طلع محمد وغيرت ترف لبسها ولبست عبايتها ونقابها وخلصت تماماً
محمد : امشي لا تحركين رقبتك كثير
ترف : تمام
محمد : تبيني اساعدك ؟
ترف : لا
محمد : براحتك منوه انتبهي لها
محمد ب استيعاب يناظر عيونها
ترف : خير شفيك تناظر كذا
محمد : ليه حاطه مكياج !
ترف : لايكون حرام
محمد : ترى مانتي مع البنات وبس بننزل بكافي ونتمشى !
ترف : طيببب؟؟؟
محمد : قسم بالله كف امشي قدامي اوريك
ترف : مايدري وين الغلط بالموضوع عشان تعصب كذا !
محمد : اقول غطي عيونك لايكثر
ترف : تخسي
محمد وقف وناظرها
ترف : امشش !
محمد تجاهلها ومشى
نزلو وطلعو من المستشفى
محمد : انتظروني هنا انا بقطع الشارع اجيب السياره
ترف بمكابر : روح
محمد : ماراح اطول اقطع الشارع فيه سيارات كثيره انتبهو
منوه : تمام
راح يجيب السياره وترف ومنوه يتنتظرو يجي وترف تحسب الوقت منخرشه وجاء وركبو معه
منوه : كم يبعد المستشفى عن المزرعه ؟
محمد : شوي بس
منوه : حلو
ريما وهي تدق على محمد : وينك
محمد : عند الباب تعالي
ريما : يلا جايه
وصلت ريما وهي تحضن ترف ومنوه : كيفك تروفه
ترف : بخير الحمدلله وانتي كيفك
ريما : بخير يقلبي
محمد : خلاص يورعه انتي وياها اركبو
ريما : هد لا تطق اعصابك
محمد : وين تبون
ريما : وين تبي انت
محمد بعصبيه : ابي السلامه اخلصن شتبن
ريما : احد غاصبك تطلع ؟
محمد : خلاص يقلبي انتي اسف لو سمحتي وين تبين نروح
ريما : نبي كافي ******
محمد : هذاك زحمهه!
ريما : الله اكبر بالزحمه تراك كل شوي تودينا هناك
محمد : مابي اليوم
ريما : خلاص ودنا على رايك
محمد : تمام
قعدو يمشون نص ساعه ومحمد حب يمزح شوي وقف بعيد عن الكافي : انزلو يلا
ريما : تستهبل !!! برر ؟ طالعين من بر حنا ندخل بر
منوه : صدقتييي
محمد شاف ترف مافيه تفاعل حتى بالمزح : امزح اركبو
ريما : والله لو احنا مسافرين ماصارت
محمد : اركبي كلها خمس دقايق
/
\
{ في بيت الجد || اميره & سعود }
/
\
سعود : انتي الحين راضيه فيني ؟
اميره : انت عارف اجابتيي ليه تسالني
سعود وهو ينزل راسه : انا ابيك حاولت اخبي عن الكل حتى جدي من وانا صغير حتى خوالي يقولون اميره لك
اميره : بس مو ب هالحركه ! مو ب ارادتي ! لو جايني وماخذ رايي وافقت بس بهالطريقه طبيعي ما اوافق
سعود يكمل وبغصته كيف ماتبيه وهو يحبها من سنين ويحاول يشيلها من عقله : بس خفت ترفضين وتعرفين عمي لو ماوفقتي المره الاولى المره الثاني ماراح يوافق هو
اميره طلعت بهدوئها
سعود : اميره وقفي باقي ماكملت كلامي
اميره : نكمله ب الحلال
سعود عقله علق تو قبل شوي ماتبيه كيف كذا بس ب نفس الوقت تحمس على كلامها
/
\
{ في الكافي | محمد ترف ريما منوه }
ريما : منجدك ؟ جايبنا ل كافي منبوذ واضح طعمه ماينبلع واسعاره مو كويسه
محمد : اعرفه انا و اخوياي وانا مابي نروح مكان فيه ناس
ريما : اوكيي يلا بنات شتبون اطلب لكم
منوه : *****
ترف وهي تخز محمد : ابي السلامه والعافيه
ريما : فيه تتش بينكم ضروري احله ! بس اول بطلب لكم
راحت ريما تطلب للي يبون وترف على رايها
ومحمد يناظر ترف الي تقلب بالجوال وكل مارفعت عينها عليها شالها
ريما : انا جيت ي عيالي
محمد : لاتعيشين الدور اقول
ريما : مافيه مشكله لو اعيشه المهم وش صاير بينكم ؟
ترف : ماصاير شي
محمد : الا صاير شي
ترف فتحت عيونها بقوه بصدمه وتناظره
ريما : شصاير
محمد : بالله احد يحط مكياج بطلعه ؟
ريما وهي ماسكه ضحكتها : شف عيوني ولا شكلك تغار على ترف لوحدها ههههههههههههههه
محمد : ماله دخل بس هي بكثره
ريما : ترى بس ايلاينر ومسكره انا حاطه ايشدو ومسكره وايلاينر عادي
محمد يناظر لريما ويغمز لها
ريما : لو تغمز للسنه الجايه شوفيه ي ترف انحشر
ترف بدا يرجع لها توترها الي يجيها بسبب الصوت : حتى ولو احط مكيب هو ماله دخل فيني ويرفع صوته علي
محمد وهو يناظر ترف : انتي الي خليتيني ارفع صوتي عليك صح غلطان بس حتى انتي غلطانه تعبانه وتتمكيجين
ترف : واذا تعبانه عادي ترى
محمد : الله يتمم لك العافيه بس ولوو
ريما : كيوت بخطبكم لبعض
ترف تناظر ريما بحده : ايش
ريما : امزح والله لا تناظريني كذا
محمد ابتسم لين بانت غمازته : عادي يخيتي لابد من المزح والطقطقه
قعدو يسولفون و يضحكون لين تعدو ساعتين
محمد : يهعيعييي الدكتوره قالت ساعه بـ الكثير حنا زودناها !
ريما : يلا مشينا
ركبو السياره : بوصلكم بعدين بروح انا وترف للمستشفى
ريما : شغل لنا شي
محمد بباله اناا من اليوم انتظر هالكلمه الله يسعدك : ابشري فيه شي بخاطرك ولا اشغل انا
ريما : بشغل اول انا
اختفت ابتسامت محمد : يلا شغلي اصلًا مابقى حول خمس دقايق
شغلت ريما خالد عبدالرحمن وتصور وحالتها زفت مع محمد الي كل شوي يهرج ويخرب تصويرها
محمد : اننزلو وصلنا
ريما : اذلف
محمد : احمدي ربك بس
ريما : ترف نطي قدام
ترف : مالي خلق اتحرك خليني بمكاني لين نوصل
ريما : تمام
محمد : يلا يلا بمشي
ريما : سيو
مشى محمد وماصدق ريما تروح ويستغل الفرصه وشغل " انا اسف لو تكفي"
/
\
{في البيت || عند الجد}
\
/
الجد : ريما من وين جايه !
ريما : محمد اخذني انا ومنوه وترف شوي ورجعنا
الجد : تمام منوه وين
منوه : هنا يخال
الجد : ابوك يقول بكره بيمشي للرياض تبين تروحين معه ولا تقعدين عندنا
منوه : لابروح معاه
الجد : اجلسي ووسعي خاطرك مع البنات هو بس بيروح يومين ويجي
منوه الي تبي الفراش ماعاد تشوف الدرب: اشوف يخال
/
\
{في المستشفى || جناح ترف}
/
\
ترف : بنام انا الحين وانت متى بتنام ؟
محمد : بجلس على جوالي شوي وانام
ترف : تمام
نامت ترف وطلع محمد من الغرفه راح للدكتوره
الدكتوره : تفضل محمد
محمد : هلا والله ممكن اسألك
الدكتوره : اسأل
محمد : ترف متى ناوين تطلع ؟
الدكتوره : ماعندك مشكله بكره تطلع اذا تبي واذا تبي امان اكثر تجلس ليومين
محمد الي عارف ترف مستحيل تجلس ومايبي يعلمها : اوهه تمام يعطيك العافيه
الدكتوره : لما تطلع بعطيك علاجات وتستمر عليها عشان مايتشوه منطقة الجرح وتنتبه لرقبتها
محمد : ان شاءالله
الدكتوره ابتسمت وطلع محمد راح ينام
