وينك يا درب المحبه ؟. / البارت 21 مهم ..

البارت 3

عنوان البارت : (محد يقدر يفرق الجوهره عن خالد ولا خالد عن الجوهره )
.
.
ام فهد : يالله صباح خير وش تسوين انتي ؟
الجوهره والكون مو سايعها من الفرح : بسوي لكم فطور على كيفكم
ام فهد ضحكت : اكيد وليد عطاك رشوة ولا وش ذا النشاط والابتسامات من الصبح اخبرك آخر من يصحي
الجوهره بقلبها : اسوي اي شيء لعيون خالد
طلعت ام فهد لصاله وقالت لسملى تساعد الجوهره
سلمى مبتسمه : الله يديم فرحك وسعادتك بهمس واشوف زفتك مع خالد
الجوهره انحرجت : ان شاء الله يارب بس الحين بدري
سلمى : لو تنتضرون ميه سنه انتم لبعض حب من ذو الصغر ما ينهدم لو وقف بوجهه الف واحد ووحده انتم لبعض وانا بزوجكم
لولؤه من ورا الباب صرخت : والله اني دايره انكم لبعض
الجوهره وسلمى لفو منصدمين سلمى : اشش قصري صوتك
الجوهره : لولؤه حبيبتي لاحد يدري
لولؤه بسخريه : لهدرجه ما لحضتي اني اعرف ترا يوم تأخرت ذيك المره كنت عارفه ان خالد بيودينا وانا ابيكم تقابلون بعض
سلمى ضحكت : والله مو هينه
الجوهره بحرج : خلص خلونا نودي الفطور تأخرنا
راحو وسلمى ولولؤه يغمزون للجوهره
عند الرجال
طلال : يبه حنا بنروح العزبه ولا لا ؟
ابو خالد : مدري بنشوف
ابو عبدالعزيز : قل لعيال عمك ينزلون الاغراض حقت امس ما بنروح ان شاء الله لا طلع خالد نروح كلنا
طلال : ابشر
في مكان ما بعيد عن البيوت
مفلح : اسمع ترجع فلوسي انت ما ذبحت خالد
: تخسي بغيت اموت بسببك لو قلت لي اطعنه واخلص قال ايش اطعنه من قلبه روح يا رجال
مفلح : ببلغ عليك ...
: ههههههههه ضحكتني بتدخل السجن قبلي معي تسجيلات صوت لك
مفلح : خلص روح وفكني شرك
: جعلنا ما نلتقي
مفلح راح لبيت ابو عبدالعزيز
مفلح : سلام عليكم
كان في رجال يهنون ابو خالد والعيال بسلامة خالد
ابو عبدالعزيز : وعليكم السلام اقلط
طلال ونايف ووليد وفهد عيونهم شوي بتأكل مفلح وودهم يذبحونه ذا بيقتل ولد عمهم بدون سبب
نايف كان يصب القهوة بحكم انه اصغر واحد صب لمفلح وكب على ثوبه القهوه
نايف بسخريه : اوه معليش ما دريت
مفلح عصب : يا ...
ابو عبدالعزيز قاطعه : حصل خير صب له فنجان ثاني
مفلح هدا وطنش : انا جيت يا عم اسلم واهنيك بسلامة خالد
ابو عبدالعزيز : الله يسلمك وين ابوك ما شفناه لنا ايام ؟
مفلح : الوالد سافر للرياض عنده مراجعات وانا قاعد عند امي واختي ( تعريف بسيط بعائله مفلح * ابوه مريض يروح للرياض ويقعد بالايام علشان مراجعته ومفلح يقعد عند امه واخته سحر )
ابو عبدالعزيز : الله يشفيه ويكون بعونه
مفلح : آمين يلا توصي على شيء ياعم
ابو عبدالعزيز : سلامتك
قام مفلح وحب راس ابو عبدالعزيز لأول مره كل اللي بالمجلس مصدوم عرفو ان ذا وراه بلا من مصلحته مع ابو عبدالعزيز
طلع مفلح وناضر بيتهم وخصوصا شباك الغرفه اللي طافي نورها : كان ما زفيتك من البيت ذا وصرتي حرمة مفلح ما يكون اسمي مفلح وراح
في المستشفى
دق الباب
خالد : مين ؟
طلال ووليد دخلو مبتسمين: اخوانك
خالد ضحك على شكلهم طلال ووليد ما عمرهم اتفقو : هههههه اذا تعبي بيسوي كذا بكم بتعب زياده
وليد بسخريه : اتعب ماني متحمل طلال كل يوم
طلال : مين يتحملك انت اصلا غثيث
خالد ضحك لدرجه ان دموعه نزلت
وليد ضحك : لا يكون اوجعك الضحك
خالد : لا بس احس من زمان ما ضحكت كذا
طلال : ياعين اخوك انت اطلع وتضحك لين تشبع من الضحك
خالد تنهد : ان شاءالله
وليد : وش فيك ؟
طلال : لا يكون تعبان وما قال الدكتور لنا
خالد : لا افكر لو ربي ما ستر ومت وش بيصير
وليد بيلطف الجو : يا رجال انت قوي تذكر يوم تحداني جدي اطرحك وقتها انت بغيت تذبحني لاني ما علمتك انه تحدي
خالد تذكر وضحك : وقتها نرفزتني
وليد يحازل يتذكر وش قال : اي تذكرت قلت لك اني ما بخلي الجوهره تلعب معنا وقتها انت وياها مسوين فريق ودايم تفوزون
خالد ابتسم لذكرى الجوهره
عند الحريم
الجوهره : فهد وين وليد
فهد : راح لخالد ليه وش تبين به؟
الجوهره : ابي اروح البقاله باخذ لي اغراض الحلا
فهد : امشي انا اوديك
الجوهره ركضت : بجيب عباتي واجي
فهد ضحك : بسرعه ولا اخليك
بالبقاله
فهد : كل ذا حلا
الجوهره : وش دراك انت بس همك بطنك
فهد ضحك : بس ماخذه اغراض واجد تكفي قبيله
الجوهره بسخريه : انتم ما تشبعون لو اذبح النياق كلها
فهد : طبعا الا مزيونه محد يقرب لها
الجوهره : يا ذا الناقه اللي ابلشتنا بها خلص تراها حيوان بالاخير
فهد عصب : مين قال ناقتي مزيونه حيوان ماهي حيوان
الجوهره ما قدرت ترد من الضحك
فهد : امشي بس وصلنا
راحت الجوهره وصادفت وليد : وليد اسمع نظريه اخوك الجديده كملت وهي تضحك
وليد التفت لفهد بأستغراب : وش نظريته ؟؟
فهد يصرف : ما عليك الجوهره ما تعرفها راح
وليد صرخ علشان يسمعه : لو ما قلت بروح للجوهره وتقول لي
فهد طنش وكمل طريقه
عند الحريم
أمل ابتسمت : وش فيك تضحكين خالد طلع؟؟
الجوهره للحين تضحك : لا بس فهد طلع نظريه جديده
أمل بأستغراب : وش نظريته؟؟
الجوهره : يقول الناقه ماهي حيوان وانفجرو يضحكون كلهم
ام خالد : بسم الله وش فيكم انهبلتو ؟؟
أمل : يمه فهد طلع نظريه جديده ما قدرت تكمل من الضحك
أم خالد بأستغراب : وش نظريته ؟؟
الجوهره : يقول الناقه ماهي حيوان زعل لاني قلت مزيونه حيوان
أم خالد ضحكت : طلع ولدنا فيلسوف وحنا ما ندري
الجوهره وقفت ضحك : حلوه هاذي فيلسوف وضحكت
سلمى : أمل والجوهره تعالو بنجهز سهره اليوم
أمل : وين بنسهر ؟؟
الجوهره : لا تقولين برا مشتاقه لقعدة البر
( هم في مكان بعيد شوي عن بيوتهم في تراب وكذا المهم بر 🌚)
أمل : الله ونااسه
ام خالد : لا تبعدون عن البيوت
كلهم : ابشري
راحو يجهزون
فهد : هاه بغيتو اليوم جلسه بر ولا ؟
وليد : لا اليوم البنات بيطلعون خلوهم على راحتهم
طلال : اجل مشينا للسطح
نايف : يا حبيبي للحين ما تبت من بعد ما طلع عقرب
طلال : وش فيك خواف خلك شجاع مثل ولد عمك
وليد ضحك : مو كأنك انت اول من هرب ولولا الله ثم خالد وفهد كان بيطقطقون علينا عمامي وجدي
طلال : اسكت لا تخرب علي
فهد : امشو خذو الفرش خلونا نطلع
جهزو الفرش وطلعو السطح
وليد تنهد : لو خالد موجود كان الحين قعدت اشرب احلى شاهي بالدنيا
فهد ضحك : مو كأنك تسب شاهي خالد قبل
وليد : من الآن هو اجمل شاهي ولا في منافس له
طلال : ابشر بشاهي من يدين اخو خالد
نايف : بروح اجيب الاونو نلعب
فهد : جب بلوت من زمان عنه
وليد : كذا غش انت وفهد وطلال وخالد اللي تعرفون له وحنا ما نعرف انا ونايف
نايف : اصلا بجيب اونو بدون نقاش
فهد : طيب طيب بس اسكتو صدعتو راسي
طلال جاب الشاهي : هذا الشاهي دوا لراسك اشرب وبيروح الصداع
فهد ضحك : شدعوه بنادول
طلال ضحك
عند البنات
سلمى : رهف ابعدي رجلك بصور
رهف : خفي علينا يالمصوره اصلا رجلي تحلي الصوره
الجوهره : لولؤه عطيني حطب زياده بنموت من البرد
لولؤه : خوذي بس لا تحرقينا بردانه ولابسه بلوفر كيف ؟؟
أمل وقفت وصرخت : بناات ركزو معي الحين اتركو الجوالات بتبدأ جلسة التحليلات وغمزت للجوهره
الجوهره : انا وش خلاني اقول لكم
أمل : ركزو معي بقول شيء لكم ويهم الجوهره
الجوهره بفضول : وش
تنهدت أمل : أمي اشوفها تمدح أخت مفلح ذيك دايم قدام خالد
واحس بتخطبها له
الجوهره غصت بالقهوه : وش تقولين؟
أمل ضحكت : امزح معك بسم الله عليك محد ماخذه منك وانا اخته
الجوهره : دايم انتم تنفضون عفشي تناضر سلمى بس جا دوري الحين تذكرون محمد ولد جيرنا ذاك
لولؤه صرخت : والله اني حاااسه
امل : وش ؟؟
رهف كملت عن الجوهره : ذاك اللي كان يجيب دايم عسكريم فراوله يوم كنا صغار ل ...
أمل : مين اخلصي
رهف : ل سلمى
سلمى انحرجت
أمل : ليه توني ادري ؟؟
لولؤه بسخريه : بالله ايش الغباء ذا ما تشوفين نظارته يوم رحنا البقاله انا وانتي وسلمى مستحي ويناضر سلمى من بعيد
أمل تتذكر : اها وانا اقول ليه سلمى ساكته ومستحيه
سلمى : خلص عرفتو الحين
رهف ضحكت : الله يهني سعيد بسعيده
ضحكو بس قطع ضحكهم صراخ احد بعيد عنهم و .........