واذا ردت انا معك بالضيق وايش ؟
ابتسم : والفرح
وليد ابتسم : وان شاءالله فرحك قرريب ويلا قم الحين نام ريح ما بقى شيء على الفجر من العشاء وانت هنا
قام فهد
...
" دق المنبه "
الجوهره : اففف املووووه طفي المنبه بنااام
امل : مو انا لولوه الزفت طفيه وبعدين وش ذي نغمه الديك والصوت لآخر شيء خيير ؟
لولوه طفته : احط نغمه تفجير وكل البيت يصحون اهم شيء اصحي واصلي الفجر
الجوهره : المفروض اللي يصلون يرقدون بمجلس الحريم احسن حنا ما لنا ذنب بننام اللي فينا مكفينا
امل : في شيء غريب رهف وسلمى ما قامو ؟
الجوهره : ذول والله لو ينفجر البيت بكبره ما درو عنه
ضحكت : اخخ نومهم مرره ثقيل كيف اذا تزوجو ؟
الجوهره : ما عليك بيجبون عيال وما يذقون طعم النوم
التفت : وانتي وش دراك ؟؟
الجوهره : زمان نمنا عند عمتي حصه كانت بنتها جايه عندها وهي ماشاءالله عندها ٤ بزران وكلهم مزعجين وما نمنا ابد
ابستمت بخبث : شكلك ما بتتزوجين اجل
طالعتها بطرف عين : اقول ارقدي وقللي هرج
...
ابو خالد : لا اله الله قومو الصلااه خيير من النووم قوموو
وليد : بس دقيقه تكفى
ابو خالد سحب البطانيه : الدقيقه ذي بتندم عليها يوم القيامه احد يأخر صلاه الفجر قم
التفت : فهد للحين نايم قم
قام دخل : بسم الله وش فيكم ؟
طلال : انا جاي قبلك ابعد
وليد : تخسي انت ابعد
فهد : اخلصو علينا لا نتأخر
وليد : قل للكلب يبعد وخلص
طلال : انقلع بس انا بدخ ....
دخل بينهم خالد وقفل الباب
وليد : خوويييلد يا كلب اوريك
طلال : خالد ان ما طلعت بكسر الباب اخلص
ابو فهد : علامكم صوتكم واصل اقصى الديره خير ؟
فهد : يبه شف حل لوليد وطلال كل شوي يتهاوشون
ابو فهد تنهد : هذول من هم صغار ما لقينا لهم حل تبي الحين نلقى لهم حل ؟
طلال : لا ما عليك يا عمي شوف انا وياه مثل السمن على العسل
ابو فهد : اقوول لا يكثر هرجك انت وياه اخلصو نلحق على صلاه الفجر
..
وليد : يا ولد هييه في احد ؟
امل :  دقيقه بطلع واجيب احد البنات بس انت ابعد
ابعد عن الطريق : ابي الجوهره
دخلت : جوجو روحي لوليد يبيك
الجوهره : جابه الله ..
وليد : بسم الله !
ضحكت : اخخ من زمان عن تخويفك
وليد : اقول بلا هرج وجيبي براد الشاهي حقنا
الجوهره : قبلها بقول لك شيء وقل تم
وليد تنهد  : وش هو علشان اقول
ابتسمت : مفاجأه قل تم يللا
ضحك : تم يلا وش هي ؟
الجوهره : بنصير طقوومي انا وياك
وليد : وش يعني بتلبسين ثوب معي ونطقم ؟
ضربت كتفه : مو لدرجه ذي المهم ان طلبيتي وصلت واخترت طقم لنا الاثنين بنطقم
ابتسم : ما خليها بخاطرك بس المهم يكون كويس ومقاسي
راحت : ما عليك وانا اختك بيعجبك ..
فتحت الكيس : هاه وش رايك ؟؟
وليد : بيطلع حلو علي مو دايم البس اللون ذا ؟؟
اعطته : بتصير هووت البسه الحين وانا بروح البس واصور
..
طلال : وش فيه تأخر ؟؟
فهد : مدري عنه ..
نايف : هذا هو وين البراد ؟؟؟
حك راسه : بتأخر لعيون جوهرتي ابعد انت وياه
خالد : علامه ؟؟
فهد : علمي علمك الحين يطلع ونشوف وش فيه
طلع : هاه يا عيال وش رايكم بس؟؟
ضحك : بالله مجمعنا علشان نشوف طقمك ؟؟
ابتسم : ما قلت لكم علشان توامي ؟
خالد : والله حلو  اول مره اشوفك تلبس كذا
نايف : الحين بفهم الرابط العجيب وش دخل الجوهره ؟؟
راح : هي تبي وانا انفذ
طلال : برااد الشاهي لا تنسااه
..
رهف : ليه ما طلبتي لنا مره وحده نطقم كلنا
الجوهره : لا يا حبيبتي بس انا ولولي
لولوه : لولي مين ذا لا يكون خالد؟؟
ضربتها : لا يا غبيه وش دخله اقصد وليد
دق الباب : ادخل ؟؟
التفت : لولوه انقلعي .. وش فيك مسنتره انت وياها ؟
لولوه : انا اصلا بدخل جوا رهف اللي قاعده
رهف : عجزانه اقوم
دق : اااددخل ؟؟؟
فتحته : قلت لك بتطلع هووت
ابتسم : اصير هوت علشانك بس اخلصي صوري و عطيني براد الشاهي
اخذت الجوال : تعال جنبي
وليد : كذا ؟
الجوهره : ايوا الله تجنن الحين يلا خذ البراد وانقلع
ضحك : من حبك سبك
قفلت الباب التفت : وش فيك ؟؟
ابتسمت : ولا شيء امشي نروح طولنا عليهم
..
طلال : هذا هو جاء اخيرراا
وليد : يلا اكيد دحومي و الشله يستنونا
نايف  التفت : انت صار لك ساعه تطالع بالجوال وش فيه؟؟
خالد : هاه .. لا بس الجامعه وكذا
فهد : يلاا  بلا هرج بلا بطيخ امشوو
..
سلمى : شوفي ذا بعد حلوو
زينه : يجنن التفت رهف الفستان حلو شوفيه
رهف : اشووف اي والله حلو تمام بشوف رايي امي واخذه
تنهدت : يعني بتتزوجين خلص ؟؟
رهف : جوجو شفيك بكون عندكم بالديره
الجوهره : افف بس ما بتسهرين معنا مين بيسوي لنا اكل آخر الليل ؟؟
سلمى : بسم الله تراني موجوده بس بتعرفون نعمتي بعد ما تروح رهف
لانا : وين بيكون زواجكم ؟؟
رهف : وين يعني اكيد بالديره
جت رساله شافتها : بجيب مويه
الجوهره : الله يبرد على قلبك
سلمى همست : وش تهبدين ؟؟
الجوهره : معك وسيطه الحب رقم ٣
ضحكت : حلو اكتمل عددكم
..
فتحت جوالها وقرأت الرساله :
" يا حبيب القلب متى الجواب ؟
اراسلك رسايل حبي لك ولا شفت حبك لي
اذا متضايق ولا ما تبي عندك رقمي بجوالك تكلم " .
قالت بنفسها : هالمره ما بشوف واسكت اعرف وش هو جوابي لك هالمره عرفت وش اقول .
ارسلت :
وتنتظر كلمه احبك .. شايفك مشغول فيها
كل شيء بوقته حلو .. ليه مستعجل عليها ؟
بكره هي اللي تجيك .. وتمر كل لحظه عليك
انت بس طولي بالك .. وكل شيء بوقته حلو
في ثواني في دقايق .. في شهور ولا سنه
القلوب هي اللي  تحكم  .. ما هو انت او انا
شاف الرساله ابتسم وارسل : ليه ما كملتيها ؟؟
زينه : راح اخليه يحرجني
ارسلت :
خلنا نفهم بعضنا .. قبل ما نهوى ونضيع
ما بعد برد الشتا .. الا نسمات الربيع
..
وليد : حسبي الله بصير احب من وراك انت وياها
التفت : بسم الله من متى وانت هنا ؟؟
ضحك : من زمان بس ما عليك انت طولي بالك
حذفه بحصا : ضف وجهك اقول بس انا منحاش منكم تلحقني
راح وهو يغني : انت بس طولي بالك وكل شيء بوقته حلو
فهد : ولييددووه
قفل جواله ابتسم : برد الشتا اقبل والربيع مطول
..
امل : بنااات
التفتو كلهم
امل : حلو ركزو معي نبي نطلع نبي وناسه الحين كل وحده تتجهز  و نطلع
لانا : وين نطلع ؟؟
الجوهره : شدعوه غبتي عن الديره ثلاث سنين بس
دخلت : وش فيكم ؟.
رهف : تخطيطنا كالعاده
ابتسمت : من زمان عن الطلعات يلا وين هالمره ؟
الجوهره : كفو ما نسيتي مثل الحضريه اللي عندك
لانا ضحكت : زينه اللي غابت ثلاث سنين انا بكمل ست سنين
الجوهره : مو مهم كلهم نفس بعض
امل : اقوول بلا هرج زايد الحين افترقو تجهزو
رهف : بس المفتاح مع ابوي بجيبه استنو
..
ابو نايف : الزمن يمشي بسرعه شيبنا
ابو فهد : شيبت لحالك حنا بعز شبابنا
ضحك ابو خالد : اي بدينا هواش الشياب
دقت الباب : يبه عندكم احد ؟؟
ابو فهد : لا اقلطي ما من غريب
دخلت : يبه قل تم
ابتسم : تم وش طلبك ؟
ابتسمت : ابي مفتاح السياره بنطلع انا والبنات
ابو خالد : تعرفين تسوقين ؟
رهف ابتسمت : اي ابوي علمني
ابو فهد : طيب متى بترجعون ؟
رهف : ١٠ وحنا عندك
ابو فهد : طيب امسكي
باست يده : الله يخليك لنا
ابو نايف : قبل كنا نوديهم كلهم البقاله الحين كل واحد يروح لحاله
ابو فهد : اسكت انت بالذات اذا هرجت خليتنا نضيق
ابو خالد : الحين خلو عنكم العيال ابوي وراه شيء
ابو فهد : الله اعلم بكرا بندري وش فيه
...
دخلت : بنات ما بنطلع
كلهم : لييه
رهف : ابوي ما رضا يعطيني المفتاح
الجوهره : انا بروح اطلبه
ضحكت : امزح يلا تجهزو بنطلع
الجوهره : مزحه ثقيله
ضحكت لولوه : ثقيله ولا خفيفه
امل : لا ثقيله ولا خفيفه اخلصو تجهزو
..
راضي : هاه يا مطربنا عطنا موال
خالد : ما نرايق بعدين
وليد : افا من مزعل خويلد ؟
تلطم وقام : بروح اتمشى مالي خلق لكم
طلال ارسل : علامك ؟؟
خالد : راكان ما قدر يلقى الكلاب مره ثانيه
تنهد .. وليد : وش فيك  طلول بعد انت زعلان
ابتسم : لا ما عليك انت ركز على اخوك صار له ساعه يطالع الجوال ويبتسم
وليد : اي اخوي دخل وادي ماله حل ما عليك منه
..
النادل : طلبكم ؟؟
زينه  : إسبريسو
رهف : لاتيه ثلاثه و امريكانو وانتي يا لانا
لانا : v60
الجوهره : زوزو كيف الجامعه ؟؟
ابتسمت : الحمدالله على مشارف التخرج
سلمى : متى اتخرج يا ربي تعبتت
رهف : نفس التخصص انتي و زينه اكتسبو خبره من بعضكم
سلمى : حلو لقيت سالفه نكديه بس يلا احس فيني طاقه سوالف
النادل : تفضلو بالعافيه
رهف : شكرا .. انتبهو لا ينكب
لولوه : بنات خلونا نسولف بعيد عن الدراسه
لانا : اي والله
الجوهره : تمام شرايكم بالحب ؟
غصت زينه
سلمى : بسم الله عليك
رهف : اقول نغير الموضوع
زينه : هه لا عادي كملو
لولوه : ايه من بينكم دخلت وداي الحب ؟؟
سلمى اشرت على رهف : قدامك رهوف
لانا : كيف عرفتو بعض؟
رهف : كنت اعتبره صديق طفوله ما في مشاعر حب بس هو اعترف وخطبني وبس
زينه : كيف اعترف ؟؟
ابتسمت : يوم لبسنا بعض الدبل اعترف لي
الجوهره : اي زوجك رومنسي مرره
لولوه تقلده : ما جا ببالي شيء غير اني اقول لك اني أحبك
رهف : شدراكم ؟؟
ضحكت : ههههه اكيد ورا الباب
رهف : ملاقيف
امل : ليه ما قلتو لي وقتها؟
لولوه : عاد انتي اكثر وحده انكرفتي
لانا : تمنيت اجي بس كان عندي فاينل
رهف : عادي بتحضرين العرس
زينه : كانت ملكتك حلوه هاديه ولطيفه بس على طول رجعنا للرياض ما تونست معكم
امل : الحين بنعوض السنين اللي راحت
سلمى : رهف جوالك يدق
ردت : اي هلا .. ابشر الحين نروح البيت .. ما عليك بنتبه لطريق
قامت : يلا نروح للبيت جت الساعه ١٠ ونص وما دريت امشو
.
.
.
انتهى البارت ..