وتلاشت ضحكاتهم على صوت جدهم وكل واحد هرب ريما وترف وطيف السطح والباقين راحو للباب الخلفي لكن لسوء حظ سلطان ونواف ومحمد الجد صادهم ووقفهم : وش مطلعكم وانا ماني قايل لكم لاحد يطلع ماقلت ناموا!
محمد : اءءءءء
نواف : نشيل الـ A ونحط الـ M
الجد بعصبيه : نواف اذلف للزاويه ذيك لا اقوم وامحطك بالعقال
نواف : شدعوه ماطلبت شي
جاء الجد مسك راسه ورفعه : ارفع راسك وارفع رجلك اليسراء ويدينك "اشر لمحمد وسلطان الي يضحكون" وانت وياه انقلعوا كل واحد "وصرخ " بزاوييييه ويسوي نفسه
راح محمد بزاويه وسلطان بزاويه ونفذوا اوامر الجد
محمد : انا سهران ولا ناسي الواجب
الجد : اص ولا كلمه كل شوي ب امّر عليكم اشوف الوضع فاهم انت وياه! وطلع
ونزلو البنات يضحكون عليهم ودخلو وشافهم الجد بس ماعرفهم كان ينادي : يا بنت يابنات
انحاشوا وراح عند العيال : من الي دخلوا الحين ؟
نواف منقهر منهم : الشيخه ريمتي والشيخه تروفه والشيخه طيوفه
الجد : ترى بضربك بالخيزرانه اهرج زين
راح الجد داخل يناديهم وطلعوله برا بالحوش : وين كنتوا قبل شوي
طيف : تبي الصدق ي جدي كنا نلعب بسوني محمد قبل شوي من ساعه
الجد : لايشيخه انتي وياها
محمد : اي اكذبي اصلًا السوني خربان
طيف ابتشلت وساعدتها ريما : تقصد البي سي اساسًا مو السوني
طيف ابتسمت : تو ادري انه اسمه بي سي
محمد : اقول معنا معنا كلنا ندري انكم تعزوزون لبعض الا انتم
طيف : يجد شف كيف
الجد : حتى ولو كذابات الرسول اوصى بالنساء ماقدر اقصى عليهم
سلطان انقهر : وانا شذنبي
الجد : ابوي كان مايضرب البنات كان يضرب العيال بس وانا ما اضرب بس اعاقب العيال والبنات نوعًا ما ! لكن اليوم شكلكم تبونه عقاب جماعي *مسك البنات ووقفهم على الجدار كل وحده ف مكان " ولا احد يتحرك فاهمييين!
هزو روسهم بدوخه من النوم
ترف كانت قريبه من ريما شوي : شرايك نجيب فرش ؟
ريما : تبين جدي يذبحنا؟
ترف : لا والله نقول رايحين دورات المياه
ريما : وحده تروح انا او انتي
ترف : انا اعرف اتصرف
راحت ترف تحت انظار العيال مستغربين وين راحت
محمد صوّت لريما : وين رايحه ذي تبين جدي يذبحنا كلنا
ريما : مالك دخل وارفع راسك
محمد رماها بالحجر : قلة ادب
عند ترف قابلت الجد : وينك رايحه
ترف ماسكه بطنها وتبين انها مستعجله : ابي دورة الميياه
الجد : طيب روحي بسرعه
ترف راحت وكانت تناظر الجد دخل المجلس ومسكر الباب ودخلت المطبخ اخذت كيس كبيير وحطه فيه فطاير وثلاث كاسات شاهي واخذت كيس ثاني اكبر منه بكثير وراحت الغرفه شافت البنات نايمين ودخلت بهدوء واخذت وسَائِد صغيره واربع فرّش وطلعت مع الباب الخلفي وكانها ناقله
ريما شافته : يويلللييي ايش هذاا؟!
ترف : انا جوعانه وابي انام
ريما : طيب جدي !
ترف : ماراح يقول شي
طيف : اهم شي فيه بليع ؟
ترف : جبت شاهي وفطاير خلونا نحط لنا هنا فرشنا واغراضنا وانا جايبه فراش واحد زياده لما يجي الجد ننطله فوق الاكل وننسدح كننا نايمين
طيف : تبين نموت شنقًا ولا صفقًا
ترف : بتجين حياك مانتي جايه الله يستر عليك
طيف : لا والله فيه اكل بجي
ريما : اقوللل امشو اخلصوا
رتبو زي ماقالت ترف وقعدوا ياكلون والعيال يناظرونهم ب استغراب ايش فن اللامبالاه هذا
محمد : ايش هالجراءه مو خايفين جدي يهاوش ؟
سلطان : شكلهم مايعرفون جدي ل عصب عصب
نواف : يعيال فيه اكل بروح اكل معهم
سلطان : اعقل بس
محمد : تبون نطلع على سيارة ناصر؟
نواف : لا انا ببقلب دبيحه من نصوري
محمد : يالليل الدفش ترى عادي بس لازم نعبي له بنزين قبل نرجع
سلطان : تمام يلا انت روح جيب المف
ماكمل هرجته الا والجد داخل ونفسيته بخشمه : وشش هالازعاج ! بعدين ماقلت كل واحد مكانه
استغلوا البنات الوقت والجد يهاوش العيال وشالوا الاغراض وسوو نفسهم نايمين ، لف الجد عليهم : ذولا حيين ولا ميتين ؟
محمد : مندري والله
الجد : اعقب انت
قرب الجد شاف ترف كانها متعمقه بالنومه وريما كانها توها نايمه بس طيف مبتسمه ومغمضه عيونها : لا يشيخه فيه احد ينام وهو مبتسم
طيف سااااكته
الجد لف على العيال : لا اسمع ولا نفس ولا صوت فاهمين ولا لا
سلطان : طيب اح
قاطعه الجد : قلت لا اسمع ولا كلمه
راح والعيال مغبونين من حركته
نواف : خير هم عادي واحنا لا
محمد : امش جاي
نواف قرب لمحمد وحط راسه على رجله ومحمد رجع للجدار وثبت راسه عليه وسلطان انسدح على بطن نواف وناموا نومه عميقه وكانت الساعه 4 تمامًا
الساعه 5 طلع الجد ولقاهم كلهم نايمين وقوم الجده وشافت البنات ودخلتهم وطلع على العيال : بتقومون ولا بالخيزر... ؟
ما امدا كمل جملته الا كلهم ناطين وكمل الجد : صلوا وابيكم بالمجلس
كانوا العيال يضنون انه بيهاوشهم لكن للاسف ماراح يهاوشهم راح يسوي شي مايعجبهم
عند الجده : وش منومكم برا ؟
ترف : سالفه طولها بعرضها
الجده : طيب وش
ريما الي تدوخ : نعلمكم لقمنا والله مانمنا الا متاخر
الجده : تمام صلوا وناموا
دخل محمد على الجده وباس راسها وانسدح على رجولها : يوه يجده يالتعب كله فوق راسي ابي انام
الجده : نام طيب اهم شي صل ونام
محمد : جدي يبينا بعد شوي
الجده : وش مسوين انتم !
