وينك يا درب المحبه ؟. / البارت 21 مهم ..

البارت 9

عنوان البارت ( نبتسم بوجيه العابرين وحنا بداخلنا احزان )
.
.
.
رهف : الجوهره وش فيك ذي الايام مانتي الجوهره اللي اعرفها ؟
الجوهره تنهدت : لا بس صداع تعرفين ذي السنه صعبه وكذا
رهف ابتسمت : شدي حيلك علشان تدخلين تخصص احلامك
سلمى ضحكت : رهف انتي للحين تحسبين الجوهره مخططه ومفكره وش تدخل ؟
رهف : للحين ما فكرتي ؟
الجوهره ابتسمت : صراحه اي مدري وش ابي مرات اقول طب ومرات قانون ومرات هندسه مدري وش ادخل ؟
امل : اسمعي انتي درجاتك عاليه و تمام ليه ما تدخلين طب مثل خالد و...
لولوه قاطعتها : اي يالجوهره والله حلو دكتور ودكتوره يحبون بعض اخخخ
امل قرصتها : انتي متى بتعقلين خلني اتكلم والبنت بكيفها وش دخلك ؟
الجوهره : بنات خلص ما راح اقرر بسأل شخص واشوف
سلمى  : ريحي  راسك وادخلي إداره اعمال
رهف : فكري بالامن السيبراني زيي والله حلو وبه اشياء تجنن
الجوهره : بفكر
..
خالد : يا عيال ما تشوفون محمد ذا صاير يجي كثير ؟
وليد : تهقون يبي يخطب احد خواتنا لانه من توظف وهو رايح جاي لنا ؟
طلال : ما اضن بيتزوج اكبر وحده رهف وهذي هي مابقى شيء على عرسها مين بيخطب مثلا ؟؟
خالد : امل صغيره ولولوه بعد والجوهره ما...
وليد قاطعه : لا عاد ليه كلهم بياخذون خواتي خيير بتروح رهف وما بتبقى غير سلموه
طلال ضحك: انت بك شيء غريب اي احد يتزوج اختك تكرهه ليه ؟
وليد : شوف مطلق ما اكرهه يعني بس احس اذا شفته اتنرفز ومحمد ذا يخسي ياخذ سلمى
خالد ضحك : وش فيك عليه للحين ما قال شيء ؟
وليد : خلص مابي احد ثاني ياخذ من خواتي خلوني اتهنى معهم
قاطع سوالفهم نايف يركض : يا عيااااال الحقو فهد
قامو وليد : وش فيه فهد ؟؟؟
نايف : كنا انا وهو نتمشى ومفلح قال انه يبي فهد بموضوع بس بعدها فهد عصب وضرب مفلح وتهاوشو الحين الحقوهم
وليد ركض : وانا اخو فهد يا ذا المفلح كلب والله لاذبحك
لحقوه طلال وخالد
وليد  بعد مفلح عن فهد وصفقه : نعم سبهلله الموضوع تضرب اخوي ؟؟
طلال وقف بينهم وبعدهم : خلص يا عيال هدو خلونا نفهم الموضوع
فهد يحاول يبعد خالد اللي ماسكه تفل بوجه مفلح : يا كلب تتهمني بشيء ما صار والله ان شفتك لا اذبحك
طلال مسك ياقه ثوب مفلح : وش قايل يا حيوان تكلم ؟
مفلح ابعد طلال بسخريه : ولد عمك اللي ما تربى يعرف وراح
وليد بيلحقه بس خالد مسكه : اتركه ما تعرفه راعي مشاكل
طلال يهدي فهد : اهدأ وش قال الكلب ذا ؟؟
فهد مسك راسه : اخخ يا طلال بس لو ما مسكتوني خلوني اروح اذبحه ونفتك منه
وليد مسك يد فهد : فهد لا تسوي شيء تندم عليه وش قال علشان يوصل حالك كذا ؟؟
فهد : ليتني مت ولا سمعته يقول ان بيني انا وزينه شيء واذا ما بعدت عنها بيعلم الناس كلها وانا والله حتى ظلها ما شفته قاعد يتهمني بشيء ما صار ويقول عنده شهود
طلال : دقيقه زينه ذي مين وش فيه يا عيال انلخمت ؟؟
وليد : زينه ذي بنت خالتي اللي اخوها عبدالرحمن
خالد : طيب وش دخلها بالسالفه وليه يتهم فهد ؟؟
وليد : مدري وش دراه انه يحبها و ليه يتهم فهد كلنا ما ندري بس لو اشوفه بذبحه وش يبي منا
طلال : يا عيال خلونا نهدي فهد العصر بنمشي للمزرعه وهو على ذا الحال والله لا يشك جدي وعمامي
خالد : ليه ما نقول لهم يتفاهمون مع مفلح ذا ؟
فهد وقف : لا ما تعرف مفلح يطلع نفسه من اي شيء بسهوله
وليد : واذا قلنا لهم وجاب الشهود ذول وش يثبت لهم اننا صادقين حتى جدي اللي يعرفنا بيشك لو صدقنا
نايف : يا عيال امشو بنجهز الاغراض علشان نروح
طلال التفت لفهد : لا تثير شكوكهم تكفى انت تعرفهم والله ما يتركونا
..
الجوهره : لولوه وش فيك ترا ما راح نطير
امل : افف انتي اللي مدري وش فيك اخبرك اول من يركب السياره ؟
الجوهره تجاهلت السؤال المتكرر اللي كل يوم تسمعه انتي تغيرتي ليه صايره هاديه بزياده والخ .. محد يعرف اللي تمر به غير خالد قطع تفكيره صوت من وراها
خالد غمز : يا حلو وش تهوجس به ؟
الجوهره رمت عليه العلبه : ما لك شغل قليل ادب
خالد بألم : حرام عليك هذا وانا بطلك
الجوهره بخوف : اوجعتك صدق ولا تستهبل ؟
ضحك خالد : يا عمري خافت علي قلبي ما يتحمل اخخ
الجوهره ابتسمت : خالد وش فيك ذي الايام صاير جريء بزياده ؟
خالد ابتسم : تبين تعرفين ؟
الجوهره بفضول : اي ؟
خالد للان مبتسم : تعرفين وش قال خالد ؟
الجوهره ضحكت : اي وش قلت ؟
خالد ابتسم :هالمره مو انا خالد عبدالرحمن
الجوهره تكتفت وابتسمت : وش قال ؟
خالد استند على الباب : والله اني احبه حب ماني بمخفيه
              حب (ن) سكن بأقصى الضماير ودخلها
الجوهره تحاول تخفي ابتسمتها بنبره حاده : خالد شف ان كثرت كلام زي كذا ما تشوف وجهي ابد
خالد تنهد : اخ يالجوهره متى تبطلين استعباط  الله يسرع بالزمن واتزوجك وقتها مستحيل اخليك تروحين من قدام عيني
الجوهره بنبره حاده : خويلد ان ما بطلت انت استعباط بصفقك كف ورجعك خالد الاول
خالد ضحك ودق لها تحيه : ابشري اوامرك تنفذ تبين شيء؟
الجوهره ابتسمت : سلامتك استودعتك الله
ابتسم خالد متعود على حنيه الجوهره : يلا مع السلامه بس خليني القاك بالمزرعه تهوجسين ولا تفكرين بشيء يا ويلك
الجوهره ضحكت وراحت
خالد اختفت ابتسمته : كلنا ندري اننا نضحك قدام بعض علشان ننسى
نايف من وراه : مدري وش تنسى بس اذا خلصت لقاءك الرومنسي ذا ابعد جيعان ابي اكل
خالد التفت منصدم : دقيقه من متى وانت هنا؟
نايف بسخريه : ابعد ماني معلم احد وبعدين كل الناس تعرف بحبكم الا انتم
خالد ابتسم وتجاهله
...
وليد تنهد : طلال فهد حالته حاله شف اول مره بحياتي اشوف اخوي كذا
طلال : لا حول ولا قوة الا بالله وش ذي الايام اللي كلها مصايب
وليد : صدقت مصيبه فهد ماهي مصيبه الا مصايب
ابو خالد : وش مصايبه ؟
التفتو  طلال : هاه .. لا كنا نتكلم كذا يعني
ابو خالد بشك : متأكدين مو مخبين شيء ؟
وليد : اكيد وش نخبي يعني
فهد بغضب : الا في شيء ما تدرون عنه
التفتو طلال و وليد منصدمين !
فهد كمل : بقوله لكم بالمجلس اذا وصلنا لان ذا الوقت والمكان مو مناسب
ابو خالد ناظر فهد وهو حاس ان في شيء بس يبيهم يتكلمون : اجل شوفو وش بقى من الاغراض ما بقى على العصر شيء نصلي هناك وتقول لنا
..
ام نايف : امل اخذتي البخور ؟
امل : اي اخذته بس دقيقه البس عباتي واطلع
ام نايف : استعجلي ما بقى غيرنا
دخلت لولوه : يمه تكفين لا تقولين انكم عزمتو ذيك الغثيثه ؟
ام نايف : لولوه خلص عيب عليك ذي اكبر منك احترميها
امل : من ذي ؟؟
لولوه : رجوى الغثيثه اففف
امل : لا عاد
ام نايف : امشو هذا عمكم يدق تأخرنا
ركبو السياره .. بالمزرعه ..
خالد نزل الاغراض : اخخ يا طليل انا اوريك انحاش وخلاني
وليد ضحك : وانا بنحاش بعد
خالد : لا تكفى نزل معي ذول وبعدها انحاش
وليد تنهد : مقدر اطول اكثر من كذا شف فهد يدق
خالد : الله يستر بس
امل طلعت : خالد انت هنا ؟
خالد بسخريه : لا بالمريخ وين بكون يعني
امل ضحكت باستفزاز : هههه ما تضحك يا حرام خلوك وراحو
خالد : اي وانتي بدال لا تتشمتين تعالي تساعديني
امل : والله كان ودي بس كنت ادور لولوه علشان نلقى طريقه نخفي رجوى ذي ولا تشوفك
خالد : من ذي ؟؟
امل : رجوى هذيك اللي تتلصق بك تتذكر عيد الفطر وش سوت
خالد : اي ....
نرجع بالاحداث شوي
(بعيد الفطر )
خالد دخل البيت : اااامل وينك
رجوى طلعت : اووه معليش مدريت انك هنا
خالد وهو صاد : نادي امل
رجوى بدلع : امل راحت مو موجوده حتى انا جيت ابيه ما لقيتها
خالد بيطلع صرخت التفت : وش فيك
رجوى بألم (كذابه طبعا ) : رجلي التوت توجعني
خالد صد :تغطي زين وابعدي ادور امل ولا اي احد
رجوى : مافي احد بالبيت انا توني جيت وشفت مالقيت احد
خالد بغضب : دبري نفسك وش اسوي لك يعني
طلعت امل : بسم الله وش ذا الصراخ
خالد بغضب : شوفي ذي و طلع ) .
نرجع الحاضر ..
خالد : يعع وش جابها ؟
امل ضحكت : يعع وانت تقولها تذكرني بالجوهره
خالد ابتسم 
امل بطرف عين : خويلد لا تكون مزعل الجوهره ولا قايل شبء ذي الايام احسها متضايقه وكل ما سألتها تغير الموضوع ؟
خالد تنهد : اخسي ازعلها بعدين حنا متى نتقابل غير اذا جمعتنا دروب المحبه
امل بشك : انت وياها في شيء مخبينه بس بيطلع وبعرفه
خالد : اقول ابعدي اشغلتيني بروح للعيال وذي رجا مدري رجوى لا تشوفها عيني اذبحها كريهه
امل بسخريه : ايوا شطور علشان ما اعلم الجوهره تذبحك
خالد نزل الكيس وابتسم : عسل على قلبي والله
امل : اي والله انا اللي بذبحك احس مو لايق عليك تصير رومنسي بزياده
خالد بأستفزاز : والله عاجبني كذا مالك شغل
امل تجاهلته ودخلت تنهد وحك راسه خالد : وش في شخصيتي كذا قلبت احس اني صدق مستفز صاير رومنسي على قولتهم بزياده كله من التفكير ابي كل الناس تعرف اننا لبعض وشكلي والله بخلي عمي يعرف ويذبحني
.. بالمجلس ..
ابو خالد التفت : هاه يا فهد وش عندك ؟
فهد بلع ريقه : في موضوع بس ابيكم تفهموني اول وما تقاطعوني
ابو فهد بعدم صبر : اهرج مثل الرجال وطلع اللي وراك اخلص
تنهد فهد و وقف : انا اول شيء مظلوم وانتم ما ترضون الظلم لاحد
ابو عبدالعزيز : من هو ظالمك ؟؟
فهد قبض على يده : مفلح الكلب متهمني بشيء ما صار ولا بيصير قايل ان .. بلع ريقه . بيني وبين بنت خالتي شيء ويقول عنده شهود والله ان اللي يقوله كذب
وقف ابو فهد : وش تقول ؟؟؟؟
ابو عبدالعزيز : لا حول ولا قوة الا بالله اهدا يا عبدالعزيز
ما تأكدنا من كلامه التفت لفهد انت تعرف الشهود من ذول ؟
فهد بتوتر : لا ما اعرفهم
ابو عبدالعزيز ينادي : خاااالد ....
.
انتهى البارت اعتذر اذا كان قصير لان ما فضيت اكتب الا امس ان شاء الله الايام الجايه بنزل اكثر 🤍.