وينك يا درب المحبه ؟. / البارت 21 مهم ..

البارت 4

عنوان البارت :( أغنيه واحده قادره على إعاده مليون شعور في لحظه فقط .)
.
.
رهف ضحكت : الله يهني سعيد بسعيده
ضحكو بس قطع ضحكهم صراخ احد بعيد عنهم و انحاشو كلهم
سلمى صرخت : اركضو بسرعه
دخلو عند حوش الرجال لانه اقرب شيء
رهف بنفس متقطع : للحين اسمع في صراخ احد
الجوهره بقى شوي وتبكي : ياربي وين وليد وفهد
لولؤه وماقدرت تستوعب شيء : وش ذا الصراخ يمكن جني ؟!
أمل استوعبت انهم بحوش الرجال : تغطو بنات
تغطو وللآن في صراخ
عند العيال
طلال : يا عيال في صراخ انا متأكد
فهد سمع الصراخ وقام : تو سمعت لا يكون البنات صار لهم شيء
نايف : لا اشوفهم يركضون للحوش
وليد حذفه بحصى: نايف محارمنا ياولد
نايف : ياخي لا تحذف ما اشوف غير غبرتهم
فهد : اكيد في شيء يا عيال خلونا ننزل ووننادي نعرف وش فيه
طلال : طيب واذا كانو كاشفات وش نسوي
نايف بسخريه : انت غبي ما تعرف تقول ياولد وهن يتغطن وخلص
طلال : انت آخر من يتكلم فاهم
فهد قطع الهواش : اسكتو خلونا ننزل ونش...
وليد بصدمه : ذا مو عامل نياق جدي شف تلحقه مزيونه
فهد انصدم اكثر يوم قال مزيونه : وش مسوي بها ؟؟
نزلو وهم ينادون علشان البنات ينتبهون لهم
فهد ركض اول واحد ووليد قعد عند الجوهره لان اول ما شافته بكت ونايف وطلال تأكدو من خواتهم وراحو لفهد
فهد يصرخ : يا غبي لا تركض علشان ما تلحقك
العامل انحاش وراه وما اهتم لكلامه
طلال ونايف طلعو كانت مزيونه ( ناقه فهد ) بتذبح فهد والعامل لانها متجهه لهم لو ما احذفو عليها حصى وراحت
طلال : الحق ناقتك لا تهج وودها وانا باخذ العامل
العامل بدون لا يقول دخل اصلا 🌚
نايف : ما يحتاج تقول هو دخل
فهد رجع ناقته للشبك (مكانها )
راحو طلال ونايف ووليد للعامل والبنات ادخلو للبيت
وليد كاتم الضحكه : اسألك بالله وش مسوي علشان ناقه فهد تحلقك آخر الليل
العامل هدا شوي وتكلم : كان في حرامي يبغى يسرق ناقه مزيونه وانا شوف وارمي عليه حصى وهو يضرب ناقه مزيونه وينحاش بعدين ناقه مزيونه هي خوف وانقزت من شبك وركضت ورا انا وانا انحاش خوف منها
وليد ونايف ما قدرو يكتمون الضحكه وضحكو
طلال كاتم الضحكه : انت المهم بخير والحرامي شفت شكله كيف ولا لا؟
العامل بغضب: مافي شوف حرامي غبي انت انا ناقه يلحق من مسافه بعيد مره ومافي نور وما اعرف انا كيف يجي هنا
العيال شافو انه لابس نعله وحده والثانيه مو موجوده حزنو عليه
طلال : خلص انت الحين ارتاح والصباح انا اوديك عند النياق
وليد : انا بجيب له فراش
نايف : دقو على فهد لا يصير له شيء
طلال دق : الو
فهد :هاه وش فيه؟
طلال :ما تعرف تسلم
فهد عصب :مالي خلق لك انت الثاني وش تبي؟
طلال: وش صار لك " يقلد صوت العامل"ولناقه مزيونه
فهد : توني الحين دخلتها وبرجع
طلال بأستغراب : كيف رحت ؟
فهد : ماني غبي اخذت سيارة ابوي ولحقتها
طلال: طيب يلا مع السلامه
عند البنات
لولؤه ضحكت : بالله طلع ذا صراخ العامل وانا احسبه جني
نايف بسخريه: لهدرجه انتي غبيه وش بيخلي الناقه تلحق جني
لولؤه طنشت : اقول روح للعيال وانا بقول للبنات يا حرام خافو
راح نايف للعيال
لولؤه : بنات تدرون وش كان كل ذا الصراخ؟؟
الجوهره بخوف : لا ما ابي اعرف
أمل بفضول : وش قولي ؟؟
لولؤه ضحكت : كذا ذا كان صراخ العامل تلحقه مزيونه ناقه فهد
سلمى انصدمت : دقيقه وش بيجب العامل لهنا و مكان النياق بعيد مره
لولؤه قالت لهم السالفه
أمل حزنت : اكيد تعبان ركض كل المسافه ذي وبنعله وحده
الجوهره : الله يعينه وش يبغى الحرامي بناقه فهد من زينها عاد
سلمى ضحكت : لا يسمعك فهد ويعلمك كيف ناقته اسم على مسمى
عند العيال
وليد : اسمعو بدق على خالد نونسه ونقول له السالفه
نايف : دقيقه خلونا نسوي به مقلب
طلال : غبي انت خالد تعبان اذا رجع سو به توه جاي من الموت
نايف : خلص انت كنت امزح ياخي دمك صاير ثقيل يوم خالد
راح
فهد وهو متغطي بالبطانيه : انتم ما تسكتون بناام
طلال بسخريه : ما بتفتك من ازعاجنا الا لما تتزوج بتنام وانت مبتسم
وليد ضحك : يبتسم وهو يشوف ناقته ؟
ضحكو خالد حذف وليد بالعلبه : انطم لا اقوم عليك بنام
نايف : خلص خلوه الحين دقو على خالد
طلال : بدق
خالد بصوت تعبان واضح كان نايم : الو
طلال : انت نايم ؟
خالد : كنت نايم وش فيه صار شي؟
طلال ضحك : بحطك على السبيكر وبنقول لك السالفه
خالد : من ضحكتك اكيد شيء يضحك قول وش عندكم ؟
وليد : انا بقول ....... ( قال سالفه ناقه فهد والعامل )
ضحك خالد : هههههههه وش يبي الحرامي بمزيونه ليت لها من اسمها نصيب عاد
نايف : وانت صادق مدري وش فيها علشان تعجب فهد؟
وليد تذكر وضحك : ههههه لا تزعلونه ناقته مو حيوان
نايف وطلال ضحكو : وش تقول ؟؟
خالد ضحك : كيف الناقه مو حيوان؟
وليد : السالفه .....
عند البنات
سلمى : رهف طفي اللمبه بنام
رهف : دقيقه بشحن جوالي التفت للجوهره : للحين ما نمتي ؟
الجوهره : الحين بنام اصلا ورانا قومه الصبح علشان بكرا آخر فطور
لولؤه بحزن : بنات بشتاق لكم مره
أمل بتلطف الجو ضحكت : خلص اللي يقول ما بنشوف بعض كلها اسبوع اصلا مابقى شيء على اجازه اليوم الوطني
ضحكو وبعدها بدت الاصوات تختفي لين ما نامو كلهم
في الصباح
ابو فهد : متى بتمشون ؟
ابو نايف : بعد الفطور بنمشي تعرف الطريق ٦ ساعات وبكرا مدراس
ابو خالد : بيجي خالد ونروح بعدها
ابو عبدالعزيز : توصلون بالسلامه وخالد لو قعد عندنا وريح
ابو خالد : وراه شغل يشوف جامعته ويتأكد من قبولهم
ابو نايف : ماشاءالله وش بيدرس ؟
ابو خالد : بأذن الله بصير دكتور من هو صغير يبي يصير دكتور
ابو فهد ضحك : اذكر يوم كان صغير وكنت اتهاوش معه اقول بتصير عسكري وهو يقول دكتور وبتشوف واليوم غلبني خالد الصغير
ضحكو دخل وليد وجاب الفطور وقعدو دايم آخر فطور سوالفه كثيره
البنات
سلمى ضحكت : يا لولؤه اكلتي الفطور كله وللحين تسولفين
لولؤه بحزن بس ماتبي تبين : آخر فطور بذوقه في الديره وش تتوقعين لو بيخلص الفطور بروح اتقهوى وبقعد اسولف
أمل : عاد دايم تكثر السوالف بآخر فطور واذا ما كملت سالفتها لكم هنا بتكملها بالقروب وهم بالطريق
قطع ضحكوهم ام نايف : يا لولؤه اخلصي لك ساعه وانتي تفطرين ما شبعتي بنمشي
لولؤه قامت بسرعه والدعه بعينها سلمت على البنات وهي ودها تقعد رغم صغر سنها الا انها كانت جزء ما يتبدل بينهم
أمل بحزن : بيجي خالد وبنروح
الجوهره وهي تحاول تبعد الحزن وتتذكر الاجازه ضحكت : خلص بتجون بالاجازه كلها كم يوم
رهف دخلت : اخيرا خلصو امي وخالاتي سوالف خلصت دله القهوه وهم ما خلصو
سلمى : احمدي ربك لولؤه اكلت نص الثلاجه وحطت المواعين وراحت وانا اللي بغسلهم
ضحكو وهم يحاولون يبعدون الحزن
رهف : ذا حالنا كل اسبوع نودع بعض كأننا بنفارق بعض للأبد
أمل : من كنا صغار مع بعض للحين ما تعودت بعدي عنكم يا رب الاجازه تجي بسرعه
كلهم : آمين
بعد شوي جت ام خالد : أمل يلا اخوك جا والحين نزلي الاغراض علشان يحطهم طلال بالسياره
أمل : أبشري ناضرت الجوهره وراحت
الجوهره بهمس : سلمى
سلمى : لا تقولين الجبل ذا ترا تعبت
الجوهره : لا بس بروح بفوق لغرفتي واشوفه من الشباك وهو كيف يروح للجبل وهو تعبان
سلمى : طيب ليش تقولين لي
الجوهره : علشان تلهين امي الحين اذا شافتني بتخليني اكنس المقلط
رهف : وش تهمسون به
سلمى غمزت وفهمت رهف وراحت الجوهره
ابو عبدالعزيز ضحك : كيف حال كتفك يا دكتورنا
ضحك خالد : بخير بس يبه ما قلت لك بخليها مفاجاءة
ابو خالد : ببشر عمك ابو فهد انك غلبته وضحكو
طلال : يبه الاغراض جاهزه
ابو خالد : يلا كرمكم الله بنمشي
سلمو على بعض ابو عبدالعزيز : توصلون بالسلامه
راحو ركبو أمل تركض : بركب معكم
طلال : روحي مع ابوي بس ماني فاضي لسوالفك
أمل ناضرت خالد : يمكن تعجب اخوك
خالد استغرب : من متى تعجبني سوالفك كلها ياليت الاجازه تجي بسرعه
أمل ناضرت شباك غرفه الجوهره وانتبهت لظل واشرت بيدها 👋🏻استغربو طلال وخالد وناضرو للشباك وكان في احد وراح
طلال : من تأشرين له ؟
أمل غمزت لخالد
خالد وكأنه حس انها تعرف : اركبي بسرعه ابوي جا
أمل ركبت طلال : يبه أمل معنا المره ذي
أمل ضحكت : والمرات الجايه
ابو خالد : طيب انتبهو لأختكم ولا تسرعون تراي وراكم
طلال : ابشر كان بيحرك
وليد صرخ : استنوووو
طلال وقف وطلع راسه من الشباك : صح النوم
وليد راح لخالد وسلم عليه : الحمدالله على السلامه يا خويلد
خالد : الله يسلمك يا وليدوه
وليد ضحك : ههههه قل اللي تبي اهم شيء ما تروح وانا ماشفتك
خالد ضحك : والله اني ودي اقعد ما انبسطت معك بس وراي اشغال
طلال ضحك : تراه بيص .. ...
قاطعه خالد : لا عاد انا بقول لوليد وليدوه جهز الهديه ان الله كتب بصير دكتور وبعالجك
وليد فرح وضم خالد : أبعد كتفي يا وليدوووه
وليد بفرح : معليش نسيت كتفك فرحت لك مبرووك يا ولد العم خويلد
خالد ضحك : لو نفتك من خويلد ذي
طلال : وش رايك يا وليد نقعد علشان تسلم عليه ترا ابوي عصب اخلص
وليد : طيب توصلون بالسلامه
بالبيت
سلمى : احس البيت هدوء لما راحو
رهف : اي بس خلونا نتذكر بس كم يوم ويرجعون
الجوهره للحين عند الشباك
أم فهد دخلت وهي مبتسمه : رهف بقول لك حاجه تعالي
رهف قامت سلمى بفضول : امي مبتسمه وتبي رهف وش تتوقعين
الجوهره جلست جنبها وفكرت صرخت : لا يكون احد خطبها
امسكت فمها سلمى : اصص لا تصرخين يمكن
الجوهره : ليه انتي تدرين ؟؟
سلمى : لا بس تتذكرين العزيمه اللي سوها ابوي بالاجازه وكيف ام مطلق كانت تناظر رهف شوي وبتأكلها بعيونها
الجوهره : اهااا تذكرت وقتها امي حصنت رهف مليون مره
قطع الكلام دخول رهف الصامت
سلمى بخوف : وش فيك ؟؟
رهف قعدت ابتسمت : تدرين وش امي تقول ؟؟
سلمى :لا وش؟؟
رهف جلست جنبهم : تتذكرون مطلق اللي لما كنا صغار هادي واذا صارت هوشه هو يفك بينهم
سلمى والجوهره بفضول : اي ؟
رهف بتوتر : خطبني
سلمى والجوهره فرحو وضموها
الجوهره : دقيقه انتي للحين عمرك ٢٢ وتدرسين جامعه كيف بتتزوجين ؟
رهف : انا اول ما قالت لي امي انخطبتي رفضت بس امي اقنعتي لانهم اذا وافقت بيسوون بس ملكه وبعد سنتين العرس
سلمى : اح مشوار بعد سنتين
الجوهره : انا احس كويس اجلو العرس اهم شيء تكملين دراستك بس تصدقين احس انه ماخذك عن حب
سلمى : اذكر يوم كنا صغار كان يخاف على رهف اكثر وحده بيننا
الجوهره : رفقا بي انا ما اذكر
سلمى ضحكت : انتي ما تذكرين غير خالد
الجوهره : يا زينها من ذكرى المهم رهف الحين بتوافقين ولا ؟
رهف : بستخير وبشاور أمل ولولؤه
سلمى : لولؤه صح انها صغيره بس لما تشوريها تفهمك و تساعدك دايم ما تترك اللي تحبهم صدّق من قال العمر مجرد رقم
الجوهره بسخريه : صارتي مثل لولؤه
رهف قطعت الهواش : خلص برسل لهم بالقروب
في الطريق للرياض
خالد : قولي وش عندك ؟
أمل : هاه وش عندي
طلال : تستهبلين انتي ؟؟
أمل : ايه تذكرت راح بالي مع رهف
طلال : ليه صاير شيء لعمي ؟؟
أمل : لا انخطبت وتشتشيرنا بالموضوع المهم خلوني اقول اللي يخص خالد
خالد : اخيرا بتنطقين بعد ثلاث ساعات ونص ساكته وعلى الجوال
أمل : خالد بسألك سؤال وترا انا اعرف اجابته بس مقدمه للي بقولة أنت تحب الجوهره ؟؟
خالد : انا احب الجوهره من زماان وسنين من كنا صغار والحين قولي وش عندك؟
أمل : مافي شيء رومنسي مثل انا احبها وشعر وكذا ؟
طلال ضحك : ماشفتي دفتره
خالد : افا وانا امنتك سري
أمل : ذا مو سر بعدين انا اختك لولا الله ثم انا مين بيسهل لكم طريق حبكم واذا صار شيء وش بيدريك بالجوهره ؟؟
خالد : طيب اعتذر منك الحين بسألك حبي للجوهره لهدرجه واضح؟؟
أمل وطلال ضحكو امل : من يوم كنت صغير والديره كلها يقولون الجوهره لخالد وخالد للجوهره مو بس واضح لنا واضح ومكشوف للديره كلها
خالد : الله يجمعني بالجوهره بالحلال ذا اهم شيء
طلال وامل : آمين
امل : طيب بقول شيء بس بشرط انك تكون كفو وما تشوف الجوهره وهي مو بذمتك
خالد عصب ولف عليها : انا حمار اسوي كذا تستهبلين ؟؟؟
امل خافت ورجعت ورا : خلص ما بقول شيء ابعد عني
طلال : خالد اهدا بعدين هي ما قصدها شيء
خالد هدا بصوت حنون علشان يراضي امل : خلص امل ما كان قصدي اعصب بس يلا كملي
امل رجعت وهي تدري انه ما بيسوي لها شيء ذا خالد سندها : طيب اسمع شفت الشباك اللي اشرت عليه هذا شباك غرفه الجوهره والجوهره دايم تقدر تشوف حوش الرجال
خالد : يعني اذا ناظرت من الشباك يشوفها احد ؟؟
امل : لا لان الشباك زجاجه مظلل يعني هي تشوفك ومحد يقدر يشوفها بس احيان لما تكون الشمس قويه تقدر تشوف ظل احد ورا الزجاج
خالد ارتاح محد يقدر يشوف جوهرته ذا اهم شيء
خالد : كملي وش عندك بعد ؟
امل بسخريه : بس ذا اللي بقوله ولا تبي اوصفها لك بعد ؟
خالد : خلص اسكتي وشوفي جوالك ما سكت من الرسايل
امل : يا عمري يا لولؤه قالت اللي بخاطري
طلال : انتي قوليه لهم مو لنا واسكتي التفت لخالد وش تبي اشغل لك باقي ونوصل ساعتين ونص
امل : بنام شوي لا تطولون بالصوت
طلال : نوم العوافي هاه خالد ؟؟
خالد : استناك تتذكر اخوك وش يحب
طلال ضحك : طيب بشغلها بدت الاغنيه تشتغل الاغنيه اللي تذكره بجوهرته غمض عيونه وهو يتذكر اول مره يسمعها في سياره عمه ابو فهد اخذ الجوهره وخالد للبقاله لانهم صاحيين بدري وساعدوه بالشغل
ابو فهد مبتسم : وش تبغون تسمعون ؟
الجوهره : ابي ليدي
خالد : لا هزيم الرعد احلى لانه قوي
الجوهره : لا ليدي تعرف تركب خيل وخيلها حلو
ابو فهد قطع النقاش وهو يضحك عليهم : بشغل لكم مسجل السياره مو تلفزيون بيتنا وبحط ذي
الجوهره : بابا صح بتحط طلال مدحت ؟؟
ابو فهد ضحك : اسمه طلال مداح اللي سميته على اسم اخو خالد كان ابو فهد من محبين اغاني طلال بدت الاغنيه اللي اول ما سمعوها الجوهره وخالد وهم يحبونها اول مره يسمعون كذا وهم صغار وصارو يغنون مع صوت طلال مداح
وينك يا درب المحبه ؟
هل اقفلوك الحبايب ؟
كذبو علي الف كذبه
وظنوني بالحب كاذب وكملو لين وصلو بارت سنتين على الدرب تايه ورفع ابو فهد الصوت محد من الناس يابه يرشدني على اللي احبه وطفى المسجل
ابو فهد مبتسم : يلا الحين انزلو وصلنا للبقاله
نزلو للبقاله "
طلال : خالد يا ولد وين رحت كل ما شغلت هالاغنيه تروح وتنسى اللي حولك ترا وصلنا
خالد : هاه ... اي وصلنا البيت ؟
طلال : لا الحين بندخل الحاره
في بيت ابو فهد
ابو فهد : هاه يا بنيتي رهف وش رايك الولد اعرفه من يوم كان صغير وسألت عنه وهو رجال يحفظ الامانه وش قلتي ؟
رهف استحت : الشور شورك يا ابوي
ابو فهد ابتسم : اجل نقول مبروك ؟
رهف ابتسمت بحياء وهزت راسها
ام فهد زغرطت وراحت تدق على ام مطلق تعطيها الخبر
ام مطلق ردت بفرح : ياهلا شخباركم .. عاد ودي اقول كيف بنتنا
ام فهد بفرح : ابشرك قولي بنتنا من الحين الحمدالله الامور بأذن الله اذا الله كتب بتتم
ام مطلق فرحت وسلمو على بعض وقفلو ام مطلق دخلت لمطلق
مطلق : وش فيك وافقو اول مره اشوفك فرحانه كذا؟
ام مطلق حضنت ولدها ومطلق : الف مبرووك ويارب يتم كل شيء على خير
دخل محمد اخو مطلق ( تعريف بسيط * مطلق ترتيبه بين اخوانه الثاني عنده اخت متزوجه الكبيره اسمها سجى وساكنه بالرياض بحكم دوام زوجها وعنده رائد اول ثانوي ومحمد اصغر واحد عمره ٩ سنين تذكرو محمد زين 😉 )
محمد : وش فيك ماما ؟؟
ام مطلق تمسح دموعها : اخوك مطلق بيتزوج وهذا رائد ما بقى شيء له ويدخل جامعه وسجى تزوجت قبل ست شهور
مطلق حضن امه : يمه انتي تدرين ان شغلي هنا وبسكن عندكم ورائد توه السنه ذي اول ثانوي وباقي له سنتين للجامعه وحنا صغار مهما كبرنا
محمد حضن مطلق وامه : ماما ترا مطلق وعدني انه بيقعد عندنا وما بيروح ويخيلني وحتى رائد قال كذا و سجى بتجي هي ونونو حقها
ضحكو ودخل ابو مطلق وهو مبتسم : مبروك يا وليدي ولا اوصيك حطها بعيونك وانتبه لها ذي بنتي من يوم انها صغيره ولا ارضى لها الزعل
مطلق سلم على ابوه وحب راسه : ابشر
ابو مطلق : كلمني عمك ابو فهد وقال الملكه تصير الاسبوع الجاي علشان يجتمعون اقاربنا ولان في اجازه اربع ايام ومن بكرا بنبدأ نجهز
مطلق و وده الملكه اليوم قبل بكرا : ابشر والحين بروح لعمي واسلم عليه
في بيت ابو فهد
سلمى : رهف صح انك بتتزوجين بس عاديني وروحي للمجلس رتبيه لان اليوم بيجو رجال ل أبوي المغرب
رهف قامت : طيب بروح قامت راحت للمجلس وقعدت ترتبه
فهد ضحك : يالله حيه نسيبنا
مطلق : الله يحييك
رهف توترت وما تدري وش تسوي وقامت تدعي على سلمى لقت فروه فهد وتغطت بها وطلعت
مطلق صد وراه
فهد قاعد يناظر من ذي حاول يصرف : مطلق كيف حال عمي ومحمد ورائد
مطلق : بخي ...
فهد قاطعه لان رهف دخلت ( ما يدري من هي ) : ياهلا اقلط
فتحت الباب بقوه : سلمى اجل تقولين الرجال جايين المغرب ؟؟
سلمى : اي ليش شهقت لا يكون جو الحين وانتي ترتبين ؟؟؟
رهف قعدت عرفت ان سلمى ما تدري ان مطلق جا : لا مو الرجال بس .. مطلق جا وانا كنت ارتب و ..
سلمى قاطعتها : شافك الحين بخلي العرس بكرا وقولي سلمى ما قالت
رهف ضحكت : خليني اكمل ما شافني لان فهد صادفه عند الباب وانا لقيت فروه فهد واخذتها وجيت
ضحكو الجوهره دخلت : حلو انتم اضحو واستانسو وانا امي تكرفني تعبت خلص دوركم روحو لأمي تبيكم تطلعون المواعين ذيك اللي ما تطلع غير وقت المناسبات و وليد للحين مع خويه عبدالله ولا رجع وجاب لي الاغراض
ضحكو وراحو لأمهم يساعدوها
في الليل الكل نام ما عاد رهف والجوهره
الجوهره : رهف متأكده انك بتتزوجين ؟؟
رهف ابتسمت : متأكده ومطلق اعرفه من كنت صغيره
الجوهره تنهدت وتذكرت خالد رهف ابتسمت : ربي بيجمع بينكم بأذن الله الحين ركزي على دراستك مو قلتي لي الدراسه اهم علشان تبنين مستقبلك وهو لو يشوفك كذا بيقول لك نفس الشيء
الجوهره ابتسمت : طيب الحين بنام تعبت اليوم مره
رهف : تصبحين على خير . ......