Dandelion ||History||

||5||

Scroll down for zawgyi code users

Chen feiyu + Luo Yunxi
{By Emily} 2022

အဆောင်အပြင်မှ ယားထိုလေးများ၏ စကားသံသဲ့သဲ့ကိုကြားနေရသည်။ နိုးတစ်ဝက်၊အိပ်တစ်ဝက် ဖြစ်စဥ်မှ အတိအကျလွတ်မြောက်နိုင်ရန် အချိန်ခဏယူပြီးနောက် ယွင်ရှီးရဲ့မျက်လုံးများအသေအချာပွင့်လို့လာသည်။

သူ၏ဘေးမှအိပ်ယာခင်းဟာ အေးစက်လို့နေသည်။ညတုန်းကသာ သူဟာနိုးတစ်ဝက်ဖြစ်နေခဲ့ပါလျှင် ထိုအခါအား အိပ်မက်ဟုထင်မှားလိမ့်မည်ဖြစ်သည်။သို့ပါသော်လည်း ထိုကြီးမားကာနွေးထွေးသော ရင်ခွင်ကျယ်ကြီးထဲတွင် မိမိသည်နှစ်နှစ်ခြိုက်ခြိုက်အိပ်ပျော်နေခဲ့သည်မှာ သေချာပါသည်။ယွင်ရှီးရဲ့ပါးနှစ်ဖက်က နီးစွေးလို့လာသည်။ထိုသူ့၏ ကိုယ်ပိုင်ရနံကိုသာ သူမမှတ်မိခဲ့လျင် ထင်ယောင်ထင်မှားဟုထင်မိလိမ့်မည်။

တစ်ခဏအကြာတွင် ယားထိုမလေးများက အဆောင်တွင်းဝင်လာကြပြီး၊သူ့အား ရေချိုးသန့်စင်ကာပြင်ဆင်ပေးသည်။အစေခံမလေးများ၏ အပြုအမူအရ ညက သူ၏အိပ်ခန်းထဲသို့ တတိယမင်းသားခိုးဝင်လာခြင်းအား သိသည့်ပုံမပေါ်ပေ။

ယွင်ရှီးက အားလုံးပြင်ဆင်ပြီးချိန်တွင် ထမင်းစားရန် အဆင်သင့်စောင့်နေလိုက်သည်။စားပွဲပေါ်တွင် ဟင်းပွဲများအစုံချပြီးသည် အထိ ထိုသူက ရောက်မလာခဲ့ပါ။အစဥ်အမြဲရောက်လာခဲ့သည်ဟု အကျင့်တစ်ခုလိုမှတ်မိနေသည်ကြောင့် ကိုယ့်နေရာကိုယ်မေ့နေခဲ့မိသည်ထင်ပါသည်။

"ဝမ်ဖေးလေး...."

အသစ်ခန့်ခြင်းခံထားရသည့် ယားထိုခေါင်းဆောင်အပေါ်တွင် သူကအမြင်ကောင်းရှိလေသည်။ထိုမိန်းကလေးက သူ့မျက်နှာရိပ်အားကြည့်၍ ယခုအခါတွင်လည်း စိတ်ပူနေပြန်ပြီဖြစ်သည်။

"စစ်သူကြီးချန်က မအားလို့ဖြစ်ပါလိမ့်မယ်..အရှင်က..."

"စစ်သူကြီးချန် ရောက်လာပါပြီ ဝမ်ဖေး..."

ယွင်ရှီးက သူကိုယ်တိုင်တောင်သတိမထားလိုက်မိသည့် စိတ်လှုပ်နေသောအသံဖြင့် ဝင်ခွင့်ပြုလိုက်သည်။ယားထိုခေါင်းဆောင်က ပြုံးကာအနောက်သို့ဆုတ်လို့သွားသည်။
ချန်ဖေးယွီက ပုံမှန်အတိုင်းပင် လော်ယွင်ရှီးအနားသို့လျောက်လို့လာပြီး လက်ဆန့်ထုတ်ပြီး ၊လော်ယွင်ရှီးကလည်း အကျင့်တစ်ခုလို အပေါ်ဝတ်ရုံထူထူအား ချွတ်လို့ပေးသည်။