السلام عليكم ورحمة الله وبركاته ...
اعتذر عن التأخير والقطعه الي صارت حقكم علي والله بس والله اني تعبت نفسيًا مابغى الا انكم تدعون لي وتعذروني اذا قطعت ف اي وقت ممكن ف أي يوم انزل بارت وانقطع بعدها واعتذر لكم جميعًا..
........................................................
اخذوا القهوه والحلا وطلعوا برا ورا وطبعًا ماحد يجي ف عشان كذا ماخذوا عباياتهم
ترف : اففف اشغلني شعري من الهوا معك مغاط؟
ريما : اي معي الحمدلله على نعمة الشعر القصير
ترف : ناويه اقصه
ريما : عشان ينجن محمد ل وين تقصينه
ترف : يعني لوين ؟ لكتفي طبعًا
ريما : يمهههه ي المخاطره تكفين لااا شعرك حلو
ترف : خليه بعدين ذا ماهو الحين بس لي مده ماشفت غزلان وخويتها
ريما : جايه اليوم حتى لانا ماشفتيه !
ترف : ماشفتهاا شلون لبسها
ريما : تهبيي لبسها يهبل وحاطه عشرين طبقة ميكب وجهها مو كانها لانا الي نعرفها
ترف : طيب شنو لبسها اوصفيها
ريما : شعرها فاكته مسويته ويفي ولبسها اسود ماسك مره يهبللل يفتح النفس ماعمري شفتها كذا حتى جرائتها باللبس غريبه مو لانا الي اعرفها
ترف : تحمست تكفين قومي ب اشوفها اذكر كانت تعيد بقرنين وبعدين الهواء قوي خلينا ندخل
ريما : يلا قومي
راحت ريما من باب غير عن الترف عشان تحط القهوه بالمطبخ والترف راحت مع الباب الي بجهة الحريم شافت رجال معطيها ظهره وقبله بنت نفس وصف ريما
ترف بعقلها : اصدمني يعقلي وقول هذي لانا بس مين الي قدام !
لانا : حموود
ترف تخبت وراء الجدار بتشوف نهايتها معهم ومحمد لف وعينه بالجوال : نعم !
لانا بتمثيل دموع : طيب على الاقل ناظرني انا طول عمري ادعي تكون من نصيبي وحاولت بكل الطرق انك تحبني حبيتك بكل طاقتي بكل شي لكن انت رحت لوحده قلبها ماهو معك رحت للي مايحبك وتركت الي يحبك ومتعلق فيك كل يوم اندم اني ما اعترفت لك وكل يوم ادعي الله ان يعطيك شعور الحب الي بقلبي لك لكن يكون بقلبك لي حمود والله باقي امل والله للحين احبك تكفى لاتكسر بخاطري
رفع عينه يناظرها انصدم مو ذي لانا الي اعرفها الشي الوحيد الي عرفته الصوت بس ! : انا ماطلبت منك تحبيني حبيتني ماحبتيني بكيفك لكن بالنسبه لترف ماتكرهني وانتي طول توضيحاتك كانت فاشله وحركاتك غبيه اعتذر اني علقتك فيني لكن احس خلاص كل شي واضح
لانا عرفت ان ترف موجوده وقامت تكذب زياده :حمود انت كنت تحبني ! بس غلطت غلط صغير حطيت بعقلك ترف عشان تنساني ادري انك مو حابه من قبلي لكن حاولت توهم نفسك انك تحبها من الصغر وحب طفوله لكن اعرف ان كل هالحب وهمي ومجرد مؤقت وبترجع لعقلك وبتستوعب انك كنت فاشل وتذكر لما كنت تقول ان الترف غبيه ومريضه نفسيًا وتقول برضو انها تاكل علاجات نفسيه وحبوب ومو تتصنف لانسانه طبيعيه تذكر لما كنت تقول لو انها تموت احسن لها؟ وكل مره تسبها والحين تقول احبها مو كلامك هذا احد لاعب بعقلك ياحمود
عند ترف بعد ماسمعت هالكلام ماعطت اي مجال تسمع تبرير محمد على طول راحت لباب الثاني ودخلت دورات المياه وانهارت لين تقطع قلبها وكل ماهدت تذكرت كلامها معقوله ! ماخذها عشان ينساها وش دخلني طيب وش ذنبي يوهم نفسه بالحب هذا بعدين اذا قدرت تجيب راسه راح لها وسحب علي مايهم هذا كله ليه يعايروني باني اكل حبوب
