وينك يا درب المحبه ؟. / البارت 21 مهم ..

البارت 6

عنوان البارت ( قصه المزيونه وفهد  )
.
.
بعد يومين
رهف : الحين متى بتجون على الساعه ١ ؟؟
أمل : اي بالله جهزي لي اكل جيعانه
رهف : ابشري بس معكم عمي ابو نايف صح ؟؟
أمل : لا هم سبقونا قبل ساعه ونص لان كنا بنستنى خالد بس بيطول وبيجي بعدنا
رهف : هو كم يوم عنده اوف ؟
أمل : بس ثلاث ايام بالاسبوع واحياناً يومين
رهف : تمام توصلون بالسلامه الحين بروح لمحاظرتي بدت
قفلو عند فهد و وليد
فهد : وليدوه وش تسوي هنا ؟؟
وليد : اسكت لا احد يدري عني بالسوق شف ذاك ابو فارس لا يشوفني تكفى
فهد : طيب امش خلنا نروح هناك مافي احد
راحو
فهد جلس : المفروض تكون بالمدرسه وش تسوي هنا ؟
وليد جلس جنبه : مافي احد يدرس الثلاثاء وابوي حالف الا ادرس رحت دخلت المدرسه وطلعت علشان حلف ابوي
فهد ضحك : اخخ يا وليدوه الحين وش بتسوي بتقعد بالشموس ؟
وليد : بروح محل ابو عبدالله خويي واقعد عنده وعبدالله هو انحاش وراح عند ابوي
فهد بسخريه : ما شاء الله تبادل الاباء
وليد تنهد : والله تعبت
فهد حط ظهره على الجدار تنهد : اي والله تعبت
وليد استغرب : تعبت من وش ؟
فهد غمض عيونه : تتذكر بنت خالتي ؟
وليد يحاول يتذكر : اي وحده ؟
فهد ابتسم : زينه
وليد اتسعت عيونه : دقيقه انت لخمتني وش دخلها طيب؟؟؟
فهد : بقول لك شيء بس سر بيننا انا احبها
وليد ضحك : حلو الحين بتقعد نص الليل تشكي لي عذاب المحب وتكتب شعر فيها
فهد : ما استهبل من جد انا احبها من يوم كنا صغار صح كنت اعتبرها اختي بس علشان اطرد الفكره من بالي بس يوم تغطينا عن بعض اعترفت لنفسي تنهد واكمل ولو اقول لك ليش سميت ناقتي مزيونه بتنصدم
وليد عدل جلسته : ايوا كمل لا يكون على اسمها ؟
فهد : مره دخلت على امي ونسيت ان خلاص مافي شيء اسمه زينه المهم انا كنت اناديها وقتها واقول لها مزيونه ناديت هذاك اليوم وانا فاهي نسييت قلت لامي شفتي مزيونتي قعدت تطالع بي وهي منصدمه وانا مدري كيف جت ببالي الناقه اللي ابوي توه جابها وقلت الناقه الجديده سميتها مزيونه وهي ناقتي امي ضحكت وانا طلعت وبعدها صرت انادي مزيونه للناقه بس ما اقصد الناقه انا بقلبي اقصد زينه بنت خالتي واعترفت لنفسي اني احبها وكتمته سر بقلبي وانت اول من اقول له لاني بقول لامي تخطبها بس ازبط اموري
وليد ابتسم : دام تبيها وتحبها انا معك بس هي خلصت درستها اخر علمي بها بثاني ثانوي؟
فهد : سمعت مره رهف والجوهره يقولون ان زينه مابقى لها غير ٧ او ٨ شهور وتتخرج من الجامعه
وليد : الله كذا حلو صارت افراحنا كثيره بعد يوم ملكه رهف وانت متى بتملك وتتزوج ؟؟
فهد : اذا زبطت اموري وهي خلصت دراستها ذاك الوقت نتكلم بس بقول لامي كأني ما ادري انها باقي تدرس علشان تقول لخالتي ومحد ياخذ مزيونتي
وليد ضحك : والله قصة حبك عجيبه اول مره اسمع احد يسمي ناقه على اللي يحبها
فهد ضحك : وش اسوي بتدارك الوضع وقلت كذا على الاقل صرت اقول اسمها
عند البنات
رهف : سلمى اخلصي علشان ما نتأخر عليهم
سلمى تلبس عبايتها : طيب
الجوهره دقت : الو رهف بدون نقاش ليييه تأكلين الاريو حقي ؟؟؟؟؟
رهف : الجوهره دقيقه من قال اني اكلته انا مسويه دايت وسلمى ما تحب الاريو حقك
الجوهره قفلت بوجهها : وليييددووه
فهد دخل المطبخ : بسم الله علامك ؟
الجوهره تنهدت : وليد اكل بسكوت الاريو حقي وينه؟
فهد : ما عليك منه الحين اذا شفتيه تاخذين بسكوتك يعني خلص اكله الحين نروح انا وياك نجيب بس لا تزعلين
الجوهره : طيب متى بنروح ؟؟
فهد : ودي اعرف سر حبك للاوريو
الجوهره ابتسمت : من كنت صغيره وانا احبه
فهد ضحك : مهما كبرتي انت الجوهره الصغيره اللي كنت احميها من عيال الحاره وهي تحذف عليهم حصى
الجوهره تذكرت وضحكت : يا زين ذيك الايام
قطع سوالفهم صوت ام فهد ترحب أم خالد وامل
فهد : الجوهره انا الحين كيف اطلع
الجوهره تنهدت : يا ربي وش ذا الغباء اللي عندكم شف وراك باب المطبخ اطلع منه وتدخل الحوش الخلفي وبعدها تطلع برا ليش انت غبي لذي الدرجه
فهد حك رأسه من الخلف : تصدقين ما فكرت بها بطلع
طلع بعدها دخلت أمل وسلمت على الجوهره
أمل : وش فيك احسك تعبانه ؟
الجوهره : شكلي بديت ازكم من هذيك الجلسه وانا تعبانه
أمل : سلامتك روحي ارتاحي وين رهف وسلمى؟
الجوهره وهي بتروح لغرفتها : للحين ما جو
في غرفه الجوهره اخذت بطانيتها وقعدت عند الشباك تشوف وليد واقف عند الباب يهاوشه ابو فهد لانه غاب و ابو خالد يحاول يفك المشكله وراحو ابو فهد وابو خالد و ابو نايف لبيت ابوهم والعيال قعدو نايف راح نام بالمجلس تعب من طول طريق السفر وفهد يواسي وليد لان ابو فارس علم ابوه ويخفف غضبه خالد طلع التفتت لشباك لقاه مفتوح شوي ابتسم وطلع
الجوهره استغربت : وش فيه ؟
خالد لقى بخاخ تلطم و اخذه وكتب على الجدار : جيت اسأل عن حال القلب وشلونه ؟
الجوهره ابتسمت دورت ورقه وكتبت : القلب فيه علوم واجده وينتظر شوفة حبيبه بس قلب حبيبه شلونه؟
رمت الورقه من الشباك اخذها خالد ابتسم وكتب على الجدار : قلبي بخير دام حبيبه مبسوط ومشتاق يسمع صوته
سمع صوت احد جاي رمى البخاخ ووقف عند الباب
طلال : وش فيك؟
خالد : اخذ اخبار قلبي وحبيبه
طلال ضحك : ايه انت ركز على قلبك وما تدري عن الدنيا
خالد : ليه وش فيها الدنيا؟
طلال : الحمدالله جدتي خلصت علاج وبتجي الديره بكرا ويوم الخميس ملكه رهف
خالد بفرح : اخيرا والله من زمان عن جدتي هي وسوالفها
فهد : يا عيال امشو نروح بيت جدي ابوي دق وقال تعالو
عند البنات
سلمى دخلت بفرح : الجوهره تدرين بكرا مين بيجي؟؟
الجوهره للحين ما نزلت عينها من الشباك : لا مين ؟؟
سلمى انقزت بفرح وضمتها : جدة نوره بتجي بكراا
الجوهره ضمتها : اخييرا من جد صدق ؟؟؟
سلمى والدمعه بعينها : اي والحين بنروح بيت جدي نسهر فيه لين بكرا
أمل : بنااات بسرعه امشو امي وخالتي سبقونا مع العيال ما بقى غير حنا
في الطريق
لولوه : بنات خلونا نمر البقاله على طريقنا نجيب أكل
الجوهره : اي فهد سحب علي ولا جاب لي الاوريو
أمل ضحكت : للحين تحبينه ؟؟
رهف : تمموووت لو احد اخذ الاوريو حقها كل شيء الا اغراض الجوهره اللي تحبها مستحيل تخلي احد ياخذها
امل بسخريه : لا يكون اخوي من اغراض الجوهره
دخلو البقاله سلمى ضحكت : عاد هذا اهم شيء عندها
سلمى استغربت صمتهم لفت وهي تشوف محمد مبتسم
رهف بهمس : اي وانتي عندك اهم شيء هذا
سلمى قرصتها بهمس : اخلصو احس شوي وبذوب
لولوه بهمس: بيأكلك بعيونه
امل بهمس : حرام عليك هو اللي بيذوب من الحيا ما نزل عينه عن الارض
لولوه ضحكت بهمس : ادري بس ابي اوترها
الجوهره تنهدت : بنات ما لقيت الاوريو
امل : اسألي العامل يمكن يدري
الجوهره : لو سمحت معلوم وين مكان بسكوت اوريو ؟
العامل : مافي معلوم انا مافي شغل هنا بس حاسب اغراض
لولوه : يا من شرا له من حلاله عله وش فايدته اذا بس بيحاسب
سلمى : الجوهره لقيته بس فوق بعيد مره ما نقدر نجيبه
: انا اقدر اجيبه
التفتو يشوفو مين ذا امل : لا خلص ما يحتاج
مفلح يناظر الجوهره : ليه عادي اعتبريني مثل اخوك
رهف بحده : قلنا خلص بعد من طريقنا
بعد من الطريق رمى ورقه
لولوه : الله ياخذه لا تلتفون للورقه طنشوه
حاسبو وطلعو
الجوهره تنهدت : والله كان نفسي فيه الله ياخذه نكد علي
امل : هذا مو خالد و وليد ؟
لولوه : جابهم الله اشرت لهم
وليد : وش فيكم ؟؟
رهف : وليد الجوهره تبي اوريو بس نسيناه روح للبقاله وجيب
وليد : حلو ذا اللي كان ناقصني ما اقدر ابو فارس الله يقلعه صاحب البقاله وموصي العامل حقه يعلمه اذا انا موجود ويقعد يحقق معي فكيني منه التفت للجوهره المره الجايه خلص
الجوهره تنهدت : طيب
خالد : انا اقدر اجيبه والحين بروح انت استناني هنا يا وليد
وليد : والله ما كذبت يوم سميتك المحزم كفو
خالد ضحك : رايح اجيب اوريو ماني رايح افتح الاندلس
في البقاله
مفلح : صديق جيب ...
دخل خالد العامل : وش يبغى جيب ؟
مفلح يناظر خالد : هاه لا خلص
خالد ما انتبه لوجود مفلح : يا صدييق وين القى اوريو ؟
العامل : فوق هناك
خالد جا بيحاسب وشاف مفلح طنشه وحاسب وطلع
مفلح مسك يده بقوه " قبض يده" : ما يكون اسمي مفلح كان ما اخذتها منك
____
خالد ابتسم : خوذي بالعافيه
الجوهره ابتسمت : الله يعافيك شكرا
وليد : يلا خلونا نمشي
في بيت ابو عبدالعزيز
طلال بهمس : اسمع تبون تنحاشون انا معكم
خالد بهمس : لا ودي انام بس ابي اتعشا
وليد بهمس : والله واضح انك تعبان اقول لهم يحطون لك عشاء تعشا ونام شف عيونك تعبانه
نايف بهمس : وليدوه تعال قهوي الرجال انا تعبتت خلاص
قام وليد يصب القهوة طلال : بدق على امل تحط لك عشا وترتاح
ردت امل بصوت مبين انها نايمه : هاه وش تبي
طلال : حطي لخالد عشاء تعبان بينام
امل قفلت التفت شافت الجوهره : الجوهره بالله تكفين حطي عشاء لخالد مو قادره اقوم بنام
الجوهره حزنت عليها واضح تعبانه مرره : طيب قامت
طلال : خالد روح بالحوش الخلفي عند باب المطبخ تلقى امل مجهزه عشاك قام خالد وهو تعبان وكتفه يوجعه من كثر ما اشتغل يساعد عيال عمه بالعزيمه
خالد من ورا الباب بصوت تعبان : امل في احد بدخل اكل بالمطبخ عجزان اطلع برا
الجوهره : امل نايمه وتعبانه حطيت لك عشاك ... خالد كتفك يوجعك للحين ؟
خالد تنحنح : لا بس من تعب طريق السفر عطيني العشا اطلع برا
الجوهره ابتسمت تعرف خالد يكذب عليها : بحطه عند الباب و استنى دقيقه
خالد اخذ العشا الجوهره مدت يدها وعطته الاوريو: خذ تعودنا اذا جبت لي اي شيء نتقاسمه بيننا
خالد اخذه ابتسم : مو لازم اتعشا دام معي اوريو الجوهره
لولوه بهمس : وش ذا الرومنسيه الحين كل ما اشوف اوريو اتذكركم
الجوهره لفت لها : انتي بكل مكان تطلعين
خالد سمعهم ضحك : ولا تنسين يا لولوه تقولين لي سالفه تصويري وانا ما ادري
الجوهره لفت بهمس : لولوه بذبحك لو قلتي راحت الجوهره
لولوه : خالد دقيقه بقول لك
وقف خالد : وش ؟؟
لولوه : ترا صورتك علشان الجوهره قالت لي اصورك تقلد صوت الجوهره بتطمن على خالد
خالد ابتسم : ليه ما قلتي لي طيب ؟
لولوه : والله الجوهره عاد وقتها بتذبحني ولا تقول لها اني قلت لك طيب
خالد ضحك : طيب خلص
بعد العزيمه كل البيت صارو بغيبوبه صاحين من الصبح لساعه ١١ بالليل تعبو بس في اثنين ما ينامو وكيف ينامون مطلق ورهف ما نامو وكل واحد يفكر بمستقبله مع الثاني رهف اللي بتشتاق لاهلها حتى لو ما بتتزوج وبتروح تبي كل شيء يصير معها تحفظه و تتذكره ومطلق اللي مو مصدق بعد يوم بتكون حب طفولته تحت مسمى " زوجته " واخيرا تحقق حلمه ...
يوم الاربعاء
البنات والعيال والبيت كله واهل الحاره مجتمعين ببيت ابو عبدالعزيز بتجي بهجه ونوره بيتهم جدتهم نوره بعد سنتين بيشوفونها واخيرا ...
خالد اخذ نفس عميق : يا زين اليوم اخيرا بشوف جدتي نوير
طلال ضحك : لا تسمعك تراها مثل الجوهره تزعل اذا قلت لها نوير
خالد ابتسم : جعل البسمه تختفي من وجهي دام زعلتها كل شيء ..
طلال كمل : الا جوهرتي خوذو حياتي كلها الا هي
خالد ابتسم : يعني ما يحتاج اتكلم انا حبي للجوهره مكشوف وكلن يعرف تن الجوهره لخالد وخالد للجوهره
طلال ضحك : احس لما تتكلم عن حبك للجوهره تصير مغرور كأنك ملكت كنوز الكون كله
خالد تنهد : الجوهره اغلى من كل كنوز الكون انا لولا حبي للجوهره كان ما عندي حياة ولا قلب ولا كنت اضحك واستانس حبي للجوهره هو حياتي كلها
طلال دق جواله : الو
وليد : جدتي جت تعالو وينكم ؟؟
طلال وقف بفرح : حنا جايين الحين قفل التفت لخالد يلا امش جدتي جت
في بيت ابو عبدالعزيز
الجوهره حضنت جدتها : اشتقنا لك يا بسمة حياتنا
كل البنات مجتمعين حول جدتهم مهما كبرو هم عند جدتهم اطفال مجتمعين حولها ينتظرون تقول لهم قصه من قصص الجده عن زمن اول وحياتهم دق الباب
ام فهد : هذول العيال بيسلمون عليك اطلعو يا بنات
قامو وهم يتأففون رهف : اوف الحين جده بتقول لهم القصه وحنا نقعد هنا
دخلت ام نايف ابتسمت : البسو عباياتكم و اقعدو عند جده نوره بتقول قصه بس طبعا والكل موجود
فرحو البنات والبسو
عند جده نوره
نايف : جده وش قصه اليوم ؟؟
ام عبدالعزيز "الجده نوره " ابتسمت : بقول لكم قصه حب
فهد : جده اول مره تقولين لنا قصه حب ؟؟
ام عبدالعزيز ابتسمت : الحين متأكده لو اشوف قلوبكم القى بحبها اللي تحبون
خالد ابتسم وفهم قصد جدته
وليد : جده تحمست وش هي القصه ؟؟
ام عبدالعزيز : قبل كان عندنا اثنين يحبون بعض من هم صغار ولما كبرو صارت في مشاكل بين ابو الولد وابو البنت طبعا المشاكل ما تطلع الا لسبب كان ابو البنت ..
سلمى : جده وش اسمهم ؟؟
ام عبدالعزيز : البنت كان اسمها هلا والولد كان اسمه محسن
رهف : الله اسمائهم حلوة هلا و محسن
ام عبدالعزيز : المهم كان ابو هلا بيشتري دكان وابو محسن ما درا انه بيشتريه هو راح واشترى وراعي الدكان ما علم ابو محسن ان خويه ابو هلا مشتريه قال له ان في قبله زبون واشترى ب سعر الفلاني وابو محسن كان يبي الدكان ومحتاجه زاد هو على سعر وافق راعي الدكان وعطاه ومرت الايام الا وتجيني هلا تبكي اقول وش فيك يا بنت علامك وهي تقول ان ابوها وابو محسن تهاوشو وبيسافرون لديره ثانيه وما عاد يبجون عندنا حاولت اهديها بس راحت وهي خاطرها مكسور و ..
دخلت ام خالد ابتسمت : يلا خالد وفهد والباقي جدكم يبيكم تجهزون المخيم بيسوي عزيمه بكرا للرجال
وليد حب يد جدته : تكفين يا جده لا تكملين لهم القصه لين ما نرجع
ام عبدالعزيز ضحكت : انتم تعرفوني ما اقول لكم قصه الا وانتم كلكم مجتمعين
راحوالعيال يجهزون المخيم والبنات رتبو البيت وتجهزو لمكله رهف
امل رمت نفسها على السرير : اخخخ اليوم تعبت لعيون رهف
الجوهره : انا تعبت بناام لا تزعجوني
سلمى ما صدقت يخلصون وحطت راسها على المخده ونامت
امل التفت لرهف : شكلك متوتره ليه ما تنامين؟
رهف : مدري بس احس ما بي نوم
امل : اجل تصبحين على خير بنام انا اسهري لحالك مالي حيل اسهر تعبت اليوم
الصباح " صباح اليوم غير اول حفيده لهم بتتزوج 🥺( انا دخلت جو معهم )
الصباح
امل : الجوهره قومي الساعه ٩
الجوهره سحبت البطانيه : وطيب و اذا الساعه ٩
امل : اليوم ملكه رهف
قامت الجوهره : وش دقيقه متى ؟؟؟
امل ضحكت : وش فيك نسيتي
الجوهره استوعبت : مالي خلق لك يا امل بروح افطر
عند العيال
فهد والدمعه بعينه : يا عيال ماني مصدق رهف البزر بتتزوج
وليد تنهد : كويس انها الحين بتملك وبس ما هي رايحه مع مطليق ولا مين بيحط لي اكل آخر الليل وانا جيعان
نايف : يا عيال ترا بتشوفونها وبتقعد عندكم اطلعو من مود الدراما ذا الحين خلونا نفرح لها علشان ما نضايقها
فهد : اول مره تقول شيء صح
طلال ضحك : يلا عاد الا نايف لحد يزعله
خالد ضحك : متى صرت تحب نايف؟
طلال : حرام عليكم والله نايف عنده حكم بس انتم مدري وش فيكم عليه
نايف حضن طلال : ياخي انت تفهمني
وليد : شكل عندهم جفاف عاطفي
فهد ضحك : وانت معهم
وليد : الحمدالله ما عندي جفاف عاطفي
فهد زادت ضحكته : ايه مو كأنك امس نمت بحضني
وليد بسخريه : لولا البرد ما جيتك من زينك عاد وبعدين نايمين بالمجلس وانا مكيفه يبرد وانا اتقلب كثير
ابو نايف: يا عيال تعالو الفطور
العصر
امل : استشورت شعري بس وش رايكم بنات اسويه ويفي ولا ستريت اخليه؟
الجوهره : لا سوي بس اطراف شعرك ويفي يطلع يجنن
رهف : بنات محتاره وش البس الاحمر ولا السماوي ذا ؟؟
سلمى : البسي الاحمر يا حلوه عليك
امل : انا مع سلمى الاحمر ولا ؟؟
لولوه ضحكت : الا حلو البسيه بس يا خوفي تعرسين بدري
رهف : لولوه انا متوتره من امس لا تزيدين علي التوتر
لولوه حضنتها : يا عمري انتي ما عليك هي كلها بس يلبسك الخاتم وتصوير وتوقيعك وخلص
الجوهره : سلمى جهزي نفسك بتسوين لي مكياج الناعم ذاك اللي سويتيه لي بعيد الاضحى
سلمى : ابشري بس اخلص ذا
__
المغرب بدأت السالفه اللي تتكرر كل مره عند العيال
وليد : سلمووه وين الكبك حقي ؟؟؟
سلمى : على الطاوله هناك
فهد : لا ذا حقي اللي لونه اسود انت حقك ازرق
وليد : تستهبل هذا حقي
الجوهره : خلص لقيت كبك لونه ازرق بس حق مين الله اعلم
فهد : شف مو ذا حقك
وليد : خلص جيبيه
دق جوال الجوهره : الو
امل : الجوهره نسيت روج عندكم تلقينه على طاوله اللي جنب سرير سلمى
الجوهره : دقيقه .. اي لقيته
امل : خوذيه معك لبيت جدي
الجوهره : رحتو لبيت جدي ؟
امل : اي وجت خالتك اللي انسى اسمها
الجوهره : خالتي ام عبدالرحمن جت ؟؟
امل : اي ومعها بنتها زينه ماشاءالله يا زينها
ام فهد تنادي الجوهره :امل بعدين اكلمك امي تناديني
بعد صلاة العشاء بدأ التوتر يزيد عند رهف كل ما مرت دقيقه
فهد : سلمى نادي رهف توقع بسرعه
رهف جت : وين اوقع ؟؟
فهد : هنا
رهف : وقعت
فهد حضن رهف وبارك لها وراح
سلمى بفرح : مبروك رهوفتنا
رهف ابتسمت : الله يبارك فيك
دخلو وسلمت على البنات
ام فهد : وش توديع عزوبيه اللي مكتوب ذا؟
او نايف : خرابيط البنات ذا الجيل
ام خالد ضحكت : يا زين الايام ذيك يوم نسوي كيكه الليمون وهذا كان عندنا شيء خرافي
امل ضحكت : وللحين تسوينها
الجوهره : دق علي فهد يقول الحين بيدخل مطلق ويلبس الخاتم رهف اللي تبي تصور تلبس عبايتها
________
سجى مبتسمه : حطو ايادكم جنب بعض
مطلق : كذا ؟
رهف تعدل يده : قدام كذا
لولوه همست للجوهره من ورا الباب : تشوفين رهف راح التوتر عنها
الجوهره بهمس : خف توترها لانها متعوده على مطلق يوم كانو صغار
ام فهد : وش تسون هنا ؟
لولوه : ا . مرينا نشوف رهف وكذا
ام فهد ضحكت : ابعدو من ورا الباب لا ينفتح
عند العيال
فهد : خالد روح يجيب علاج جدي واضح راسه يوجعه من قرقره ابو مفلح ما سكت ماشاءالله
خالد : طيب وينه ؟
فهد تلقاه بالمجلس اللي بالحوش على الطاوله ببيتنا وخذ ذا المفتاح
_____
سجى وسلمى طلعو
ام فهد ابتسمت : امشو خلوهم لحالهم شوي
عند رهف ومطلق
تنحنح مطلق : كيفك ؟
رهف وهي شوي تذوب من الحيا : بخير و أنت ؟
مطلق : بخير
... لحظه صمت
مطلق : رهف بقول لك شيء
رهف رفعت رأسها : وش ؟
مطلق ابتسم : قعدت امس افكر كيف اعترف لك بس ما جا ببالي شيء غير اني اقول لك اني أحبك وعشتقتك من كنت صغير وانا اتمناك لي واليوم تحققت امنيتي يا امنيه عمري ومرادي .
رهف قررت تكسر الحيا ابتسمت : كنت وانا صغيره اعتبرك اخوي بس من الحين انت حب حياتي
مطلق مسك يدها وباسها : اوعدك ما راح ازعلك ولا بتنزل دمعه من عينك الحلوة
دخلت سجى مبتسمه : يلا خلص الوقت
مطلق ودع رهف وهو وده لو يقعد طول عمره بس وش يسوي
🌚
رهف طلعت : الجوهره روحي لسلمى قولي لها وين شنطتي احتاجها ؟
الجوهره : سلمووه واخيرا لقيتك وين شنطة رهف
سلمى : يووة نسيتها بالبيت
الجوهره : اوف وش نسوي تحتاجها ضروري تقول
سلمى : البيت قريب روحي وجيبيها
الجوهره : طيب لبست عباتها
الجوهره : يمه الباب مفتوح ؟ دخلت للبيت مافي احد بس المجلس مفتوح شكله فهد دخلت فهد انت هنا ؟
خالد صد ورا : لا ماني فهد انا خالد
الجوهره عدلت شيلتها : وش تسوي ؟
خالد طلع من المجلس : جدي راسه يوجعه من قرقره ابو مفلح وفهد ارسلني اجيب علاجه بس ما لقيته وقعدت ادوره وتوني لقيته
الجوهره : الله يعين جدي على سوالفه
طلعو خالد ابتسم : الجوهره
الجوهره ابتسمت : هلا
خالد : شرايك نكتب على الجدار ذا وكل ما فتحتي الشباك حق غرفتك تشوفنيه وتتذكريني ؟
الجوهره بفرح : اي تكفى بجرب بس وش نكتب عليه ؟
خالد التفت لها : شرايك ( كتبنا الشعر بحبنا اسمعوه ولا غيرنا ما عرفو الشعر )
الجورهره : حلوة وانا بكتب ( لو حروبنا الناس حبنا لبعض يزيد)
اخذو البخاخ وبدأ خالد يكتب وبعدها الجوهره ابتسمت : وكتبنا ذكرى ما راح ننساها
خالد ضحك : طيب الذكرى بتصير اذا ذبحني فهد امشي اوصلك واروح
--
بعد يوم طووويل حافل بالفرح رغم التعب
امل : اخخ ياربي بنام واخيرا
سلمى : ياحبك للنوم حتى ما مسحتي مكياجك
امل : مسحته بس بقت المسكرا عيت تروح
رهف التفت للجوهره : نايمه شوفو لا تكون تعبانه قاعده تبتسم ؟؟
سلمى : لا الجوهره كذا اذا مبسوطه ونامت حتى وهي نايمه تبتسم
امل : يا عمري مبسوطه لك اليوم
رهف : يا زين الجوهره
لولوه بصوت تعب : اقول اخلصو طفو اللمبه بنام
نام الكل بعد يوم انتهى بفرح .. بس هل بينامون بعد يوم حلو زي كذا بالايام الجايه ؟...