وينك يا درب المحبه ؟. / البارت 21 مهم ..

البارت 5

عنوان البارت : (والله لو يطعنوني العالم كلها ما أجوز عن حبك )
.
.
في الصباح
فهد ضحك : الجوهره اهدي شوي ترا بقى ساعه للمدرسه ليه قايمه بدري ؟؟
الجوهره بتوتر : اليوم ابله الكيمياء بتعطينا اختبار وانا احاول اراجع لا تطير المعلومات
وليد : احد يحط اختبار يوم الخميس ؟؟
الجوهره : الله يستر بس دايم اسئلتها صعبه
رهف : دقيقه لا تقولين ابله هنا اللي تدرسكم ؟؟
الجرهره : اي هي ودايم منفسه ومعصبه
رهف : الله يوفقك
كلهم : آمين
سلمى دخلت : افا مسوين سهره بدوني ؟؟
فهد ضحك : لا والله السهرات خربت يوم جت المدرسه بس ما عليكم بنسهر ننام بدري ونصحي ٢ او ٣ ونقعد نسولف
رهف ضحكت : يا حلو سهره الاجازه كنا ما ننام الا بعد صلاه الفجر بس في ناس يتهزئون كل يوم لانهم ما يقومون مع ابوي بدري
وليد وفهد : شقصدك ؟؟
ضحكو دخلت ام فهد : وش مصحيكم للحين ما طلعت الشمس ؟؟
فهد : الجوهره تراجع الاختبار وحنا نسولف لين ما يأذن الفجر نصلي ونتجهز
ام فهد ابتسمت : واليوم اول يوم لك
وليد ضحك : تصدقين يمه ان الحين لو تقولين تدري اليوم عليك دوام ما يدري سنه بس قعد عاطل وشوفي ما صار يعرف غير النوم وناقته مزيونه
فهد : لا من قال ما ادري بس ما بدخل حياتي الخاصه بالشغل
رهف : خف علينا يا رجل الاعمال ترا بتروح ارامكو
في بيت ابو خالد
أمل دخلت : والله اني داريه انكم ما نمتو تعودتو على سهر الديره
خالد تنهد : يا زين الديره واهل الديره
طلال غمز له : اهل الديره يعني وحده تسكن ببيت عمي ابو فهد ويبدا حرفها بالجوهره
أمل ضحكت : من طاح بحب حفيدات فهد راح فيها
خالد وطلال قعدو يطالعون فيها
أمل : وش فيكم صح ان جدي فهد بس من كنت صغيره وانا ابي اعيش لنفسي ولا عمري طحت بالحب دايم انا اللي اساعد اللي يحبون
فهد : كم اللي ساعدتيهم بالحب؟
أمل ابتسمت : انت والجوهره ورهف ومطلق وفي احد بس سر ما اقدر اقول
طلال : اخوك والجوهره عرفنا بس رهف ومطلق وش ساعدتيهم به ؟
أمل ضحكت : ياحليكم انا من كنت صغيره عندي نظره للمستقبل ورهف ومطلق لابقين لبعض لما كنا صغار مطلق كان يهتم لرهف وانا كل شوي اذكر رهف بمطلق انه يهتم بها اكثر وحده واذا لعبنا جيران وحريم اخلي رهف ومطلق مع بعض وسلمى ومحمد اللي بيتهم جنب بيت عمي ابو نايف انا توقعت انهم بيحبون بعض
طلال ضحك : والله مو هينه اجل انا اذا حبيت بجي اقول لك
خالد مو معهم جابو طاري الماضي والطفوله احب شيء لخالد طفولته لانها كانت مع محبوبته الجوهره
أمل بهمس : وش فيه اخوك مهوجس وسرحان ؟؟
طلال ابتسم وهمس : جبتي طاري الطفوله وش تتوقعين من خالد الا انه يتذكر طفولته وحياة مع الجوهره
أمل : الله يجمعهم مع بعض ويبعد عنهم الحساد والحقودين
طلال : من الحساد والحقودين ؟؟
أمل بتوتر : انتم ما لحظتو يعني ..
خالد صحى من ذكرياته وسمع امل : وش ؟؟
أمل تنهدت : مفلح ذا انتم متأكدين انه هو اللي ارسل واحد يطعن خالد وقبلها بيوم كانت موجوده ورقه عند شباك الجوهره مكتوب بها " افرحي جايك قريب " وكان مكتوب تحت M قالت لنا بس ما توقعو انه مفلح بس انا شكيت لانه يدري انك تحب الجوهره وهو يكرهك وشكله يحب الجوهره من طرف واحد بس غصب انه ياخذها لو ما رضت
خالد قام : وش تقولين ليه ما قلتي لي
طلال يهديه : خالد اقعد لا تحرك كتفك بقوه ونشوف وش سوو
خالد قعد وهدأ بس بقلبه يتوعد بمفلح : وش سويتو انتم ؟؟
أمل : رجعنا الورقه نفس ما كانت علشان اذا بيشوف ان الجوهره قرأتها ولا لا يشوف انه ما درت عنه
خالد : كويس سويتو كذا الكلب مفلح والله اذا قرب للجوهره انا بذبحه
طلال : خالد انت ترضى تنزل دمعه امي ولا تكسر ظهر ابوي ولا الجوهره انت بتكسر قلبها وتنزل دمعتها وتخليها وحيده واذا ذبحته وش بتستفيد بتقعد بالسجن ولا بيقصون رقبتك فكر يا خالد باللي تحبهم بدال ذا الكلب اللي ما يستاهل تضيع حياتك وقلبك عشانه
خالد اقتنع بكلام طلال لانه منطقي ابتسم : وعندي انت و أمل دقيقه لازم نلقى لك لقب
أمل ضحكت : شرايكم بوسيطه الحب ؟
خالد ابتسم : تم خلص اسمك وسيطه الحب
أذن الفجر وقامو يصلون ويتجهزون
في بيت ابو نايف
سلمى : متى بتجون عندنا ؟
لولؤه وهي تمشط شعرها : اتوقع نمشي العصر اذا مشى عمي ابو خالد مشينا معه
دخلت الجوهره : من تكلمين
سلمى : لولؤه اسألها متى يجون
الجوهره : عطيني بوصيها بشيء
لولؤه ضحكت : هلا والله ببنت العم جهير
الجوهره : بعدين اتهاوش معك بقول لك شيء انتم بتمشون مع عمي ابو خالد ؟
لولؤه ابتسمت : اي اصلا دايم نمشي كلنا مره وحده
الجوهره : بقول لك واذا احد عندك اطلعي ولا تقولين لأحد خلص
لولؤه : ابشري وبعدين بتناقش معك بسالفه الثقه فيني
الجوهره :طيب اسمعي صوري لي خالد بدون لأحد يدري بتطمن عليه
لؤلوه قلبها صار فراشات : ابشري من عيوني اذا تبين فديو لا واذا بعد تبين مكالمه فيديو من عيوني انتي بس اطلبي
الجوهره ضحكت : يا حبكم لسوالف الحب
لولؤه : ذي مو سوالف حب ذا مستقبلك لازم نساعدك عليه
سلمى : بسرعه اخلصو بشحن جوالي وبننزل نروح
العصر
لولؤه : نايف اخلص خذ الشطنه ثقيله
نايف بسخريه : اوف بس من دلع البنات
لولؤه طنشت وركبت السياره تنتظر خالد يطلع وتصوره ( بيت ابو خالد وابو نايف جنب بعض )
طلال من عند الباب : ناايف تبي تجي معنا ؟؟
نايف : ايوا اكيد
طلع خالد لولؤه طلعت جوالها شوي من الشباك علشان تصوره صورته وتبي ترسلها للجوهره
خالد انتبه لجوالها : قلنا اني مزيون بس تصوريني وانا ما ادري
لولؤه : بسم الله انت جني تطلع من كل مكان
خالد ضحك : لا تغيرين الموضوع ليه مصورتني
لولؤه : سر ما اقدر
خالد : اقول اخلصي ليه ولا ارفع عليك قضيه انك مصورتني وانا ما ادري
لولؤه : ما بتخوفني بعدين ما اظن في كذا
نايف : وش تتكلمون به ؟
خالد ضحك : خف علينا يالرجل الغيور ترا بنت عمي وجيت اسلم عليها
لولؤه تغير الموضوع : نايف انت بتمشي معنا ؟
نايف : لا بروح مع طليل ومخلد
طلال : والله لو يسمعك عمي ابو فهد بيزعل عليك
نايف : عمي سماك طلال زي طلال مداح بس ياليت صوتك نفسه دامك سميه
ضحكو ابو نايف : يلا يا عيال اركبو السياره نبي نمشي
نايف : ابشر
طلال : دقيقه بقت أمل شكلها للحين نايمه
امل وراه : ياليت نايمه بس امي وخالتي كرفوني ولولؤه انحاشت ولا قالت لي
لولوه : معليش بس تعالي معنا احتمال اقول لك شيء
امل : ونايف بيمشي على رجوله يعني
نايف ضحك : حرام عليك بروح مع مخلد وطليل
خالد : خلص يا نايفوه اركب وانتي امل بتروحين مع ابوي ولا عمي ؟
امل ركبت سياره ابو نايف : بروح وبشوف وش ورا لولوه
في بيت ابو فهد
سلمى : وش فيك متنحه بالجوال ؟؟
الجوهره ما ردت عليها قاعده تشوف خالد وتفكر فيه بالصوره مبتسم بس تدري انه يتألم ولا يقول لأحد علشان ما يخوفهم
رهف : خليها اكيد لولوه ارسلت لها صوره خالد ومتنحه فيه
وليد دخل على الكلمه الاخيره : مين المتنحه ؟؟
الجوهره انتبهت : هاه لا بس سلمى قعدت متنحه تحاول تسوعب ان المحاظره اللي اخذتها اليوم
سلمى انصدمت : وش ...
رهف قاطعتها : الحين انت وش تبي ؟؟
وليد ببراءه : افا تطردون اللي يجيب لكم حلاو واغراضكم من البقاله ؟؟
ضحكت رهف : لا ما نطرده بس انت تطلع فجاءة وتخوفنا
الجوهره : وليد عمامي جو ولا لا؟؟
وليد : لا الحين هم بالطريق تبين شيء؟
الجوهره ابتسمت : لا بس بروح للجبل بقعد اتمشى شوي
رهف : انتبهي لا يطلع لك عقرب ولا شيء اخر مره جيته شفت عقرب
وليد تذكر وضحك : ما انسى صراخك وركضتك
الجوهره : ما عليك الحين بروح
وليد : وش فيها ذي كأن احد خرشها
رهف ترقع : للحين منصدمه من المحاظره
ورا الجبل ( شرايكم نسميه ملتقى الاحبه ؟🌚)
الجوهره تنهدت وطفت جوالها وهي تشوف المكان اللي فيه كل طفولته وكل زاويه فيها ذكريات راحت لمكان فيه تراب شوي ومرتفع : للحين ما راح تراب وخشب بيت جيرانا
(كان عندهم جيرانا وجابو تراب وخشب على اساس يسون مشب بس نقلو ولا امداهم يسونه وتركو كل شيء )
قعدت عليه وهي تناظر غروب الشمس وتفكر بخالد وليه مفلح حبها و وش يبي فيها وهو يدري والديره كلها تدري ان خالد للجوهره والجوهره لخالد لهدرجه يكره خالد وش سوا له تنهدت
وغمضت عينه من كثر الافكار ونامت بدون لا تحس
في البيت
ابو فهد : يالله انك تحييهم اقلطو
سلمو على بعض وقعدو يسالفون وكان ابو فهد عنده جيرانه وابوه عبدالعزيز مسوي عزيمه
خالد : طلال بروح اتمشى طفشت من جو الشيبان
طلال : صح انهم جو مو نفس جونا بس والله عمي ابو فهد فله ولا اذا تناقش مع ابوي اوف تحس انك داخل فلم اكشن ثقافي كيف مدري
خالد : المهم بروح وين وليد ؟
طلال ضحك : وليد شف قاعد بين ابوي وعمي وماهو يمك حتى هو متحمس بالنقاش
خالد ضحك : اجل بروح لحالي والله طفشت
راح خالد لمح احد من بعيد نايم راح يشوف
خالد منصدم : الجوهره وش تسوين هنا
الجوهره فتحت عيونها وهي تشوف فوق راسها خالد قامت عدلت شيلتها : مدري نمت بدون لا احس متى جيتو ؟؟
خالد ابتسم : تقريبا لنا ساعه ونص انتي للحين تنامين هنا؟
الجوهره ابتسمت وتنهدت : كل ما ضاقت بي الوسيعه جيت هنا ارتاح وناظرت له لعل اتذكر الماضي وانسى الحاضر
خالد جلس بعيد عنها : هذا اجمل مكان بالديره لا مو بس بالديره بالكون كله احب ذا المكان من كل قلبي
الجوهره ابتسمت : انت ليه جاي هنا ولحالك؟
خالد للآن مبتسم : ابي ارتاح من هموم الحاضر وبفتك من جلسه الشيبان كنت بجيب وليد بس منشغل بنقاش ابوي وابوك
الجوهره ضحكت : الله وناسه ياليت اني اقدر اسمعهم
خالد قلبه فز لضحكتها ومسكه ابتسم : ما عليك وليد بيقهد يقول لك السالفه كل يوم خالد انتبه لعقرب كانت بتقرص الجوهره
خالد صرخ : الجوهره مسكها وابعدها الجوهره خافت وقعدت تبكي وخالد ذبح العقرب ورجع لها : لا تبكين ذبحتها ما بيصير لك شيء وراسي يشم الهواء يالجوهره
الجوهره للحين تبكي ما يدري وش يسوي ما يقدر يحضنها ولا يمسكها بس مسك كتفها : الجوهره خلص انا معك امسحي دموعك أخبرك ما تبكين كذا ابعد يده وجلس تتذكرين بعد ما جانا الكلب ذاك اليوم وصرتي ما تخافين من الكلاب وانتي شفتي مليون عقرب ليه تبكين الحين ؟
الجوهره مسحت دموعها : انا ما بكيت من عقرب بس كنت كاتمه على نفسي وتعبانه من كثر الافكار اللي تجيني
خالد بصوته الحنون اللي الجوهره تعودت عليه كل ما جت تشتكي له يوم كانو صغار : وش اللي متعبك خلني اخذه منك واريحك ولا تدمع عينك
الجوهره ابتسمت : انا ما ارضى لك التعب يا خالد اللي فيك مكفيك
خالد ابتسم : تعبي ما يسوى شيء دام حبك في شراييني
الجوهره استحت لاول مره خالد يقول كذا : اسمع بقول لك شيء بس لا تعصب مره شفت ورقه ..
خالد قاطعها : اعرف السالفه قالت لي أمل واذا تكررت قولي لي
الجوهره بخوف : خايفه عليك لا يسوي لك شيء
خالد بغضب : والله لو يطعنوني العالم كلها ما أجوز عن حبك
الجوهره شوي وتذوب من الحيا ما تعودت انه يقول كذا : خالد ابي اعرف ليه يكرهك كل ذا الكره ؟
خالد تنهد : يعني ما لحظتي ذا الشيء؟
الجوهره تبي تطرد الفكره من عقلها : لا تقول اللي فبالي
خالد : مفلح الكلب من كنا صغار وهو دايم اذا صار عندي شيء وهو لازم يكون عنده ويوم كنا صغار كنتي دايم معي وما تعطينه وجه لاني قلت لك اني اكره وانتي كرهتيه معي
الجوهره ضحكت : يا زين الماضي كنا نقدر نقعد مع بعض بالايام
خالد ضحك : لو انه اخذ كل شيء مني يخسي ياخذك مني اروح واذبحه
الجوهره بخوف : لا تكفى يا خالد لا تسوي له شيء واصلا ابوي ما بيوافق عليه ولا انا
خالد ابتسم : الجوهره بسألك وجوابه اعرفه بس نفسي اسمعه منك ؟
الجوهره بأستغراب : وش؟
خالد للآن مبتسم : انتي تحبيني ؟
الجوهره استحت وتحاول تناضر اي شيء غير خالد بس
خالد عبس : يعني ما تحبيني
الجوهره ناضرت لعيون خالد تبي تأكد له انها تحبه : مين قال ما أحبك
خالد مسك قلبه غصب عنه : يا زينها بالله قوليها مره ثانيه
الجوهره : خالد خلاص وش جاك وصرت رومنسي
خالد : افا انا ماني رمنسي انا من يوم ولدت رومنسي بس انتظر الفرصه تجيني ضحكت الجوهره قطع ضحكها صوت طلال وهو جاي : خالد وينك الحين نبي نتعشا طولت
خالد قام : الحين جايك والتفت للجوهره الله يكثر نومك هنا علشان اجي واسولف معك
الجوهره حذفت عليه حصى : انقلع بس اصلا اخر مره بنام هنا
خالد ضحك طلال بأستغراب : وش فيك والله لو انك متزوج الجوهره اول مره اشوفك تضحك كذا؟؟
خالد الابتسامه شقت وجه زياده : الله وقتها بضحك العمر كله
طلال لمح احد مشى لباب الحريم ناظر خالد : يعني شفت الجوهره
خالد : افا يا طلال تشك فيني اقول لك السالفه بس الحين متى بنتعشا
طلال : بعد الشيبان بنتعشا بس ابوي وعمي دخل معم بنقاش عمي ابو نايف وجدي وجارنا ذاك ابو محمد ووليد تحمس وقلط معهم الدلخ يحمد ربه ان محد انتبه كلهم مركزين بالنقاش
خالد : اجل اجلس بقول لك ..... ( قال له انه شاف احد نابم وراح ولمح انها الجوهره صد وبعدين قعدو يسولفون وكذا )
طلال ضحك : ما درت عن دفترك والشعر اللي فيه
خالد ابتسم وناظر القمر المختفي بين الغيوم طلال : هاه يا شاعرنا وش عندك من شعر ؟
خالد :" بدونكِ أضيع ولا اذا جيتي بالبال سهيت
و مادريت عن نفسي الا والدروب تجمعنا
كأن القدر يقول لو تمر السنيين بنلتقي
ياليتني اقدر اشوفك كل يوم ولا بس اسمع هالصوت ".
طلال دق ظهر خالد : الله عليك يا شيخ والله فنااان ولا على قولة نايف حمدان عظيم ( المفروض يمدح الكاتبه اللي كتبت الشعر و تعبت علشان تفكر بأبيات مناسبه للحظه ذي 🌚)
خالد بألم : طيب امدح بدون لا تصفق ظهري حرام عليك
طلال مسح على ظهر : معليش والله نعتذر يا شاعرنا
خالد : اول شيء وش نعتذر ذي ثاني شيء لا تتعود تقول شاعرنا علشان ما تفضحني
طلال : ما اعرف اعتذر كذا لازم اقول نعتذر ثاني شيء للحين مدري ليه ما تقول للناس انك شاعر والله شيء حلو
خالد : ما ابي احد ياخذ الشعر ويقوله لكل من هب ودب وانا شعري للجوهره وبس
طلال بسخريه : انا العاشق الشاعر الولهان آه
خالد : اقول اسكت لا أملأ فمك تراب واشوفك لا حبيت بتجي وتشكي لي
قطع سوالفهم فهد : يا عيال انتم هنا وانا ادوركم يلا العشا برد
قامو في الليل
أمل : الله يا زين الجو قرب الشتا
سلمى : بنات وش رايكم نطلع نكشت بالحوش ؟
لولوه ضحكت : من بعد الكشته هذيك ما بنطلع برا
رهف ابتسمت وناظرت للجوهره اللي مبتسمه ولا هي حولهم سرحانه في عالم ثاني : الوو وين وصلتي لا يكون تزوجتي خالد ولا عزمتينا
ضحكو
الجوهره ابتسمت : الود ودي بس القدر بيطول لين نجتمع مع بعضنا
لولوه : ما عليس يا بنت العم انا بساعدك بحبك لخالد
سلمى ضحكت : وش ما عليس اول مره اسمعها منك ؟
لولوه : عندي صديقه من نجد تتكلم بحرف السين يا بنات يهبل كلامهم
رهف : اي والله صدقتي كانت تدرسني استاذه من نجد كنت احب حصتها علشان كلامها تحاول ما تتكلم بحرف السين علشان نفهم شرحها ما تدري اننا نحب حصتها علشان كلامها
الجوهره : بنات الحين وش الفعاليات لازم نحلل اليومين ذي قبل المدرسه
سلمى : انا قلت لكم نكشت بالحوش وش رايكم ؟
أمل : حلو ومنها بعرف قصة محمد
لولوه : يبي لنا اسم لقروبنا يا أمل بس وش ؟
أمل ابتسمت وناظرت الجوهره : وش رايك يا لولوه نصير وسيطات الحب
لولوه : الله حلو واحس مميز واول مره اسمعه
سلمى : اخلصو يا وسيطات الحب بنجهز سهرة الليله
عند العيال
ابو خالد : نامو بكرا عندنا اشغال ياولكم بس اشوفكم سهرانين
العيال : أبشر
طلع ابو خالد وليد : يازين عمي وهو معصب يضحك ما يقدر يسوي نفسه معصب ما امداه يكمل الا ودخل ابو خالد
ابو خالد : اذا بتشوف وجهي الثاني اقعد وكمل سوالفك
وليد انلخم : هاه ..ا . ما عليك بنام الحين
قعدو ساكتين نص ساعه قام وليد يشوف راح عمه ولا لا
خالد بهمس : راح ولا لا؟
وليد بهمس : راح بس فهد وطلال نامو
نايف بهمس : شكلهم نامو بالغلط
خالد مسك فم وليد وقعدو يضحكون بصمت لا يسمعهم ابو خالد وليد : نيوفي وش رايك تمزح برا الغرفه مو هنا بغينا نجيب العيد
نايف : طيب الحين امشو خلونا نطلع
طلعو وراحو ورا البيت سمعو اصوات وليد من عند باب الحريم : الجوهره رهف في أحد ؟؟
سكتو وقامت الجوهره : اي في احد تبي شيء ؟؟
نايف : ياليت لو تجيبون اكل والله جيعان
وليد : انطم انت خلني اتكلم جوهرتي بالله جبيبي لي قهوتك مشتهيها
خالد ابعد شوي وسكت يكفيه بس يسمع صوت محبوبته
الجوهره : دقيقه الحين اجيب لكم بس انت ونايف وين رايحين؟
وليد : حنا ثلاث انا ونايف وخالد نبي نطلع عند الجبل
لولؤه من ورا الجوهره : الله بنروح معكم يلا بنات
نايف : دقيقه هيه وين جايين الحين بيمسكنا عمي
أمل طلعت بالاغراض : اقول يلا بس وعمي بسابع نومه ما درا عنكم التفت لخالد وغمزت له
رهف تسحب الجوهره : امشي ما تحلا الكشته الا بك
الجوهره : لا تكفين بقعد مالي وجه اروح وانا الحماره اللي قلت لك
سلمى : يلا بنات امشو
راحو ورا الجبل وزبطو الجلسه خالد : نايف جب الحطب اللي هناك بتطفي النار
سلمى : وليد شربت الدله كلها الحين كيف بتنام ؟؟
أمل وقفت : خلص يعني نفس كل مره اهدو الحين وخلو القهوة على النار وخلونا نسولف من زماان ما سولفنا
نايف : لا نبي جلسه غنائيه ولا شعريه اختارو السوالف لاحقين عليها
وليد : خلص جلسه اليوم غنائيه ونبدأ من عند خالد من زمان عن صوته العذب الجميل
خالد : لا مالي خلق
وليد : تستهبل والمدح اللي قلته يلا عاد اخلص لا تسوي ثقيل
خالد : تمام بس لازم عزف
نايف قام : انا مخطط لكل شيء وهذا هو العود امسك يا وليد
وليد : يلا
سلمى : دقيقه بصور للذكرى
رهف : الجوهره تعالي ليه بعيده عن النار بتمرضين
وليد : يلا ببدأ وانت غنّ يا خالد
بدأ عزف وليد بالعود وبعدها بدأ خالد يغني
وضحكت لي بشفة مثل الشفق
حسها قلبي وحن إلها وخفق
واسبلت لي طرف ذوبني غشيت
في شديد البرد نضحني عرق
وبدأو البنات يغنون معه والجوهره كانت ساكته ومكتفيه بأنها تشوفه وتسمع صوته وخالد اللي من بدأ يغني وهو يناظر الجوهره كأنهم بعالم ثاني
( واذا العيون تحدثت بلغاتها
قالت مقالاً لم يقله خطيب )
كملو وهم يغنون لين وصلو
والفؤاد يرف من سهم العيون ... ساهر الليل ما يقدر ينام
وما دريت وين قلبي ما دريت ... ما دريت ان قلبي انسرق
قطع نظرات خالد والجوهره لبعض صوت وليد ونايف وهم يصفقون وأمل تمدح صوت خالد وسلمى تضحك على نايف اللي يبي وليد يعلمه على العود ورهف اللي قاعده تشوف كل اللي قدامها وتفكر هل بيجي يوم وافترق عنهم ؟ ...