بندر : خلاص اسفين لا تعصبين ماني رايق لك
منوه : اذلف بس
ترف : خلاص منوه امشي معي بنطلع
محمد : لا خليك هنا
بندر : لا اطلعي بكلمه بموضوع
محمد : براحتك
طلعو ترف ومنوه
بندر : بروح اليوم ماقدر اقعد هنا
محمد : ليه ؟
بندر : عندي اشغال وكذا
محمد : ماتقدر تأجلها ؟
بندر : يمدي بس احس لا مايحتاج اني اجلس خلك بين اهلك بدون اني اكون معك
محمد : بس فيه سفره بسافر انا وكذا شخص وفهمت وماراح يكونو معانا اباء او امهات ابيك معي
بندر : تمام يلا استاذن
محمد : لا اجل شغلك اجلس ابيك
بندر : تمام
دخل الجد : وين مافي احد
محمد : يمكن نايمين تبي اناديهم؟
الجد : قم نادهم
محمد : سم طال عمرك
راح محمد ومعه بندر
محمد : ترفففف ترف
ترف: هلا
محمد : ابوي يقول تعالو هناك عنده
ترف بتوتر: طيب هم نايمين
منوه : نقومهم
ترف ارتاحت معاها منوه : نقومهم ؟
محمد : ايوه قوميهم قولي جدي يبيكم
ترف ومنوه : تمام
بندر : اذلفي ي ام شوشه
منوه : تراب المزرعه كثير اكل منه لين تشبع
بندر : اقول دزي بس
منوه عطته ظهرها وراحت تقومهم هي وترف
منوه بهمس بأذن شادن : احمد يبيك قومي
نطت شادن : نعمممم؟؟ شيبي
منوه : امزح قومي جدي يقول تجمعو برا
شادن : تمام
اميره : غلو قومي جدي يبينا
غاليه : عيالي وينهم
مسلط جاي ركض : انا هون مامي
غاليه : اكلت شي ؟
مسلط : اي
غاليه : شنو اكلت
مسلط : اكلت مع شهد حلاو وفطيره
غاليه : صدعت خلاص روح
طلعو كلهم برا عند الجد ماعادا طيف وشادن
شادن : طيف عندك عبايه ؟
طيف : كل عباياتي ملونه ماعادا وحده سوداء ووصخه
شادن : اف مايضبط الملون مع النقاب
طيف : البسي عبايتك حلوه
شادن : انقطع الازرار حقها وماجبت معي لبس وسيع او طويل كيف بطلع للعيال
طيف : الله يعينك امسكيها
شادن : بحاول لا يفصل علي جدي
طلعو وكان شكل شادن مره حلو وعيونها مره تهبل بالنقاب مو كالعاده شي مرقع ههههه
ترف بهمس: شادن شنو لابسه تحت العبايه؟
شادن : شي لا ينقال
ترف : هههههه ترى كل شي باين بلوزتك مره مو ساتره استري لا يفصل عليك جدي
جدهم الي ماطق لهم خبر لكن شادن تحس انها تحت مراقبه من جدها ماتدري ان احمد هو الي ما شال عينها عنها ووده يقوم يعدل عليها : يجد ممكن اكلمك بموضوع على جنب
الجد : وين تبي نروح
احمد : تعال معي برا
الجد : يلا امش
طلعو من عندهم الجد : اخلص شتبي
احمد : بطلبك انا سمعت كلامك لكن ماودي اندم ولا ودي اردك وابيك تسمح لي
الجد : امر شبغيت
احمد : ابي اكلم شادن وبطلع معاها برا المزرعه بحاول اكلمها بموضوع الزواج يكون سريع مو لين تتخرج وانا بسمح لها تكمل دراسه
الجد : من متى عندنا هالحركات !؟
احمد : يجدي انا مملك عليها وهي تعتبر زوجتي ويوم الزواج هذا يوم يعتبر فرحه ولا الان زوجتي وانا ماراح اسوي شي مايعجبك صدقني وثق فيني انا ماسويت شي بالمستشفى وهي ماهي كانت لي ولا ضريتها كيف زوجتي واضرها
الجد اقتنع بس ماوده : امانه عندك ترى انا عارف واثق فيك لو غيرك برفض معك بالكثير ثلاث ساعات
احمد باس راس جده : الله يحفظك لي بس كيف باطلعها
الجد : با اناديها ع اساس ابيها بموضوع
احمد : تمام
.
الجد : شادن تعالي
منوه وترف بهمس باذنها : الموت جايك
قامت شادن وهي ترجف وطاحت بالغلط
الجد : ترى ما اكل انا تعالي بكلمك بموضوع عادي جداً
قامت وكملت مشي وراحت معه : هلا امرني يجدي
الجد : احمد طلبني تطلعين معه واعطيته بالكثير ثلاث ساعات وهو ينتظرك هناك اي شي يضرك فيه علميني
شادن وهي تحس لازم تروح تضبط نفسها بعدين تطلع : تمام بس بروح دقايق هناك بعدين اروح له
الجد : تمام لا تطولين عليه
شادن : ابشر
راحت شادن عدلت شكلها وحطت شوي ميكب طلعت له وهي متوتره مره
شادن : معليش تاخرت
احمد : اهليين ماتاخرتي بس شوي
شادن : جدي يقول انك تبيني ؟
احمد : ايوه اركبي معي بالسياره بنروح مكان بعدين عن المزرعه شوي
شادن : مايحتاج خلنا هنا
احمد : لا تعالي اركبي
شادن ماتقدر تتكلم زياده : تمام
ركبت السياره 10 دقايق حالة صمت
احمد : الا بسألك
شادن : هلا اسال
احمد : ليه مخليه عبايتك مفتوحه ولبسك ماينلبس عند العيال
شادن : والله ماكا
قاطعها احمد : مابي تبرير عادي بس شرايك نروح نشتري عبايه لك جديده ؟
شادن : لا عندي فالبيت كثير
احمد : بس وحده من ذوقي كان رفضتي او لا بتجيك
شادن : تسلم ماتقصر
احمد ضحك : فيه موضوع ثاني بس بكلمك بعد ماتشتري العبايه
شادن : تمام
ترف : شادن وين راحت
منوه: مادري
اميره : اظن مع حبيب القلب لان كلهم مو موجودين
ريما : ماتوقع جدي مستحيل يسمح
طيف : انا اعرف ليه ووين بس ماراح اعلمكم
تالين : علميني انا طيب
طيف : خليها بعدين لما تجي
شادن واحمد بمحل للعبايات مره يهبل وفخم
احمد : يلا اختاري
شادن : مو قلت على ذوقك ؟
احمد : لا امزح اختاري
شادن : انت قلت من اول على ذوقك
احمد مشى ومسك يدها : تعالي هناك اشوف ريما تشتري من هذيك الجهه
شادن بتوتر: تمام
احمد : شوفي هذي حلوه ؟
شادن : ايوه تهبل بس لف صح ؟
احمد : صح الف مافيها ازرار ؟
شادن : ايوه
احمد : اجل مانبيها
طلع وحده مره حلوه تجنن : خذي خلينا نروح غرفة القياسات مره حلوه شرايك
شادن :حلوه مره تمام انتظرني برا
احمد :لا بدخل معك زوجك عادي
شادن تفكر كيف تصرفه لان لبسها مره لااااا بلوزه ماسكه وقصيره تفاني وبنطلون ماسك ابيض وتحس ماتقدر تصرفه ومستحيه يجي معاها : ل لا مايحتاج
احمد : حبيبتي الوقت قاعد يضيع فيه موضوع ثاني بكلمك فيه وقيسي النقاب ذا والطرحه ذي كلها مره وحده
شادن تورطت : طيب
احمد : تعالي باخر غرفه عشان اصواتنا وكذا
راحو لاخر غرفه وفكت العبايه والطرحه والنقاب وكان شعرها تحت نص ظهرها شوي ونصه ويفي وحاطه ميكب خفيف
احمد : شهالجماللللل !!! اذكرك صابغه وردي
شادن : قصيت الصبغه وطال
احمد : محلوه بكثير
شادن وهي تعدل النقاب والعبايه : شكراً ، شرايك
احمد : مره حلوه وانتي حليتيها بزياده !
شادن : يلا بطلعها بحاسبها
احمد : لا انا بحاسبها ولا تطلعينها بقطع الاواق الي فيها واعطيهم يحاسبون امشي بوديك كافي نقعد شوي انا وانتي وعليك هالعبايه
شادن : تمام
قرب احمد عند ظهر شادن وقطع الاوراق تحت توتر شادن من قربه لها مسك يدها ويده الثانيه شال فيها عبايتها: يلا يقلبي مشينا نحاسب ونطلع
حاسبو وطلعو ومر على الوقت ساعه ونص ونام الجد لحسن حظ احمد انه بيقدر يطول اكثر من ثلاث ساعات راح عند مجمع صغير عشان ماتشك شادن : اسمعي خليك بالسياره بنزل اعطي خوي حاجه هنا وارجع
شادن : تمام
نزل احمد راح لمحل الورد دق على ريما : ريما عادي اكلم ترف ؟
محمد من بعيد : غلط! عندك زوجه يخوي
احمد : ماحد كلمك عطيني ترف
