عند محمد كان يروح يجيب اكله من السوبر ماركت وياخذ احتياجاته كل نهاية اسبوع ويرجع وكان يداوم ويرجع للبر ماكان يقابل اهله ابدًا كان معه فهد الي لا دوام ولا دراسه ولا شي متمسك بالديره وعاداتها وتقاليدها وهو وسلمان الوحيدين الي يعرفون بحب محمد من بعد ريما واخوانه واخوياه الباقين يعرفون انه يحب بس مايعرفون منهي البنت
محمد : فهد بالله تطلع تجيب لنا اغراض ؟
فهد : من عيوني بس بنادي العيال معي وتسمعنا من قصايدك
محمد وده برفض لكن مايقدر : ابشر
راح فهد ورجع ومعاه سلمان والعيال
فهد : سلمان اخذ العود ولحن
سلمان : سمعنا ي ذيب
محمد :
بين الناس لكن بينهم واشكي من البين
اسولف لنفسي كنّ ما فـ البلد دوعي
ماغير افتح ازراري واشوف الهوى من وين
ولاشفت الهوى من وين نطّحته ضلوعي
علشان تطفي جمرةً قد لها سنين
لو الماء يطفّيها ماشحيت بدموعي
كثر ماخفق قلبي من الشك والتخمين
لو ان فوقه جبال الهدا ماهدا روعي
تراوحت اصواتهم مابين صح لسانك ، الله الله ، الله عليك ،ومن هالكلام
فهد : عطنا وحدةً ثانيه
تنهد محمد :
قالوا علامك كل ما حل طاريه
تنسى البشر حولك وتذكر خياله
قلت انشدوا القلب ليا غاب غاليه
قلبٍ تعب من الشوق ياويل حاله
قالوا علام القلب متولعٍ فيه
دوّر لعل القلب يلقى بداله ؟
قلت الغلا ماهو بـ على كيف راعيه
لو الغلا بالكيف قلنا حلاله
بندر : منهي الي تحبها نروح نذبحها كل هالداويون فيها
ابتسم محمد : الداويون كلها تفداها
مازن : حمود من فين تجيب هالكلام
محمد : من وين تتوقع
مازن : مادري يلا سمعنا محمد عبده
فهد : يدبل تسبدييييي مازن لاتخليني اقلب عليك
محمد حضن مازن : يويلي عن ولدي علامك عليه
فهد : جداوي اصل
محمد : احترم ولد خالتو بس
مازن : اعزمني عند عمانك
محمد : ابشر بس خلني لرجعت عزمتك
سلمان : استاذن برجع
زايد : اجلس ي سلمان شوي
سلمان : وربي فيني نوم ووراي ابوي بكره والعزبه
عبدالله : دام فيه روحه كلنا نروح يلا قوموا
راحو العيال وقعد محمد لحاله ويهوجس ويكتب قصايد :
لا غابت الملهمه ما عاد عندي قصيد
وراسي عن الشعر والشعّار ، سجّ ولهىَ
وان عوّدت قلت وين اللي يبون الجديد؟
قصايدي كلها فيها .. وكلّي لها
كانت هذي شغلة محمد يكتب قصايد
تسريع الاحداث بعد مرور 5 شهور
اخر يوم رمضان بالليل مر رمضان مرور الكرام ومرت الايام طبيعيه وتكراريه كانوا الكل في بيت الجد وكان فيصل وزوجته وبناته وعياله ينتظرون رجوع محمد الي قال لهم كان الكل يتجهز والكل يتضارب على دورات المياه والي يبي يودي ثوبه الكواي وهوايش لا نهائي
سلطان : طيف ثوبي وينهه
طيف : مادري
سلطان : دوريه جيبيه بسرعه
تركي : طيف الكبك حقي وينه
طيف : عانه"شوفه" فالمجلس فاللعلبه حقته
تركي : مالقيته
طيف : دقايق
جت طيف وشايله الثوب حق سلطان
تركي : ماشاءالله من متى لابس الكبك
سلطان ابتسم : قديم
تركي : طلعه
سلطان : هيه لاتنسى حقي انت مضيعه
جت غاليه : سلطان امسكه حقك وطلع حق اخوك يالله
سلطان باس راس امه : شكرًا يروحي
وبدات الهوايش ترجع وتزداد بين العيال والاطفال
