Dandelion ||History||

||19||

Scroll down for zawgyi code users

Chen feiyu + Luo Yunxi
{By Emily} 2024

မနက်ပိုင်းသည် ခါတိုင်ထက်ပို၍အအေးပိုနေခဲ့ပြီး လေနုအေးကလည်း အခန်းပြတင်းပေါက်မှတစ်ဆင့် တဟူးဟူးဝင်ရောက်လာကာ အိပ်ယာပေါ်တွင်ရှိသူအား အားအင်ချိနဲ့ကာ မူးယစ်ရီဝေစေသည်။

သူ၏စွတ်စွဲခံရခြင်းအား ပြန်လည်စစ်ဆေးပေးပါရန် မိန်မိန်က စစ်သူကြီးအဆောင်တော်ရှေ့ နှင်းတောထဲ၌ တစ်နေ့တစ်ညလုံးဒူးထောက်ခဲ့သည်ဟုဆိုသည်။

သူကတော့ မည်သည့်အကြောင်းအရာမှမသိရှိခဲ့ပါပဲ စစ်သူကြီးချန်နဲ့အတူ တစ်ညလုံးအိပ်ယာထဲလူးလိမ့်ခဲ့သေးသည်။
ရှက်ဖွယ်အတိပါပဲ။

အရင်လိုပါပဲ စစ်သူကြီးချန်က အာရုံမတက်ခင်လေးမှာ သူ၏အဆောင်ကနေ မည်သူမှမသိခင် ထွက်ခွာသွားခဲ့ပြန်သည်။

ယနေ့သည် သုံးရက်မြောက်နေ့ဖြစ်သည်။သူသည်အရင်အတိုင်း ချုပ်နှောင်ခံထားရပြီး၊နှင်းတောထဲတွင် မေ့လဲသွားပြီးအဖျားကြီးနေသည့် သူ၏တစ်ဦးတည်သောအစေခံမိန်းကလေးကိုပင်တွေ့ခွင့်မရခဲ့ပေ။

သူ၏အဆောင်ပတ်ပတ်လည်တွင် အစောင့်များထူထပ်စွာချထားသည်။ဤရက်ပိုင်းအတွင်း ဦးခေါင်းကိုက်ခဲမှုနှင့်မူးဝေမှုအချို့ရှိသော်လည်း သူ၏အနီးမှ ဟွားဟွားပင်သတိမထားမိခဲ့ပေ။
တစ်ကူးတစ်ကပြောပြရန်လည်း အစီအစဥ်မရှိပါ။

မကြာမှီအချိန်က မတော်တဆကြားမိခဲ့သည့်အကြောင်းအရာအရ သူ(ဟွားဟွား)သည် စစ်သူကြီးမှ သူ၏ဘေးတွင် တိတ်တဆိတ်သူလျိုအဖြစ်ထားခဲ့သူဖြစ်သည်။
သူ့တွင် ယုံသည်အားကိုးရသူမည်သူမှမရှိပါ။အကူအညီမဲ့မှုနှင့်စိုးရိမ်ပူပန်မှုတို့ကြောင့် ဦးခေါင်းကပို၍မူးဝေလာခဲ့သည်။

စတုတ္ထမြောက်နေ့တွင် အမှုမှန်က ပေါ်ပေါက်လာခဲ့သည်။သူ၏အဆောင်မှ ဆန်ပြုတ်သယ်ခဲ့သည်ဆိုတော့ ယားထိုသည် သူမအား ကိုယ်လုပ်တော်အန်းမှခိုင်းစေသည်ဟု ထွက်ဆိုခဲ့သည်။ထိုယားထိုသည် ဝမ်ဖေးအားစွတ်ဆွဲမှု၊ကိုယ်လုပ်တော်အန်းအား အဆိပ်ခပ်မှုကြောင့် သေဒဏ်ပေးခံခဲ့ရသည်။

သို့သော် ထိုလိမ်ညာတက်သောအစေခံ၏နောက်တစ်ကြိမ်လှည့်ဖျားမှုဟု ယူဆ၍ စစ်သူကြီးချန်က ကိုယ်လုပ်တော်အန်းအား အပြစ်မတင်ခဲ့ပေ။
လော်ယွင်ရှီးတွင် ဝမ်းနည်နာကျင်ရန်အချိန် မရှိခဲ့ပေ။နဂိုကတည်းက အားအင်ပျက်၍နေမကောင်းဖြစ်နေပါသော မိန်မိန်က ထိုညတုန်းကခံစားခဲ့သည့် အရိုးထိအေးစိမ့်မှုကြောင့် ယခုချိန်ထိသတိမရသေးပေ။