Dandelion ||History||

||12||

Scroll down for zawgyi code users

Chen feiyu + Luo Yunxi
{By Emily} 2023

"တာ့ယွမ်တိုင်းပြည်ရဲ့ ကြီးမြတ်လှစွာသော စစ်သူကြီးချန်ဖေးယွီက ဆုံးဖြတ်ချက်ပြတ်သားပြီး၊တစ်ဖက်လူရဲ့အတွင်းစိတ်အထိမြင်နိုင်တဲ့ဆိုတဲ့ ကောလဟာလတွေက တစ်ကယ်ပဲ ကောလဟာလဖြစ်ပြီး ဒီထက်မပိုဘူးထင်ပါရဲ့.."

လုမင်ရီ ရဲ့စကားကိုနောက်ကျောပေးထားတဲ့ ချန်ဖေးယွီက မည်သည့်တုံ့ပြန်မှုမှမပေးဘဲ ခပ်ဝေးဝေးမှနေဝင်ချိန်ကို ကြည့်မြဲအတိုင်းကြည့်လို့နေသည်။
ချန်ဖေးယွီဘေးမှ လက်ထောက်ချောင်က လုမင်ရီကို ဘာအဓိပ္ပါယ်မရှိတာတွေပြောအုန်းမလို့လားဆိုသည့် အကြည့်ဖြင့်လှမ်းကြည့်သည်။

"ထင်ရာဆိုင်းပြီး၊ဆုံးဖြတ်ချက်တုံ့နှေးနေတာ စစ်သူကြီးချန်မှဟုတ်ရဲ့လား.."

"လိုရင်းကိုပြော."

ဒီတစ်ကြိမ်မှာတော့ ချန်ဖေးယွီရဲ့ နဂိုအေးစက်တဲ့အသံက ထွက်လို့လာသည်။

"လူတိုင်းက စစ်သူကြီးလိုမဟုတ်ပါဘူး၊တွင်းပုတ်ထဲကျသွားပြီးရင် ပြန်ထရခက်ခဲပြီး၊ထွက်လာနိုင်ခဲ့ရင်လည်း အဲ့ဒီတွင်းနက်ထဲမှာနေခဲ့ရတဲ့ ကြောက်ရွံ့မှု၊နံစော်မှု၊ကူကယ်ရာမဲ့မှုတွေကနေ မလွတ်မြောက်နိုင်ပဲ၊စိတ်ဝိဥာဏ်ထဲကပါ တစ်သက်လုံးမှတ်မိနေကြတာပါ..."

ခက်ထန်အေးစက်သည့်မျက်ဝန်းများနှင့် စိုက်ကြည့်ခံရခြင်းကြောင့် လုမင်ရီက ကြောက်စိတ်​ဖြင့် ချွေးများထွက်လာသော်လည်း အားတင်း၍ဆက်ပြောပြန်သည်။

"မြို့တော်က သခင်လေးလော်ရဲ့အခြေအနေကို စစ်သူကြီးက အသိဆုံးပါ၊အိမ်တော်ကအစေခံတွေထက်တောင်အနေဆင်းရဲပြီး၊မြို့တော်က သူတောင်းစားတွေကမှသခင်လေးထက် ပိုစားရပါအုန်းမယ်၊ဒီတစ်လျှောက်လုံးဖိနှိပ်ခံလာရတဲ့ စိတ်ဒဏ်ရာတွေကြောင့် သခင်လေးက စိတ်ဒဏ်ရာကြီးကြီးမားမားရနေခဲ့မှာပါ..."

"ငါသိတယ်..."

"စစ်သူကြီးက သိတယ်...စစ်သူကြီးက ဘာကိုသိတာလဲ..အချစ်ကစစ်ပွဲလိုဗျူဟာချလိုမရပါဘူး၊သခင်လေးက စစ်သူကြီးရဲ့အရိပ်အခြေကိုကြည့်လွန်းအားကြီးတယ်၊သခင်မျက်နှာကြည့်ပြီးနေနေရတဲ့ အစေခံလိုပဲ သခင်လေးက ပုံမှန်ထက်ပိုပြီး ကြောက်ရွံ့နေတယ်မဟုတ်ဘူးလား..."