وينك يا درب المحبه ؟. / البارت 21 مهم ..

البارت 10

عنوان البارت ( ترا راعي الهوى مفضوح ) ..
.
.
.
ابو عبدالعزيز ينادي : خااالد
خالد دخل بتوتر : لبيه امر ؟
ابو عبدالعزيز بنبره حاده : امش قدامي بتفاهم معك
طلع ابو عبدالعزيز وعم الصمت بالمجلس ..
ابوخالد قطع الصمت : وش مسوي خالد ؟؟
طلال : والله يابوي علمي علمك مدري
..
ام عبدالله : يا زين ذيك الايام ما كان عندنا هموم
(دقيقه بس علشان ما تلخبطون ام عبدالله هاذي ام رجوى رجوى هي وحيده اهلها ما عندها اخوان ولا خوات يقولون ام عبدالله لانها جابته بس بعد ما صار عمره سنتين جاه مرض ومات  ).
ام فهد ابتسمت : اي والله بس الحين ايامنا صارت احلى وحولنا اللي نحبهم
امل تهمس : سلموه قومي خلينا ندور الحيه رجوى
سلمى بهمس : مقدر امي حالفه علي ما اقوم
لولوه شافتهم يتهامسون ارسلت بالقروب : وش فيكم ؟
امل : لولوه قومي معي رجوى قامت ولا رجعت يا خوفي تدور خويلد المسكين
الجوهره : وش دخلها به ؟؟
امل : مقدر اقول لك بالقروب قومي معي
لولوه : هييه لا تنسون تقولون لي سالفه رجوى الغثيثه ذي بعد
قامت الجوهره التفت : وش دخلها بخالد ؟؟
امل : بقول لك اللي صار انت تعرفينها هي واسلوبها الغثيث وتكرهينها لو اقول لك وش سوت بيزيد كرهك لها
الجوهره : ما اكرها مره بس اسلوبه ينرفز وش اللي بيزيد كرهي لها ؟
امل : والله يا طويله العمر انتي وخالد حظكم ماش من جهه مفلح ومن جهه رجوى
الجوهره بغضب : وش دخل رجوى ذي ؟؟
امل : اهدي وخليني اعلمك ....... ...
الجوهره : يعع وش تبي ذي وخالد وينه ؟
امل ضحكت : حرام عليك ماله دخل روحي خطي حرتك برجوى مسكين هو عاد لصقت به
الجوهره ابتسمت : ما تهمني رجوى ولا اشكالها انا واثقه بخالد بس بقول له شيء
امل غمزت : وش تقولين له ؟؟
الجوهره قرصتها : قليله ادب ترا بكلمه من بعيد وبكون متغطيه ماهو زوجي علشان تغمزين وتفكرين بشياء زي كذا
امل ابتسمت : بيكون زوجك بس صدق وش بتقولين له ؟؟
الجوهره تجاهلتها واخذت جوالها امل بفضول : اي لو ما كنت موجوده ما كان قابلتيه
الجوهره : اسكتي ياختي خلص برجع لك جميلك بعدين
قطع كلامهم صوت خالد يتنحنح : يا امل هييه في احد
امل طلعت من ورا الباب : يا هلا بالعاشق الولهان
خالد بطرف عين : الحين جايبتني وتقولين بسرعه وقايم وانا فيني هموم الدنيا علشان كذا ؟؟
الجوهره طلعت  : طيب واذا دريت ان انا اللي جايبتك
خالد تغير وجه وضحك : اثاريك انتي اللي جايبتي سمي وامري وش بغيتي ؟؟
الجوهره ابتسمت : ابي نور مشتاقه لها بشوفها
خالد ابتسم : من عيوني بس نور ماهي هنا للحين ما جبناها بكرا بتجي تنتظرين لبكرا ؟؟
امل قطعت حوارهم : الله وش ذي الرومنيسه من عيوني ومدري وش احس فيني جفاف عاطفي الله لنا متى الفارس حقي يجي ويقول لي من عيوني أمري سمي (امل فجرتها 🌚)
خالد بطرف عين : وانتي تعرفين منهو ذا الفارس ؟
امل تقلده : لا ما اعرف وبعدين ترا ما بقى شيء وادخل ١٨ لا تحسبني بزر
خالد ضحك : يلا عاد ادخلو لا تمرضون الجو بدا يبرد
امل دخلت الجوهره قبل تدخل التفت وقالت وهي خايفه : خالد الرسايل بدت تجي على جوالي نفس قبل
خالد بغضب : يا مفلح الزفت انا اوريك
الجوهره بتوتر : دق على راكان وخليه ياخذه يمكن يقدر يمسكهم
خالد تنهد : ما مسكهم اول مره بيمسكهم الحين المشكله مفلح بدا يتمدا مرره
امل تركض : رجوى جت قفلت الباب ونست ان الجوهره برا
الجوهره تحاول تسمع وش يقولون هي وخالد ...
امل : اي وش تبين ؟
رجوى تتدلع : ابغى مويه بااارد تريح قلبي من النار اللي جواه
الجوهره من برا بهمس : الله لا يريح قلبك ويحرقك بحريقه يارب
خالد ابتسم : قالت لك امل ؟؟
الجوهره : وياليت ما قالت
خالد : وش رايك نتمشى الرجال اكيد انهم نامو اللمبات طافيه ونسوني
الجوهره : خويلد اقول يلا بس عطيتك وجه زياده
خالد ببراءه : افا يعني بنرجع نفترق ؟؟
الجوهره تنهدت : لا تطري الفراق
خالد ابتسم : امشي وبدق على راكان نقول له
الجوهره : ايوا علشان ياخذ عنا صوره سيئه
خالد ابتسم : ولد عم يساعد بنت عمه وبس وش فيها ؟
الجوهره : يعني ما قلت له اللي صار بالضبط
خالد : الا قلت له بس امشي هناك تشوفين نقعد واحط الجوال بيننا على سبيكر انا اقعد بعيد وانتي تقعدين بعيد عني
الجوهره : طيب
جلسو ودق خالد على راكان : الوو
راكان : ياخوي قلت لك دق وقت ما تبي بس احد يدق الساعه ١٢ بالليل ؟؟؟
خالد ضحك : حاطك على سبيكر وتسمعك الجوهره ومعليش يعني بس في امور بنقولها لك
راكان تنحنح : دقيقه كيف قاعدين مع بعض ؟؟؟
خالد فتح الكام : شف يا محقق انت ابجوال بيننا وانا بعيد
راكان : انتبه لاحد يشوفكم وتعرفون كلام الناس
خالد تنهد : طيب خلنا نرجع للموضوع جوال الجوهره صارت الرسايل تجي اكثر من قبل وش نسوي ؟
راكان : شف بمسك مفلح ذا واحقق معه ما يبي لها غير كذا لين ما يعترف لان ذا دليل بس مو متأكدين
خالد ناظر الجوهره ومسك نفسه : الله يفرجها
راكان : آمين ويلا عاد انقلع بنام واختي الجوهره لا تعطين السربوت مخلد وجه
خالد : يلا عاد مالك شغل وقفل
الجوهره ضحكت : وهو صادق بروح
خالد : ما بيدي حيله  (احس اني حزنت عليه مسكين🥲)
...