دخلت منوه عند ترف بكل هدوء : شلونك تروفي ان شاءالله بخير؟
ترف بصدمه : هاه ايه ايه بخير يروحي اقعدي
قعدت منوه وترف ومنوه تضحك ولا كانه صار شي
وقعدو يسولفوا شوي
ترف : محمد كلم الدكتوره مايمدي اطلع لو نص ساعه انكتمت من المستشفى
محمد : بكلمها رغم اني ادري انها بترفض
دخلت الدكتوره : تتكلمون عني اجل
ترف : ايوه
الدكتوره : ناجل الكلام بعد العلاج لان تاخرنا ساعه المفروض 5 والحين 6
ترف : يالليل
الدكتوره : هذي دقيقه وعاليه وتسبب ضرر للجسم اذا تحركت مكان ثاني ف انتبهي ماعاد فيه اعلى منها
ترف : لااااا على اساس فرقت كلها تقطع تقطيع
محمد : اما عاد
الدكتوره : ايوه
ترف : يرب صبرني
محمد : ويصبرني
الدكتوره : ويصبرني يلا نبدأ ؟
ترف : خلي يدك خفيفه خلصي بسرعه
الدكتوره : من عيوني يلا لفي ولا تشدين على رقبتك
ترف الي تمسكت بيد محمد وببالها تقول اسحب كلامي مو كلهم نفس الشيي
منوه مخروشه من صياح ترف مره مره عالي اول مره تسمعها تصيح كذا حتى اكثر من المقطع الي حق محمد ارسله
الدكتوره : خلاص خلصت والعلاج بيصير كل 8 ساعات مو 6 او 4
محمد : تمام
طلعت الدكتوره وترف للان متمسكه بيد محمد وبصوت ماينسمع : حتى لو انام لا تفك يدي
محمد حاول يسمعها : ابشري
وقعد يقرا عليها الاذكار من الخرشه كيف تصيح كذا بالمغرب ما امدا يخلص الا وهي نايمه طلع جاب لها اكل ورجع
محمد : ترف قومي مايصير كل شوي تنامين وانتي تبكين ولا تاكلين شي
ترف بعدم استيعاب وبحلمها : ليه شفيه
محمد : وشو
ترف : ليه تركوني كلهم مع بعض
محمد : مافهمت
ترف : ابوي وصديقاتي وعمي وعزوز
محمد : وش مين عزوز
ترف بتصريف تسوي نفسها نايمه : مشهور بتويتر
محمد بدا يمسك يدها ويحركها: ترف صحصحي مين ذا انا شعرفني
ترف قامت بس مافيها حيل : هذا ايش
محمد : عشاك
ترف : مابيه بالعافيه عليك
محمد : الا تبينه
ترف : غبي انت كيف ابيه اقول بس وخر بقوم
محمد : يغبييه لا تتحركييين
ترف رجعت انسدحت : طيب
محمد : والاكل حقك ؟
ترف : خله شوي اكله
محمد : اذا برد مو شغلي ترى
ترف : عادي خله
محمد : تمام
ريما : من قديم ماجلسنا مع بعض امشو
طيف : تجيبون اكل امشي ماتجيبو ماراح اجي
شادن : ذي دود تاكل لا تسمن ولا تشبع
طيف : اذكري الله
شادن : على شنو
طيف : جمالي
شادن : اح يالثقه
ريما : اخلصو شتبون نوصي انس او احمد يجيبون
طيف : تسوين خير لقشيتي لي كل البقاله
ريما : يرب صبرك
طيف بابتسامه : امين
سالم : شدعوه ريما ماتبيني انا اجيب
ريما : ماتوقعت انك بتوافق
سالم : قد رديته بخاطرك
ريما انحرجت : لا
سالم : بكلم ابوي اوديكم
ريما : وش ذا العم البطل
سالم : الحين بطل لنزلتو من السياره واخذتو الي تبون جحدتوني
ريما : ولا وربي مانجحدك
سالم : بروح اكلم ابوي يمكن يرفض
ريما : تمام
منوه تتواصل مع ترف بالجوال : اجيك ؟
ترف : محمد عندي ترى
منوه : عادي
ترف : تمام تعالي
دخلت منوه على ترف : اهليين من قديم عنك ماقعدنا سوا
ترف : اي وربي اشتقت لك
جلسو يسولفون ومحمد على جواله : انا بروح للدكتوره شوي واجي
ترف : ليه
محمد : ماتقولين استاذن اطلع شوي
ترف : اي صح تمام
محمد طلع
منوه : تغيرتييي متعوده عليه
ترف : شسوي مجبوره
منوه : صادقه والله
وقعدو يسولفون
محمد : عادي طيب اطلعها شوي وارجعها؟
الدكتوره : اي بس تنتبه لها ولا تخليها تحرك رقبتها كثير
محمد : كم معي وارجع
الدكتوره : بالكثير ساعه
محمد : تمام يعطيك العافيه
رجع لترف : تقول تمام بالكثير ساعه
ترف : والله !؟
محمد : ايوه
ترف : يحمسسس
محمد : اخليك مع منوه بروح اكلم واجي نطلع
ترف : تمام
راح محمد يدق على ريما
ريما : هلا
محمد : وينس فيه
ريما : توني راجعه من البقاله
محمد : مع من
ريما : سالم وعبدالرحمن والبنات
محمد : اجهزي بمرك اخذك بنطلع انا وانتي وترف ومنوه
ريما : والله !؟
محمد : ايه باخذ لكم قهوه ونتمشى شوي ونرجع نغير جو عليها
ريما : طيب شتبي فيني رح انت وياها بس انا عندي جمعه مع البنات
محمد : ترف صح متعوده علي بالمستشفى بس لو بطلع معاها بيصير صمت بيننا ابغاك تجين تهرجين فوقنا
ريما : اها اجل الموضوع كذا
محمد : ايييي
ريما : قل لها تكشخ بتصور معاها
محمد : يا بعض الشروط الي مالها سنع
ريما : بتقول ولا اسحب عليك
محمد : بقول بقول خلاص
ريما : شاطر اخوي
قفل محمد ورجع لعند ترف وسمعها
ترف : ماعاد تفرق معي مين يكون هو ولا امي اهم شي شخص يهتم واحترمه ويحترمني
منوه : قولي وقعتي بحبه بسوي مسلسل
ترف : يمدحون الكف
دخل محمد عليهم : ريما تقول اكشخي بتصور معاك
ترف : انتظر هالكلمه من قديم يلا اطلع وانا بخلص
طلع محمد
منوه : قربي من قديم ماحطيت لك مكيب
ترف : والله صادقه اصلاً انا بنفسي ماذكر متى اخر مره حطيت
منوه : بحط لك ايلاينر ومسكره عشان النقاب وروج وقلوس وبلشر احتياط اذا قالت لك ريما فكي النقاب
ترف : تمام خلصي بسرعه
منوه : انا اسرع وحده
قعدت تحط منوه وخلصت وجابت المرايه : شوفي
ترف : كيوتت ميمي شكراااً
منوه : كف قسم بالله لا تشكريني
ترف : حياتيي
منوه فتحت الشنطه لقت مناكير واساور : حركات ليه جايبتها
ترف : ذي حاطتها بالشنطه من ملكة شادن ماطلعتها للحين
منوه : حطييي
ترف : لا ماني حاطه مناكير تشم على الجرح بحط بس خواتم واسواره
منوه : صح مافكرت بس شجابت لك شادن
ترف : قلت لها جيبي لبستين لعلها قشت الملابس
منوه : ههههه ليه
ترف : جابت فستان و بنطلون 2 و 3 تيشرتات وبجامتين
منوه : ليه جايبه فستان ؟
ترف : قالت اخر يوم البسيه وتعالي للبيت فيه واكشخي وكذا وانا لبسته لما عورتني رقبتي وتبت البسه فالمستشفى
منوه : جابت تيشيرتك الابيض ؟
ترف : اي ذا شي اساسي
منوه : خلاص البسيه مع البنطلون اسود
ترف : اي ذا الي ببالي لانه اكثر شي يريح تحت العبايه
دخل محمد : ماصارت
ترف : اطلع بغير لبسي
محمد : للحين ماغيرتي من اليوم شتسوين !؟
ترف : مو شغلك اطلع
محمد : افف طيب
