الساعه 1 ونص مساء
صياح
بكاء
مطر
الله يصبرهم ويشفي مريضهم ،قامت من النوم راحت تركض للمغسله مسحت وجها بعد ما غسلته ناضرت نفسها بالمرايه وانفاسها ونبضات قلبها تزاداد انا ايش سويت ليه تجيني كوابيس كذا ورجعت على السرير رمت نفسها على السرير بكل تعب وتستغفر وتدعي وتناظر الساعه الساعه 1 الظهر ماصليت !! قامت تصلي ورجعت على سريرها وبدأت ترسم ومشى الوقت جت الساعه 4 وماحست بالوقت الا
ساره تدخل مصدومه : ترف ماجهزتي خوالك بيجون !! ماجهزتي شي ردت ترف بملل : اهخ مالي خلق
ساره : قومي بسرعه
ترف : تمام ، قامت تاخذ لها شور وتتجهز
اما عند عائلة فيصل :
ريما : حمااسسس بنروح الديره بس تالين الدلخه وين راحت
ناصر : قومي روحي شوفي وينها بتأخرنا
دخلت ريما على تالين الي رفعت راسها بتعب وناضرت فيها
ريما : نعم اخلصي ترى ماحنا فاضين تاخرنا
قامت وجهزت واخذت شنطه الي تحافظ عليها قبل على ملابسها واغراضها وحطت الوانها واغراضها حقت الرسم وجهزت
عند محمد الي حماس مليون بيقابل خالته😉: اخلصو بنمشي يلا
احمد : اقول وراء ماتسكت ما احنا ماشين الا ٦ المغرب
محمد : ياللليلل جانا ذا الي وش يفكنا من عناده
احمد بملل : بنام قوموني السااعه ٦
دخل ناصر معصب : سكتنا لك كثير ي احمد تبغانا نمشي مع الليل والخطوط ! تركب السياره ولا اقوم اكسر السرير على راسك
خاف احمد: عشان ابوي بس ،رغم ان ابوه ماقال شي
عند عبدالعزيز وعيالها
عبدالعزيز : يلا ي عيال خلصو نبغى نسبق خالكم فيصل وخالتكم غاليه
ليلى بحماس : يلاا تم نسبقهم
انس يناضرها ويضحك على حركتها الطفوليه
نواف: يالليل البزر قومي اجهزي بس
ليلى : انت اخر من يتكلم حبيبي عشان ما اخلي ابوي يدفنك قبل لانروح
انس ماقدر يمسك ضحكته من نضارات نواف
شهد ضحكت بقوه من شادن الغبيه بدال لا تحط سكر بالشاهي حاطه ملح !
ساره : شادن تستهبلين صح ؟؟؟؟ ملح !!! مبين ترى
شهد : ماما ترى شادن كانت تسولف وتحط كذا عشوائي ماتهتم لكلامك كانها نونو
شادن سحبت خدودها :اقول اسكتي لا اقوم اهبدك
شهد : عشان اعلم مسلط
مسلط : ماما ادعي شهد مو نايمه جبت لها هديه
سلطان : حركااتتت ماعرفتك وش جبت هديتك
مسلط ب ابتسامه طفل وببراءه : اسوار من الخرز الاحمر وورده لونها احمر هي تحب الاحمر
غاليه : ماتشوف اخوك امس سهران على هالخرز يسويه مع لمى
خالد: افا ي ولدي تسوي خرز البنات
مسلط : بس مو انا بالبسه بتلبسه شهد
قعدو يضحكون على مسلط
شادن : مسلط يهاوشني ؟ ههههههههههههه يحلوك ياختي
شهد : ايوه انا حلوه بروح البس فستاني الاحمر
شادن : تعالي اضبط شعرك يقلبي
راحت شادن وشهد يجهزون مع بعض
ريماس عندها امها : امييي خلصت شرايك فيني
ساره : يحلو بنتي تجنين اقري اذكارك
ريماس تقدمت وباست راسها : الله يحفظك لنا
ابتسمت ساره : شفتي ترف وينها ؟
ريماس : ايوه شوفيها بغرفتها تسوي شعرها ويفي
ساره : طيب ايش لبست
ريماس : شفت حاطه فستانين واحد احمر شوي قصير وماسك والثاني اسود حلو احلى من الاحمر يحليها بزياده
ساره : انتو ي بناتي تحلون الملابس مو الملابس تحليكم
ابتسمت ريماس : يلا مامي انا بروح اجهز
لمار : جهزت يلا مشينا
ركبو ومشو مع اغنيه محمد عبده : جيتني مثل الشروق الي محى عتم الليالي،"مقصوده "
عند فيصل محمد : ابوي تسمح لي اشغل اغاني
فيصل : لا اذان
محمد: طيب بعد الصلاه ؟
ناصر : اقول انتبه للطريق لا انزلك هنا رايق يشغل اغاني
محمد : كلمت بابتي ما كلمتك رجاءً لا تتدخل بامورنا
ناصر يقلد صوت محمد وهو متنرفز
احمد : هههههههههههههه مريضين
حصه : ترف ي بنتي تعالي اجلسي معنا شوي لا تخلين قلبي يزعل منك
ترف بصوت خافت : طيب بخلص واجي
ابتسمت حصه
الجد محمد : علموها علموها كيف تجلس معانا وتهرج هالبنت متغيره وتغيرها كاسرني كنت اعتبرها افضل حفيداتي صرت ماعاد اقابلها واذا شفتها احس فوقها هموم الدنيا
حزنت حصه من كلام محمد : كلمتها وكلمت امها تقول مافيها شي بس كذا ماتبغى تقعد عندها اشغال
محمد: الله يعينها ويجبر خاطرها
وصلو عبدالعزيز وعياله الديره الساعه ٩ الليل
ليلى قامت تصيح : يسسسسس الحمدلله وصلنا اول شي
نواف : اسكتيييييي فجرتي اذنيي!!
انس : خلها تصيح ماحد يلومها المدرسه تضغط الواحد
نواف : بس لا تصيح كذا وبجنبي بعد
تالين نايمه قومها انس بهدوء عشان ماتفز زي كل مره قامت وبدت ترتب نفسها ونزلو وسلمو عليهم
ليلى : وين ترف مشتاقه لها
تنهد الجد : بتجي بتجي الحين بس تجهز
