Dandelion ||History||

||3||

Scroll down for zawgyi code users

Chen feiyu + Luo Yunxi
{By Emily} 2022

လော်ယွင်ရှီးသည် အနောက်မြောက်ဘက်စွန်းစွန်းမှ အဖြူရောင် Dandelion ခင်းကြီးထဲတွင် တစ်ဦးထဲ ရှိနေခဲ့သည်။ပန်းပွင့်များရဲ့ ဆွဲဆောင်မှုကြောင့် အလည်အပတ်လာရောက်ကြသည့် လိပ်ပြာပျိုတို့က ပန်းခင်းကြီးပေါ်တွင် ပျံသန်းပြေးလွှားနေကြသည်။

အဖြူရောင်အင်္ကျီနှင့်အဖြူရောင်ပန်းခင်းကြီးထဲတွင် ပျောက်ဆုံးနေသော ယွင်ရှီး၏နားမှပန်းအဖြူလေးက ယွင်ရှီး၏အလှကိုထောက်ပံ့လို့နေသည်။ဆောင့်ကြောင့်ထိုင်ပြီး ပန်းခင်းထဲက ရှဥ့်ငယ်လေးကိုကလူနေသည့် ယွင်ရှီးက အနားသို့နီးကပ်လာသည့် ခြေသံအားသတိမမူမိခဲ့ပေ။

"ဘယ်သူလဲ ၊ဒီနားကိုဘာလို့ရောက်နေတာလဲ.."

အနောက်မှ ရုတ်တရက်ပေါ်လာသော မာကြောကာပြတ်သားသည့်အသံကြောင့် ယွင်ရှီးခန္ဓာကိုယ်ပင် တုန်ရီသွားခဲ့ရသည်။သူ၏အနောက်မှလူအား လှည့်ကြည့်လိုက်မိချိန်တွင် ထိုသူသည် သူ၏အရပ်ထက်များစွာ ရှည်လျားပြီး၊ခန္ဓာကိုယ်သည်လည်း ကြီးမားလှသည်။နက်မှောင်သည့် မျက်ခုံးအစုံကိုစုကြုံ့ထားပြီး လက်အစုံကိုနောက်သို့ပြစ်ထားသည်။ချောမောလွန်းသော ရုပ်ရည်နှင့်မလိုက်ဖက်သည့် အကြည့်များကစူးရဲလွန်းလှသည်။

ယွင်ရှီးက ထိုသူနှင့်မျက်လုံးခြင်းမဆုံရဲသည်ကြောင့် ခေါင်းငုံ့လိုက်မိသည်။

" ကျွန် ကျွန်တော်က တတိယမင်းသားချန်ရဲ့ ဝမ်ဖေးပါ.."

အရာရာဟာ တိတ်ဆိတ်လို့သွားသည်။ လေညှင်းကြောင့် ပန်းတို့၏လှုပ်ရှားသံတို့သာ ပို၍ကျယ်လောင်ပြတ်သားစွာ ကြားနေရသည်။ထိုအပြင် ယွင်ရှီးသည် သူ၏ရင်ဘက်ထဲမှတဒိတ်ဒိတ်ခုန်နေခဲ့သော နှလုံးခုန်သံအားလည်း ပြတ်သားစွာ ကြားလို့နေခဲ့ရသည်။

သူ့အား ဘာစကားမှပြန်မပြောဘဲ မျက်ခုံးနှစ်ဖက်စုကျုံ့ကာကြည့်နေသည့် ထိုသူကြောင့် ယွင်ရှီးက သူ၏လက်နှစ်ဖက်ဖြင့် အင်္ကျီစအားဆုတ်ကိုင်ထားမိသည်။

ယွင်ရှီးက မော့ကြည့်လိုက်ချိန်မှာတော့ ထိုသူက သူ့အနားကလှည့်ထွက်သွားခဲ့ပြီဖြစ်သည်။ဤဒေသက လူရိုင်းမျိုးရိုးမှလူများသည် အမျိုးသမီးများကပင်သူ့ထက်ပို၍ထွားကျိုင်းကြသည်။တတိယမင်းသားရဲ့ကိုယ်လုပ်တော်၂၀လုံးသည် ကြွက်သားများနဲ့ထွားကျိုင်းကာ မနက်တိုင်းအမဲလိုက်ထွက်ကြသေးသည်။ယောကျ်ားသားများကပြောစရာမလိုအောင်ပင် လူ့ဘီလူးများကဲ့လို့ခန္ဓာကိုယ်သဏ္ဍန်ရှိကြသည်။ယွင်ရှီးက ထိုသူများကိုရန်မစရဲသလို၊မကျေနပ်ချက်များလည်း ထုတ်မပြောရဲခဲ့ပါ။