وينك يا درب المحبه ؟. / البارت 21 مهم ..

البارت 11

عنوان البارت ( احبك مثل تاريخ اليوم اللي مستحيل يتكرر )
.
.
.
ابو عبدالعزيز  : صب القهوة يالسربوت
وليد ابتسم : أبشر
ابو خالد : وش مسوي ؟
ابو عبدالعزيز : امس مسكتهم سهرانين
ابو خالد ضحك : يا كثر ما مسكتنا الحين دور عيالنا
ابو عبدالعزيز يحاول يخفي الضحكه : ذول السرابيت من هذول السرابيت والله ما ينفع معكم ابد
ضحك وليد : جدي شكلك انمسكت كثير يوم كنت كبرنا
ابو عبدالعزيز : يومني قد عمركم كنت انام بعد العشاء اصلي وانام واقوم قبل الفجر بساعه ولا اذا تأخرت جلدني ابوي الله يرحمه
ابو خالد : الله يرحمه كان يجلدنا بعد
نايف همس : الحمدالله مو موجود ولا كان انجلدنا مثلهم
وليد همس : انت تكلم عن نفسك ما جربت الخيزرانه على ضهرك ولا تنام بعد ما بكيت يوووه ما انساها من نومه
...
رهف صرخت : بنات قومو تجهزو خالتي والكل جايين
الجوهره بتعب : ياربي من ذول وش يبون
رهف : زينه ولانا
الجوهره قامت : كان قلتي الشوق اللفف لهم .. ترا لولوه ما بتقوم امس ما نامت غير ٥ الفجر
رهف : تمام تجهزي بروح اشوف امي
..
امل : سلمى اعترفي ياختي وخلص
سلمى : امل يلا استهبال
دخلت رهف  : وش فيه ؟؟
سلمى : شوفي امل العبيطه تبيني اقول انا احب محمد وانا اعتبره فقط صديق طفوله لا غير بعدين نضراته تخليني استحي غصب يعني تخيلي واحد يناضرك
رهف : دقيقه انتي ما تحبينه
سلمى : اعتببره صديق طفوله مافي مشاعري حب بيننا ولا خرابيط واحس اصلا انه راعي بنات
امل : حرام عليك احس انه بيعترف لك بس يستحي
سلمى : اذا يبيني يجي يتقهوا مع ابوي ماني غبيه يناضرني واقول خلص يحبني يمكن يسوي كذا علشان يتسلى بي
رهف : كلامك منطقي وصح بس كنت اسحب انكم تحبون بعض وعارفين
سلمى ضحكت .. أمل : ليه تستحين ويقلب وجهك اذا جبنا طاريه خصوصا يوم كشتنا وخرشنا العمال وقتها كنتي مستحييه مرره
سلمى : لو اقول لك وليد يحبك وش بتسوين
امل سكتت .. رهف ضحكت : ترا تمزح بس علشان تحسين بها
سلمى : اي ولا وليد بوادي والحب بوادي
امل قرصتها : خوفتيني بعدين وليد مثل اخوي
لولوه دخلت : بنات وين الفطور جيعانه
رهف : صباح الخير نستنى خالتي وبناتها
...
خالد ابتسم : يا هلا تو ما نور المكان بالجندي المجهول
راضي ضحك : نورك يا حبيبي تعرف اشغال ويالله القى وقت لنفسي واهلي
خالد ضحك : شدعوه ولا رسمي ما نمزح معك
فريد ابتسم : شكلك خالد مطربنا
خالد بنفس الابتسامه : المطرب المغصوب احيان
وليد حط يده ورا ظهر خالد : هدو يا عيال تراه حقنا ما بتقدرون تسرقونه
راضي ضحك : ابشر ما عليك
فهد : يا هلا  تو ما اسفرت وانورت اقلطو
ابو عبدالرحمن : الله يبقيك يابو عبدالعزيز
وليد همس : دقيقه ما بتسمي ولدك الاول وليد ؟
فهد ابتسم بضيق : اول اموري تزين واللي تبي اسميه
وليد ربت على كتفه وابتسم : معك ياخوي وقت الضيق والفرح وان شاءالله فرحك قريب يابو وليد
فهد ضحك : ادخل وقهوي الرجال يابو فهد
...
دخلت زينه : كِيفكن بنات ؟؟
رهف ضحكت : بخير بشوفتك
سلمى : وين لانا ؟
زينه : ما تكفي انا ؟؟
سلمى ضحكت : كلكم تكملون بعض
...
ابو نايف : نايف علامك يابوي ؟؟
نايف : بديت ازكم
ابو نايف : قم رح استريح شوي وتغيّب عند الرجال
قام وليد التفت : وش فيه يا عم ؟
ابو نايف : تعبان
دخل فهد : السلام عليكم
ردو : وعليكم السلام
التفت ابو عبدالعزيز : الا يابو عبد الرحمن انتم مطولين ؟
ابو عبدالرحمن  ابتسم : بنقعد اسبوع انا ودحيم وراضي وزينه والباقي بيرحعون الرياض عندهم مدارس
ابو عبدالعزيز : ماشاءالله زينه تخرجت ؟
ابو عبدالرحمن : لا بقى لها كم شهر وتخلص
ابو عبدالعزيز : زين عطونا اخباركم ؟؟
فهد همس : وليد لا يكون جدي بيخطب ؟؟
وليد : اضن انه بيخطبها ويسكت الناس قبل يدري ابوها
فهد تنهد : يارب لا ما كونت نفسي ولا ادري عنها تبيني ولا
وليد ابتسم : رح اسألها
فهد : كيف يعني اروح اقول بخطبك كذا افجعها ؟؟
وليد : خل وسيطات الحب يساعدوك
فهد : اي والله جبتها قام
...
امل  ابتسمت : كيفك يا لانا ما نشوفك كثير
لانا : الجامعه واشغالها
رهف : للحين ما خلصتي  ؟؟
لانا : اكمل دبلوم
سلمى : الجوهره روحي شوفي فهد يبيك برا
..
طلعت : وش تبي ؟؟
فهد : الجوهره انتي تدرين باللي صاير لي
الجوهره : اي وش فيك ؟؟
فهد : جدي شكله بيخطب زينه بدون لا ياخذ شوري وانا مدري هي تبيني ولا لا
الجوهره ابتسمت : والمطلوب ؟؟؟
فهد : ابيك تساعديني
الجوهره : كيف ؟؟
فهد : عطيني رقمها
الجوهره : كيف اعطيك رقمها تستهبل انت !!
فهد : والله اني بس بسألها عن رايها وبعترف لها
الجوهره تنهدت : طيب بس بشرط اذا ردت عليك تقول لي وبعدين تحذف الرقم وتحظره
فهد ابتسم : وعد
الجوهره : اكتب **********
...
طلال : طفو النووور برقد
خالد : بسم الله خرشتني
طلال : برقد تعبت اليوم
خالد : طيب خلص طفيته التفت وين رايح؟
فهد : بتمشى شوي وكذا
خالد ابتسم : اي معك ؟؟
فهد تنهد : افضل اقعد لحالي شوي
خالد : تمام اجل برقد
طلع فهد وجلس يطالع بالغيوم ويفكر كيف يقول لها وكيف بتكون حياته فتح الجوال بدأ يكتب بس يرجع ويحذف اللي يكتبه تنهد : وش اقول ؟
بدأ يكتب : خلص ذي برسلها ويارب ترد بسرعه ما اقدر اصبر
..
التفت لجوالها : مين ذا ؟
بدت تقرأ الرساله وقفت تناضر حولها لقت البنات نامو طلعت برا
وفتخت جوالها ورجعت تقرأها انصدمت مين هذا ؟؟
ارسلت : مين انت ؟؟
فهد : انا غبي ما قلت انا مين ارسل .. انا فهد ولد خالتك
قفلت الجوال ورجعت تفتحه ما تدري وش تقول رجعت تقرأ الرساله اللي كان مضمونها :-
( حبيتك وعشقتك من كنت صغير أحبك حب مثل تاريخ اليوم اللي مستحيل يتكرر كنت بقولها لك بشكل أفضل لكن القدر ما كتب لي اقولها تتسألين عن سبب رسالتي حبيت اسأل عن رايك فيني وهل انتي تحبيني قد حبي لك ما ابي اتزوجك غصب ولا ابي اكسر قلبك لكن ما بيدي حيله . )
قعدت تطول الليل تشوف الرساله وترجع تقرأ هل هي بحلم ام بواقع ما تدري .....
.
.
.
انتهى البارت .
١٤٤٤/٤/٤ ه ..