"ترف ماكانت تقصد انسان !"
عاد الاستوري اكثر من مره ! ولكن خذلته دموعه ونزلت وكان بينهار دموعه مستحيل تنزل دموعه عشان حب ! طلع من المكان واخذ سيارته وتوجهه للبر بعيد عن الناس وكان منهار ويبكي بشده معقوله 17 سنه حب طفولي فالنهايه حبت غيره بسهوله انهار وقام يضرب بالتراب بشده وكان وده بس يقوم ويضرب نفسه ويذبح نفسه لكن رده عذاب الله اذا هذا عذاب حب ف كيف عذاب الله اني عصيته ! وكان يفكر ويستهدي بالله
عند ترف الي طلعت وراحت للبيت وكان الفجر دخلت وصلت
دخلت ريما على ترف : مانمتي؟
ترف : لا ماجاني النوم
ريما بخوف : شفتي محمد؟
ترف : لا يمه شفيك
ريما : اءء مالقيته بالمجلس من الساعه 2 وهو طالع والحين5 مستحيل ماخاف من جدي ورجع
ترف : تلقين الهته السوالف مع العيال هدي ونامي وقومي الظهر وبنلقاه ان شاءالله
عند الجد والعيال
الجد : محمد وينه ؟
نواف : شفته الساعه ثنتين طالع
الجد : للحين مارجع ؟
نواف : لا
الجد : نويصر دق على اخوك
ناصر دق محمد : جواله مغلق
الجد : يوهه يالوراعين يطلعون ويقفلون جوالاتهم اخمدوا "ناموا" الظهر ان مارجع ندوره
عند محمد الساعه 2 الظهر قام من النوم وراح لمسجد قريب منه وصغير واضح قديم ولقى واحد يصلي فيه : لو سمحت فيه دورات مياه هنا ؟
الرجل : ايه فيه
محمد : يعطيك العافيه
راح محمد يتوضى ودخل يصلي مع الرجل وخلص ورجع لمكانه وطلع عزبته وجاب فرشه واريكه شعبيه ومركا وبدأ يسوي شاهي وكان دايخ بمعنى الحرف واخذ له ماء وشربها وقطع العلبه بكل عنف
عند الجد والعايله
الجد : اخر مره شفتوه متى ؟ وكيف كانت نفسيته
انس : اخر مره شفته يهرج مع ريما
الجد لف على ريما : وش كان يقول
ريما : كنا نتكلم بموضوع ما وكان يضحك بالنهايه عصب بعدين قال بيروح لخويه
الجد : وش هو الموضوع
ريما : اعذرني يجدي والله ماقدر محلفني هو
الجد : موضوع حساس ؟
ريما : نوعًا ما !
الجد : طيب احد يعرف اخوياه هنا ؟
سلطان : اعرف عيال الجلسه حقتهم
الجد : رح لهم واسألهم متى اخر مره شافوه قبل يقومون نوره وفيصل بسرعه روحوا لاخوياهم واسألوهم عنه
سلطان : ابشر
راح سلطان ونواف للجلسه حقت اخوياء محمد
سلطان : السلام عليكم
العيال : عليكم السلام
نواف : كيف حالكم
العيال : بخير ، تمام
نواف : اخر مره شفتوا محمد متى ؟
سلمان : يوهه اخر مره جاء قبل يومين او ثلاث
سلطان نظارهم بخوف : يعرف احد غيركم !؟؟؟؟
فهد "متعلق بمحمد : محمد صاير له شي ؟ بعدين مايعرف غيرنا
سلطان : مالقيناه من امس الساعه ثنتين
فهد يناظر سلمان معقوله سواها : اءء متاكدين مو بالبيت!
نواف : اقولك كسرنا البيت ورجعناه حبه حبه مالقيناه وطالع وهو منفس بعد
فهد بصراخ وانهيار : ابد بس سواها الكلب
نواف يناظر ب استغراب وخوف : وش سوا
فهد : ماسوا شي الحبيب امشو ندوره
عند محمد فتح جواله تذكر ابوه لقى رسايل كثير رغم الاتصال خفيف ارسل لريما : تراني بخير لاتخافون بس ماراح ارجع قريب
ريما ردت على طول : محمد وينك ؟ ندورك من اليوم
محمد : ابغى راحه من العالم ! قولي لهم محمد بخير امي وابوي لا يخافون علي
ريما : حمود بكلمك
محمد : لا النت عندي ماش خلاص بقفل الجوال
عند ريما الي راحت للجد
ريما : جدي محمد ارسل لي !
الجد : وينه ؟
ريما : قال لي انه بخير لكن ماراح يرجع قريب يبي يرتاح من الناس
الجد : وش يقول ذ
ماكمل كلامه الا جاه اتصال من محمد
الجد : الو
محمد صوته بايح مايقدر يتكلم كثير : هلا
الجد اول مره يخاف كذا : محمد ابوي فيك شي ؟ وينك به
محمد : مافيني شي يجدي لا تخافون انا طالع للبر باخذ فتره وارجع يجد لا تضغطون علي تكفون خلوني تكفون بس فتره وارجع
الجد : ليه يابوك من مضايقك ليه رايح للبر الي يضايقك جدك وابوك واخوان وعمانك وعيالهم سندًا لك
محمد بخاطره خلوها تضايقني فداها بس لا تحب غير : ماحد مضايقني يجد بس ضغوط الدنيا برجع بالعيد ان شاءالله
الجد : اوففف بالعيد بتقطع عننا خمس شهور يمحمد لا اتصال ولا اشتياق
محمد : يجد بعد الخمسه ذي بعوضكم بفواتها "بدا صوته يقطع " بس الحين برتاح
الجد : تمام خل جوالك شغال لقاموا امك وابوك يكلمونك
محمد : تمام
الجد : استودعتك الله
قفل محمد والجد دق على نواف
نواف : لقيتوه ؟
الجد : دق علينا تعال جاي ونعلمك
نواف : اخوياه معاي يبون يعرفون شصار عليه
الجد : طالع للبر يبي يرتاح فتره
نواف : سمعتوا قلت لكم انا اعرف محمد "بصراخ " انا اعرفه خوفتوني وش الي انتحر هو يخاف من ربه !
فهد : اعذرني لكن هو الي كان يقوله لي وانتم فجعتوني داخلين كانكم مباحث
سلطان : عمومًا الحمدلله وانا رايح للبيت تبون اوصلكم على طريقي ؟
سلمان : تسوي خير والله
ركبوا العيال السياره وراحوا مع نواف وسلطان الي وصلوا للبيت
عند نوره وفيصل الي كانوا يسألون عن محمد
الجد : والله حاولت فيه ورفض بصره "بكيفه" هذا العمر يحتاج فتره ينعزل بها عن البشر
نوره : لكن انا ابغاه ! بكلمه
الجد : كلميه لكن بيرفض
نوره : تالين قومي جيبي جوالي
نواف وسلطان : السلام عليكم
الجد : عليكم السلام وين رحتوا
نواف : رحنا لخوياه قالوا شافوه قبل يومين امس ماراح لهم
الجد : خلاص هو كلمنا
قامت نوره وراح معها فيصل للمجلس
نوره : الو
محمد : هلا
نوره : هلا يبوي وينك وشفي صوتك كذا
محمد : يمه انا فتره وارجع وتوني قايم صوتي لك عليه
وكملت المكالمه بين نوره وفيصل ومحاولاتهم وتواصل رفض محمد انه يرجع وانتهت المكالمه
