عنوان البارت ( خالد انتبه لنفسك .. "الجوهره" )
.
.
.
ابو عبدالعزيز التفت : وهذي المشكله وبتنحل واليوم عشاكم عندي
ابو مفلح : لا يابو عبدالعزيز يعطيك العافيه ورانا اشغال
ابو عبدالعزيز : والله ان محد يطلع من عندي الا وهو متعشي
ابو محمد : ما تقصر يابو عبدالعزيز ما بعد حلفك حلف
وليد همس : يا عيال بالله شرايكم ؟
طلال : شكيت انك وليد صدق جدي يوم قال لك داهيه
فهد ابتسم وربت على كتفه : ما خاب ضني يوم اعتزيت فيك
التفت وليد : خلودي شفيك سرحان ؟
خالد ما رد .. طلال : هه ما عليكم منه امس ما نام زين
قام خالد التفت فهد : خالد هالايام مو عاجبني اذا جيت لقيته غارق بهمومه وسرحان وبعدين وش قصة الدفتر اللي تحت مخدته ما بغيت افتحه ويزعل
طلال بصدمه : هاه .. لا ما عليكم بروح اشوفه واجي
..
امل : جوجو وش فيك سرحانه خالد قال لك شيء ؟
الجوهره : بروح انام
امل بصدمه : وين تروحين الحين !
الجوهره ماسكه نفسها : ايوا الحين بروح للبيت وش فيه ؟
امل : اذا الكلب خالد مزعلك قول لي ؟
الجوهره تنهدت : يا صبر الارض خالد مستحيل يزعلني بس انا تعبانه وبروح .. اخذت عباتها
امل : طيب استني اروح معك وين تروحين بالليل لحالك
الجوهره مسكتها : امل تكفيين واللي يرحم والديك ابي اروح لحالي مو ناقصني شيء طلبتك اتركيني
تنهدت امل : طيب اذا وصلتي دقي علي
الجوهره : طيب
..
لحقه طلال : خالد وش فيك و ليه الدفتر جايبه معك ؟
خالد تلطم : طلال تكفى اتركني راكان ما يرد و انا ضايقه فيني الوسيعه
طلال : وربي حاس فيك بس تكفى خذ الدفتر و وده سيارتك لا يشوفه فهد
خالد : و فهد وش دراه ؟
طلال : لقاه تحت مخدتك بس احمد ربك ما فتحه
خالد قام بصدمه : ايش !
طلال : ايوا الحين اركض جيبه وحطه بسيارتك لا يشوفه
خالد تنهد : طلال حطه انت تعبت وانا اخفي حبي للجوهره
طلال : شوف وانا بعد تعبت وانا امشي ما لقيت غير تجي هنا صح الديره صغير بس والله يا اني تعبت اليوم روح انت وحطه
قام : طيب امري لله
..
رهف : وين جوجو ؟
امل تنهدت : راحت البيت
رهف : لحالها !
امل : ايوا ما رضت اروح معها
رهف : طيب دقت عليك شيء ؟
امل استوعبت : لا .. صار لها ساعه رايحه !
رهف : اففف يا الجوهره بيجي يوم وبموت من خوفي عليك
دخلت زينه : بسم الله وش فيها الجوهره ؟
امل : راحت البيت و لها ساعه ما دقت ولا لها خبر
التفت : جوالها هنا اصلا !
زينه : ياربي اكيد نسته وبعد مافي شيء الديره امان
امل : اي صح ليه ما تقولين لفهد او وليد يشوفها اذا بالبيت ولا لا
رهف : هذاني ادق عليهم
رد وليد : هلا ؟
رهف : وليد شوف الجوهره اذا رجعت البيت او لا نست جوالها هنا وراحت لحالها
وليد : كبيره يا اختي ما بيسرقها احد ما عليك الحين بس اخلص شغلي واشوفها
رهف براحه : طيب
..
التفت مفلح : خير ان شاء الله صاير شيء ؟
وليد ربت على كتفه : خلك بشغلك ولا تتدخل
قام وهو مبتسم : اجل بروح اشوف شغلي
وليد بسخريه : ايوا روح شوف شغلك وشهودك لا تنساهم بكرا
مفلح : تدري وش قانوني بالحياه
وليد : اوووه بدا يتفلسف روح اذلف بس مافي غير انا وياك لو اذبحك هنا محد يدري
مفلح ابتسم بسخريه : اجل بعدين اقول لك قانوني بالحياه
وليد : اذا التقينا ان شاء الله
طلع مفلح
..
نايف : عمي ليه محمد ما جاء معك ؟
ابو محمد : بالرياض عند شغله
ابو نايف : كبرو العيال وكل واحد بشغله
نايف ضحك : يبه تراني للحين بالثانوي
ابو نايف : والله حسبتك للحين بالمتوسط
ابو فهد ضحك : شكلك انت اللي كبرت صاير تنسى
ابو عبدالعزيز : العيال يكبرون وحنا ما كبرنا للحين شباب
ابو خالد : ورجعنا للموال هذا خلص العمر مقدرو وانتهى امره
ابو محمد ابتسم : يالله عاد استأذنكم
ابو عبدالعزيز : وين بدري اقعد تتونس معنا
ابو محمد ضحك : وين بدري بتجي الساعه ١٢
ابو فهد ابتسم : يا سرع الوقت
ابو عبدالعزيز : اجل توصل بالسلامه
ابو محمد : قهوتكم بكرا عندي ولحد يتعذر والله اني مشتاق ل هالقعده
ابو عبدالعزيز : بإذن الله
دق جوال طلال وطلع : مين معي ؟
راكان : حرامي بيخطفك انا راكان يا الغبي
طلال ضحك : معليش ما انتبهت لرقم
راكان : المهم لقيت مليون مكالمه من خالد دقيت عليه يعطيني مشغول وش فيه ؟؟
طلال تنهد : اليوم مفلح يقول عنده دليل صور لفهد وزينه وخالد ضاقت عليه الوسيعه وما عاد تعرفه مرات القاه يضحك ومسفهل ومرات القاه مهوجس و ما يرد على احد
راكان بصدمه : دقيقه ايش وش صوره ؟!!!
طلال : هو ما اتهم فهد و بنت خالته استغفرالله انه بينهم شيء يقول ان عنده صور لهم
راكان : ليه توكم تقولون لي يا الاغبياء
طلال : وش فيه ؟
راكان : من وين جاب الصور يعني اكيد متجسس على جوال زينه وفهد وماخذ الصور ومفربكها زي الجوهره
طلال ضرب راسه بالجدار : اي والله كيف ما فكرت ..
طلع وليد : علامك مجنون انت ؟
طلال : هاه .. انت من متى هنا ؟
وليد : سمعت ضربه راسك وحسبت احد يتهاوش وجيت
طلال : طيب خلص اذلف
وليد : فيك شيء ؟
طلال : لا بروح اطلع وبرجع قل لابوي
وليد : طيب
..
مفلح ضحك بسخريه : مثل ما قلت لك بنطير للسماء
.. "ضحك " : معك بس لازم تمر عندي مشتاق لسوالفنا وخططنا من رجعت ما عاد اقدر اكلمك
مفلح ضحك : اكيد واول وجهه انت
.. : يلا بخلص شغلي انقلع
مفلح : موفق
.. "ضحك " : هو شغلنا فيه توفيق
مفلح : خلص بس بقفل
التفت : متى بتبدا الخطه ؟
مفلح ابتسم : الحين
.. : ايش ؟؟
مفلح : انت تعرف قانوني صح ؟
.. : لا وش هو ؟
مفلح : علشان تحل مشكله ما لها حل سو مشكله ثانيه تنسيك المشكله الاولى
.. : بس بتتراكم المشاكل كذا
مفلح بنضره حاده : وهذا اللي ابغاه الحين اذلف سو شغلك
..
دخل المجلس بعد تعب رمى جواله وطاح بفراشه دخل بعالمه واحلامه تنهد : لو تتحقق احلامي ذي انا بخير
عم الصمت وصار يسمع صوت بنت تبكي طلع خالد : في احد هنا ؟؟ .. محد رد دخل البيت : في احد ؟؟
التفت لقاها راميه نفسها على الكنب وتبكي صد خالد : مين انتي ؟
التفت له بصوت مبحوح : خالد ؟!
خالد وهو مو مستوعب : الجوهره!!!
الجوهره مسحت دموعها : وش جابك ؟
خالد حس ان روحه تحترق ما يدري وش يسوي نسى كل شيء ما عاد يعرف يفكر نسى المسافه اللي بينهم نسى الحياة انحنى لها ومسح دموعها : يا عيون خالد ليه تبكين ؟
مقدرت تمسك نفسها طاحت بحضنه تبكي مسكها : مين مزعلك مين اللي ضايقك قولي لي ؟
ابعدت عنه : خالد توعدني تنتبه لنفسك ؟
خالد : اوعدك انتبه لكِ
ابتسمت ومسحت دموعها رجعت لمكانها استوعبت اللي صار : خالد اطلع
خالد بصدمه : اطلع ؟
الجوهره اخذت البطانيه وغطت نفسها خالد استوعب : ا .. اسف طلع رجع للمجلس وتنهد : حتى مقدر امسح دموعها يارب روحي تحترق وش اسوي
كان يبي ينام وينسى كل شيء بس مقدر اخذ ساعه يحاول ينام ساعتين التفت لجواله قام بصدمه : الساعه ٣ ليه محد رجع ؟!
دق على طلال : الو
طلال : خير وش فيه ؟
خالد : ليه ما رجعتو ؟
طلال : جدي حلف ننام عنده اليوم ونمنا
خالد : طيب تقدر تجي ؟
طلال بسخريه : ليه خايف تنام لحالك ؟
خالد : لا بس مافي غيري انا و .. والجوهره اخاف يصير نفس فهد و زينه
طلال : محد داري عنك اقول بس نام اخلص بنام
سمع صوت صراخ جوا البيت ترك الجوال وركض جوا
خالد بصدمه : مين انت !
.. : هه شكلك خالد ولا ؟
خالد : اترك الجوهره ولا ما بيصير خير
.. بسخريه : ماني تاركها وبعدين وش بتسوي حنا ٥ رجال وانت لحالك
الجوهره عضت يده وقالت بنفس متقطع : خالد اهررب معهم أسلحه
خالد بغضب : كيف اروح لحالي تستهبلين ؟؟؟!!!
.. : اقول ماني فاضي لكلامكم ، اشر للي عنده
خالد : انت من معاونين مفلح صح
.. ضحك بسخريه : منهو مفلح علشان اعاونه
خالد : يا .... ضربه و اغمى عليه
.. : خلصنا منه والحين بنخلص شغلنا اربطوها
الجوهره : بس بسوي شيء واحد وسوو اللي تبون
.. : خير ان شاء الله نحسبينا سبايك عندك ؟
الجوهره : انتم ٥ وانا لحالي مقدر اسوي شيء
.. بتفكير : شرايكم يا عيال ؟
( واحد من اللي معه ) .. : انا اقول نتركها تسوي الذي تبيه
.. : انحنى لها وش بتسوين الحين ؟
الجوهره : ابي قلم و ورقه
.. : حلوه ذي تطلب بعد
دخل .. : لا يوجد احد بالبيت بس وجدنا الدفتر وجواله كان يكلم واحد اسمه طلال
.. : عطها الدفتر تكتب به واخلصو خذوه محله و زبطو الوضع
اخذت الدفتر وعطوها قلم .. : اكتبي بس حطي ببالك اذا كان شيء يضرنا بحرق الدفتر بكبره
هزت راسها وبدت تكتب :
خالد انتبه لنفسك .. "الجوهره "
اخذ الدفتر : بالله بس ذا بتكتبين هههه امشو قبل احد يجي
..
طلال بصوت مبحوح : قوموووو
فهد : بسم الله وش فيك مجنون انت ؟
طلال : خالد بالبيت دق علي وسمعت صوت صراخ بس مقدر اروح له ضربت رجلي بالطاوله وقاعده تنزف مقدر امشي الحقووه
وليد : وش تهبد انت ؟
طلال صرخ : الحقوووه
قامو كلهم يركضون للبيت كلهم ما يعرفون اي شيء فيه حتى نسو نفسهم خافين لا يكون صار شيء
نايف : اا .. ا . الباب مفتوح !
وليد تذكر الجوهره دخل يركض للبيت صرخ : يا عياال لقيته
فهد بصدمه : وش جا .. راسه ينزف !!
نايف : في قزاز "زجاج" متكسر !
فهد اخذ جواله اتصل على راكان رد : الو
فهد يصرخ : راكان الحق تعال خالد مرمي مغمى عليه وراسه ينزف وفي قزاز متكسر والوضع فوضى
قاطعه وليد : الجوهره .. الجوهره وينها ركض للدور الثاني
فهد : راكان تعال بسرعه بيتنا وقفل ..
وليد فتح الباب وهو يصرخ ينادي الجوهره ما ردت فتح الغرفه الثانيه والثالثه محد رد فهد مسك وليد : وش فيك انت الجوهره مو هنا
وليد وهو يبكي : الا هنا قالت لي رهف بس انا حمار ما جايتها
فهد بغضب : وش تقوول ؟؟!!!!
نايف صرخ : مو وقتك انت وياه خلونا نلحق خالد للمستشفى
فهد نزل واخذ خالد وطلع لسياره نايف مسك وليد : امش بسرعه
..
ابو فهد : وش تقول انت انجنيت ؟!!
طلال : والله اني اقول الصحيح الحقو خالد والجوهره
التفت ابو خالد : سعود انتبه لطلال وللبيت بنروح ونرجع
قامو يطلعون للبيت
دخل ابو فهد : وينكم ؟
ابو خالد صرخ : دم!!
ابو فهد : قزاز متكسر!!
ابو خالد انتبه لدفتر اخذه : عبدالعزيز تعاال
راح له ابو فهد بصدمه : هذا خط الجوهره
جلس ابو خالد وهو يمسك راسه : عبدالعزيز احس ان الارض تدور بي مدري هو انا بحلم ولا علم
رمى الدفتر ومسك اخوه محمد : قوم امش شكل الضغط ارتفع معك وبدق على العيال
دخل راكان : عمي ؟!
ابو فهد : وش جابك ؟
راكان مسك ابو خالد : وش فيه ؟
ابو فهد : شكل ضغطه ارتفع
راكان : وش جابكم هنا ؟
ابو فهد : طلال صحانا وخرشنا انت تدري وش صاير ؟
دخل عسكري : مافي احد بالبيت
راكان : دورو حول البيت يمكن نلقى اثرهم
ابو فهد : آثر مين ؟؟؟
ابو خالد : يا راسي خالد وينه وش تقولون انتم ؟
راكان : امشو معي للمستشفى
ابو خالد بصدمه : وش صار ؟؟
ابو فهد بغضب : راكان احد صاير له شيء وش سالفتكم ؟؟
راكان : اهدو التفت للعسكري كملو بحث وانا بروح
طلعو ..
...
( بالمستشفى )
فهد : اسكت يا وليد قلبي متقطع بلياك
وليد : فهد طلبتك اذا حلم صحني
نايف مسكه : وليد صحصح خالد بالغرفه مغمى عليه ولا ندري وش سالفتك وانت تنادي الجوهره وهي بالبيت ما صار شيء
وليد صرخ : ما تفهموون انتم الجوهره كانت ببيتنا ودقو على رهف
فهد مسكه بغضب : وليد اسكت لا تخ ...
قاطعهم ابو فهد بغضب : وش تسون انتم ؟
فهد ترك وليد التفت بصدمه : وش جابكم ؟
راكان : انا جبتهم ما يصير نخفي الموضوع والحين قولو وش شفتم بالبيت ؟
نايف : انا بقولك
راكان التفت لفهد و وليد : انتم بعدين انتاقش معكم ..
راكان : تكلم
نايف تنهد : كنا نايمين قمنا على صراخ طلال وهو يقول الحقو خالد ما ندري وش السالفه بس طلعنا وحنا ما نشوف اللي قدامنا ولقينا الباب مفتوح دخلنا وشفنا خالد مغمى عليه بس وليد مدري وش فيه قعد يركض ينادي الجوهره ويدورها قلنا له انها ببيت جدي ما يفهم
راكان وقف بصدمه : الجوهره ؟!!!
نايف بإستغراب : ايوا اخت فهد و وليد
دق جوال راكان : الو .. صور لي وارسلهم
نايف : وش فيه ؟
راكان انصدم من الصوره " صورة الورقه اللي كاتبتها الجوهره" مسك راسه : الجوهره انخطفت
فهد صرخ بغضب : وش تقول انت تستبهل ؟؟
راكان مسكه : اهدا شوي خلينا نشوف الدكتور وبعد من متى وانت واقف هنا ؟
فهد مسك راسه : راكان اذا صار للجوهره شيء بقتل كل من له علاقه
راكان بغضب : وانا الحق وراك بالمحاكم اقعد ولا تتحرك هي اختي مثل ماهي اختك فاهم !
طلع الدكتور : وين اهل خالد محمد ؟
ركض راكان : هنا وش صار ؟
الدكتور : انت عسكري ؟
راكان : الحين بتتكلم وش صار على خالد ولا بتحقق معي ؟
الدكتور : خالد مضروب بعصا على راسه سببت نزيف بس الحمدالله ما وصل لدماغ والحين هو تمام وبننقله للغرفه
تنهد راكان : الحمدالله
الدكتور : ممكن اسالك ؟
راكان : وش فيه ؟
الدكتور : طول ما كنا نخيط جرحه انتبهت انه بينادي على وحده اسمها الجوهره رغم اننا حاطين مخدر له ؟؟
راكان ابتسم بتعب : يا دكتور هو بلانا هالحب
الدكتور ابتسم : شكلها زوجته الله يحفظهم لبعض
راكان بهمس : يا ليت ..
راح لابو فهد وابو خالد والعيال يبشرهم بسلامه خالد بس بنفس الوقت بيقول لهم ان الجوهره انخطفت كان اصعب موقف مر على راكان انه يقول لهم كأن الخير والشر اجتمعو مع بعضهم! .
.
.
.
والى هنا ينتهي بارت اليوم ...
.
.
( توقعاتكم بالانستا حسابي rhae_3838)
أنت تقرأ
وينك يا درب المحبه ؟. / البارت 21 مهم ..
Poesiaيقولون حب من ذو الصغر ما ينهدم بس وش رايكم انتم ؟؟. (البارت 21 )
