Dandelion ||History||

||15||

Scroll down for zawgyi code users

Chen feiyu + Luo Yunxi
{By Emily} 2024

မြို့တော်ရှိရာသို့ ရောက်လာချိန်တွင် ကောင်းကင်နေမင်းကြီး စတင်ထွက်ပေါ်လာချိန်ဖြစ်သည်။
စျေးလမ်းများတွင် လူစည်ကားလို့နေပြီး ပန်းရောင်နေမင်းကြီးက ကြိုးစားဖြာကျပေးလို့နေသည်။

လမ်းတစ်ဖက်တစ်ချက်တွင် ရပ်ကာကြည့်နေကြသော မြို့သူမြို့သားများက ကြောက်ရွံနေသော်လည်း လူသားများရဲ့စူးစမ်းချင်သောစိတ်၏လွန်ဆွဲနေသော မျက်နှာများကိုမြင်ရလိမ့်မည်။

စစ်သူကြီးချန်တစ်ယောက် မြို့တော်သို့ပြန်လာတိုင်း ဤကဲ့သို့အဖြစ်မျိုးကြုံရမည်မှာမလွဲ။
နာမည်ဆိုးနဲ့ကျော်ကြားသည့် စစ်သူကြီးချန်က အမျိုးသားဝမ်ဖေးအပြင်၊ဝမ်ဖေးနှစ်ပါး အတူထားရှိခြင်းနှင့် တိုက်ပွဲတိုင်းအောင်မြင်သည့် ဂုဏ်သတင်းကလည်း ကျော်ကြားသောအတင်းအဖျင်းများထဲမှတစ်ခုဖြစ်သည်။

ယခုတွင်လည်း စစ်သူကြီး၏ မြို့တော်အားစတင်ဝင်ရောက်လာခြင်းက အာရုံများစွာအား သိမ်းပိုက်လိုက်နိုင်သည်။ ဝမ်ဖေးနှစ်ပါးပါရှိသည့် ဝေါယာဥ်နှင့်အတူ အနက်ရောင်မြင်းအားစီးလျှက် ဝံ့ကြွားသည့်အရှိန်နှင့် ပထမဆုံးအကြိမ်အဖြစ်မျက်နှာပေါ်မှမျက်နှာဖုံးအား ခွာချထားပြီး မြို့တော်သို့ဝင်ရောက်လာခြင်းက ပို၍အုံကြွမှုဖြစ်လာစေသည်။

ကောလဟာလများထဲတွင် ဘီလူးထက်ရုပ်ဆိုးသူ၊မျက်နှာတွင်မှည့်ခြောက်နှင့်ဒဏ်ရာများပြည့်နေသူ၊ဆိုးရွားလွန်သောရုပ်ရည်ရှိသူက မြို့တော်မှ အချောအလှသခင်လေးများထက် သာလွန်သည်ထက်သာလွန်နေသည်။ဤရုပ်ရည်မျိုးအအား ဆိုးရွာလွန်သောဘီလူးရုပ်ဆိုရင် ကျန်သူများသတ်သေသွားလိမ့်မည်ဖြစ်သည်။
မျက်စိကစားရုံမျှ လှည့်ကြည့်လာသည့် သခင်မလေးများပင် မျိုးရိုးမြင့်မိန်းကလေးတစ်ယောက်၏ အပြုအမူအားမထိန်ချုပ်နိုင်တော့ပဲအသေအချာလိုက်ကြည့်မိကြတော့သည်။

ထို့အပြင်စစ်သူကြီး၏ နဘေးမှချောမောလှသော အမျိုးသားနောက်တစ်ယောက်သည်လည်း မျက်စိအာဟာရဓာတ်ဖြစ်စေပြန်သည်။
ဤလူတစ်စုနန်းတော်ထဲဝင်သွားသည်အထိ တီးတိုးဆွေးနွေးသံများ ပျယ်ပျက်မသွားခဲ့ပေ။