محمد : علمت شادن وشادن مارجعت للبيت للحين مع احمد
ترف : باقي ساعه بس ! كيف امي ماتعرف اني بدخل كذا
محمد : تبين اكلمها؟
ترف : ايوه
الممرضه : يلا اخو اطلع برا عشان دكتوره تاخذ ترف
محمد : لازم ؟
الممرضه : ترف لازم او لا؟
ترف : ايوه اطلع
طلع محمد ودخلت الدكتوره بتاخذها : عادي اكلم اول؟
الدكتوره : لا مافي وقت
ركبوها السرير الي بينقلونها فيه لغرفه ثاني عشان يتحرك المغذي معه وصلو الغرفه قبل يقفلو الباب دخل محمد : كم بتقعد ؟؟؟؟
الدكتوره : على حسب
دخلوها وانتظر فوق ساعتين الا ويدخل الجد والجده وساره وفيصل وعبدالعزيز وغاليه
الجد : محمد
محمد : لبيه
الجد : وراك ماعلمتنا عن الي صاير فيها تقول فتامين وهالامور ماعلمنا الا احمد وشادن!
محمد : والله يجد ان البنت ماهرجت الا لما طلعتو وناديت الدكتوره وقالت بيصير كذا وكذا ودقت ترف على شادن تجيب اغراضها وسمعت شادن تقول نايمين قلت ماحبيت اخوفكم وادق وانتم نايمين وقلنا لشادن تعلمكم
فيصل : وكم لها داخله
محمد : ساعتين وكذا ونص
الجد : طولت !
الجده : مايصير الا كل خير ان شاءالله
كلهم : ان شاءالله
انتظرو شوي الا وطلعت الدكتوره : وين المرافق؟
محمد : هنا
الدكتوره : تفضل معنا
راح محمد معاها : بخير الحمدلله بس الافضل تمنع الزياره !
محمد : كيف امنعها عن اهلها!؟
الدكتوره : وش يضمن لك مايحطون عطورات ولا شي ياثر على الجرح
محمد : بحذرهم بس لا تمنعين لكن معليش اكثر العطور مع الممرضات رجاءً ماتجي ممرضه بالعطور !!!
الدكتوره : بنحاول نسوي الي يعجبكم
محمد : يعطيك العافيه اقدر ادخل ؟
الدكتوره : ايوه هي رجعت اصلاً للجناح حقها
راح محمد ورفضو يدخلون الباقي الى الساعه 7 المغرب وقت الزياره
محمد : كيفك ؟
ترف تأشر بيدها 👍🏼
محمد : شفيك ماتتكلمين اجل
ترف : مافيني حيل بنام قومني قبل يجون بنص ساعه
محمد : تمام
ناموا الكل لحد ماجاء العصر
الجد : قوموو بنروح لترف !
ناصر : يجد البنات الحين كلهن بيرحن ؟
الجد : مادري عنهن انا بروح ومعي ساره وامها واخوات ترف بس
ناصر : شهد بتروح ؟
الجد : مادري يمكن
ناصر : ماراح يدخلونها
الجد : وليه مايدخلونها ؟
ناصر : ممنوع الاطفال يدخلون
الجد : عشان كذا انا باخذها
وصل المغرب جمعهم الجد بالخيمه : اي وحده حاطه شي يشم او متعطره بتشوف شي مايعجبها
طيف : ليه
تالين : جرح جديد طبيعي ان مايصير يشم الجرح
الجد : صح ولما ارجع الاقيكم كلكم بالمجلس عندي لكم موضوع فاهمين! يلا تعالو الي معي اركبو بنروح
محمد منصدم من العلامه الي بيد ترف بس تجاهل لان مو وقته قومها: اكلي
قامت بتعب : مو مشتهيه ابي ماء بس
محمد : من امس مو ماكله شي
ترف : عادي متعوده
محمد : بس عندي مافيه شي اسمه متعوده ماكل
ترف : محمد اطلع بنام
محمد : وصل المغرب بيجون
ترف : بموت وخر بنام اول ماتشوفهم قومني
محمد تنهد بتعب منها : طيب
العسكري : ممنوع الاطفال
الجد : وليه ممنوع ؟
العسكري : مسؤولين احنا عن المرضى لو ينفصل سلك ولا يصير شي احنا الي بنتحملها اعذرني ي عم مانقدر ندخلها
الجد : خلاص روحو انتم وانا بقعد شوي وبجيكم
ساره : لا يبوي روح وانا اجلس
الجد بهمس : بدخلها بطريقتي روحي
راحو ورجع الجد وراح لمحل العبايات
محمد : ترف جو
ترف فزت مسحت وجهها
دخلو : السلام عليكم
محمد وترف : وعليكم السلام
ساره : شلونك يترف
ترف : بخير وانت كيفك
ساره : الحمدلله
سلمو وحطو القهوه والشاهي وسولفو ينتظرون الجد
رجع الجد ومعه شادن كان لابس ثوب شتوي ومنزل الشماغ لين عيونه ولابس كمام وشهد النتفه جنبه لابسه عبايه ونقاب هههههههه " شهد شوي طويله وماقدر العسكري يتكلم خاف انها كذا طبيعي مع ان باين انها بزر "
دخل الجد وشهد : السلام عليكم
كلهم : وعليكم السلام
قعدو يضحكون على شهد
محمد مات ضحك : يجدي وش مسوي انت هههههه
الجد: طريقة ماحد يعرفها غيري
ساره : يحليلها بنيتي هههههههههههه
شهد : ماما تخيلي الشرطي شافني ولا قال لي حاجه يحسبني كبرت
ساره ضمتها : يزينك
الجد : شخبارك يترف
ترف : الحمدلله بخير
الجد : ماقالو متى تطلعين
محمد : لا ماقالو
الجد : ترف تتواصلين مع الدكتوره ولا ذا ماخذ وضعية ولي امرك
ترف : ما كلمتها الا اليوم قبل يدخلوني وبكلمها شوي
الجد : زين علمينا قبل تجين
ترف : ابشر
دخلو بعدهم البنات على دفعتين
محمد : ابوك يالبشريه
ترف استانست بشوفتهم
قعدو يسولفون ويتقهون وتعشو وقطع عليهم صوت المسجل حق الغرفه : سستر خلص زياره عسكر يجي
قعدو يضحكون من صوتها
الجد : خلونا نطلع يلا
محمد : يجد تراهم مايدرون يشغلون هالصوت بكل الغرف حتى الي مافيها احد ولكن اذا احد اشتكى علينا راح يطلعونا
وصلت الساعه 11 وماطلعو راحت الي معهم بالجناح اشتكت عليهم
الممرضه : سستر عسكر يجي زياره خلص
وقعدو نص ساعه ثاني وتكرر الصوت وانفتح البابا
العسكري : خلاص الزياره مخلصه يعم اخذ اهلك واطلعو
الجد : رح وحنا لاحقينك
العسكري : لا اطلعو الحين
طلعو وترف ناظرت بمحمد شوي وشافته بيتكلم : اول ناد لي الدكتوره
محمد : اول اكلي
ترف : مابي
محمد : اجل مافيه
ترف : رح نادها
محمد : اكلي من العشاء
ترف : اذا اكلت تناديها
محمد : اذا اكلتي زين ناديتها
واكلت ترف : خلصت نادها يلا
راح يناديها
الجد : مو عشان وافقت على محمد يجلس صرت سامح لكل شي بيصر ! ترف تعبت قبل نعرف بيوم ولاقها مغمى عليها بالمرزعه بسبب مجهول ماحد يعرفه واخذها وداها للمستشفى وسوا نفسه ماهو من عايلتها عشان يدخلونها بسرعه بس لو يتكرر هالشي مره ثانيه بيصير شي مايعجبكم طاحت البنت ؟ جبها عندنا وقل البنت مغمى عليها ونروح احنا نوديها باسمنا فاهمين ! وانا اي قرار افكر فيه يتنفذ زين ! لا اسمع ولا حرف او تبرير منكم ! يلا كل واحد على فراشه ماعادا اميره
