عند ليلى : يبه بس ناصر بقلب
قاطعها عبدالعزيز : ناصر ادرى بمصلحة بنت عمه مستحيل يضلمتس ويكسر ظن عمه فيه اكيد ماخذتس وبيعيشتس احلى عيشه
ليلى كانت متوتره عكس ترف الي كانت عارفه وهون عليها التوتر
عند الجد والعيال برا
هادي : انا اشوف ماله داعي ترف ومحمد مره كبير عليها
نواف بهمس : زوج ولدك بعدين تكلم
الجد : اقطعع الصوووت وياله قوموا صلوا الرياجيل بيجون
قاموا صلوا
عند الحريم بالصاله
الجده : محمد طلب يد ترف
ريما شهقت : يمه وجدي وش قال
الجده : عازمين عمانها ياخذون رايهم عشان ماتزود المشاكل ويلا قومن جهزن القهوه
ريما بحزن : طيب واذا رفضوا ؟
طيف بمصادقيه وفهاوه : الحب طالع من عيون محمد كلنا عارفين ولو رفضوا ماعنده مشكله يزرفها "يسرقها"
الجده : ووووشووووووهوو
طيف : امزح امزح
الجده : اقول قومن قومن لا يجي جدكن يهاوشكن
الجد : يهوهه القهوه الرياجيل جو
عند الرجال بالمجلس
دخلوا اعمام ترف وكانت النياران تشب ب قلب محمد خوفه يرفضون بس عشان يهدم المجلس فوق روسهم
ابو ماجد يهمس ل ماجد : شكل عندهم ع
قطع الصوت الجد : اولًا شرفتونا بحضوركم والله تو ما نور مجلسنا والله احنا شبه مستعجلين لامور اذا تسمح لي ي ابو ماجد ابتدي بالكلام
ابو ماجد : اولاً نور المجلس باهله يابو فيصل تكلم قل الي عندك
الجد : محمد يطلب يد بنت سالم الترف ويشرفنا قرب محمد لكم
ابو ماجد كان بيتكلم بس قاطع الحديث طيحة فنجال عبدالله
ابو ماجد : بسم الله عليك احرقتك يابوك
الجد : ريان قم جب ماء ومناديل
قام عبدالله متجاهل المناداه للكل وراح برا ودق على الترف وردت عليه : هلا مين معي !؟
عبدالله : انزلي لي تحت انا عبدالله
ترف : تبي جدي يقص رقبتي ورقبتك؟
عبدالله: ترف بتنزلين ولا اجيك !
ترف : عبدالله خير ان شاء الله من انت عشان اجيك
عبدالله : طيب لا تنزلين
طبعًا غرفة الترف يمدي يدخلها بدون لاحد يدري لكن الترف درت انه مستحيل يتركها ونزلت له
عبدالله : كان نزلتي بكره
ترف : لا تنافخ تفهم ولا افهمك ؟
عبدالله : امشي معي
ترف : تخسي قول كلامك هنا وانا بمشي راجعه
عبدالله سحبها وركبها السياره : خير ان شاءالله وش ذا الخطبه ولا يكون انتي وافقتي بعد
ترف : اول شي مالك دخل ثاني شي انت بتفكني ولا اصرخ اجمعهم كلهم علينا ثالث شي فك يدي لانك مو محرم لي "حدت صوتها بقوه" ناسي الي مسويه فيني ! ناسي كيف دمرت حياتي وسكتت لك كنت على نياتي ما اعرف شقاعد تسوي لكن انسى انسى تمامًا اني بقبل فيك انت اغلطت تحمل غلطك بنات الناس كثير رح دور غيري "فتحت الباب بتنزل
عبدالله مسكها بقوه : انزل وجربي بعدين انا اش قلت ! ماقلت ننسى الماضي ماقلتت طيب انا احبك وش اسوي وش اسويي ترف لا تذبحيني شذنبي انا سويت شي كنت جاهل وقتها عنه ولا كنت اعرفه زين اساسًا
ترف ببكاء : انت تفهم وش قاعد تقول ! تراك مىًحرش فيني ي وصخ اذلف لا اشوف وجهك فوق مسوي ذا كله تقول احبك عن اي حب تتكلم هاه! انا خلاص مو لك انسى انا لمحمد ومحمد لي
عبدالله بحده : ترف نصيحه مني ماتجبين طاري محمد فاهمه زين ! وبعدين معك انتي الي حدتيني اسوي كذا وماراح تنزلين لين توافقين علي فاهمه !
ترف : ترى ب اصرخ والله ل افضحك قدامهم
عبدالله : اصرخي ب اقوى ما اعطاك الله صوتك مايتعدا الباب اساس
من سوء حظ عبدالله طلع وقتها محمد وشاف الترف تبكي وعبدالله معصب واقبل عليهم بسرعه : خير ان شاء الله ل وين بتوصل بعدين ذي زوجتي المستقبليه انت شتبي ي نشبه
عبدالله : احلممم بس احلم هذا اذا جدي وافق
محمد ابتسم : جدك وافق
ترف نطت من الفرحه تحضن محمد الحمدلله قدرت تنحاش من الي ىًحرش واعىًداء عليها وماكان احد عارف بالموضوع غير محمد بادلها الحضن تحت انظار عبدالله المقهور كان ناوي ينتقم منها ويسوي فيها الي ماينسوى لكن خلاص راحت عليه الفرصه وخطبها محمد بعد اصرار الجد على ابو ماجد الي كان رافض رفض قطعيييي
تسريع الاحداث الي كانت متكرره بالتجهيز فالزواج
ترف : يمه خلاص كنت امزح برجع للديره
ساره : ترف مانتي صغيره اعلمس
شادن : تروفه تراني كنت كذا
"كان زواج ترف و ليلى مع بعض"
دخلت الجده وهي تزغرط : والله ماتوقعت اني بشوف ترف بيوم عرسها الله يكتب لكن الي فيه الخير يبنياتي
كان زواج بسيط اهل الحاره فقط مراعاة لوفاة زميل الجد
عند الرجال
كانوا يلعبون وكان محمد يعرض مع فهد : اهخخ يحظها بس
محمد ابتسم على صوت احمد : دعيت لك والحمدلله استجاب دعوتي
الجد دخل يلعب "يرقص" معاهم وكانوا العيال كلهم متحمسين معاه يبون ينسونه حزنه
كانوا بقمة السعاده بهالزواج البسيططط لكن مليان مشاعر الشخص الي واضح من هو صغير يحب هالبنت من هو صغير الكل يحاربه والكل يحاول يبعده عن هالحب اليوم جاء الي مشى بكل ثقه واخذها بشي يرضي الله ثم يرضيها ولله الحمد
عند البنات
شادن : احس بستفرغ
ساره : شفيك
شادن : مدري
ساره : اكلتي زين
شادن : اييييي اكلت زين
ساره : اذا زاد الوضع دقي على احمد
"ماكان فيه زفاف للبنات "
عند العيال يودعون محمد وناصر
محمد : يرب ماهو حلم
فهد عضه : مو حلم
مازن : ماشاءالله ايش هالعرسان الحلوين
محمد وناصر ابتسمو
انقطع عليهم صوت جوال احمد : الو
شادن : احمد خلصت ؟
احمد بخوف : شفيك شفيه صوتك
شادن : لا ااستفرغ ماقدر اكل شي عادي نروح المستشفى
احمد : تمام ازهبي وانا جايتس
قفل احمد محمد : شفيك يولد
احمد : لا بس شادن تعبت شوي وبوديها المستشفى
ناصر : رح لها لا تتاخر
راحو ترف وليلى كل وحده مع زوجها وشادن واحمد راحو للمستشفى
الدكتوره : شتصير لها انت
احمد : زوجها
الدكتوره : ماشاءالله مبروك بتصير اب وشادن حامل من ثلاث شهور تعالو بكره نشوف جنس الجنين
شادن الي ماكانت بالعه نفسها ماتدري شقالت
صاح احمد وضم شادن : والله ؟ والله ؟ الحمدلله
شادن : ايش فيك انت
احمد : انتي حاملل !!!
شادن الي نست همها : يرب لك الحمد الحمدلله
احمد الي مو قادر يشيل رجله من الفرحه ومايدري وش يسوي وفتح جواله
عند محمد وترف فالفندق
محمد ب ابتسامه : الحمدلله اني قدرت اخذك لي وفزت وانتصرت بحبي لك
وكان بيكمل ويطلع مشاعره لكن انقطع صوته لما دق احمد خاف محمد لان شادن تعبانه ولا كان بيقفل : هلا
احمد : تكفىى بطيررر
محمد : شفيك يولد اهرج
احمد : بصير اب
محمد : احلففف
احمد : وربي وربي بصير اب
محمد الي نسى ترف : الله يتمم لها على خير ويجي بالسلامه
احمد استوعب ان ترف معه : اوه الله يسلمك يلا ازعجتك
محمد استوعب : يلا ف امان الله
ترف تذكرت شادن : شادن فيها شي؟
محمد الي يدور شي يسعد ترف من اول : بتصيرين خاله
ترف ماتدري كيف تعبر حضنت محمد الي بادلها الحضن وكان شاد عليها ومستانس
ترف استوعبت وجت بتبعد لكن وقفها محمد : اهخخ عوضت عن السنين الي تتصددين عني
ترف كانت ساكته ومتضايقه من الفستان
انتبه عليها محمد وطلع يجيب اكل علشان تشتغل بنفسها
