محمد : ماتعرفين شي عن العلاجات اسكتي لا تقعدين تتفلفسين
ترف : شفت شي ماتمنيته حتى لعدوي لا تقعدين تستغبين بهالامور
الجد : وليه العلاج وش فيه يترف ؟
محمد : يوه يجدي شفت شي ماشفته بريما يكثر مابكت ريما وصايحت توقعت مافيه احد يسابقها بدموعها الا اليوم ترف تعدت مرحلتها
ريما : شقصدك
محمد ضحك : ماقصد شي
الجد قام باس راسها : يويلي عنك يبنتي هو علاج يوكل ولا ينحط على الجرح ؟
ترف : نار وشرار ينحط على الجرح ماهو علاج
ضحك الجد : يحلوك اقوى بنت شافتها عيني
فيصل : محمد ماقالو لك متى ترف بتطلع ؟
محمد : ماقالو بس مطوله ليه تسال
فيصل : اسبوع او اسبوع ونص وحنا ماشين الاختبارات جت
محمد : بقى عليها اسبوع ونص وبطلع ورقة مرافق ان كانها ماطلعت بدري ياخرونها شوي
فيصل : بيمشونها
محمد : اكيد يمشونها
فيصل : تمام
الجد : ومتى بترجعون
فيصل : اخر يوم اختبارات راجعين ان شاء الله
الجد : زين
قعدو يسولفون
الجد : الا وعلى طاري الدراسه محمد وش تخصصه
محمد : جراحة قلب
الجد : مشاءالله واحمد ؟
فيصل : تمريض
الجد : مدخلينه واسطه ؟
قعدو يضحكون
منوه : يعني غبي زي بعض الناس ؟
ام منوه سمعت صوتها تشقق قلبها ودها تفتح الستار بس ماتقدر ابداً
الجد : تقريباً
شادن : شقصدكم ؟
اميره : اي اي شقصدكم عليها
ماتو ضحك من حواجبهم وحركة العلك
محمد : ترف عندها جرعه ثانيه من العلاج الساعه 9 تمام
الجد : الحين 8 و 55 دقيقه
ترف : اخذوه معكم ابو النكد نكد علي
محمد ضحك : ماقصد انكد عليك بس شسوي عشان يعرفون ولا يتاخرون
الجد : مشينا عشان تجهزون
ريما : محمد حافظة الحراره عانها على الطاوله الي جنب ترف فيها شوربه
محمد : يعطيس العافيه يخيتي
ريما غمزت لترف وهمست باذنها : تراه عارف لا تحاولين تخبين عنه
ترف : اذلفي لا اطعىْك الحين
لانا شافت عمها طلع: سيو حمودي
ترف : ليتك ماجيتي
ضحك محمد : يلا يلا
قعد يرتب المكان الا وتسمع ترف صوت الممرضه : سستر زياره خلص عسكر يجي
ترف : كانو كل شوي يطلعون طرده من العساكر الا اليوم انا كئيبه
محمد : عادي بكره ينتظرون
ترف : محمد اطلع ماقدر مابي اتغطى وانت عارف اذا طلعته تطلع ليه ناشب الحين
محمد : انتي الحين محدوده انك ماتلبسين النقاب وانا برتب المكان واصلاً ماتقدرين تلفين الطرحه على رقبتك واتوقع مو متاكده اذا انتي معك ظروف عادي وانا ماني بقاعد اناظر فيك
ترف : تمام
قعد يرتب وخلص الا وتدخل الدكتوره : السلام عليكم
ترف ومحمد : عليكم السلام
الدكتوره : اذا حطيت لك هالجرعه ماعاد تنزلين من السرير
ترف : بغير لبسي طيب
الدكتوره : يلا حنا بنطلع وانتي غيري
ترف : بالله اول الشنطه اعطونياها
اعطوها الشنطه وطلعو ولبست بجامه خفيفه لان الجو بالمستشفى شوي حار من ثقل الفراش ورقبتها تحتر كثير اساساً وخلصت ودخلو
الدكتوره : لو بيدي اعطيتك شي يهدي الالم بدال هالعلاج بس مافيه الا هو وكل جرعه اثقل من الثانيه وانو ينظف الجرح ويخففه بعدين اما الحين وانا احطه يزيد
ترف : طيب الحين ماحس بشي مو لازم اكيد
محمد : ترف لا تقعدين تصرفين عشان الالم لان كذا ولا كذا فيه الم وان شاءالله يعدي بخير واذا بغيتي تصيحين لا تستحين مني ترى طبيعي الواحد يتالم ويبكي ويصيح انا بنفسي لما صار لي حادث وقعدو يعالجون يدي المستشفى انهز من صياحي واذا ماتبغين شدي على يدي
الدكتوره : ايوه تحفظي كلام خطيبك بسم الله عليه يعرف مو نفس بعض المرافقين يجيبون المرض وعادي اهم شي لا تكتمين لان بتقعدين تشدين على الجرح
ترف استحت كيف خطيبها بس تبي تخلص : ط طيب
محمد ابتسم من كلامها له ودخل بخياله وقاطعه صوت الدكتوره : لفي شوي مو بقوه
محمد مد يدينه الثنتين على ترف
وبدت تحط وانعاد كل الي صار قبل شوي واكثر
الدكتوره : ترف حاول تثبتين رقبتك !
ترف بنهيار : ثبتتها خلاااصصصصص
الدكتوره : باقي شوي
محمد الي يبي يصيح مع ترف قطعت يدينه تقطيع باظافرها
الدكتوره : خلاص خلصت كل 4 او 6 ساعات اجي على حسب الجرح
محمد : تمام يعطيك العافيه
الدكتوره : الله يعافيك
ترف الي ماتقدر تتكلم باح صوتها ولا تقدر تتحرك بس ترجف وللحين متمسكه بمحمد
محمد : عادي تفكيني ؟ بجيب منديل لك واجي
ترف بتعب : لا اجلس
جلس محمد على الكرسي الي مقابلها وقرب منها وكانت متمسكه بيده وماخذت اكثر من نص ساعه الا وتنام محمد استغرب مو وقت نومها كيف نامت !؟ فكت يده وهي نايمه وحط يدينها جنبها وراح يجيب منديل مسح وجهها وعيونها الي كلها دموع وراح انسدح وقاعد يحاول يشيل من راسه شكلها هي تبكي ويفكر بشكلها وهي لابسه فستان احمر يموتتت شكله حلو حيل لين غطه النوم
قام الساعه 10 الصباح استغرب للحين نايمه وماتحركت وقام غسل وجهه وراح برا يجيب له اكل
سالم : ابوي عانهم نايمين قم عليهم بالعصا مايستحون
قام الجد : صدقت وانا ابوك
تركي : يويلي بهرب عند مامتي
الجد : ايوه اهرب عند مامتك
ضحكو على تقليد الجد
سالم : ابوي صحيح نسينا فكره خطبتي بس ابيك تاجلها لبعد زواج شادن
الجد : مانسيتها يولدي بس انشغلت وابشر بالي تبيه
سالم : تمام الله يحفظك
لانا : يع يضحك مسويه امس انها تعبانه مبين انه جرح بسيط
ريما الي تكلم محمد وفتحت المايك زي ماطلب محمد : سبعةً شلوك وشهو الي جرح بسيط "فتح الكام يوريهم جروح يده " ذا منها امس لما عطتها الدكتوره العلاج وهو الجرع الثاني كيف باقي الجرعات جرحت يدي وقومت كل الي ف المستشفى بس مالومها قد جربت العلاج ياوه يوجع
لانا : يع تمسك يدها وانت مو حلال لها
طيف : مامعاها الا هو يتركها ما يسندها ويساعدها ؟
محمد : ان شاءالله يصير حلال مستقبل
لانا : مافهمت
محمد : مايخصك مو لازم تفهمين
كلهم منصدمين من كلامه كيف كذا مادرو اذا هو نيته ثانيه او نفس نيتهم
ريما : محمد لف يدك انا لاحظت انك توريني الجانب الي جروحه اخف من الثاني
محمد : هو صحيح ان فيه اقوى من كذا بس مابغاكم تتنمرون عليها ف ماوريتكم
ريما : ورنا ماحد يتنمر شي يكون فالمستشفى المرض مافيه دلع
كلهم : صادقه
