الجد قفل وبصوت عالي : كلكم اطلعو ماعادا خالد وشادن !
طلعو كلهم تكلم الجد بعصبيه: ايش صار قبل شوي وش مسوين ؟
احمد : ي جد اهدا وعلمنا ايش صار ماصار شي
شادن : جدي شفيك معصب ؟
الجد : انا معصب من حركتكم وش بيقولون عن اهل الحاره شايفكم عايض انتم ماسكين بعض ولا هو بحلال عليكم
احمد : يجد اهدا اعلمك السالفه
شادن حساسه نفس ترف بس اخف تقدر تسيطر : م ماسوينا كذذا بدون سبب يجد
الجد عصب : يعني مسويننن !!
عيون شادن قلبت حمر وماسكه دمعتها
احمد : يجد كلنا نعرف الي يتعب مايقدر يمشي ويحس انه يدوخ وبيطيح وشادن قالت لي والدكاتره رافضين العربيات "كرسي متحرك "فوق وانا ثبتها بيدي ولما نزلنا تحت خليتها تجلس
الجد وهو شوي مصدق لانه اجابه منطقيه : وش يثبت لي ي احمد ؟
احمد : يجد اول شي انت تتوقعها مني ؟ تتوقعها من شادن ؟ واذا مو مصدقنا دق عليه قول له لما نزلو هو باقي ماسكها ولا مشت بالعربيه ؟
الجد بقتناع : اطلعو اتفاهم بعدين معكم
الجد دق على عايض
عايض : هلا
الجد :عايض لما نزلو وين راحو
عايض : شفت احمد يطلب عربيه وجلست عليها وطلعت مادري عنهم وين راحو
الجد انصدم يعني عايض بكامل قواته العقليه داق يعني مافكر : تمام يقفل
عايض : يلا مع السلامه
الجد شاف ترف : ترف
ترف: لبيه يجدو
الجد : نادي الي كانو طالعين امس الليل وتعالو
ترف : ليه يجدي
الجد : ناديهم وتعرفين ليه
دخلو كلهم الجد : الي جايب الفكره ميننن !!!
صمتتت......
الجد : انا اتكلم مين جاب الفكرهه ؟؟؟؟
عبدالرحمن : انا يعمي
طيف بتوتر : لا يجدي انا الي قلت
الجد : اخلصو علي مين بالضبط ماني جاي العب معكم!!
طيف : قلت انا
الجد : ومين كان معك بالفكره ؟؟؟
طيف : ماحد انا فكرت وقلت لهم
الجد : مين الولد الي كلمتيه ووافقك الراي؟؟؟
طيف :.........
الجد : اكلمك انا ردي علي!!!!!
عبدالرحمن : انا يعمي كلمتني وكلمتهم
محمد : يجد انا الي كلمتني وكانت معي ريما
الجد : عبدالرحمن انت مسوي المحزم المليان ؟؟؟ وربي لاقوم عليك واسطرك فاهمممم !!، وبعدين انت يمحمد ماتحس انك صاير ماتسمع كلامي ولا تهتم لي ! من جيت وانت ماغير رافع ضغطي !!!
محمد : يجد طلبوني ولا خليتها فخاطرهم
الجد صاح عليه : تررد علي من اليوم
قاطعته ترف بدموع : لاتصيح عليه يجدي ،، طلعت ترف من المجلس
الجد : ترفف تعالي ماخلصت كلامي لكم جميعاً !!!
ترف بخوف: اسفه
الجد حن عليها : كلامي معك يمحمد من اليوم ورايح ماتطلع الا لما تجي تستاذن لي انت بنفسك مو تخلي لمار والبنات يستاذنون فاهم !!
نايف : كلها وحده
الجد : نايف اذا انت جاي تطقطق انا ماني بطقطق معك احترم الشنب الي على وجهك واسكت احترم الي اكبر منك واعطف على الي اصغر منك
نايف : ابشر يحبيب الكل
سالم : حبيبي انا ابوي انا مو انت
نايف : مو على كيففككك
الجد : عموماً جميعاً بكره راجعين البيت بأذن الله وفيه طلعه بعدها للمزرعه لكن ممكن بعد اسبوع او اربع ايام ماعرف لسى مافكرت ولا ابي حركات الاقي احد مو نايم بالليل طلعات لعب اشياء ماتعجبني ما ابيها فاهمين اعلمكم من الحين !
لانا بدلع : ياعم تطلع بدوني مع سعود والباقين ؟
الجد : لا بنطلع مع بعض كلنا
لانا : الله طلعه ثانيهه شكراً عميي
الجد : العفو
طلعو الجميع ماعادا الجد ونايف ونواف وانس واحمد وسلطان وتركي وسالم وجت الجده
سالم : ابوي بكلمك بموضوع
الجد : ايش موضوعك
سالم : موضوع جدّي ما ابغى طقطقه وكذا
الجد : تكلم يولدي شعندك
سالم : ابي اخطب لي بنت
تركي : بدري ي عم تتزوج وحده بالمتوسط انت ؟
سالم :لا مستحيل اتزوج وحده بعمرك
انس : بدري ي سالم على الزواج
سالم : ماراح اتزوج بس بخطب واملك على البنت
نايف : نظام حجز ! هههههههههه
الجد : ليه ببالك وحده انت؟
سالم : يايبه انت بترفض البنت
الجده : من برا القبيله يولدي ؟
سالم : اي يمه
الجد : ايشش!
سالم : يبه انت تعرف العايله لا تعصب
الجد : ان كانهم عايله نعرفها والنعم فيها ببتزوج واذا لا مافي
سالم بحزن : تمام يبوي
الجد : عايله مين ؟
سالم بتوتر: خويي مالك ابغى اتقدم على سنة الله ورسوله
احمد بطقطقه بس مسوي جدّي: تتزوج خويك !!!!
سالم : حسبي الله عليك اخته اقصد
الجده : سالم يولدي احد معلمك عليهم ؟
سالم : لا بس شفت خوي وابوه واعجبتني شخصياتهم وكرمهم وطيبهم "كذاب يحب البنت "
الجده : بسم الله عليهم بناتهم احسنت الاختيار
الجد : خويك مالك جابر """""""؟
سالم : ايوه يابوي
الجد : والنعم فيهم والله بس اذا بتخطب بنسرع وبنروح بعد بكره لان بعدها نجهز للمزرعه
سالم : لو تبيها اليوم تم
الجد : اثقل ياولد
سالم : ابشر يحبيب سسسسااالم
نايف : وناااايف
سالم: تخسي
نايف : غصباً عنك
الجد : خلاص خلاص ياعيال
سالم : ابشر
دخلت ترف ومعاها دفترها وجلست بالزاويه ك انها تطمن جدها انها بتجلس معهم
الجد : ترف
ترف : هلا
الجد : تعالي قريب عندي
ترف : هلا يجد تكلم ؟
الجد : لو بزوجك واحد من العيال ذولا من تختارين "كلهم كانو موجودين "
ترف :يجد توني على هالكلام
الجد : انا اطقطق معك انتي اختاري
ترف : ماحد صراحه ؟
الجد : شرايك ب انس ؟
محمد طارت عيونه من الكلام
انس : زوجتني بدون رايي
الجد بهمس: شرايك ف هالوغد ؟"بزر"
