البارت 19

461 20 20

بواسطة NW1_22

بقلم NW1_22

عنوان البارت( ماني تاركك لو تقوم حروب
ماني باللي يحب وينسى .. )
.
.
نطت من الشباك بدون لا تفكر مسكها خالد وغطاها بالشماغ وشالها صفر مره وحده وانتبه له ظاهر وراحو يركضون ..
طلعت أيما من الغرفه وتلقى الحراس مو موجودين وبدأت تصرخ : الجوهره هربت وأمتلئ القصر بالضجه والرعب طلع مفلح من غرفته والشر يملئ عيونه ..
فتح الباب قعد يناظر الزجاج المرمي على الارض
مفلح صرخ بغضب : وين الحراس وانتي كيف تخلينها تطلع ! ..
أيما : خرجت وانا لا اعلم كنت نائمه
مفلح ابعدها من قدامه وطلع صرخ : جهزو السيارات ودوروها
طلعوا كل من في القصر ومن ضمنهم مالك ومفلح ..
خالد دخل الجوهره السياره التفت لظاهر : وين راكان
ظاهر يحاول يلتقط انفاسه : مدري اضن انه ورانا ؟
راكان جاهم وهو يركض : اركبوا وش تنتظرون
ركب ظاهر مكان السواق وراكان قدام وخالد ورا مع الجوهره وانطلق ظاهر وهو ما يشوف الدرب ابعدو عن المكان وبدوا يطلعون من بين الغابات وصلوا الطريق
التفت راكان وهو يضحك : ما قد ركضت زي كذا بحياتي
ظاهر ضحك معه : يا ولد نحفنا ١٠ كيلوا بيوم واحد
خالد التفت للجوهره وعدل الشماغ : شفيك ؟
الجوهره ابتسمت : ما تخيلت اخلص من مفلح بسرعه
ابتسم : ولا انا تخيلت اني اشوفك كذا
الجوهره بخوف : ما بيصير لنا شيء ؟
خالد : اوعدك ما بيصير شيء
الجوهره : بس لو رجع مفلح ؟
قال خالد بقهر :
ضنيتني الوحيد اللي احبك
ما دريت الا خذاك قبلي ..
ماني تاركك لو تقوم حروب
ماني باللي يحب وينسى ..
راكان تنحنح : وين بنروح الحين ؟
خالد التفت له : نروح المطار على طول وش ننتظر
راكان : ما اتفق معك
ظاهر : باسل نسيناه !
راكان فتح درج السيارة واتصل على باسل
.. في الديرة ..
تنهد ابو فهد
ابو نايف : علامك من قعدنا وانت تتنهد ؟
ابو خالد : ما عليك يا عضيدي بترجع بإذن الله
ابو فهد ابتسم : ما قلت لي ان خالد يحبها هالكثر ؟
ابو خالد ضحك : ومن بقى ما يدري
ابو نايف : وش ندري به ؟
ابو فهد : سعود اللي بقى
ابو خالد ضحك : اثاريه ما يدري
ابو نايف : وش ما ادري به ؟
ابو خالد : خويلد وجهير ما عرفت انهم لبعض ؟
ابو نايف ضحك : الله يردها سالمه
ابو فهد : آمين لكن في شيء في قلبي مو مرتاح
ابو خالد : لا يكون قصدك الابيات شكل ام فهد مسكتك ؟
ابو نايف : اي ابيات ؟
ابو خالد : وكالعادة كل الدنيا تدري الا انت
ابو فهد : لا محد يدري اصلا غيرك
ابو خالد : دقيقه يعني ام فهد مو هي اللي ذكرتك بالابيات ؟
ابو نايف : اي ابيات ؟
ابو فهد تنهد : قبل كم يوم اتصل احد بجوال البيت اللي ما اذكر متى اخر مره سمعته يرن ورديت وسمعت صوت احد يقول ابيات
ابو نايف : قل وش هي الابيات ؟
ابو فهد :انتظريني واذا شفتي القمر ينور الكون
ابتسمي هذا نور ضيك يا بعد القمر والنجوم
ابو نايف : ذي ابياتك
ابو خالد : اني قايل له بس ما يفهم
ابو فهد : طيب انا قايل الابيات ذي لمين اصلا ؟؟
ابو نايف : اي ما قلت بتقولها للي بتحبها ؟
ابو فهد : ما عمري حبيت غير .... "سكت"
ابو خالد : وش لا يكون تحب احد غير ام فهد ؟
ابو فهد تنهد : لا حول ولا قوة الا بالله
ابو نايف : وش العلم يا عبدالعزيز ؟؟
ابو فهد : تخبرون بنت جيرانا ؟
ابو خالد : مين ؟
ابو نايف : لا تقولها
ابو فهد : هي اشواق ..
ابو خالد : لا إله الا الله ما اتذكرها مين هي اشواق ؟
ابو نايف : اشواق اللي كانت معنا من كنا صغار ما تخبرها ؟
ابو خالد بصدمه : اشواق بنت محسن اللي اخوها ناصر ؟؟؟
ابو فهد : الله الله بس وش طلع هالابيات الحين انا مدري
ابو نايف : طيب اللي اتصل عليك هو صوت حرمه ولا رجال ؟
ابو فهد : والله اني ما كنت مركز من التفكير واللخبطه ما اذكر
ابو خالد : اجل ليه تزوجت ام فهد وانت تحبها ؟
ابو فهد : كنت طايش
ابو نايف : انت الحين تحب مين ؟
ابو فهد بغضب : تستهبل ان و وجهك اكيد ام عيالي خلود
ابو خالد ابتسم : دامك قلت اسمها فهو صادق
ابو نايف : مدري عنك لكن انتبه لا يوصل العلم لأبوي ولا احد
ابو فهد تنهد : هو انا اللي مخوفني ذا الشيء سالفه قد انتهت ليه تطلع الحين ؟
ابو خالد : لا بإذن الله ما يصير شيء انسوا السالفه ذي
.. عند العيال ..
نايف دخل : يا عيال علامكم ؟
وليد تنهد : وش تتوقع مننا تبينا نضحك ؟
نايف ابتسم : احس ان بيدق خالد ويبشرنا بشيء
طلال : ما عاد بقى غير حنا الثلاث
وليد : فهد وتزوج وخويلد راح يدور جهير لانه الوحيد اللي كان بمكان خطفها وانا وانتم قاعدين هنا نهوجس
نايف : لا وش رايكم حنا بعد ندور ادله ؟
طلال : كيف ؟
وليد : وش ندور ادله وحنا ما ندري كيف صار كل ذا
نايف ضحك : افا الموضوع سهل بس بروح وارجع استنوني
طلع ..
.. عند البنات ..
رهف : بنات ما تحسون رجوى ذي فيها شيء ؟
امل : اخيرا احد حس مثلي
سلمى : مدري بس جياتها هالايام كثيرة
رهف : اي وصايرة احيان اشوفها رجوى اللي كلنا نكرها واحيان اشوفها رجوى اللي نعرفها من كنا صغار
لولوه بتفكير : احس في احد يغصبها تسوي حركات علشان نكرها ؟
سلمى : مدري عنها بس احب شخصيتها لما كانت صغيرة ومو زي الحين وحركاتها المايعه
امل : اتفق معك
رهف تنهدت : احيان ودي اكون صغيرة ولا اكبر
لولوه غمزت : هاه علشان حبيب القلب ؟
رهف ضحكت : لا والله مطلق نفس ما كان صغير ما تغير
دخلت ام نايف : لولوه اخوك ابلشني يبيك برا روحي له
لولوه قامت : يا ليل البثر وش يبي ..
برا عن نايف ..
نايف : يا هلا ب لولوتي
لولوه : اخلص وش تبي ؟
نايف ابتسم : تدرين اني احبك وانك اجمل اخت بالكون
لولوة : والله ان لسانك حلو بس اخلص ادخل بالموضوع شتبي ؟
نايف : ابيك تقولين لي كيف كان وضع الجوهره قبل تروح البيت ؟
لولوه بنظرة حاده : وانت شدخلك ؟
نايف : قررنا انا و وليد وطلال بدل ما نقعد نهوجس نبي نساعد وندور ادله ولا شيء ؟
لولوه ضحكت : شكلك تبي تصير المحقق كونان ؟
نايف بسخريه : هه مره تضحكين اخلصي تكلمي ؟
لولوه بتفكير : كانت هاديه بزياده واحيان تسرح وكذا
نايف : طيب اي شيء غريب ؟
لولوه : اي صح كانت ما تخلي احد يلمس جوالها ودايم معها ولا جت رساله ولا شيء توترت
نايف : طيب ما عرفتي ليه تتوتر ؟
لولوه : لا بس جوالها مع رهف الحين مو راحت للبيت نسته واخذته رهف معها
نايف بتفكير : تقدرين تجيبين جوالها ؟
لولوه : وش تبي بجوال البنت ؟
نايف : ما تدرين يمكن احد مهددها ولا هكر ولا شيء
لولوه بخوف : يا عمري يا جوجو ما فكرت بها بروح اقول للبنات
مسكها نايف : دقيقه لا تفتحينه الحين خليني اشاور وليد وطلال ونشوف
لولوه تنهدت : طيب بس ترا اذا طولتوا بتكلم
نايف ضحك: ادري ان الكلام ما يقعد ببطنك دقيقه
لولوه : هه مره كوميدي
.. عند طيور الحب فهد وزينه ..
دخلت زينه : ما في جديد ؟
فهد تنهد : لا صار لهم اسابيع يدورنها
زينه ابتسمت : خلص قم نطلع تغير جو
فهد ابتسم : وين نروح ؟
زينه : اكثر مكان تحبه ؟
فهد : نروح البحر دامنا بجدة قبل نرجع الرياض ؟
زينه : تم يلا بقوم اتجهز ..
في السيارة ، فهد ضحك : ما بغيتي تنزلين
زينه : طفشت ؟
فهد : من يطفش من قلبه ؟
زينه ابتسمت : مشينا يا قلبي
فهد ابتسم : ثاني كلمه حلوة اسمعها منك
زينه : متى الاولى ؟
فهد : يوم اعتذرت منك وقلتي لي احبك والحين قلتي لي قلبي
زينه ضحكت : تحسب كم كلمه اقولها ؟
فهد : مو بس كل كلمه كل حرف احفظة وانقشه بقلبي
زينه : بقول لك شيء
فهد : سمي ؟
زينه : ترا معرف ارد على الكلام الحلو
فهد ضحك : ادري
زينه : طيب اسمع شرايك نشتري قهوة اول ؟
فهد ابتسم : ادري انك بتقولين كذا والحين شوي ونوصل ستاربكس
.. في تورنتو ..
باسل رد : الو
راكان : ارجع لا تروح لنفس المكان
باسل : وين اروح طيب ؟
راكان انتبه لسيارة باسل : اسمع الحقنا بسرعه حنا جمبك
باسل لف سيارته : وين بتروحون ؟
راكان : بنطلع ونروح بعيد عنهم الجوهره معنا
باسل ضحك : اما عاد
راكان ابتسم : اي
باسل : الحمدالله كنت ماكل هم كيف اقول لكم ان الشرطه ما رضت تتعاون معنا علشان الادله
راكان : سبحان الله خيرة
ظاهر : وش يقول ؟
راكان : الشرطه ما رضت تتعاون علشان الادله
خالد : طيب صدق وين بنروح ؟
راكان رجع يكلم باسل : اسمع بنروح ابعد فندق ونقعد به لين ما نعرف وش نسوي
باسل : حلو اعرف فندق من كثر ما فريت المدينه ذي اليوم حفظتها امشوا وراي
راكان : تمام ، قفل والتفت لظاهر .. امش مع باسل
وصلوا الفندق ..
راكان : خلوكم هنا بنزل مع باسل نزبط الوضع واجي ..
رجع راكان فتح الباب : يلا انزلوا زبطنا الوضع
التفت خالد للجوهره وعدل الشماغ ..
الجوهره : خلص ذي المره المليون اللي تعدل فيها
خالد : ما ابي احد يشوفك
ظاهر : انزلوا بسرعه ..
دخلوا الفندق ..
باسل : كلنا بغرفه وحدة ما عاد الجوهره بغرفه لحال جنب غرفتنا
خالد : حلو وين المفتاح ؟
اعطاه لخالد اخذة التفت للجوهره : هذا المفتاح ولا تفتحين لأحد الا لما تسمعين صوتي
الجوهرة اخذته : اكيد ما راح افتح لأحد
دخلت الغرفة ودخلوا غرفتهم لكن لنرى كيف حال مفلح ومالك ؟
..
رجع احد الحراس : لم نجد احد
مفلح ضرب الطاولة : تستهبلون كيف قدرت تهرب
مالك مسكه : انت لا تعلم كم قيمه هذه الطاولة لتهدأ لم يخرجو ا خارج البلاد بالتأكيد
مفلح جلس : كيف تبيني اهدأ ؟
مالك : لن نستطيع ايجادهم اليوم لننتظر الصباح كي نبحث بشكل جيد
مفلح تنهد : طيب بس صدقني لو اسمع انها رجعت بقتلك بدالها
مالك ابتسم بسخريه وطلع اتصل ..
.. : نعم
مالك : حدث الذي توقتعه الآن ماذا نفعل ؟
.. : مفلح حاول انك تبعده واستدرج الجوهره للكوخ والباقي اقوله لك بعدين
مالك : اوامرك تنفذ ..
.. عند العيال ..
دخل نايف : جاكم العلم
وليد عدل جلسته : هاه وش صار ؟
نايف : يبيلنا نشوف جوال الجوهره
طلال تذكر : هاه ليه ؟
نايف : علامك اكيد فيه احد مهددها لان لولوه قالت لي انها تتوتر اذا جاتها رساله ولا تترك جوالها
طلال : طيب واذا ما لقينا شيء ؟
وليد تنهد : وقتها بصفق نايف
نايف : وانا شدخلني
طلال : اهدو خلونا اليوم نفكر وبعدها نقرر
نايف : ليه نفكر ؟
طلال : جوال البنت ليه نفتشه لو يدري عمي ولا احد مشكله يحسبون في شيء
وليد : صراحه اتفق مع طليل اول مره يقول كلام صح
طلال قام : يلا عاد استأذنكم بروح
نايف : وين ؟
طلال : بتمشى تعبت من كثر ما قعدت معكم احس بطاقه سلبيه
طلع ، انتبه للبنت الطايحه راح لها
طلال : فيك شيء ؟
رجوى قامت : لا بس طحت ورجلي شكلها التوت
طلال بيساعدها يشيل معها الصحون ، رجوى : لا شكرا خلها اقدر اشيلها
طلال : يا بنت الناس يالله تمشين شلون نشيلين الصحون ذي كلها ؟
رجوى والدموع بعينها : مين انت ؟
طلال بتوتر : طلال ولد محمد انتي مين ؟
رجوى : رجوى بنت راشد
طلال ابتسم : هلا ببنت جيرانا
رجوى بغصه : شكرا لك بس ممكن تبعد علشان اقدر اشيل الصحون واروح ؟
طلال ابعد : تمام انتبهي مرة ثانيه
حاولت تقوم بس ما قدرت ،
طلال : انتظري بجيب لك احد البنات وبروح ، دق الباب
طلعت له امل : وش فيه ؟
طلال : بنت جيرانا طاحت والتوت رجلها تعالي ساعديها
امل : بروح اجيب طرحتي واجي
راح طلال وبقت روجوى تفكر كيف هذا يصير اخو خالد وهي اول مرة تقابله ؟ ...
جت امل وساعدتها دخلتها البيت ..
رجوى ابتسمت : معليش كنت جايه اجيب صحونكم امي وصتني اجيبها لكم بس طحت
امل : كنت تصحين وش فيها عيونك ؟
رجوى مسحت دموعها : لا بس رجلي اوجعتني برجع البيت الحين
امل : بروح امشي معك اوصلك
رجوى : تمام شكرا
امل ابتسمت : العفو
..
.
.
انتهى البارت ..
كالعاده توقعاتكم على حسابي انستا " rhae_3838 "
سويت حساب تويتر نسولف وندردش عن الروايه والاحداث نفس يوزر الانستا " rhae_3838 " .