Dandelion ||History||

Book-2||21||

Scroll down for zawgyi code users

Chen feiyu + Luo Yunxi
{By Emily} 2024
Book-2

အဖြူရောင်အခန်းကျယ်ကြီးထဲမှာ ဆေးရနံ့များဖုံးလွှမ်းနေသည်။VIPခန်းဖြစ်သည်ကြောင့် အစစအရာရာအဆင့်မြင့်လွန်းသော်လည်း လူနာစောင့်တစ်ယောက်မှမရှိသည်က ထူးစမ်းလှသည်။

ဒီကနေ့သည် ၂နှစ်ကြာ ကိုမာဝင်ပြီးနောက် ပြန်လည်နိုးထလာသော တစ်ပတ်အကြာဖြစ်သည်။ကိုမာဖြင့် လှဲလှောင်းနေခဲ့ရသည်ကြောင့် မညှပ်ဖြစ်ခဲ့တဲ့ ဆံနွယ်တို့က ဂုတ်ထောက်လို့နေသည်။

ဖြူဖွေးကာ ကြွေရုပ်လေးလိုလှသည့် အိုမီဂါလေးဟု အချို့လူနာစောင့်များက လော်ယွင်ရှီးအား အထင်မှားကြသည်။နလန်ထူခါစကြောင့်ရော နဂိုကတည်းကပါ ဝဝလင်လင်မစားခဲ့ရသည်ကြောင့် လူက လေတိုက်လျင် ပါသွားတော့မယောင် သေးသွယ်နုနွယ်လွန်းလှသည်။သို့မဟုတ် ငယ်စဥ်ကတည်းက အာဟာရပြည့်ဝစွာမရခဲ့ခြင်းကြောင့်လည်း ဖြစ်လိမ့်မည်။

ရည်းစားကဖောက်ပြန်သည်အား လက်ပူးလက်ချက်မိ၍ စကားများကြရာမှ လှည့်အထွက်တွင် ကားတိုက်ခံရသည့်သူက ဆေးရုံတွင် ၂နှစ်အချိန်ဖြုန်းခဲ့ရသည်။
ဆရာဝန်များက ပြောပြချက်အရဤနှစ်များအတွင်း သူ့အားလာကြည့်သူမရှိခဲ့။

မိဘများက ဖြစ်စတွင် အပြေးအလွှားရောက်လာကြသည်ဟုဆိုသည်။သို့သော် မိမိက ကိုမာဝင်သွားသည့်အပြင် ကားတိုက်ပြေးသူ တရားခံကလည်းနောက်ခံတောင့်တင်းသည်ကြောင့် ပြသနာမရှာနိုင်သည့်အပြင် ပြသနာပါပြန်တက်နိုင်သည်ကြောင့် ဆေးရုံစရိတ်မပေးချင်သည့် မိဘများက သူအားသနား၍ကျွေးမွေးခဲ့သော မိဘမဲ့ကလေးတစ်ယောက်ဖြစ်ပြီး ယခုအခါတာဝန်မယူပေးနိုင်ဟုဆိုကာ အဆက်အသွယ်ဖြတ်လိုက်ကြတော့သည်။ထို့နောက်တွင် အရင်နေသည့်နေရာမှပင် ပြောင်းရွှေ့သွားကြသည်ဟု ပြောကြသည်။

မိဘအရင်းများမဟုတ်ခဲ့သည်ကိုပဲ ကျေးဇူးတင်မိသည်။သူ့အား တစ်သက်စာပေးခဲ့သည့် ဒဏ်ရာများက ရင်နှင့်မဆန့်သည်မို့ မိဘအရင်းများမဖြစ်ခဲ့လျှင်ပိုကောင်းမည်ဟု တွေးကြည့်ခဲ့ဖူးသည်။ယခုတော့ သူအမှန်တစ်ကယ် ဤမိသားစုမှလွတ်မြောက်ခဲ့ပြီဖြစ်သည်။